فزعتكم زوجي....

[الماسه السعوديه]

بسم الله الرحمن الرحيم
السلام عليكم ورحمة الله وبركاته

مدري كيف ابتدي بس مشكلتي اعرضها لدكتور وارجوا انه يلقالي مشكله ولا يهينون باقي الاعضاء ولا يحرموني من رايهم


انا بنت عمري 21سنه متزوجه من سنتين ونص وعندي الحين بنتين متزوجه من واحد احبه واموت فيه
هو من اهلي ومن يوم احنا صغار واحنا نسمع اهلنا ان احنا لبعض
المشكله مو هينا
المشكله راح اختصرها
اولا:بدايتا انا اثق بزوجي ثقه عمياااااااااء بدايه الزواج طبعا
بعد ولادتي ببنتي الاولى وانا في النفاس قالي ابي اسافر لمدينه خليجيه مع الشباب طبعا انا ابدا ماعترضت سافر وراح وكنت اكلمه كل يوم انتهيت من النفاس وجيت لبيتي
طبعا انا وهو كنا نشتغل على جهاز واحد لاب توب واحد

يوم من لايام فتحت الجهاز وشفت الصاعقه الصاقعه اللي نزلت على انهرت عجزت ايش اسوي
شفته مو رايح لدوله خليجيه شفته رايح للمغرب ومو بس كذا ولا هذا اللي خلاني انهار
تخيلوا

شفته ماخذين لهم فيلا هو مع الشباب ومجمعين لهم بنات وهو طبعا معاهم بنات زوجي جالس مع بنات ورقص وشرب وانتوا عارفين .:s3:.
كلمته وواجهته قال انا مو اللي جايب البنات ذولا الشباب وانا كنت جالس معاهم مقدر اقولهم لا

طبعا زعلت وبكيت ومن هالكلام واعتذر وقال انها اخر مره ومن الاعتذذارت

هذي سالفه اللي الى الحين مو قادره انسى
ياجماعه زوجي الى بكره كل يوم اكشفه يعني ماتادب
منها: بعد مصور مع اصدقائه في البحرين في شقه ونفس الشيء بنات
جواله حافظ ارقام بنات مو عربيات
شفت سجل المحادثات المحفوظ بالجهاز يكلم 5 بنات ومعطيهم رقم جواله
النت لوق رسايل لبنات
ايميله كل بنات

تعــبت مـنه
المشكله ان احنا متزوجين عن حب والله الاول ثق فيه ثقه بس موقد الثقه الحين ماثق فيه ولا واحد بالميه
وياجماعه انا مومقصره معاه في اي شيء يبيه حتى شرابه وانتوا بكرامه البسه
انا جميله ولاهو مدح فيني بس ابين لكم اني موناقصه
من والى
جلست معاه كلمته كل مره اطيح عليه وكل مره يقول انها اخر مره
بس طبعا هم قالي ان البنات اللي شفتهم انه ماقربهم ولا لمسهم
انا قلت له انت جلست معاهم انت جلست مع غيري
وهذا بذمتك وانت الحين متزوج راع مشاعري مو مثل اول عزابي

وكل شيء حاولت معاه وان ارقام البنات اللي بجواله مو له
طبعا اقرب تصريفه
:no2:
هذا مشكلتي معاه
المشكله الثانيه:
مايحب يجلس معاي في البيت كل طالع طالع طالع مع الشباب يمكن بس يجلس معاي نص ساعه ساعه باكثير
واذا قلت له ليه ماتجلس معاي قال شسوي اجلس معاك
ولا يطلعني ولا يمشيني تخيلوا ياجماعه والله بالشهر مااشوف الشارع
وهو كل يوم يطلع يعني البيت كنه فندق
اكل ونووم بس
تصدقون امس جايينه الشباب من الساعه2 الظهر ولا طلعوا الا12 بالليل
بذمتكم هذا ادمي
لاتقوولوون كلموا اهلك ترى كل ماحد تدخل تكبر السالفه
وزوزجي اعرفه من النوع اللي يعاندي والرجال اللي متزووجين يعرفون مايحبون احد يدخل

ياليت تلقون لي حل واسفه على الاطال واتمنى القى عندكم الحل وعند الدكتور

[خاتم سليمان]

أعتقد أن هذي المشكله من المشاكل المعروفه في المجتمع
أتمنى لو أقدر أفيدك . أنت لسى صغيره و أعتقد أن هذي الحاله صعبه عليك في بدايه حياتك الزوجيه
أنا من قبل كنت مخطوبه لشخص و لما أكتشفت أن في إن ، تركته بدل وجع الراس .
نصيحتي لك انك تراجعي مركز أسري ، اللي أعرفه أن فيه بالشرقيه مركز جديد و ساعد الكثير من ذي الحالات
أعتقد أن المشكله ممكن تنحل ، لكن يبي لها صبر و جهد كمان .
أتمنى لك التوفيق من كل قلبي.

[سراب..]

ياحياتي أصبري وعليك بالدعاء تراه علاج عجيب للمشاكل
الله يفرج همك اللهم آآمين

[الماسه السعوديه]

مشكورين وماقصرتوا
ان شاء الله الله يهديه ويصده

[الماسه السعوديه]

ياجماااااعه 37مشاهده وردين بس
تكفون محتاجه مساعدتكم

[المشتاااقة]

الله يهديه لك ويسخره بس حاولي تتفاهمين معه بصرامة مو اي كلام وحياالله وحاولي تدخلين احد ثقه اخوك ابوك عمك خالك والله المعين حاولي تدعين له بالهدايه خوفيه بالله قولي له اللي انه جالس تسويه لايرضي الله ولارسوله ادخلي له من جانب الدين...
اتمنى افدتك ولو بالشئ القليل

[د/علي جابر السلامه]

السلام عليكم

الأخت الكريمة الماسه السعودية

أتمنى لكِ السعادة مع زوجكِ وفي حياتكِ كلها ان شاء الله تعالى

المشكلة المطرحة هنا تحتاج لمختص في الاستشارات الأسرية والاجتماعية وأتمنى أن تجدي من يجيب عليها

والله الموفق

[عـ♥ـلاج كـ♥ـحه!]

السلام عليكم !
انا ماني دكتور بس بقولك كلام عسىا ينفعك !
زوجك الي معاه مرض وانتي الوحيده الي بيدها علاجه بعد الله !
اول شي انتي صابره والله يجازيك علىا صبرك بس برضوو اصبري اكثر واكثر وانتبهي تنهارين !
حاولي علاجه مو بالسؤال ولا بتفتيش اغراضه !
اهديه كتيبات اسلاميه تتكلم عن العلاقه الزوجيه !
اهديه اشرطه !
ادري انك الحين مالك نفس تقولين له كلام حلو !
لاكن حاولي تكابرين وتقولين له كلام حلو ودلع !
حاولي تهتمين في ملابسك وعطوراتك ومكياجك !
اسلوبك ترىا هو الي يخليه يحبك اكثر حاولي تجددين شهر العسل من جديد !
اعزميه علىا مطعم !
اهديله ورده !
ترىا بيحس !
انتي بنت حلال الله يوفقك بس لاتقولين اني سويت له كذ1 وكذ1 وبس سوي الي مايتسوىا !
وترىا الي بتسوينه سويه وخلي نيتك صافيه لله عشانه وعشانك وعشان عيالكم والله راح يوفقك بالنهايه !
ادعي له بالهدايه !
حاولي تشغلين نفسك عن بعض القهر الي يمر عليك بالقرائه ترااها فيها فوائد عجيبه !

واخيراً اختي انتبهي تنهارين وتفكرين في الانتقام ولا شي من ها القبيل لانك راح تهدمين حياتك وحيات اولادك !
الله يحفظلك اولادك وزوجك !
تقبلي مروري !

[مجرد عضو]

حبيبتي الله يكون بعونك...فعلا مشكلتك يبي لها استشاري مختص ....
بس اللي اقدر اقوله يمكن زوجك فعلا يحبك بس رفقاء السوء لهم تاثير قوي عليه...اهم شيء تكون عنده اراده لتخلص من هيك سوالف ويبتعد عن رفقه السوء...الله المستعان..

[جنة000]

مرحبا أختي أقووول الله يعينك على مصايبك والله ثم والله حاستبك بكل معنى الكلمة بس بنصحكي وعن تجربه اولا عندك بنت يعني راغسل يدك من الطلاق لان بنتك الحين اولى باالتضحيه يمكن لو ماعندك اطفال يكون في حل بس البنت الحين هي الواجهه مسالة الخيانه هذا امر طبيعي ومعروف وصار الحين مثل شرب الماء النسبه بهاالامر زادت ولا مفر منه بس نصيحتي اهتمي بنتك عيشي لعيون بتك لا تكون عندك انانيه مثل بعض الحريم مدام هذا تفكيره ومدام طاح به الامور لا تقولين بيتخلص منه بكلمه او دمعه عنده او ترجي او او او انسي وعن تجربه لا بيزيد امره لان لو انتي كلمتيه وصلحتي حاله دخل البيت في شياطين برا اللي هم اخويه بيقلوبون تفكيره ويرجعونه كما كان عندك حل والحل مافي اسهل منه وصدقيني بقدرة قادر بيتغير اولا لا تفكرين لان راح تتعبين وتهملين نفسك وبنوتك وتعشين بمعاناة يعني لا مع الحييين ولا مع المييتين نسيه لا تسالينه البسي اكشخي كولي واشربي وعيشي حياتك حطي براسك نخلقتي لعبادة الله والدنيا فانيه وان لك رب قلب زوجك بين ايديه وله قدرة انه يهدي زوجك ولا يعجزه ذلك ادري كلامي صعب وبتتعبين وخص انه زوجك وحبيبك بس هذا واقع وصار صلي اخر الليل واكثري من الصلاة اخرالليل والدعاء وتحري اوقات الاجابه وادعي بهذا الدعاء كل وقت اجابه واخر الليل واخر ساعه من يوم الجمعه والصبر ترى لابد منه ((( اللهم احعلني نورا بين عيني زوجي اللهم ارزقني حبه وارزقه حبي وارزقنا حب وجهك الكريم وطاعتك اللهم اعصم قلبه من المعاصي اللهم اجمع بيني وبين زوجي في جناتك واجعلني زوجته ورفيقته في هذه الدنيا الفانيه والجنةالخالدة اللهم اصلح بيني وبين زوجي واجمعنا في خير وعلى خيراللهم ارزق زوجي مع كل خفقة قلب وطرفة عين فرجا وعفوا وامنا وايمانا يارب العالمين اللهم اجعله لي كما احب واجعلني له كما يحب واجعلنا لك كما تحب وترضى اللهم اجعلنا قرة عين لبعض يا رب العالمين اللهم اقسم له من خشيتك ما تحول به بينه وبين معصيتك ومن طاعتك ما تبلغه به جنتك اللهم اصلحه وثبته على الايمان اللهم الف مابين قلبي وقلب زوجي على الايمان والتقوى اللهماطل عمره على طاعتك وكره معصيتك اللهم لا حول ولا قوة الابك يارب العالمين اللهم ارزفني وده وحبهوارزقه ودي وحبي اللهم اجعل زوجي حبيبا حليما كريما هينا لينا معي اللهم يا مؤلف القلوب الف بين قلبي وقلب زوجي برحمتك يا الحم الراحمين اللهم الن قلب زوجي وسخره لي يارب ياربي لا اسالك الا رضاك ))) هذا الدعاء خاص لزوج ادعي كل يوم ارجي ربك الحين مالك الاربك لا تقولين باالكلام والحوار:no2: ماراح ينفع بس ادعي وكلي امرك لله واصبري واحتسبي وراح تشوفين ادعيلي ولا تنسيني كل ما تقولين هاالدعاء ان تدعين لي:praying: مالك الا الدعاء وربك ووووبس واهم شي لا تفكرين وفي اشياء اهم من الزوج والخيانه ربك صلاتك عبادتك هذ اللي انتي مخلوقه باالاول والاخير عشانه وبس اما الزوج سنه من سنن الحياة ادي ووجباتك كامله له من طاعه ونوم وغيره اقتنعي بشي من كانت نيته لله ربي مايخيبه وثم بنتك بنتك بنتك وبس