بخصوص طلب عودة للدراسه

[هلا العلي]

السلام عليكم ورحمة الله وبركاته اليوم رحت لبنك الرياض اللي عند الجامعة وقلت لهم ابي ادفع للجامعه المبلغ المطلوب علشان اقدم طلب عوده للدراسه قالو لي لكل طالبه رقم حساب خاص فيها علشان تودعين فيه المبلغ المطلوب هل هذا صحيح واذا صحيح من وين أجيب رقم الحساب الخاص فيني وكمان عندي سؤال متى ينتهي وقت تقديم طلب عوده للدراسه ؟؟؟ وأكون شاكره لكم يا الغاليين

[طالب جامعي منتسب]

المشاركة الأصلية كتبت بواسطة هلا العلي

السلام عليكم ورحمة الله وبركاته اليوم رحت لبنك الرياض اللي عند الجامعة وقلت لهم ابي ادفع للجامعه المبلغ المطلوب علشان اقدم طلب عوده للدراسه قالو لي لكل طالبه رقم حساب خاص فيها علشان تودعين فيه المبلغ المطلوب هل هذا صحيح واذا صحيح من وين أجيب رقم الحساب الخاص فيني وكمان عندي سؤال متى ينتهي وقت تقديم طلب عوده للدراسه ؟؟؟ وأكون شاكره لكم يا الغاليين

وعليكم السلام ورحمة الله وبركاته ،،،


1- طريقة تسديد الرسوم :

التسديد يكون عن طريق الصراف الآلي ( صراف البنك الذي يوجد به حسابك ) مو شرط لازم بنك الرياض .. كل الطلاب اللي عندهم حسابات في البنك يقدرون يسددون عن طريق الصراف .. مثل فاتورة الجوال أو الهاتف الثابت أو اي رسوم أخرى .

الآن اللي تعملينه كالتالي :

* إذا عندك حساب في بنك وعندك بطاقة صراف تروحين لصراف البنك تبعك وتدخلين رقمك الجامعي وبتشوفين المبلغ اللي عليك وتسددين عادي كأنك مسددة فاتورة عن طريق الصراف .


* إذا ماعندك حساب في البنك تخلين ولي أمرك أو أحد اقاربك يروح يسدد لك المبلغ من بطاقته هو ، يدخل رقمك الجامعي الخاص فيك في الصراف وراح يطلع له المبلغ اللي عليك ويسدد المبلغ ( مثلا إذا كانت قريبتك تعطينها المبلغ كاش وهي تدفع لك من بطاقة الصراف الخاصة فيها ).


ملاحظات :

- التسديد يعتمد على رقم الطالب الجامعي ، يعني مو شرط الطالب بنفسه اللي يسدد من حسابه ، الأساس في الموضوع هو الرقم الجامعي .. لذلك كوني حذرة في إدخال رقمك الجامعي سواء بتسددين انتي أو أحد أقاربك لأنك في حالة انك غلطتي وانتي تدخلين رقمك الجامعي في الصراف بتكونين سددتي عن طالب أو طالبة أخرى !


- بعض البنوك لما تسددين ماتقول لك تم السداد ، يخصم المبلغ من حسابك وكل شي ولكن في الآخير لما يخصم من حسابك وتكونين مسددة بشكل سليم يعطيك رسالة بأنه لايمكن خدمتك في هذا الوقت أو رسالة أخرى من هذا القبيل ( وتكونين مسددة وأمورك تمام)
كيف تتأكدين ؟ بأنك تشيكين على الرصيد إذا انخصم منه المبلغ والا لا . وتدخلين على الخدمات الطلابية (أيقونة الإستعلام عن وضع الطالب المالي) تلاقين انه تم السداد


طريقة السداد بالصراف الآلي موجودة على الرابط التالي شرح بالصور ( اضغط هنا )




2- تقديم طلب عودة للدراسة :

بعد تسديد المبلغ الذي عليك تذهب للخدمات الطلابية ( أيقونة طلب عودة للدراسة ) وتنفذ طلب العودة من هناك ، قبل موعد تسجيل المواد سوف تجد حالتك فعال بإذن الله تعالى .

موعد تقديم طلب العودة للدراسة له بداية ونهاية ، وتاريخ الباداية والنهاية موجود على رابط التقويم الدراسي ( الرابط موجود في توقيعي احفظه في مفضلتك لكي تعرف مواعيد جميع الإجراءات الأكاديمية )




بالتوفيق للجميع ...

[هـمـس التميمي]

رقمك الجامعي هو رقم حسابك

من نظنم سداد

[هلا العلي]

طيب أنا الحين دفعت الرسوم وقالو لي انه كل شيء تمام لكن المشكله في إيقونة طلب عوده للدراسه يطلع لي
حالة الطالب لا تسمح له بتقديم طلب عودة للدراسة
( مسموح فقط للطلبة المؤجلين أو المعتذرين بتقديم هذا الطلب )


المقصد من ها الكلام ؟؟؟

[هلا العلي]

بس ع فكره أنا مؤ من المعتذرين ولا الموجلين للدراسه أنا منقطعه يعني انتظر الي رمضان وأسجل موادي عاااادي ويقال عني طالبه قديمه ؟؟؟ ولا اقرب صوب الايقونه

[طالب جامعي منتسب]

المشاركة الأصلية كتبت بواسطة هلا العلي

طيب أنا الحين دفعت الرسوم وقالو لي انه كل شيء تمام لكن المشكله في إيقونة طلب عوده للدراسه يطلع لي
حالة الطالب لا تسمح له بتقديم طلب عودة للدراسة
( مسموح فقط للطلبة المؤجلين أو المعتذرين بتقديم هذا الطلب )


المقصد من ها الكلام ؟؟؟

المشاركة الأصلية كتبت بواسطة هلا العلي

بس ع فكره أنا مؤ من المعتذرين ولا الموجلين للدراسه أنا منقطعه يعني انتظر الي رمضان وأسجل موادي عاااادي ويقال عني طالبه قديمه ؟؟؟ ولا اقرب صوب الايقونه

طيب إذا حالتك الأكاديمية فعال معناتها ماتعملين طلب عودة للدراسة. تنتظرين لحد موعد تسجيل المقررات وتسجلين موادك عادي ( موعد تسجيل المقررات للطلبة القدامى موجود في التقويم الدراسي ، رابط التقويم الدراسي موجود في توقيعي احفظه في مفضلتك )





بالتوفيق للجميع ...

[هلا العلي]

الحاله الماليه // تم دفع الرسوم بالكامل شكرًا لك. والحاله الاكاديميه// موقوف عن الدراسه لم يسدد الرسوم من جد اسفه أتعبتك معاااي!!