[ مذاكرة جماعية ] : (( مجلس مذاكرة علم المعاني والبراغماتيك )) - الخميس 21 / 7 / 1437هـ..

[memo__om]

انا ختمت المادة الحمدلله وكانت فعلا تحتاج الى تركيز وفهم أكثر من الحفظ
لم اطلع على الأسئلة للأعوام الماضيه وماعرفت كيف اسلوب الدكتور لكن الايام القادمة باذن الله

[ام حاتم427]

مافتحتها الى الان ماجلتها للاخير ..

الله يعطيك العافيه ..بموازين حسناتك ان شاء الله

[musa alzailae]

شباب متى يقفل نظام تحميل المحاضرات وحل المناقشات والواجبات من عنده خبر

[Tawah]

المشاركة الأصلية كتبت بواسطة memo__om

انا ختمت المادة الحمدلله وكانت فعلا تحتاج الى تركيز وفهم أكثر من الحفظ
لم اطلع على الأسئلة للأعوام الماضيه وماعرفت كيف اسلوب الدكتور لكن الايام القادمة باذن الله

موجوده أسئلة الإختبار للسمستر اللي راح في الموضوع , إختبري نفسك فيهم ..
بالتوفيق إن شاء الله ..

[Tawah]

المشاركة الأصلية كتبت بواسطة musa alzailae

شباب متى يقفل نظام تحميل المحاضرات وحل المناقشات والواجبات من عنده خبر

مدّدوا الفترة , تلقى الخبر في المواضيع المثبته ..
مكان سؤالك شسمه ..
بالتوفيق إن شاء الله ..

[Tawah]

# باسم الله نبدأ المحاضرة الثانية ..
- 99,99 من المعلومات اللي فيها مآخذينها من قبل لكن هذا مايمنع إنّا نفحّط فيها شويآت ..
- الآن لما يجي شخص ويقول لك شنو معنى كلمة shallow ( سطحي ) تقول له عكس deep ( عميق ) ..
هنا انت بيّنت له معنى الكلمه من خلال علاقتها بكلمة ثانية ..
نفس الشي لما يكون معاك شخص أجنبي في العمل وسمعك تتكلّم عن الضب , وجا يسألك شنو الضب ؟! تقول له نوع من أنواع الحيوانات - أجلّكم الله - ..
- إذًا نقدر نبيّن معنى الكلمة من خلال علاقتها بكلمة أخرى ( سواء كانت مرادفه لها أو ضدها أو نوع من أنواعها ومن هالكلام يعني ) ..

# نستعرض الآن أنواع العلاقات بين الكلمات عالسريع :
Synonyms : are two or more forms with very closely related meanings
المرادفات , كلمتين أو أكثر ومعانيهم تكون متقاربه جدًا ..
مثل : purchase/buy كلا الكلمتين معناهم ( شراء ) ..

- يقول إنّه مافيه تشابه كلّي بين المرادفات , ممكن تكون الكلمة ملائمة في جمله لكن مرادفها يكون مو راكب وشاذّ وكذا , مثلًا لما تطلعين من الإختبار تجي صديقتك تقول لك :
what is the answer for question number three ?
هنا تحسّين العبارة تمام , لكن لو قالت لك :
what is the replay for question number three ?
تحسّين إنّ كلمة replay مو جايه عالكلام ( مع إنّها مرادفه لـ answer )
بإختصار , لما تقول لك صديقتك شنو جواب السوال الثالث تحسّين عبارتها تمام
لكن لو قالت لك شنو ( ردّ ) السؤال الثالث , هنا تحسّين عبارتها شاذّه , مو راكبه على بعض !
نفس الشي في ورقة الإختبار نشوف في البداية عبارة answer the following questions
مو replay the following questions

- يقول إنّ المرادفات تفرق في الـ formality , إزاي يعني ؟!
لما أقول My father purchaseda large automobile هنا تحسّ الكلام رسمي formal وكذا , لكن لو قلت my dad boughta big car هنا تحسّ إنّ اللي يتكلّم قآط الميانة , واضح الفرق من my father و my dad , لما أقول ( أبوي أو أمّي ) غير لمّا أقول ( بابا أو ماما ) مثلًا في الثانية تحسّ إنّي أتكلّم برسميه أقلّ less formal ومن هالكلام يعني ..

Antonyms : Two forms with opposite meanings
الأضداد , كلمتين يكون معناهم متعاكس وكذا ..
مثل : rich \ poor غني وفقير ..

- الـ Antonyms تنقسم إلى ثلاث أنواع :
الأوّل : Gradable antonyms : هذا النوع نقدر نستخدمه في المقارنة , مثل : big و small
زي لما أقول my car is bigger than your car and my car smaller than Sarah car..
في المثال السابق , قلت إن سيارتي أكبر من سيارتك , وبعدها قلت إنّ سيارتي أصغر من سيارة سارة ..
يعني ممكن تكون كبيرة وممكن تكون صغيرة وممكن يكون حجمها ( وسط ) سيارتي أكبر من سيارتك لكنّها في نفس الوقت أصغر من سيارة سارة ..

الثاني : Non- gradable antonyms : هذا النوع مانقدر نستخدمه في المقارنة , يا أبيض يا أسود مافيه حلّ وسط , مثل لما أقول عن شخص he is not dead هذا معناته إنّه alive كونه مو ميّت هذا معناته إنّه حي بلا جدال , وهمّ ما أقدر أستخدمه في المقارنة , ما أقدر أقول he is alive more than you ! هو حي وأنا حي شنو تقارن الله يصلحك ..

الثالث : Reversives : هذا النوع متعلّق بالأفعال , بإختصار إنّك تفعل العكس ..
مثل : lengthen \ shorten طوّل \ قصّر - raise \ lower رفع \ خفض

[Tawah]

# تابع م2 :
Hyponymy : the meaning of form is included in the meaning of another
معنى الكلمة يكون متضمّن في معنى كلمة أخرى , زي مانقول الكلمة الأولى تكون نوع من أنواع الكلمه الثانية ومن هالكلام يعني .. مثل : Apple \ fruit التفاحة نوع من أنواع الفواكه ..
ومثال ثاني عليها الضب اللي قلنا عنه في البداية إنّه نوع من أنواع الحيوانات - أجلّكم الله - ..


- يقول مو بس الكلمات اللي ممكن تكون Hyponymys بل أيضًاالأفعال , مثل لما أقول :
cut , stab جرح وطعن هذي من أنواع الإصابات injure ..
injure نسمّيها (superordinate) ونسمّي أنواع الإصابات اللي تندرج تحتها (co-hyponyms )..

Homophony : two or more different written forms have the same pronunciation
من الآخر معناتها كلمتين أو أكثر , مختلفين في الكتابة لكن لهم نفس النطق ..
وعلشان نختصر المشوار أكثر لاحظوا الكلمه هنا Homophony تشوفون كلمة فون فيها وأحنا عارفين إن الفون معناها صوت وكذا , لذلك إذا شفتوا كلمتين لهم نفس النطق أختاروا Homophony وإنتوا مغمّضين , ليه أقول هالكلام ؟! لأن في كلمة ثانية معناها مختلف تمامًا لكنها تشبهها في الكتابة , هذي الطريقة تساعدكم إنّكم ماتتلخبطون وكذا ..
من الأمثلة عليها : meat \ meet نطق الكلمتين واحد ( مِيت ) لكن وحده معناها لحم والثانيه لقاء وكذا , مثل ما أنتوا شايفين معنى الكلمتين مختلف كليًا , لكن لهم نفس النطق , علشان كذا هم homophones ..


Homonymy : one form has two or more unrelated meanings
هذي الكلمه اللي قلت لكم عنها قبل شويآت إنها تشبه الهوموفوني في الكتابة وكذا ..
المهم , هنا تكون عندنا كلمة وحدة , لكن لها معنيين أو أكثر غيرمرتبطين ببعض , كيف يعني ؟!
نشوف مثال علشان توضح السالفة , مثلًا كلمة bat ممكن تكون بمعنى ( خفّاش ) وممكن تكون بمعنى ( مضرب ) الكلمة وحدة (bat ) ولها معنيين غير مرتبطين ببعض ( خفّاش - مضرب )
وركّزوا على إنه معانيها غير مرتبطه علشان تفرّقون بينها وبين اللي بعدها ..


polysemy : one form has multiple meanings that are all related by extension
كلمة وحدة , لها معاني متعددة لكنّ معانيها مرتبطة ببعض ..
الفرق الوحيد بين الـ polysemy و الـ homonymy إن الأولى معانيها مرتبطه ببعض , بينما الأخرى المعاني ماتكون مرتبطه ببعض , كل معنى في وادي ..
مثال على الـ polysemy : كلمة run ( الشخص يجري والماء يجري ) إذًا المعنى مرتبط ببعض ..
الكلمة وحدة والمعنى مرتبط ببعض إذًا الكلمة تعتبر polysemy ..


# كيف نفرّق بين النوعين الأخيرين ؟!
نفرّق بينهم من خلال معانيهم في القاموس ..
لو قلنا :
date : a point in time \ fleshy fruit
المعنى الأوّل بمعنى تاريخ والمعنى الثاني بمعنى ( تمر ) ..
الكلمة وحدة لكن المعنى غير مرتبط ببعض علشان كذا هي homonymy ..

date : on a letter \ an appointment
نفس الكلمة اللي فوق , لكن هنا جاءت بمعنى التاريخ في رسالة والتاريخ في موعد ..
الكلمة وحدة و المعنى مرتبط ببعض , في كلا الحالتين معناتها التاريخ ( سواء في رسالة أو موعد )
وبما إن المعنى مرتبط ببعض فهي polysemy ..

إذًا لو جاء سؤال في الإختبارعلى هالجزئية نستنتج الجواب من خلال التعريفات اللي يعطينا إياهم ..

وبكذا تنتهي حفلة اليوم ..

[Tawah]

- الأسئلة اللي جات على المحاضرة الثانية من أسئلة إختبار السمستر الي راح :

2. "My father purchased a large automobile" I can change the sentence into "my dad bought a big car " if I want to sound …
A. more formal
B. less formal
C. very polite
D. impolite

4. They are two or more different written forms that have the same pronunciation. What are they?
A. Homophones
B. Homonyms
C. Polysemous
D. Hyponyms

9. What is the semantic\lexical relation between banana and fruit?
A. Hyponymy
B. Synonymy
C. Homophony
D. Homonymy

10. Identify the pair of non-gradable antonyms among the followings.
A. dress and undress
B. tall and short
C. male and female
D. old and young

11. Reversive is one type of antonym. Which among the following examples is reversive?
A. happy and unhappy
B. pack and unpack
C. safe and unsafe
D. fair and unfair

20. What is the semantic\lexical relation between race (the contest of speed) and race (the ethnic group)?
A. Hyponymy
B. Synonymy
C. Homophony
D. Homonymy

23. What is the semantic\lexical relation between meet and meat?
A. Hyponymy
B. Synonymy
C. Homophony
D. Homonymy

40. "The head of the company needs a new secretary" What does this sentence contain?
A. Hyponymy
B. Synonymy
C. Homophony
D. Polysemy

41. The word bank (the side of a river) and bank (the financial institute) are recognized as…
A. Synonymy
B. Homophony
C. Polysemy
D. Homonymy

أي تعليق أو توضيح أو تصحيح مايردّكم إلا الكيبورد ..

[نهرالعطا]

Tawah انت مشاركاتك جميلة بشكل ما تتصوريه
اهنئ دفعتك وجودك بينهم

موفقه اختي واستمري في العطاء

[نهرالعطا]

تقيمي لك طبعأ