اعادة اختبار الانجليزي تحت عنوان ( رســــــوب جــــمــــــاااعـــي )

[منتسب بس منتشب]

بسم الله الرحمن الرحيم وبه نستعين على كل ظالم

ياجماعه اختبار الانجليزي اليوم تعجيزي وطويل وممل وصعب جدا

ليه احنا وش ذنبنا اذا واحد عديم الامانه سرب الاسئله ليه الشر يعم ؟ بعدين ابي اعرف الاخ مدرس الماده جايب اساله يعاقب الطلبه فيها عشان اسئلته تسربت ولا وش الموضوع بالضبط؟؟؟ وش هالنظام هذا مو منطق ولا اسلوب تدريس هذا ظلم واستهتار باموال وجهد ووقت طلاب لا ذنب لهم في ما حصل (ياخي عيد الاختبار بس جيب اسأله على نفس مستوى الاختبار الاول) مو 3 قطع في اختبار واحد وجمل بفراغين ومدري كيف التعجيز اللي في باقي الاسأله قطعتين ويادوب نخلصها مع انتهاء وقت الاختبار جايب 3 قطع ليه؟؟؟ هذي الاعاده اسمها (رسوب جماعي) بالبند العريض.


اقسم بالله بهذا النظام والقانون والجزاء لطلبه لا ذنب لهم فإن جامعة الملك فيصل في نظام الانتساب المطور بالتحديد اثبتت بأنها جامعه فاشله ونظام ظالم وفاشل ولا مبرر لمى رأيناه في اسإلة الاختبار اليوم

الله ينتقم من ضعيف النفس اللي سرب الاسئله ومن الأضعف منه مدرس الماده الفاشل اللي طلع حرته في طلبه لاحول لهم ولا قوة.

حسبي الله على كل ظالم وكل شخص ساكت على الظلم ويتفرج

ارجو منكم يا اخوان الادلاء بارائكم لايجاد حل ليتم ردع الظلم والانتقام الغير مبرر من الطلبه لعل وعسى ان ننقذ انفسنا من خيبة الامل في الرسوب بعد كل هذا المجهود في هذه الماده وفي اسوأ الاحوال انقاذ من هم في مستويات ادنى من مستوانا لكي لا يواجههم الظلم الذي واجهناه بسبب تصرف ارعن من شخص ضعيف نفس سرب الاسئله ومدرس ظالم عاقب طلبته بمى اقترفه الشخص الذي اختاروه هم ليكون مراقب او ورئيس لجنه...!!!!

اتمنى من الله العلي القدير ان يوفقكم جميعا ويجعل المستويات القادمه افضل واسهل واكثر انصاف في جميع المقررات التي لم تخلو من التعقيد جميعها في هذا المستوى المخيب للامال..

تحياتي لكم...

[كهرب]

تصدق هالجامعه شرها كل ترم يزيد وكأن هناك هدف من تصرفاتهم

حسبنى الله ونعم الوكيل فيهم وشكل التوجه لجامعة الملك عبدالعزيز هو المرجح

[ام فلوة]

معقوله صعب مرررررة

[بسمة فرح]

خخخخخخخخخخ
لموس جاية تطمنين على وضع الاختبار
الحمد لله أني ماخذيتها كان تحطمت نفسين ومابي احملة مرة ثانية

[abo-bssam]

حسبي الله ونعم الوكيل

[رشوف123]

ادعو معي انهم يرجعون للاختبار الاول ولا رحنا فيها

[تسآهيل]

كل اللي ابغى اقوله

أبطى الـ a

[منتسب بس منتشب]

انا مستوى ثالث المستويين اللي فاتت اختباراتنا طيبه ( معقوله ) لكن اليوم مدري وش الهدف من التعجيز في الاختبار من جد حسيته انتقام مو اختبار

حل النقل لجامعة الملك عبدالعزيز معقد وماندري كيف خطواتها بالضبط لكن بنخلي الحل هذا اخر الحلول...

الشيء الوحيد المميز في جامعتنا الموقره ال 30 درجه اللي تنفعنا لولا الله وهال 30 درجه كان الله اعلم بحالنا.

انا شخصيا شفت كتاب الاحصاء واختبار الاحصاء حق جامعة الملك عبدالعزيز والله فرق مثل مابين السماء والارض بينه وبين اسإلتنا .
لو شفتو ورقة القوانين المرفقه في اختبارنا تقول طلاسم مو قوانين ويجيب لبعض المسائل اكثر من 3 قوانين ماتدري وين الله حاطك بين هالقوانين... يعني تحس تعقيد مو مساعده مرفق القوانين يعقدك ويلخبطك مو عشان يساعدك.
وجانا اعادة الانجليزي وكمل اللي نقص
من جد ابدعو فينا هالمستوى

شكرا لمروركم الكريم

فيه حلول مقترحه ياحبايبي؟ نورونا خلونا نتساعد

[آسـfـف]

احلى شي في نموذج E جايب سؤال واجابتين تتشابه طيب ياحبيبي اختار اي وحده منهم حطيت الاولى وعلى الله

[prestigious]

سؤالي جاني بالأنجليزي يقول من الي يقطف التوت كل صبح


العم جون

او الاطفال

حطيت الاطفال