|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
طيب نكمل خصم الشراء ينقسم خصم الشراء إلى أ/ الخصم التجاري ب/ الخصم النقدي اول شي ناخذ الخصم التجاري ... اذا المنشأه تبي تشجع المشتري على الشراء تسوي خصم الخصم التجاري هو خصم الكميه .. يعني مثل اشتري كذاا واصل على ثانيهـ مجانا .. هذي تعتبر عند المشتري تخفيض للتكلفهـ ملاحظهـ : لايسجل الخصم التجاري بالدفااتر .. بس تظهر لنا في الصافي .. يعني تعتبر هذه قيمة تحملتها المنشأه لتطبيقها لمبدأ التكلفه التاريخيهـ طيب ناخذ مسألهـ توضيحيهـ يعني كيف راح تجي .. اشترت منشأة فاضل التجاريه بضاعه قيمتها 50000ريال ريال بخصم 10% وتم سداد المبلغ المستحق نقدا.. طيب المطلوب نسجل العمليه السابقه في دفتر اليوميه .. خطوهـ خطوهـ اول شي نشوف مبلغ الخصم كم راح يكون قيمة الخصم = سعر السلعه / قيمة الخصم % 50000 / 10 % = 5000 قيمة المشتريات = 50000 - 5000 = 45000 وش اللي سويناه بالضبط ؟؟ نقصنا قيمة الخصم من المبلغ الكامل للسلعه قبل لا نسجلها في دفتر اليوميه والحين نكتب القيد 45000 ............................... من حـ/ المشتريات ................45000 ............................ إلى حـ/ الصندووق ليه الصندووق ؟؟ لاننا اشترينا السلعه نقداً والصندوق مدين بما اننا اشترينا معناها نقص رصيده بيروح لجهة الدائن .. والمشتريات بطبيعتهاا مدينه وبما انها زادت بتبقى في جهة اليمين هذا كلوو كان عن الخصم التجااري اترككم شوي ونرجع نكمل الخصم النقدي BrB الله يوفقكم ويسهلكم يارب :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
[QUOTE=M!ss Messo;2488572]حياك اختي إسألي شو مابدك
قوليلي وش القاعدهـ اللي اتبعتيها يمكن فيها خطا انا جمعتهم كلهم ونقصت ال15000 اللي هي شيكات الدائنين؟؟ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
[quote=الثقل كله;2488872]
اقتباس:
طيب ياحياتي اعتمدتي على اي قاعده وش القاعده اللي تقول انك تجمعي كذا وكذا وكذا وتنقصي كذا |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اختي الله يعافيكـ
تهقين يمديني الحق عليكم انا توني بالمحاضرهـ الخامسه:Cry111: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
[QUOTE=M!ss Messo;2488934]
اقتباس:
طيب بليز قوليلي وش القاعده اللي اطبق عليها؟؟ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
ب/ الخصم النقدي الخصم النقدي هو ان المنشأه تنزل عرض مثلا اشتري جوال واحصل خصم 5% خلال الفتره مثلا عشر اياام يعني يتم تحديد فتره للخصم وهذا حسااب دائن بطبيعته ملالالاحظهـ يظهر حساب الخصم المكتسب في قائمة الدخل في نهاية الفتره مطرووح من اجمالي المشترياات مثل ماقلنا اول صافي المشتريات = اجمالي المشتريات - مردودات المشتريات - مسموحات المشتريات - الخصم المكتسب راح ناخذ مثال توضييح .. أشترت منشأة فاضل التجاريهـ بضاعهـ على الحساب من منشأة التوفيق بمبلغ 50000ريال بخصم نقدي 4% اذا تم السداد خلال عشره ايام من تاريخهـ وقد قامت المنشأه بسداد المستحق عليها لمحلات التوفيق بشيك قبل انتهاء الفتره طيب قيد شراء البضاعهـ راح يكون في البدايهـ كذا لانه أخذ بالاجل 50000 ............... من حـ/ المشتريات .......... 50000 ........... إلى حـ/ الدائنين (منشأة التوفيق ) طييب الحين يوم تجي تسدد علشان تسجل القيد بعد السداد .. بما انها سجلت قبل انتهاء الفتره يعني لها خصم تعالو نحسب قيمة الخصم 50000 * 4% = 2000 50000 - 2000 = 48000 يعني قيمة البضاعه بعد الخصم النقدي 48000 الحين نسجل قيد السداد 50000 ............ من حـ/ البنك .............................. إلى مذكورين ........ 48000 حـ/ البنك ........2000 حـ/ الخصم المكتسب الفرق بين الخصم التجازي والنقدي في القيد انو هنا نسجل القيمه الكليه ونسجل قيمة الخصم في الدفتر اما الخصم التجاري لا نطلع قيمة الخصم وننقصها من قيمة السلعه : : : معلومهـ .. فترة الإئتمان .. هي أقصى مدهـ بالايام من تاريخ الشراء لسداد إجمالي القيمهـ بدون خصم : : : ولهنا خلصنا الخصم التجاري والنقدي لي عودهـ مع الباقي BrB بالتوفييييييق :106::106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
وسؤال ثاني حابه اتأكد من اجابته <<< كثرت اسألته
س 16–اذا كان رصيد حساب البنك بدفاتر المنشأة 50,000ريال وبلغت أرباح أسهم سابك المودعة لدى البنك بإسم المنشأة ولم يصل إشعار إضافة للمنشأة بعد 10,000ريال ، والشيكات المسحوبة لأمر الدائنين ولم تصرف بعد 15,000 يال ، والشيكات المرسلة للتحصيل 17,000 ريال فإن رصيد حساب البنك المعدل في دفاتر المنشأة يكون : أ – 72,000 يال . ب – 60,000 ريال. ج – 62,000 ريال.د – 52,000 ريال اختي مس ميسو لو سمحتس شلون طريقة هذي المسألة لأنها فعلا جننتني |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
ركز بكل الكلام اللي كتبته واهم شي تفهم صدقني اذا قرات بتركيز ان شاء الله بتلحق إذا انت فاهم كل شي للمحاضره الخامسه اعتبرها مراجععه وكمل هنا وخلي الملخص معك بالتوفيق خلاص هذا اخر اختبااار لامجال لليأس انا بسوي حفلهـ الحين بعد ربع ساعه بكون كملت 12 ساعه عاللاب بديت احس بخموول وعيوني تعورني واطراف اصابعي بتتكسر :24_asmilies-com: بس كل ماافتكر انها اخر ماده اتحمس :53: بالتوفييييييق للجميع واللي عندهـ سؤال محيرهـ يسدحهـ علشان الكل يستفييييد :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
ناخذها حبهـ حبهـ رصيد المنشأه في البنك 50000 + الاربااح اللي للحين ماسجلت 10000 يعني راح يكون = 60000 طيب المعطيات الباقيه ليه مانحتاجهاا ؟؟ لان الاولى يقول ماصرفت لسه يعني مانقص شي من البنك والثانيه مرسله للتحصيل يعني كمان للحين ماحصلت سلامتك من الجنون اخوووي أنا كنت انتظر اختي اللي تقول طلعلها الجواب 62000 على شو اعتمدت لكن هي الظاهر توهتها باقي المعطياات اتمنى يكون وضحت النقطهـ بالتوفييييق |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يعطيج الغالفيه اختي مس ميسو بصراحه جهد تشكري عليه
تركت الملخصات وقاعد على شرحك الوافي ويدخل المخ بسرعه ماشءالله عليج |
| All times are GMT +3. الوقت الآن حسب توقيت السعودية: 06:27 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام