: صححو معلوماتكم .. <-- موضوع رهيب

[ابن فـــهـــد]

( مشينا نهظّم ؟ ) ..

امر شائع عن اغلب الناس ..

بعد مايضرب لكـ وجبه دسمه .. يآخذ له واحد من ربعه ..

ويمترون المكان اللي هم فيه .. ويعدون الكيلوات ..

طيب ليش ؟ يقولكـ ( والله ودنا نهظّم الأكل اللي تو أكلنا ) ..

غلط !

الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي ..

فينصح بعد أكل وجبه دسمه .. انكـ تمدد رجيلاتكـ وتروق .. وتخلي الباقي على الجهاز الهظمي .. هو يعرف شغله..

حتى ان العلماء يقولون ان ( الأسد ) بعد مايجرش احد الفرائس يتكّي تحت شجرهـ ويمدد .. ما شافوهـ يمتر المكان ومن كيلو لـ كيلو ..

حلاو بقر .. للأبد ..

( لا تآكل حلو وآجد , يجيكـ السكّر )

فيه اعتقاد خاطئ .. بأن أكل السكريات هو اللي يجيب مرض السكر ..!
يعني لو أكلت سكر كثير تراكـ بتمرض بـ مرض السكر ..

وهو السبب الرئيسي ..

برضو غلط .. :/

مرض السكر سببه هو تلف في خلايا ( بيتا في البنكرياس ) ..
او عدم فعالية الأنسولين المفرز داخل جسم الإنسان ..
ولحدوث هالشي اسباب متعددهـ .. ولكـ ان تتخيل ان اكل السكريات ماينطوي تحت هالأسباب !

( إلهم بس إلهم , اذا مانفعكـ ماضركـ ! )

وش اللي اذا مانفعني ماضرني .. ليش يعني وش السر في ( الاعشاب الطبيّه ) ..

الواحد يآكلها اذا تعب .. اما انها تنفعه او مستحيل تضرهـ ..!
المشكله ان هالشي متداول حتى في ( الصيدليات ) ..
الصيدلي المفروض عارف ودارس ..

يبربر عليكـ المصري : العلاق دا متكون من اعشاب طبيعيه .. موش حتزُركـ .. ماتخفش !

وكل هالبربرهـ علشان بس يبيع السلعه ويلهف من وراكـ دراهم .. ولو تموت .. ماعليه منكـ ..

ياجماعه .. بعض الأعشاب (( ســـــام )) .. !

وبعضها يسبب حساسيّه لناس معينه ..

الاعشاب " تحوي على مواد كيميائيه " .. مثلها مثل بقيّة الأدويه , بس انها طبيعيه .. وماتم تحضيرها في المصنع !

( الأسد , ملكـ الغابه ) ..




لاعبين علينا ؟




المشكله حتى في المدارس يكررون هالكلام ..! الأسد ملكـ الغابه .. ملكـ الغابه..




والله يا اني ضحكت لين تمزعت من القهر .. طول هالوقت لاعبين علينا !




الصدمه :




الأسد ماعمرهـ وطوط عند طريف الغابه !




ماعمرهـ طب شي اسمه غابه !!




الأسد يعيش في ( مناطق الحشائش , السهول ) .. مايسكن ابداً في الغابات الأستوائيه ..




الله لايوفق من كتب قصة الأسد هذاكـ المريض .. يوم يعالجه الثعلب ويصير صديقه ولا يآكله..




طيب تدرون وش الصدمه الثانيه !




ان الاسد مايآكل الثعالب ! ههههههههههههههههههه


لاعبين علينا قسم بالله..

( الأم تخاطب الأب وهو يشوّت القطوهـ في الحوش نآحر بها باب البيت : خلها , خلها يابوسليمان في البيت , تآكل الفيران ) ..




نصابه , والله انتس نصابه وملعوب عليتس..




حتى كلنا ملعوب علينا في هالمناهج..!




الصدمه الأخرى :




القط لا يأكل الفئران !




القط يلاحق الفار من باب التسليه واللعب بس ..




- سُجلت حالات أكل من قبل القطط للفئران .. لقوا القط اللي أكل الفار ميت من الجوع وبطنه وآصلن ظهرهـ ..




نفس الوضع .. الآدمي اذا اضطر وذبحه الجوع .. يآكل الجيفه ..




يصير الآدمي أكآل الجيف ؟

( رب المنزل المتكي في الصاله بعد وجبة العشاء يخاطب زوجته الحامل العزيزهـ : ابعدي يامرهـ عن الريموووووت ! تبين الولد يطلع مشوّهـ ! )




( أب آخر مستلقي على السرير يداعب طفله الصغير الذي اخذ الريموت ووضعه في فمه بغيتَ أكله : احا احا لا يابابا كخا, بعدين تموت ! )




غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال ..




- ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً ..




وتقع في طرف الطيف المرئي بجانب اللون الأحمر ..




* اي جسم حار تنبعث منه الأشعه تحت الحمراء في مرحله من مراحل التسخين ..




* أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار ..




* كاميرات الفيديو تنبعث منها الأشعه تحت الحمراء وخاصة في التصوير الليلي .. ( ليش ماقال وخري البطنه الكبيرهـ ؟.. طيب ليش مستانس بخشة ولدهـ وهو خانق القطوهـ وجالس يصورهـ بكاميرة الفيديو , رغم انه تبعث اشعه حمراء ) .. ليش بس الريموت المسكين هو اللي ينكرش ؟ علشان الريموت يتيم وماله احد ؟




* بعض الثعابين , تستخدم نفس التقنيّه ..




معليش يالريموت .. حقكـ علي..

( فأرة ليزر ) ..




الكل يعتقد ان الـ فأرة الكمبيوتر .. تعمل بأشعة الليزر ..




والله ماوراها ليزر ولا هم يحزنون ..




تراها تعمل ( بالضوء العادي ) ..




يعني مثل لمبة التريكـ ..




طيب ليش الي اخترعها سماها ( ليزر ) .. !



لانه كان يشتغل سواق عند راعين القصص أخوان (الأسد ملكـ الغابه , الثور يكرهـ اللون الأحمر) , قبل لايرجع لـ ديرته ويخترعها .. نصاب مثلهم..

( الأم تخاطب الأب وهو يشوّت القطوهـ في الحوش نآحر بها باب البيت : خلها , خلها يابوسليمان في البيت , تآكل الفيران ) ..

نصابه , والله انتس نصابه وملعوب عليتس..

حتى كلنا ملعوب علينا في هالمناهج..!

الصدمه الأخرى :

القط لا يأكل الفئران !

القط يلاحق الفار من باب التسليه واللعب بس ..

- سُجلت حالات أكل من قبل القطط للفئران .. لقوا القط اللي أكل الفار ميت من الجوع وبطنه وآصلن ظهرهـ ..

نفس الوضع .. الآدمي اذا اضطر وذبحه الجوع .. يآكل الجيفه ..

يصير الآدمي أكآل الجيف ؟

[فتاة استثنائيه]

أنا مافيه شئ قاهرني كثر (الأسد ملك الغابه )
و عمرنا ما شفناه في الغابه إلا في أفلا م الكرتون ..
صدق قصوا علينا بهالمعلومه ..!
الله يعطيك العافيه.

[Mo0oly.B]

والله من جد ملعومات كانت غلط~

مشكووور ابن فهد... دايمن مواضيعكـ مميزهـ~

[ابن فـــهـــد]

ما قصرتوا وبيض الله وجيهكم على الردود
المميزه - موفقين خير - وانتظرو جديدنا