اعادة اختبار الانجليزي تحت عنوان ( رســــــوب جــــمــــــاااعـــي )

[read]

المشاركة الأصلية كتبت بواسطة آسـfـف

احلى شي في نموذج E جايب سؤال واجابتين تتشابه طيب ياحبيبي اختار اي وحده منهم حطيت الاولى وعلى الله

الفرق بين الكلمتين حرف

[ღ الليدي ساره ღ]

اول شي ولد عمي اسف تكفى غير الصورة الرمزية لاعت كبددددددددد كبدددددددددددي
ثاني شي بقول بعض الدكاترة للاسف مرضى نفسيين يتشفون في تعذيب الطلبة الانجليزي في حل عند المحاسبة اليوم
مااقول الا حسبي الله ونعم الوكيل عليكم يالثلاثي الجهنمي حسبي الله عليك يالنجار الى قيام الساعة وعلى الطاهر الظلما والاسطى عطية
والله اني لا احللهم في حقوقي وصحتي وظروفي وتعبي وسهري اللي راح هدر بسبب اسئلتهم اللي هم اصلا حاطينها بالغلط ومايعرفون يحلونها
وكلهم من ضمن اللي كان لهم في المحتوى اغلاط ورجعوا صححوها وكلهم مضيعين الطاسة بالشرح
وكلهم من ضمن اللي نصبوا علينا وقالوا بنجيب من التمارين واختبر نفسك وراحوا يتفلسفون باشياء خارجة عن النص والقدرات والوقت
الوقت ساعة ونص يروح بتسجيل البيانات ثم يقطعونه بتوقيع الحضور ثم يقطعونه بالبصمة ثم يقطعونه بالتشييك على المعلومات المسجلة والتشييك على الهوية وكأننا في معسكر جيش
عطية ذا حاط 99 % من الاسئلة مسائل مدري وش هاليابانيين اللي يدرسون عنده بيطقطقون المسائل بخمس دقايق
وليتها اسئلة تنهضم مثل اللي بالتمارين الا لف فيها ودار مثل صديقه المظلم النور لين قالوا ىمين
الظلما غاسلة يدي منه ومن شرحه لكن الشرهه على عطية اللي امس رد علينا وقال نفس النماذج واختبر نفسك لين حفظنا كل تمارين المحتوى مثل اسمنا وتدربنا عليها تاليتها سوى فينا هالسواة
واخيرا الضرب بالميت حرام لكن بقول للاستاذ عطية كلمة اذا انت غدرت فينا وزعلان ومقهور من تسرب الاسئلة حط حرتك في النجار صاحب القرار واخطائه هو اللي حشرك تعيد الاختبار والا لو الود ودنا مانبي نشوف خشة مناهجكم مرة اخرى وفراقكم عيد وهذا غيض من فيض وحسبي الله ونعم الوكيل

[ღ الليدي ساره ღ]

صح ونسيت لااطلع باقي حرتي ترى تصعيب الاسئلة مو من الاساتذة هذي توصيات ميتشل كبيرهم الذي علمهم السحر
هو اللي قايل لهم عشان نص دفعه تنجح والنص يرسب ويعيد ويدفع والحسابة بتحسب حق سفريات الصيف ودفعة جديدة من اللعيبة من الصف الاخير توصل لمطار السعودية
مدري شيقرب لهم كحيلان على تنقيه للمتردية والنطيحة
لكن ان شاء الله ينقلب السحر على الساحر والله يزلزل الارض من تحتهم ويجيب لنا ادراة سنعة مثل الاوادم
اليوم طلعت من الاختبار للادارة اهاوش واسب وادعي واتحسب عليه وعلى نقار الخشب ورد الدكاترة
تستاهلون ليش تسربون الاسئلة قلت لها لعنبوا ابليسكم مادرينا بالتسريب الا من الخرابة السكراب حقكم كهف المشعوذين الهلاك بورد
قالت شنسوي بعد الخير يخص والشر يعم
قلت عسى يعم عليهم الشر هم لانهم هم بروسهم شر والله اني اتحسب عليهم بالدقيقة والثانية
وتلاقون اغلب الادارة متسدح بالمنتدى يقرا الردود وقهر الطلاب وسايح على بعضه من الوناسة والضحك
اقول لهم لكم مني شخصيا سوير بنت عبدالله ساكنة في حي الجامعة دعوة بين كل صلاة واقامة عسى الله يوريني فيكم يوم ويشفي قهر وغل كل الطلبة منكم يارب ياكريم

[عالم حمودي]

والله احس ان في سر غامض ورى اللي يصير بالجامعه ياناس اللي يصير شي خيالي

مايصدقه العقل وين كانت الجامعه قبل سنتين اول ما ابتدى النظام هذا ويين صارت اليوم شالسالفه

بالضبط الموضوع مفروض ماينسكت عنه

[ღ الليدي ساره ღ]

المشاركة الأصلية كتبت بواسطة شمالي بطل

سؤالي جاني بالأنجليزي يقول من الي يقطف التوت كل صبح


العم جون

او الاطفال

حطيت الاطفال

اجابتك خطأ

الاجابة الصحيحة هو : النجار هو اللي يقطف خمس ميات زرق من جيوبنا كل ترم

[تسآهيل]

المشاركة الأصلية كتبت بواسطة ღ الليدي ساره ღ

اجابتك خطأ

الاجابة الصحيحة هو : النجار هو اللي يقطف خمس ميات زرق من جيوبنا كل ترم

صح اني قافله معي من اختبار امس

بس هالرد فك الوضع شوي هههههههههههههههههههههههههههههههه

تتسهل ان شاء الله يالليدي وماينزل من المعدل واجد

[عالم حمودي]

هههههههههههههههههههههههههههههههههههههههههههههههههه هه

والله كلامك والله اعلم قد يكون صحيح بطريقه مباشره او غير ماشره

يالله

[ღ الليدي ساره ღ]

ربك يسهلها ياتساهيل والله يجعل لنا من اسمك نصيب ياكريم
مانبي لهم معدل لو نسلم باعمارنا من الرسوب والا المعدل محد طق له خبر في هالترم
انا كل ماجاني احد يسالني عن التسجيل بالجامعة قلت له انحش عض ثوبك ترى يسوون فينا كذا وكذا
وادارة فاشلة ويمصون دمك وفلوسك وصحتك ولاتستفيد منهم شي وماقصرت في كل المواقع والمنتديات وفيس بوك وتويطر على قولة احلام
وعلى فكرة اذا انك متبطح بالمنتدى يالنقار وتقرا ردي حبيت اقولك حريمتك والله ماتفرح بفلوس الفقارى
واحنا ندور على جامعات تعادل وعن قريب الكل بيطفش عن هالجامعة النحس وبنطير ونخليك
ونفتك من خشتك وصبرك علينا شوي والله لانخليك براسك تدور بالقاعات وتوزع اوراق الاختبار لحالك وتصعب وتسهل لحالك وتهلوس لحالك عسى ربي يسمعني عنك خبر حلو هالصيفية
وانت رايح ماترجع ان شاء الله

[الطرف الخجول~]

المشاركة الأصلية كتبت بواسطة ღ الليدي ساره ღ

صح ونسيت لااطلع باقي حرتي ترى تصعيب الاسئلة مو من الاساتذة هذي توصيات ميتشل كبيرهم الذي علمهم السحر
هو اللي قايل لهم عشان نص دفعه تنجح والنص يرسب ويعيد ويدفع والحسابة بتحسب حق سفريات الصيف ودفعة جديدة من اللعيبة من الصف الاخير توصل لمطار السعودية
مدري شيقرب لهم كحيلان على تنقيه للمتردية والنطيحة
لكن ان شاء الله ينقلب السحر على الساحر والله يزلزل الارض من تحتهم ويجيب لنا ادراة سنعة مثل الاوادم
اليوم طلعت من الاختبار للادارة اهاوش واسب وادعي واتحسب عليه وعلى نقار الخشب ورد الدكاترة
تستاهلون ليش تسربون الاسئلة قلت لها لعنبوا ابليسكم مادرينا بالتسريب الا من الخرابة السكراب حقكم كهف المشعوذين الهلاك بورد
قالت شنسوي بعد الخير يخص والشر يعم
قلت عسى يعم عليهم الشر هم لانهم هم بروسهم شر والله اني اتحسب عليهم بالدقيقة والثانية
وتلاقون اغلب الادارة متسدح بالمنتدى يقرا الردود وقهر الطلاب وسايح على بعضه من الوناسة والضحك
اقول لهم لكم مني شخصيا سوير بنت عبدالله ساكنة في حي الجامعة دعوة بين كل صلاة واقامة عسى الله يوريني فيكم يوم ويشفي قهر وغل كل الطلبة منكم يارب ياكريم

صادقه بكل كلامك والله

بس شدخل كحيلان بالسالفه
وه فديييييته هو وعلكته

والحمد الله مااخذت الانجليزي ولا جبت العيد عاد حلوها محاسبه وانجليزي

[طلول]

الهدف الاول والاخير هو خدمتكم ياحبايب قلبي وتسهيل أموركم
صدقتوا تذكرو كلامي هذا
ههههههه
المساله ماديه والهدف الاول والاخير هو استغلال حاجة الملايين من الشعب وحاجتهم للشهاده لانشغالهم بالاعمال وغيرها
الهدف الثاني والاهم هو جمع كم مليار خلال 6 سنوات وبعدها تخرجو وخذو شهاداتكم وصورو معها سوف تصيرشهادة هذه الجامعه كأنها شهاده متوسط
والاياااااااااااااااااااااااااااااااام بيينااااااااااااااااااااااااا