|
اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
السلام عليكم مساؤكم / صبااحكم فل وياسمين انا بصراحهـ للحين ماخلصت مذااكره وصلت للمحاضرهـ العاشرهـ بس حبيت أفيدكم بالمعلومات اللي فهمتهاا طبعا قبل توصلو للجداول ومراحل الدوره المحاسبيه لازم تذاكروو اللي بكتب الحين وموجود بملخص ابو موزه الله يجزاه خير 1/ المصطلحات المحاسبيه الرئيسيهـ : المنشأه .. دورة التشغيل .. الأصول وانواعهاا.. الخصوم وانواعها .. حقوق الملكيهـ .. قائمة المركز المالي .. الإيرادات .. المصروفات .. صافي الربح وصافي الخسارة .. قائمة الدخل .. قائمة التدفقات النقديهـ .. 2/ معلومهاتـ .. * المحاسبهـ علم إجتماعي .. يتاثر بالظروف المحيطهـ .. * تنشأ المحاسبهـ بناءا على الحاجهـ ومع ظهور التعاملات التجاريه .. كانت في السابق بالمقايضهـ وتطورت مع ظهورالتجاره والرغبه في إكتشاف الارباح 3/ تعريف المحاسبهـ ... الهدف من المحاسبهـ .. مفهوم المحاسبهـ .. من هو المحاسب ؟؟ .. من هو ماسك الدفاتر ؟؟ .. بما تختص المحاسبه كنظام معلومات ؟؟ ... 4/ خصائص المعلومات المحاسبيهـ ... ست خصائص تذاكروو تعريف كل خاصيهـ 5/ فروع المحاسبهـ .. ذاكرو كل فرع بشوو يختص .. 6/ الفئات المستفيدهـ من المعلومات المحاسبيهـ .. 7/ تعريف المحاسبهـ الماليه .. 8/ اهداف المحاسبهـ الماليهـ .. 9/ وظائف المحاسبهـ .. 10 / مبادئ المحاسبهـ المتعارف عليها .. بعد ماتذاكروو كل اللي كتبت فووق .. كذا نكون خلصنا كل شيء يخص المحاسبهـ للمصطلحات المحاسبيهـ اللي راح نحتاجها في الجداول معادلة الميزانيه = الأصول = الخصوم + حقوق الملكيهـ الاصوول هو كل اللي تملكه المنشأه من اموال في البنك او في الصندوق او حتى الاصول اللي تستخدمها المنشأه في مباشرة عملهاا عرفنا انو في انواع للأصول 1/ أصول متداولهـ قصيرة الاجل (أوراق القبض والمدينين والمصروفات والمخزون والايرادات المستحقه ) 2/ اصول ثابته طويلة الاجل (الاراضي والمباني والااات والسيارات ) 3/ أصول غير ملموسه (حق الاختراع وشهرة المحل ) الخصووم هي الالتزامات اللي عالمنشأه ونقدر نقول يعني الديون وكمان لها انواع 1/ خصوم قصيرة الاجل .. يجب سدادها خلال سنه او دورة تشغيل 2/ خصوم طويلة الأجل .. يستحق سدادها خلال فتره زمنيه تزيد عن عام واحد او دورة تشغيل أما حقوق الملكيه .. هي الالتزامات المستحقه على المنشأه تجاه ملاكها أو اصحابهاا تشمل المبالغ اللي استثمرها المالك والارباح الجدول الأول راح يكون تسجيل للاصول ومساواتها بالخصوم وحقوق الملكيه مثلا نأخذ عمليتين كمثال اشترت منشأة فاضل مبنى بمبلغ 250 ألف ريال ليكون مقرا للنشاط وقد تم سداد القيمة لصاحب المبنى بشيك مسحوب على حساب المنشأه ببنك الرياض .. طيب ناخذها وحده وحده الحين عندنا الجدول باليمين موجود الاصول ومن ضمنها البنك والمبلغ اللي لي في البنك واليسار فيه قسم للخصوم حسب العمليه السابقه فيه قرض من البنك بقيمة 200 الف ريال وحقوق الملكيه فيه 500 الف ريال يعني الجدول متساوي باليمين فيه 700000 ريال رصيد بالبنك في جهة الاصول = 700000 والجهه اليسار فيه 200000 قرض البنك في الخصوم و500000 راس المال في حقوق الملكيه = 700000 طيب نرجع للعمليه وندقق في الجملهـ يقول اشترت المنشأه مبنى .. كلنا نعرف ان المبنى من الاصول يعني راح نحطه باليمين طيب يقول اشترته بشيك مسحوب من البنك .. معناها في نفس الجهه اليمني راح ينقص الرصيد في البنك بمقدار 250000 يعني زدنا خانه للمبنى بقيمة 250000 وكمان نقصت من نفس الجهه من البنك 250000 للحين جهتي الجدول متساويه = 700000 وكذا انتهينا من هالعمليه طيب ولنفرض ان عندنا خانه في الجهه اليمنى باسم صندوق المنشأه كذا يعني اذا شفنا اي عمليه مكتوب فيها تم تسديد المبلغ نقداا يعني تم السحب من صندوق المنشأه يعني مثلا : سحبت منشأة فاضل مبلغ 100000 ريال من حساب المشأه بالبنك واودعته صندوق المنشأه لمواجهة احتياجات المنشأه من النقديهـ اول شي نشوف وش المطلزب من هالعمليه صاحب المنشأه بغى يكون له صندوق في المنشأه علشان تكون فيه فلوش قريبه منه اذا احتاج لعمليات ماتحتاج مبالغ كبيره فسحب من البنك 100000 ريال وحطها بصندوق المنشأه .. هذا معناه ان نقص الرصيد في البنك في الجهه اليمنى وفتح خانه جديده باسم صندوق المنشأه وحط فيه هالمبلغ يعني طرف المعادله المنى ماتغير * سددت شركة النصر مبلغ 20000 ريال من المبلغ المستحق عليها للمنشأه نقدا يعني شركة النصر كانت اخذت بضاعه بالدين لما سددت .. سددتها نقدا يعني راح يزيد المبلغ في صندوق المنشأه طبعا لو مكتوب في العمليه انها سددت بشيك معناها راح يزيد الرصيد في البنك طيب سواء سددت بشيك او نقدا معناها راح يزيد الطرف اليمين ... لا ليش لان لما اخذت شركة النصر بضاعه فتحنالها خانه باسم مديونون يعني شركة النصر كانت مدينه للمنشأة هذي بعض المعلومات عن معادلة الميزانيه كل العمليات يبيلها شوية تركيز قبل نغير في معادلة الميزانيه لازم نفهم وش هي العمليه اول طيب اترككم شوي تذاكروو النقاط الاول ألى ان نروح للخطوهـ الثانيه وهي المدين والدائن وانا بجلس اكتبهااا بالتوفيق شدوو حيلكم وأي نقطه مو مفهومه بالجزئية السابقه سواء بالملخص ولا باللي كتبتهـ أنا حاضرهـ :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
أنواع الحسابات :: 1/ جانب إستخدامات الأموال : من اسمها هي اللي تستخدمها المنشأه بالاستخدام تشمل الأصول اللي هي اي شي يزود المنشأه بالخدمات والمنافع .. وتشمل المصروفات اللي هي تكلفة السلع والخدمات سواء تم دفع قيمتها او لا يعني مثل الالات وو ... 2/ جانب مصادر الاموال : تشمل الخصوم وقلنا الخصوم هي اللي على المنشأه من التزامات يعني ديون المنشأه ودين المنشأه يعتبر مصدر ليه لاننا بالنهايه استفدنا من هالدين .. وتشمل كمان حق الملكيه وقلنا هو التزام المنشأه المستحقه تجاه صاحب المنشأه .. وتشمل الايرادات .. والايرادات هي اللي تحققه المنشأه من بيع السلع والخدمات اللي تقدمهاا طبعا الحين المطلوب من الخطوهـ هذي هو انه راح يكون لكل جههـ حساب خاص يعني البنك له عمليااته نبيها لوحده ووش الفايده منه الفايده هي ان اللي يبي عمليات البنك بمجرد يفتح الصفحه الخاصه بحساب البنك بيشوف كل العمليات اللي اعتمدت من البنك نقطهـ مهمه ... الأصول والمصروفات اللي هي جانب استخدامات الاموال دائما تكون في الطرف الايمن يعني هي مديينه الخصوم وحقوق الملكيه والايرادات دائما تكون في الطرف الايسر يعني هي داائنه يعني الاصول + المصروفاات = حسابات ذات الطبيعه المدينه الخصوم + حقوق الملكيه + الايرادات = حسابات ذات الطبيعه الدائنه طيب النقطهـ المهمهـ الثانيه .. يقول ان الحسابات المدينه في حال زادت توضع في الجانب الايمن لانها مدينه أساسا وفي حال نقصت تصبح دائنه وتاخذ للطرف الدائن .. راح نفهمها بالامثله ونفس الشي الحسابات الدائنه في حال زادت توضع في الجانب الايسر لانها دائنه اساسا وفي حال نقصت تصبح مدينه وتاخذ للطرف الايمن للطرف المدينه .. يعني مثلا حساب البنك اذا فيه اي عمليه زودت الرصيد في حساب البنك راح نكتب العمليه في الجهه اليمنى لان البنك من الاصول يعني مدين .. وقلنا المدين بالزياده نحطه في اليمين واي عمليه تنقص الرصيد في حساب البنك راح نحطها في الجهه الدائنه في اليسار .. لانه مدين وقلنا المدين اذا نقص نحطه في اليسار اتمنى تكون وضحت هالنقطهـ لو جلستوو شوي بس على الامثلهـ اللي بالملخص وتابعتو كل عمليه وكيف سجلت راح تثبت هالمعلومهـ طيب انا brb اترككم تراجعوا هالنقطهـ وبكتب اهم نقطهـ في قاعدة القيد المزدوج بالتوفيييق :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:d5:
بالتوفيق للجميع:106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
قاعدة القيد المزدوج :: تقوم على أساس أن لكل عملية مالية طرفين متساويين في القيمة ومختلفين في الإتجاهـ .. وعليهـ يتم تحليل كل عمليه ماليهـ من عملياات المنشأه إلى طرفين متساووين أحدهما مدين والآخر دائن أدري تقولون حبهـ حبهـ على قلبي حبهـ حبهـ خخخخخخخ :biggrin: أول شي نقطهـ كمان لازم نعرفها إن المدين ( الآخذ ) ______ يحصل على القيمهـ الدائن (العاطي ) _______ من فقد القيمهـ يعني منشأة فاضل لما تأخذ اي بضاعهـ او أصل من اي شركة بالدين معناها اصبحت دائنه يعني المنشأه دائنه يعني نشأ عليها التزام طيب اذا مثل ماشفنا في العمليه شركة النصر لما اخذت من المنشأه بضاعهـ يعني المنشأه اصبحت مدينه .. يعني شركة النصر هي الدائنه هي اللي عليها انها ترجع المبلغ لمنشأة فاضل هذا بإختصار مفهوم المدين والدائن نرجع لقاعدة القيد المزدوج ... ناخذ عمليهـ كمثال ونطبق عليها قاعدة القيد المزدوج إقترضت منشأة فاضل مبلغ 200000 ريال من بنك الرياض لاستكمال مستلزمات بدء النشاط وأودعها حساب المنشأة بالبنك اول شي نحلل العمليه ونفهم وش اللي صار بالضبط يقول ان المنشأه اقترضت مبلغ ووضعته بالبنك طيب يعني أصل وزاد يعني بالجهه اليمين بالمدين البنك زاد يعني البنك في الجهه اليمين مدين طيب راح تقولو الاقتراض كمان من البنك طيب المبلغ اللي اقترضته المنشأه اصبح دين عليها يعني في جهة الدائن راح ينشأ خصم بإسم قرض البنك .. ليه حطيناه في جهة اليسار لانه داائن أي عااطي طيب عمليهـ ثانيه لعلها تثبت المعلومهـ إشترت منشأة فاضل مبنى بمبلغ 250000ريال ليكون مقرا للمنشأه وقد تم سداد القيمة لصاحب المبنى بشيك مسحوب على حساب المنشأه ببنك الرياض طيب نحلل العمليه بالأول اشترى مبنى يعني أصل وزاد يعني بالجهه اليمين عند المدين نحط المبنى بقيمة 250 الف ريال طيب كيف اشتراه ؟؟ بشيك من حساب المنشأه بالبنك نحط البنك ف الجهه اليساار عند الدائن إيييييه اللي انتي بتقوليه داااه .. :biggrin: عارفه تقولو طيب البنك أصل مدين كيف صار في جهة اليساار بكل بساطهـ حنا قلنا أول إذا المدين زاد نحطه بجهة المدين واذا نقص يروح بجهة الداائن طيب نوضح شوي الصوره بما ان المبنى اصل صار هو الاخذ مين العاطي اللي سددنا بيه يعني البنك هو العاطي علشان كذا صار داائن طيب بعطيكم كمان عمليهـ شوي فيها تغيير بسيط باعت منشأة فاضل بضاعهـ بمبلغ 70000ريال نقدا علما بأن تكلفة هذه البضاعه 50000ريال طيب نحلل العمليه البضاعه بالاساس سعرها خمسين الف وباعتها المنشأه بمبلغ 70000ريال يعني فيه ربح والربح ضمن الايرادات طيب حبه حبه بالاول نشوف مين راح يكون بجهة المدين 1/ وين راحت السبعين الف نقدا ولا شيك ؟؟ مكتوب نقدا يعني وش اللي زاد عندنا ؟؟ صندوق المنشأه قلنا اي عمليه مكتوب فيها نقدا معناها العمليه عند صندوق المنشأه سواء بالزياده او النقصان طيب يعني صندوق المنشأه من الاصول ولا الخصوم ؟؟ طبعا كلنا عرفنا انها من الاصول طيب قلنا الاصل لما يزيد وين نحطه ؟؟ بجهة المدين .... حلو يعني خلصنا من الجهه اليمين 2/ الحين نشوف لما بعنا بضاعه .. البضااعهـ مو اصل ؟؟ طيب نقضت البضاعهـ عندنا ؟؟ لما ينقص الاصل وين ناخذه ؟؟ للجهه اليساار يصير داائن حلووو يعني اصبح عااطي نحطه بالطرف الثاني 3/ قلنا فيه ايرادات الايرادات قلنا اصلها داائن والايرادات عندنا زادت حنا قلنا اذا زاد الدائن نحطه باليسار واذا نقص ننقله لليمين .. طيب الحين زاد الايراد يعني نحطه باليسار صارت عندنا شغلتين باليسار البضاعه اللي هي اصل ونقص والايرادات اللي هي دائن بطبيعته وزاد وقيمتها 20000 << من وين جبت العشرين اللي هي الربح يعني الفرق بين ثمن البضاعه الاصلي وثمن بيعها ولهنا خلصنا من قاعدة القيد المزدوج وكل العملياات الباقيه بنفس الطريقه الحين باقي مراحل الدوره المحاسبيه راح ناخذها مرحله بمرحله اترككم مع النقاط السابقه تذاكروها شوي عبال مااكتب الخطوهـ الجايهـ بالتوفييييق brb |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
مساء الخير اخواني واخواتي الطلاب والطالبات :
اختي اللي منزلة المشاركة ما قصرتي بس فيه شغلة ابي ابينها لك اذا تسمحسن لي ... فيه عملية محاسبية مش موجودة عندك اللي هي عملية ايداع راس المال في البنك هذي اول عملية لابد انك تسوينها طبعا تكون بالشكل التالي : من حـ / البنك الى حـ / راس المال بالمبلغ اللي موجود عندك كرأس مال هذا اللي حبيت اوضحه وشكرا |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
للتوضيح أنا ماخذيت كل العمليات انا ابي اوضح كيف تكون لأن لو خذيت مرحله مرحله كذا ماراح نخلص هذا أولا ثانيا من حـ/ ... إلى حـ / ... هذي تسجل العمليات في دفتر اليوميه يعني من مراحل الدوره المحاسبيه وللحين ماوصلت في شرحهاا اصبر شويات بس وبشرحهاا :biggrin: بالتوفيق للجميع :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
انا عندي خلفية عن العمليات المحاسبية كلها بس ترى فيه مرحلة ما ادري هل هي موجوة في المنهج هذا والا لا اللي هي قيود التسوية لان في الثانوية والكلية التقنية كانوا المدرسين والدكاترة يحذفونها من المنهج
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
بعد ماعرفنا قاعدة القيد المزدوج اللي هي إن لكل عمليه ماليه طرفين احدهما دائن والاخر مدين وانهم متساوين في القيمه نجي لمراحل الدورهـ المحاسبيه :: عندنا اربع مراحل 1/ التسجيل في دفتر اليوميه 2/ترحيل القيود من دفتر اليوميه الى دفتر الاستاذ 3/ اعداد ميزانية المراجعه 4/ إعداد القوائم الماليه نبدا بالتسجيل في دفتر اليوميه راح ناخذ الفكره العامه في التسجيل في دفتر اليوميه دفتر القيد الاولى = دفتر اليوميه ملاحظهـ : لابد من وجود مستند مؤيد لاي عمليهـ ماليهـ تسجل في دفتر اليوميه مالمقصود بالمستند ؟؟ المستند دليل موضوعي لإثبات حدوث العمليه الماليه مثل الفواتير والشيكات والايصالات ...الخ والمستند هو مصدر القيد في السجلات والدفاتر المحاسبيهـ وتعد المستندات بمثابة الخطوه التمهيديه للدوره المحاسبيه أنواع المستندات : 1/ مستندات داخليهـ : تحرر بواسطة المنشأه مثل .. فاتورة البيع , أوامر الصرف الداخليه لصالح الاخرين .. ووتعتبر اثبات للغير تجاه المنشأه 2/ مستندات خارجيهـ : تحرر بواسطة الغير مثل فاتورة شراء , أوامر الصرف الخارجيهـ لصالح المنشاه .. وتعتبر اثبات للمنشأه تجاهـ الغير وهو اقوى واكثر مصداقيه ..ليه؟؟ لانه يصعب التلاعب بهـ بالإضافه للي كتبته ذاكروو شرووط التسجيل في دفتر اليوميهـ صـ 66 في ملخص ابو موزه وفوائد التسجيل في دفتر اليوميه صـ 67 : : : لو في وقت للاختبار كان نزلتلكم الشرح بالصور .. لكن لانه الحين بياخذ وقت اتمنى تتابعو معي في الملخص وانا بحط عمليه واشرح عليهاا : : : طيب بناخذ عمليه ونشوف كيف نسجلها في دفتر اليوميه علشان مايزعل أخوي عبدالله باخذ اول عمليه :biggrin: طبعا فاضل هو منشأته الخسرانه ورانا ورانا غلى نهاية المنهج مافي الا هو بالسوق وش نسوي عاد :24_asmilies-com: تم إيداع مبلغ 500000 ريال في حساب المنشأه التجاريه ببنك الرياض كرأس مال للمنشأه طيب هذا نفس قاعدة القيد المزدوج بس الاختلاف باسلوب كتابته لان هذا في جدول غير كذا الطريقه ماراح يكون اطراف عمليه لا راح يكون تسجيل كتابيا يعني اول شي نحلل العمليه بما ان اودع في حساب البنك خمسمئة ريال يعني اصل اللي هو البنك زاد يعني البنك مدين بأصله وزاد يعني نحطه بالجهه اليمني ونكتب من حـ/ البنك طيب كمان بالجهه الثانيه زاد راس المال وراس المال من حقوق الملكيه بأصله دائن يعني بيزيد واذا زاد يعني نحطه بالجهه اليسرى ونكتب إلى حـ / رأس المال يعني نسجل في العمود الاول اللي هو المدين قيمة الزياده .. قيمة الزياده هي 500000 في البنك يعني مدين والعمود الثانيه تحت شوي نسجل قيمة الزياده في الطرف الثاني اللي هي 500000 ريال طيب هذا كله مايهم في الاختبار المهم هو كيفية كتاب البيان نجي لكتابة البيان نكتب كذا من حـ/البنك إلى حـ / رأس المال ( إيداع راس المال في حساب بإسم المنشأه في بنك الرياض ) << بإختصار نذكر وش هي العمليه وكذا نكون سجلنا العمليه في دفتر اليوميه باقي الخانات وااضحه رقم القيد اللي هي رقم العمليات رقم المستند قلنا اللي هي الفاتوره او الشيك اواو رقم صفحة الاستاذ بعدين حنشوف وش يقصد بالضبط والتاريخ وووبس طيب ناخذ مثال المذكورين لانهاتلخبط البعض قامت منشأة فاضل بشراء اثاث وتجهيزات للمنشأه من شركة الامل بمبلغ 70000ريال ..... 40000 نقدا والباقي على الحساب بالآجل .. طيب نحلل العمليه بالاول اللي فهمناه ان المنشأه اشترت اثاث وتجهيزات من شركة الامل ودفعت المنشأه اربعين الف نقدا وش قلنا نقداا يعني ؟؟ يعني من صندوق المنشأه .. طيب والباقي بالاجل يعني دين الباقي كم ؟؟ ثلاثين الف دين طيب راح ناخذ علطول كيفية كتابة البيان في دفتر اليوميه اول شي بما انه اشترينا اثاث وتجهيزات يعني اصول والاصل اذا زاد يكون في جهة المدين نكتب من حـ/ الاثاث والتجهيزات طيب الى مذكورين ليش ؟ لان نصه سدد نقدا والنص بالاجل طيب قلنا الصندوق اصله مدين كيف نحطه دائن ؟ قلنا أول ان اللي اصله مدين اذا نقص نحطه دائن يعني حنكتب إلى حـ/ صندوق المنشأه كمان عندنا طرف ثاني اللي هو الدين الاجل هذي ليش نحطها في قسم الدائن ؟ لانها خصم والخصم اذا زاد نحطه في الطرف اليسار يعني نكتب إلى ح/ الدائنون (شركة الامل ) طييب نكتبه الحين بالترتيب : : : من حـ/ الاثاث والتجهيزات إلى مذكورين : حـ/الصندوق حـ/الدائنون .. شركة الأمل وكذا خلصنا من خانة البيان الخانتين اللي قبل لازم تكون متساويتين اللي هي الارصده قلنا في المدين حنحط قيمة الاثاث والتجهيزات اللي هي سبعين الف وفي الدائن نحط اول شي اللي نقصمن الصندوق اربعين الف وتحته الدائنون اللي هي ثلاثين الف وكذا تساوت الارصده وخلصنا من تسجيل هالعمليه اتمنى تكون وضحت الصوره واذا فيهـ اي عمليه أخرى مو واضحه او فيها اي التباس انا حاضرهـ خلصنا من اول مراحل الدوره المحاسبيه بترككم شوي تذاكرونها وانا بنتقل اكتب المرحله اللي بعدهاا بالتوفيق للجميع :106: BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:mh12:السلام عليكم ومساء الخير عليكم جميعا
المحاسبه وما ادراك ما المحاسبه طيب يا شباب اللي ما عنده مقرر ولا كتب ولا اي شي ومنتسب ويبغى ينجح كيف يسوي وش الحل برايكم واللي يعني مشغول ومو فاضي وبعيد عن الجامعه ولا ذاكر الا اليوم ولا عمره عرف شي عن المحاسبه ولا يدري اي شي شلون ينجح اذا فيه شي يفيدني اذاكره اليوم وبينفعني بالامتحان بكره ان شاء الله ارجو الفززززززعه منكم :Cry111: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:d5::d5::d5::d5::d5::d5::d5::d5::d5::d5::d5::d5::d 5::d5::d5:
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
سلمتـــ يمنآآآآآكــ يالغلاآآآ
لاعدمنآآآآكـــ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
طبعا انا ماشرحت كل الخطوات في الجداول لانها كلها متشابهه انا خذيت بس امثله صدقني اذا تابعت الملخص مع الشرح وطبقت اللي قلته بالباقي ان شاء الله بتفهم صحيح صعب المذاكره بيوم واحد لان فيه مصطلحات انجليزيه يبيلها حفظ والمصطلحات المحاسبيه يبيلها قراءه بتركيز علشان تقدر تميز بينهاا بس اقل شي تكون عندك معلوومات مثلا عن مراحل الدورة المحاسبيه وقاعدة القيد المزدوج لانها اساس في منهج مبادئ المحاسبه شد حيلك والله يوفقك BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يا رهين لا تقعد كذا ما تدري وش السالفة ترى فيه ملخصات وفيه محاضرات موجودة هنا في المنتدى وفي موقع الجامعة لا تهمل ترى ما بقى على الاختبار الا ساعات وتمر بسرعة
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
مس ميسو ,, ما شاء الله عليك صرتي تنافسيني في المحاسبة :d5:وموعدنا ان شاء الله في محاسبة التكاليف :33_asmilies-com::33_asmilies-com:
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
نرجع شوي لبعض المفاهيم .. دفتر اليوميه: هو سجل يتم تدوين مسلسل للعمليات الخاصهـ بكل حساب على حدهـ دفتر الاستاذ : هو سجل تنتقل اليه العمليات الخاصهـ بكل حساب على حدهـ والتي يمكن منها استخراج رصيد الحساب الترحيل : مصطلح يطلق على عملية نقل طرفي القيد من دفتر اليوميهـ إلى دفتر الاستاذ . : : الترصيد : استخراج نتيجة العمليات الماليهـ التي اثرت على الحسابات في دفتر الاستاذ تمهيدا لاعداد ميزان المراجعه خطوات الترصيد 1/ يجمع جانبي الحساب ويسجل المجموع الاكبر في الجانبين 2/ يستخرج المتتم الحسابي للجانب الاصغر ويسمى الرصيد : : راح نفهم وش معنا ترصيد بعد مانعرف كيف نرحل من دفتر اليوميه لدفتر الاستاذ : : نرجع لمنشأة فاضل :biggrin: طبعا لكل حساب صفحه خاصه جدول مقسم لقسمين عاليمين مدين وعاليسار دائن أهم معلوومه في ترحيل القيود لدفتر الاستااذ هي : مثلا حساب البنك .. لانه أصل والاصل بطبعه مدين يعين إذا فيه اي عمليه تزيد في رصيد البنك نحطها عاليمين واذا فيهـ اي عمليه تنقص في رصيد البنك نحطها يسار هذا الترحيل يكون نهاية كل دوره تشغيليه يعني بنهاية الفتره التشغيله اللي تكون حطتها المنشأه سواء شهر او شهرين او حتى سنه يتم ترحيل كل القيوود اللي صارت في المنشاه ويحسبوون الارصه ويشوفون كم باقيلهم وكذا يعني طيب ناخذ عمليتين وحده تزيد حساب البنك ووحده تنقصه مثلا العمليه الاولى في دفتر اليوميه اللي هي من حـ/ البنك إلى حـ/ راس المال هذي العمليه زودت رصيد البنك فناخذ القسم الثاني من البيان ونحطه في جهة المدين يعني ناخذ من حـ / راس المال طيب ناخذ مثال ينقص في رصيد البنك نقول مثلا لما اشترينا مبنى والقيمة كانت مسدده بشيك اول شي لازم نشوف وش كان القيد بدفتر اليوميه كان في دفتر اليوميه بهالشكل من حـ/ المبنى إلى حـ / البنك هذه العمليه نقصت الرصيد في البنك عندنا علشان كذا نسجلها في الطرف الدائن في حساب البنك الموجود في دفتر الاستاذ ونكتب القسم الاول من البيان اللي هو من حـ/ المبنى وطبعا واضح في خانه للمبالغ نحط فيها كل المبالغ سواء اللي زادت او اللي نقصت وبعد مانكون رحلنا كل العمليات الخاصه بحساب البنك الى دفتر الحساب نجي هنا للترصيد : : : طبعا نجمع كل المبالغ في الجهه اليمين ونجمع كل المبالغ في الجهه اليسار راح يطلع في الجهه اليمين المبلغ اكثر من الجهه اليسار نروح نضيف من عندنا للجهه اليسار المبلغ الناقص اللي هو المتمم الحسابي .. هنا في حساب البنك لان البنك اصله مدين نسميه رصيد مرحل مدين أما اذا كان في اي صفحه في دفتر الاستاذ خاصه باحذ الخصوم مثلا يسمى رصيد مرحل دائن يعني يتم تسميته حسب الحساب اللي حنا مسوينله هالجدول المتمم الحسابي هذا يكون رصيد منقول في الفتره الجايه يعني رصيد زائد في البنك كل الحسابات الباقيه بنفس الطريقه يعني مثلا حساب راس المال تروحو لكل العمليات اللي اثرت في حساب راس المال اللي يزيده تحطوه يسار واللي ينقصه تحطوه يمين ليه؟؟ لان حساب راس المال بأصله داائن .. والدائن بالزياده يتحط يسار وبنقصانه ينحط يمين ... والتسجيل يكون بنفس الطريقه تبع حساب البنك واخر شي الترصيد والمتمم وتسميته وكذا خلصنا من مرحلة الترحيل لدفتر الاستااذ اترككم شوي تذاكروها عبال ماااكتب أهم النقاط في المرحله اللي بعدهاا بالتوفيييق:106: BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
والله يااخوي ماانافس احد انا ادري ان فيه ناس كثير مشغولين بحياتهم وماامداهم يذاكرو وانا وحده منهم وتوهقت في الاقتصاد ومالقيت احد يساعدني المحاسبه شوي معقده يبيلها تركيز وملخص ابو موزه طبعته شكله يفجع من كثره بس كانت عندي اجازه ذاكرت فيها المحاسبهـ حبيت افيدهم واختصر عليهم المعلومات المهمه طبعا كل معلومه اقولها يبيلهم يطبقوها على باقي العمليات علشان ترسخ المعلومه ويستاهلوو بالتوفيق للجميع يارب :106: BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
إيهـ نسيت معلوومهـ عالطاير بخصوص دفتر الاستاذ إذا تساوت الارصده في المدين والدائن لحساب ما يعني بدون متمم حسابي الحسااب مغلق يعني ماراح يكون في رصيد منقول للدوره التشغيليه التاليه |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يعطيك العافيه جهد اكثر من رااائع
متابعين :d5: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
زي ماعرفنا للدوره المحاسبيه اربع مراحل أخذنا مرحلتين اللي هي * التسجيل في دفتر اليوميه * الترحيل الى دفتر الاستاذ الحين المرحلة الثالثه اللي هي إعداد ميزان المراجعهـ ميزان المراجعه :: يهدف إلى التحقق من صحة تطبيق قاعدة القيد المزدوج وإستمرار توازن معادلة الميزانيهـ والتأكد بشكل مبدئي من صحة عمليات التسجيل في دفتر اليوميهـ والترحيل إلى الحسابات المختصهـ في دفتر الاستاذ وترصد في تاريخ معين . في طريقتين لإعداد ميزان المراجعه 1/ ميزان المراجعه بالمجاميع .. كشف بالمجاميع المدينه والدائنه للحسابات في دفتر الاستاذ 2/ ميزان المراجعة بالارصدهـ.. كشف بأرصدة الحابات المدينهـ والدائنهـ في دفتر الأستاذ وفي الحالتين لازم يتساوى (يتوازن ) جانبي الميزان .. سواء كان ميزان المراجعه بالمجاميع أو الارصدهـ طيب يقولكم اذا اتوازن ميزان المراجعه هذا مايدل على انو العمليات كلها المسجله صحيحه ليش ؟؟ لان فيه عمليات تصير بس ماتأثر على توازن ميزان المراجعه .. طيب زي ايش ؟؟ * عدم قيد عملية بالكامل في دفتر اليوميه يعني اذا مثلا اشترت المنشأه سياره بالاجل كذا يعني حيزيد الاصل بقيمة السياره وفي الطرف الثاني راح يزيد الخصم لانه بالدين طيب افرضو ماسجل المحاسب هذه العمليه ؟؟ كيف راح يتأثر ميزان المراجه ؟؟ ماراح يتأثر لان العمليه بالكامل ماتسجلت * عدم ترحيل طرفي القيد الى دفتر الاستاذ يعني فرضا المحاسب سجل عملية شراء السياره في دفتر اليوميه بس لما جا يرحل لدفتر الاستاذ نسى يرحل هالعمليه بالكامل فكذا ميزان المراجعه راح يكون متوازن لان العمليه بالكامل ملغيه من دفتر الاستاذ يعني النقص بيكون في الطرفين بالتساوي وفي النهايه بتكون ميزان المراجعه متساوي * تكرار قيد عمليه معينه او ترحيلها الى دفتر الاستاذ يعني سجل شراء السياره مرتين في المدين والدائن طبعا الزياده راح تكون بنفس المقدار وكذا الطرفين راح يكونو متوازينين * وجود خطا في المبلغ بنفس القيمه في طرفي القيد في دفتر اليوميه يعني لو مسجل في دفتر اليوميه قيمة السياره 150000 الف وهي بالاصل 100000 .. اذا لط وحطها ميه وخمسين في الطرفين .. كمان ماراح يتأثر طرفي الميزان وراح يكون متوازن * خطأ متكافئ بالزياده او النقصان يعني لو غلط مثلا في قيد عملية شراء السياره وحطها ب 150000 ريال يعني زاد في الطرف الاريمن 50000 ريال وفي عملية ثانيه مثلا اقتراض من بنك زاد في الطرف اليسار 50000 .. كذا الميزان بيكون متساوي بسب الاخطاء السابقه المحتمل حدوثها اللي ماتأثر في ميزان المراجعه .. مانقدر نقول ان ميزان المراجعه دليل على صحة جميع العمليات المسجله بالدفاتر ................. طيب ياحلوين أنا استاذنكم للصلاه وكمان احس عصافير بطني تزئزق :mh12: لي عوده مع كيفية اعداد ميزان المراجعه فاصل ربع ساعه او زياده شوي ونوااصل بالتوفيق للجمييع:106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
مشكورة
ما قصرتي |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
جعل يدينك ما تعرض على النار قولي امين ويوفقك ويفرج لك بصراحه انا اشتغل محاسبه وعندي خلفيه بسيطه لاني فقط ماسكه دفاتر وفيه اشياء ما كنت مستوعبتها لكن معاك ومع هالشرح اللي يجيب العافيه صرت :(204):
تسلم الايادي وننتظر الحلقات المتبقيه :biggrin: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
تسلم ايدينك
في انتضارك |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
بااااااااااااااك طيب يا أحلى أعضاء بهالملتقى نرجع لإعداد ميزان المراجعهـ قلنا انو فيه طريقيتين بالمجاميع وبالارصدهـ طيب نبدا بالمجاميع شفتو في دفتر الاستاذ نجمع رصيد كل العمليات في الطرفين المدين لوحده والدائن لوحده واهم شي هو انكم ماتحسبو المتمم يعني تحسبو العمليات بدوووووووون المتمم الحسابي طيب نرجع لحساب البنك لما حسبنا الطرف اليمين طلع الرصيد 700000 ريال ورصيد العمليات في الطرف الدائن 690000 هذه تسمى مجاميع في جدول ميزان المراجعه يكون كذا ميزان المراجعه بالمجاميع مدين ...................... دائن ....................................... 700000 ................... 690000 ................................... البنك وكذا نكتب تحت البنك الحساب الثاني يعني مثلا في حساب راس المال كان مجموع عمليات في الطرف المدين 10000 ومجموع العمليات في الطرف الدائن 520000 طبعا بدون مانحسب المتمم ... طيب تعالو نسجلها في الميزان تحت البنك بتكون كذا ميزان المراجعه بالمجاميع مدين ...................... دائن ....................................... اسم الحساب 700000 ................... 690000 ................................... البنك 10000 ....................520000 .................................... راس المال وعلى هالطريقه نكمل تسجيل كل المجاميع بدون المتممات الحسابيه ونحطهاا وفي النهايه راح يكون المجمووع لكلك العملياات متواااااازنه يعني المدين والدائن في النهايه راح يطلع متساوي هذا الحساب بالمجاميع : : : نجي للحساب بالارصده وشو يقصد الارصده يقصد بالارصده المتتم الحسابي نهاية كل عمليه او مثل مو مكتوب الرصيد المنقول نهاية كل عمليه مثل مانعرف ان الرصيد المنقول مثلا في حساب البنك بيكون في جهة المدين ليه لان البنك من الاصول والاصل مدين ... طيب وراس المال ؟؟ راس المال يكون في جهة الدائن ليه؟؟ لان راس المال بطبيعتة دائن فالرصيد المنقول يكون متواجد في نفس جهته طيب نسوي نفس الخطوه بس بالارصده ميزان المراجعه بالأرصدهـ مدين ...................... دائن ....................................... اسم الحساب 90000................... ................................... البنك ..................510000 .................................... راس المال وكذا كمان نفس الشي بعد ماتسجلو كل ارصدة العمليات راح يكون مجموع الطرفين متساااااااااوي لهنا خلصنا اعداد ميزان المراجعهـ الحين بحط كم سؤال نشوف كيف ممكن تجي بعض هالمعلومات وكيف نختار بالتوفيق للجمييييييييع:106: BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
آآمين يارب الله يسلمك اقتباس:
الله يسلمك إعذروني إذا مارديت .. ابي أختصر الوقت في التلخيص أو بالاصح جمع المعلومات المهمه بالتوفيق :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
صح أو خطأ يؤدي جعل حساباً ما مدينا الى نقص رصيد الحساب بالقيمه التي جعل بها مدينا بها بصرف النظر عن طبيعة الحساب () اول شي نحلل الجملهـ يقول ان اي حساب كان يصير مدين اذا نقص رصيده بغص النظر عن طبيعة الحساب طبعا الجواب خطا ليش؟؟ لان تفرق من حساب لحساب حسب طبيعتة قلنا ان الاصول والمصروفات مدينه بطبعها والمدين اذا زاد رصيده نحطه في جهة اليمين مع المدين واذا نقص رصيده نحطه مع الدائن طيب والخصوم وحقوق الملكيه و الايرادات دائنه بطبعهاا والدائن اذا زاد رصيده نحطه في اليسار في جهة الدائن واذا نقص نحطه باليمين في جهة المدين يعني نقطة الخطأ في الجمله هي ( بغض النظر عن طبيعة الحساب ) |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
صح أو خطا
إذا تعددت حسابات الطرف المدين لعمليه ما فإن هذا بالضروره يستدعي أن تتعدد حسابات الطرف الدائن لنفس العمليهـ لان مجموع طرفي العمليه الواحده لابد ان يتساويا () بالاول نحلل الجملهـ يعني وش يقول ذاا :biggrin: هو يقول اذا تعددت الحسابات في الطرف اليمين يعني اذا قلنا من مذكورين 1/ و2/ لازم يكون في الطرف الثاني كمان الى مذكورين 1/ 2/ طبعا الجواب خطأ موشرط اذا كان في المدين من مذكورين يكون في الدائن الى مذكورين << تتابع مباراة السعوديه واليابان :Cry111: سرى الليل يابو ثلاثه :(269): |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
نجي شوي للاختياري
إن شراء منشأة الهنا لخدمات المطاعم سياره على الحساب لنقل الطلبات الى العملاء من شانه أن يؤدي إلى : 1/ زيادة في احد حسابات الاصول المتداوله وزيادة في احد حسابات الخصوم 2/ زيادة في أحد حسابات الاصول الثابته ونقص في احد حسابات الخصوم 3/ زيادة في أحد حسابات الاصول الثابته وزيادة في احد حسابات الخصوم 4/ ليس شيء مما ذكر << يذكركم بشي :icon9::icon9::icon9: الله يسامحك ياعلووش خخخخخخخخخخ طيب اول شي نحلل السؤال قبل نتوه في الاختيارات طبعا الحمد لله تغيرت منشأة فاضل :biggrin: يقولكم هالمنشأه شرت سياره معناها زاد الاصل عندنا طيب كيف اشترت السياره ؟؟ بشيك ولا بنقد ولا بالاجل .. مكتوب بالاجل وش يعني بالاجل ؟؟ يعني دين معناها زاد عندنا في الخصوم يعني زاد الاصل الثابت اللي هي سياره في الجهه اليمني وبالمقابل زاد عندنا الخصم في اليساار طيب نرجع للاختيارات الحين ونختار الجواب الصح رقم 3 هو الجواب الصحيح :53: النشامى مولعين :lllolll: << ذاكري يابنت |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
سؤال ثاني إختياري أي من العمليات الماليهـ التاليه من شأنه ان يؤثر بالزيادة بمقدار متساو على جانب الاصول من ناحيه والخصوم وحقوق الملكيه من ناحيهـ اخرى : 1/بيع اصل ثابت نقدا 2/سداد احد المدينين للرصيد المستحق عليه بشيك 3/ حصول مالك المنشأه على مبلغ نقدي من صندوق المنشأه بقصد تخفيض راس مالها 4/ شراء لوازم مكتبيه بالاجل طيب اول شي مثل ماقلنا نحلل الجمله .. : : يقول تتاثر جانبي الاصول والخصوم وحقوق الملكيه اثنينهم بالزياااااااااده طيب نشوف الاختيارات وايهم أصح 1/بيع اصل ثابت نقدا اذا بعنا اصل راح تنقص الجهه اليمين وبنفس الوقت بتزيد ليه لان بعناها نقدا يعني بيزيد الرصيد في صندوق المنشأه وكذا يعني ماتأثر ولا جهه لا بالزياده ولا النقصان 2/سداد احد المدينين للرصيد المستحق عليه بشيك نفس الشي اذا احد من المديونين للمنشأه سدد مبلغ كذا معناها حينقص في الطرف اليمين من خانه المدينين وراح يزيد ويييييين ؟؟ في البنك والبنك كمان في اليمين يعني ماتأثر طرف المعادله ابدا 3/ حصول مالك المنشأه على مبلغ نقدي من صندوق المنشأه بقصد تخفيض راس مالها هذا الاختيار يعني انه راح ينقص من جهة المدين رصيد من صندوق المنشأه وبنفس الوقت في الطرف الثاني راح يخفض راس المال وينقص نفس المبلغ طيب معناها الطرفين تأثرو .. هذا الجواب الصح ؟؟؟ لا طبعا ليه ؟؟ لان المطلوب في السؤال التأثر بالزياااااااااده مو بالنقصاااااان وفي هالاختيار كان التأثير بالنقصاان نشوف اخر اختيار 4/ شراء لوازم مكتبيه بالاجل اذا شريت لوازم يعني اصوول راح تزيد يعني الطرف اليمين في المدين بيزيد .. طيب تفرق كيف شريتهاا ؟؟ هنا يقول بالاجل بالاجل يعني زاد احد الخصوم في الطرف الدائن عندنا وكذاا يكون تاثر الطرفين بالزيااااااااده وهو الجواب الصحيح : : : هذي صيغة الاسئله ولها باقي في الملخص وكله نفس الشي تبي الجواب الصح حلل الجمله صح بالتوفيق الحين بنكمل اخر مراحل الدوره المحاسبيه BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
ياسلااام عليك عواااافي قلبو
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:sdfgdsf::Cry111::mh12::Cry111::sdfgdsf: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
أخر مرحلة من مراحل الدوره المحاسبيهـ هي إعداد القوائم الماليهـ أهداف القوائم الماليهـ ؟؟ 1/قياس نتيجة الاعمال 2/تحديد المركز المالي انواع القوائم الماليه : 1/ قائمة الدخل 2/قائمة المركز المالي 3/قائمة التدفقات الماليه 4/قائمة الارباح المحتجزهـ تعريف القوائم الماليه كلن على حدا موجود في الملخص صـ 98 طبعا إختصار للوقت في المقرر الحالي التركيز راح يكون بس على قائمة الدخل وقائمة المركز المالي أولا نبدا بقائمة الدخل ..... قائمة الدخل : تقرير يين نتيجة اعمال المنشأه من ربح أو خسارة خلال فترة منتهيه وفي هذا التقرير تتم المقابله بين الايرادات التي تحققت خلال الفتره والمصروفات التي انفقت في سبيل تحقيق تلك الايرادات وتكون نتيجة هذه المقابله هو ماتحققه المنشأه من ربح أو خساره حيث : *إذا زادت الايرادات عن المصروفات تكون النتيجه ربح * اذا زادت المصروفات عن الايرادات تكون النتيجة خساره العناصر الاساسيه لقائمة الدخل الايرادات & المصروفات ....... صافي الربح & صافي الخساره في صـ100 في الملخص موجود مثال لقائمة الدخل ومثل اللي نشوف كاتبين الايرادات بعدين المصروفات واخر شي الفرق يككون اما بالزياده ربح او بالنقصان خساره ثانيا قائمة المركز المالي (الميزانيه العموميه ).... قائمة او كشف يهدف الى بيان الوضع المالي للمنشأه في لحظه زمنيه معينه وتعد في نهاية كل سنة ماليه .. لتوضيح ماتمتلكه المنشأه من أصول وما على المنشأه من التزامات على تلك الاصول سواء للغير او للملاك قائمة المركز المالي مقياس لثروة المنشاه بما لها وماعليها تتلخص بما يطلق عليها معادلة الميزانيه ( أصول + مصروفات ) - (الخصوم + حقوق الملكيهـ + الايرادات ) = راس المال باقي التعريفات هي اللي ذكرتها بالبدايه موجوده بالملخص إختصارا للوقت ارجعولها من الملخص ارجعوا للاصول واقسامها والخصوم واقسامهاا ولتعريف حقوق الملكيه كله مكرر فقط للتذكير طيب كيف يتم ترتيب بنود الاصول المتداوله والثابته في قائمة المركز المالي * يتم ترتيب بنود الاصول على مبدا السيوله .. يعني اللي سهل اني احولها لسيوله نقديه * يتم ترتيب الاصول الثابته على اساس مبدأ الثبات .. يعني اللي يصعب تحويلها الى سيوله نقديه كمان موجود مثال لشكل القائمة مثل اللي نشوف عاليمين الاصول المتداوله وبعدها الثابته وبعدها الغير ملموسه وعاليسار الخصوم طويلة الاجل وبعدها قصيرة الاجل واخر شي حقوق الملكيه أهم نقطهـ في قائمة الدخل وقائمة المركز المالي تعرفون الفرق بينها في التعريف كذا نكون انتهينا من اخر مراحل الدوره المحاسبيه : : اترككم شوي تذاكروهاا إلى ان نروح للعمليات الرأسماليه بالتوفييييييق BrB:106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
والله انكم كفوووووووووووووووووووو
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
فالك a+
تستاهلين التقيم الله يوفقك ويوفق الجمييييع يااارب |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
العمليات الرأسماليه ( عمليات راس المال ) يتمثل راس المال في الاموال التي يقدمها صاحب المنشاه للتصرف فيها داخل المنشأه بما يحقق اهدافه وااااااااضح التعريف مرره كلنا عارفين وشهو راس المال طيب ابي اعرف وشهي العمليات الراس ناليه يقولكم فيه ثلاث عمليات 1/ إيدااااااع 2/ زيااااده 3/ تخفيييييض طييب نبدأ بالايدااع ممكن يودع ثلاث اشاء تعتبر كرأس مال 1/ مبالغ نقديهـ 2/اصول عينيهـ 3/ مبالغ نقدية واصول عينيهـ المبلغ يعني النقد يعني يحط فلوس تعتبر كراس مال للمنشأه وممكن يودع اصل يعني مثلا مبنى للمنشاه او سياره يسخرها للمنشأه كذا اودع اصول طيب في هالحاله كيف نسجل القيد من حـ / الصندوق او البنك او الاصل إلى حـ/ رأس المال سبق وشرحنا كيف القيد في دفتر اليوميه قلنا اذا زودنا اصل او زاد الرصيد في البنك او في الصندوق نحطه في جهة المدين ونكتبه من حـ / ..... وإذا زاد راس المال طبعا لانه بطبيعته دائن نحطه في جهة الدائن ونكتب إلى حـ / راس المال العمليه الثانيه هي الزياده يعني خلال فتره او دورة التشغيل اضفت راس مال أياً كان شكله نقدي او اصل عيني ويكون القيد نفس الشي من حـ/ الصندوق او البنك أو الاصل إلى حـ/ راس المال العمليه الثالثه وهي التخفيييييض خلال حياة المنشأه راح يتغير القيد ليه ؟؟ لان هذا معناه راس المال راح ينقص وإذا نقص نحوله للجهه اليمني نكتب كذا من حـ/ راس المال إلى حـ / الصندوق أو البنك أو الاصل : : : اترككم تذاكروو هالنقطهـ وبنرووح للمسحووبااات BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:d5::d5::d5:مشكورين
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
كفوك الطيب بالتوفيييييق اقتباس:
تبين الصدق ماغير اسمع بالتقيم ولا مدري وشهوو :mh12: بس اللي اعرفه شي زين ههههههههههههـ :biggrin::biggrin: الله يسمع منك يارب ويوفقنا جميعا :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
عندي سؤال الحين معادلة الميزانيه مره تجي بالسالب ومره بالموجب :(
الأصول = الخصوم + حقوق الملكيه الأصول = الخصوم _ حقوق الملكيه :Cry111: وفي مسأله بـ صفحه 89 فقره ( ج) كيف أحلها :( وشكراً |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
الله يعطيك العافيه مجهود جبار
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
نجي للمسحوبات .. بالعاميه المسحوبات هي اي شي يسحبه صاحب المنشأه من المنشاه طبعا الدنيا مش سايبه يعني حتى لو ان هو مالك المنشاه بس لازم تسجل عليه في نوعين من المسحوبات فيه مسحوبات نقديه & مسحوبات البضاعه النقديه هي اذا سحب المالك من حساب المنشاه في الصندوق او البنك كيف نسجل القيد نكتب من حـ / المسحوبات الشخصيهـ إلى حـ/ الصندوق أو البنك طيب إذا سحب جزء من المبلغ من الصندوق والجزء الثاني من البنك وش نكتب نكتب من حـ/ المسحوبات الشخصيهـ إلى مذكورين : حـ/ البنك حـ/ الصندوق هذي المسحوبات النقديهـ : : : طيب مسحوبات البضاعهـ معناها ان صاحب المنشأه يسحب من البضاعه لاستخدامه الشخصي طبعا تفرق من محاسب لمحاسب يعني بعض المنشآت يحسبونله البضاعه بسعر التكلفه بإعتبار ان صاحب المنشأه ماراح يكسب من نفسه يعني مثلا كلفهم الجوال اللي بياخذه 50 ريال وراح يبيعونه بـ 800 ريال ... اذا بياخذ صاحب المنشأه جوال راح يبيعونله ياها بسعر التكلفه يعني 50 وبعض المنشآت تحسبله بسعر السوق ليييييييش ؟؟؟ علشان مايلقاها حلاوه كل شوي يسحب وعجبه الوضع انه ياخذ بالرخيص :biggrin: وكمان علشان يبون يعرفون بالضبط نتيجة اعمال المنشأه الفعليه علشان كذا يسجلونها بسعر البيع مثل المبيعات طيب كيف نسجل القيد راح ناخذ عمليااات ونطبق .. سحب فااضل << ردينا لفااضل :icon9: سحب فااضل جوال من منشأة فاضل لاستخدامه الشخصي وتم تقييمة بسعر التكلفة بمبلغ 3000 ريال طيب قلنا بيزيد المسحوبات الشخصيه وهي اللي حطينها بالمدين طيب بينقص المشتريات لانه خذا من المشتريات راح نكتب من حـ/ المسحوبات الشخصيهـ إلى حـ/ المشتريات المشتريات هي البضاعه والبضاعه تعتبر مدين فاذا نقصت نحطها بجة الدائن ... طيب اذا قلنا انه شرى الجوال بسعر البيع يعني بـ 3500 ريال راح نكتب المبيعات مو المشتريات لانه خذاها بسعر البيع يعني كذا من حـ / المسحوبات الشخصيهـ إلى حـ/ المبيعات ليه المبيعات دائن ؟؟ المبيعات هي الايرادات وبزيادتها تكون في الايرادات طيب اذا وصلت مسحوبات فاضل ل 6000 ريال ويبون يسجلونها عليه نهاية الفتره ويخفضونها من راس المال وش قلنا نسوي ؟؟ نكتب من حـ / رأس المال إلى حـ/ المسحوبات الشخصيهـ شرحناها قبل يعني راس المال بطبعه دائن اذا نقص بيروح لجهة المدين والعكس المسحوبات الشخصيه اذا نقصت تروح لجهة الدائن واذا زادت تبقى في المدين كذا انتهينا من المسحوبااات بترككم شوي تذاكرو ونروووووح للعمليات التمويليهـ : : : بالتوفييييق :106::106: : : : BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
ترى اقرا المحتوى ورآجع معك اكتبي الاشياء المهمه وابشري بالتقييم كل شوي واذا ماعديتها ترجعين لي تقييمي ولا بشتكيك على آدمن :hahahahahah: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
حياك اختي المعادله ماتجي بإشارتين الصحيحه هي الأصول = الخصوم + حقوق الملكيه هذي معادلة الميزانيهـ اللي هي معادلة المحاسبه انتي لخبطتي بينها وين هالمعادلهـ (اصول + مصروفات ) - (الخصوم + حقوق الملكيه +الايرادات ) = راس المال هذي غيييير هذي إذا عطاك ارقام بأرصدة الخصوم والمصروفات والاصول وحقوق الملكيه والايرادات وطلب منك ايجاد راس المال ؟؟ تسوينها بهالمعادله |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
الله يستر عيوني بدت تعورني من 11 الصبح للحين وانا على ذا اللاب بس تستاهلووون فديتكم اذا فيه اخطاء إملائيه زمطت مشوهاا لي :biggrin: :mh12: بالتوفيق :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
بس كيف انا حليت مسأله بالكتاب وبالمعادله الأصول = الخصوم _ حقوق الملكيه :Cry111: وطلع الجواب صح :bawling: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
صفحه ( 54 )
فقره (هـ ) :icon9: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يعطيك العافية:33_asmilies-com:
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
طيب نجي للعمليات التمويليهـ العمليه التمويليه :: هي القرووض سواء من البنك أو من المؤسسات الماليه يعني يقترض بدل انه يزود راس المال طيب كيف نسجل هالقيد .. نقول مثلا لو اقترضت المنشأه وحطته في حساب المنشأه في البنك نكتب من حـ/ البنك إلى حـ/ القرض طبعا بما انه زاد رصيد البنك وهو مدين فيكون في جهة المدين .. والقرض يعتبر من الخصوم علشان كذا بزيادته يكون في جهة الدائن << هذه مراجعة معلومات كلنا عرفناه طيب إذا مثلا المنشأه تبي تسدد جزء من القرض بعد فتره يعني حصلت ارباح وبترد جزء من اللي اقترضته كيف نسجل القيد نكتب من حـ/القرض إلى حـ/البنك يعني القرض نقص وهو بطبيعتة دائن لما ينقص يروح لجهة المدين والبنك بطبعه مدين لما ينقص يرح لجهة الدائن واذا كتب عند سداد تكلفة تمويل القرض راح يختلف نكتب من حـ/ تكلفة تمويل القرض إلى حـ/ البنك كذا نكون خلصنا العمليات التمويليهـ BrB ونرجع للباااااااقي |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:(204)::(204)::(204)::(204)::(204)::(204)::(204):: (204)::(204)::(204):
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
انا اذاكر من ملخص ابو موزه ياليت تكتبين المسألهـ اتركي عنك الكسل :017: انا من الصبح في ذا الموضوع اكتب :24_asmilies-com: .. عجزتي عن كتابة مسئلهـ إهئ إهئ :icon9: فديت قلبكـ انتظركـ :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
ودي أكتببها بس والله توني بالفصل الرابع :Cry111: بسألك الفصل الرابع في ملخص بوموزه الجدول حق منشأة فاضل وش سالفته ؟ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
منشأة فاضل في كل زمان وكل مكان مو بس في الفصل الرابع :biggrin: تابعي مع شرحي بالبدايه انا حطيت مثال للتسجيل في المنشأه وطبقي عليه في باقي العمليات BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
عمليـاااااااااااااااات البضاااعهـ المشترياااااات قلنا المشتريات تكون من ضمن المصروفات وطبعا هي مدينه يعني على قد مااشترينا بضاعه بغرض البيع على قد ماانها بتكون مديييينه بقيمة البضاعهـ ملالالالالالالالالاحظه::: لما تشتري المنشأه سيارات او الالات او اثاااث هذي اسمهاا اصول ثااابته ماتدخل ضمن المشتريااات المشتريات هي بس البضاعه اللي تشتريها المنشاه بغرض البيييييع يعني فهمنا من هالكلام إن الاصول الثابته تشترى بغرض استخدامها في المنشأه والمشتريات (البضاعه) تشترى بغرض بيعها وتحقيق الارباااااااح طيب عندنا ثلاث صور للمشتريات الاولى اننا نشتري نقدا من صندوق المنشأه كيف نسجل القيد .. كذا من حـ/ المشتريات إلى حـ/ صندوق المنشأهـ هذي نسميها مشتريات نقديهـ : : : والصوره الثانيه اللي نشتريها بشيك يعني من حساب البنك ونسجلهاا كذا من حـ/ المشتريات إلى حـ/ البنك ونسمي هالصوره مشتريات بشيك : : : الصوره الثالثه هي اللي تكون بالااجل يعني دين .. يعني نشتري بضاعه بالدين ونسجلها كذا من حـ/ المشتريات إلى حـ/ الدائنين وهذي نسميها مشتريات بالاجل : : : : وكذا انتهينا من المشتريات أنا برب صلالاه وبنرجع للمردودات والمسموحااات بالتوفيييييييق :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
طيب حبيبتي مقاطعه عندي سؤااال لاهنتي
ارصدة الحسابات التاليه مستخرجه من دفتر الاستاذ وهي 75000بنك و 7500 مدينون و 12000 دائنون و127500سيارات و22500اثاث و22500مصروفات رواتب واجور و81000 ايراد خدمات و 3000 لوازم ومهمات مكتبه من المعلومات السابقه يكون راس المال للمنشأه 1/ 150000 ريال 2/ 156000 ريال 3/180000 ريال 5/ 135000 ريال 5/ لاشي مماذكر ماعرفت وشلون راس المال اطلعه وعلى اي قاعده اطبقه ؟؟؟:(107): وخاصه اني اتلخبط براس المال مع حقوق الملكيه !!! |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يارب تنجحون يارب
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
(اصول + مصروفات ) - (الخصوم + حقوق الملكيه +الايرادات ) = راس المال عوضي الارقام بالقاعدهـ هذي وبتطلعلك النتييجه (البنك + المدينون + السيارات + الاثاث + المصروفات + لوازم ومهمات مكتبيه ) - ( الدائنون + ايراد الخدمات ) = راس المال انا بروح اصلي وقوليلي وش طلع معك BrB :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
بعد ما اخلص ابي اعطيكم شي مهم ركزو على المحاضرة الاخير
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يسلمو :d5:ظبطت معااي طلع 165000 وهذا الجواب الصحيح
اللله يوفقك ياشيخه |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
الله يبارك بعمرك
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
السلام عليكم أختي : الله يعطيك أكثر من 1000 عافيه على شرحك المبسط والجميل جدا" في الأسلوب الكومدي .,أقول بأذن الله راحت التوهيقه ... و تقييمي لك هو شكري و أمتناني على المجهود الملموس والمثابرة المتقدة منك بدون من" أو أذى ,,, بسم الله عليك من كل عين لاتذكر الله ويحفظك بسمه رب العالمين .,,, وتقبلي هديتي المتواضعه على مجهودك السخي .. ودمتي بأتم الصحة والعافية أوخيتي ,,,,,,,, أنتهىاااااااااااا تحياتي ابو عبدالعزيز2
http://sub5.rofof.com/img3/01ysezv17.gif |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
باااااااااك طيب الحين خلصنا من المشتريات بنشووف وشهي المردودااااااات اذا اشترت المنشأه بضاعهـ وبعد مااشترتها اكتشفت ان فيها عيووب ورجعت تبي ترد البضااعهـ كذا معناها بنفتح حساب بإسم هالجزء ونسميه بـ حـ/ مردودات المشتريات حساب مردوداات المشتريات هو حساب دااااائن بطبيعتهـ ليش داائن ؟؟ لان بزيادتة يخفض المشترياات اللي تعتبر مدينه في الطرف الايمن ملالالالالالاحظه في نهاية الفتره يظهر حساب مردودات المشتريات مطروحا من رصيد حساب المشتريات طيب نجي لصور مردودات المشتريااات الصوره الاولى اذا ردينا البضاعه وخذينا قيمتها نقداا يعني راح يزيد رصيد صندوق المنشأه وراح يسجل القيد كذاا من حـ / صندوق المنشأه إلى حـ/ مردودات المشتريات ونسمي هالصوره مردودات مشتريات نقديييه لاننا استلمنا قيمتها نقداا : : : : الصوره الثانيه يعني اذا ردينا بضاعه وخذينا قيمتهاا بشيييك يعني راح يزيد رصيد المنشأه بالبنك راح نسجل القيد كذاا من حـ/ البنك إلى حـ/ مردودات المشتريات وهذي الصوره نسميها مردودات مشتريات بشيك : : : : الصوره الثالثه اذا ردينا البضاعه ولكن ماخذينا المبلغ يعني صار بالاجل وراح نسجل القيد كذا من حـ/ الدائنين إلى حـ/ مردودات المشتريااات وهذي نسميهاا مردودات مشتريات بالاجل : : : وكذا نكون خلصنا من كيفية تسجيل قيد المردوداات اترككم تذاكروو شوي ونرجع للمسموحاااااات BrB بالتوفيييييق :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
طالبهـ جامعيهـ .. تسلمين عالدعوهـ والله يوفقك
ماجد ... يعطيك العافيه ابو لمار ... ويبارك فيك يارب ويوفقك الثقل كلهـ ... الحمدلله أبو عبد العزيز .. شكرا عالإطرااء والدعوهـ والهديهـ الحلوهـ يازعييم :biggrin: الله يوفقكم ويوفقنا يارب :106::106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
M!ss Messo
أفتحي صفحه 62 فقره ( هـ ) راح تشوفين أن معادلة الميزانيه الاصول = الخصوم _ حقوق الملكيه ) :bawling: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
عموما الاصول= الخصوم+ حقوق الملكيه انتبهي عمرها ماكنت ناقصه لكن لو قالك ابي الخصوم هنا الاصول- حقوق الملكيه وسؤالللي يعرف في الاسأله اللي حاطينها في المنتدى هذا السؤال وحابه اتأكد من اجابته س 8–تظهر الايرادات المستحقة في قائمة المركز المالي ضمن : أ – الاصول المتداولة .ب – الخصوم المتداولة . ج – زيادة حساب المدينين.د – زيادة حساب اوراق القبض. انا مو مقتنعه بالاجابه لأن الايرادات تعتبر خصوم صح ؟؟؟ ليش مختارين اصول؟؟ الللي فاهم يوضح لاهنتوو |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
السلام عليكم ..شاكرا منكم هذا الجهد الرائع ..
ولدي سوال ..انا فهمت ان حساب (المبيعات والمدينين الصندوق..حسابات مدينه ..لكن اتفاجا اني اجدها مسجله في جهه الدائن فكيف يكون ذلك |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
وسؤال ثاني حابه اتأكد من اجابته <<< كثرت اسألته
س 16–اذا كان رصيد حساب البنك بدفاتر المنشأة 50,000ريال وبلغت أرباح أسهم سابك المودعة لدى البنك بإسم المنشأة ولم يصل إشعار إضافة للمنشأة بعد 10,000ريال ، والشيكات المسحوبة لأمر الدائنين ولم تصرف بعد 15,000 يال ، والشيكات المرسلة للتحصيل 17,000 ريال فإن رصيد حساب البنك المعدل في دفاتر المنشأة يكون : أ – 72,000 يال . ب – 60,000 ريال. ج – 62,000 ريال.د – 52,000 ريال الاجابه تطلع معي 62000 من الاصح بليز ليش 60000؟؟؟ يسلمو يالغاليه ويوفقك ربي بس ماجاوبتوني على السؤال هذا |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
المدينين دائنه لكن ممكن تنقل الى دائنه في حالة الاغلاق لأن القيود تقلب |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
طيب نرجع لعملياات البضاااعهـ عرفنا المشتريات والمردوداات الحين بنعرف وش هي المسموحاات وشو يقصدون فيهاا مثلا اشترت المنشأه بضاعهـ وبعد مااشترتها اكتشفت ان فيها عيب ماا وبغت ترجعها ... طيب الشركة اللي شرينا منها البضاعه ممكن ماتوافق ترجع ممكن تحط شروووط مثلا تخفيض سعرها يعني تقول لمنشأة فاضل طيب انتم شريتو مننا البضاعه بمبلغ 50000 ريال بنخفضلكم سعرها بما ان فيها عيب وبنرجعلكم 20000 ريال كذا راح نفتح حساب جديد اسمه حـ/ مسموحااات المشتريات هذا الحساااب مثل المردوداات دااائن بطبيعته وكمان نفس الملاحظهـ هذا الحساب يظهر في نهاية الفتره في قائمة الدخل مطروح من المشتريااااات طيب صور مسموحاات المشتريااات نفس مردودات المشتريااات بالضبط الصوره الاولى اذاخذينا جزء من قيمة البضاعهـ نقداا يعني راح يزيد رصيد صندوق المنشأه وراح يسجل القيد كذاا من حـ / صندوق المنشأه إلى حـ/ مسموحات المشتريات ونسمي هالصوره مسموحات مشتريات نقديييه لاننا استلمنا قيمتها نقداا : : : : الصوره الثانيه يعني اذاخذينا قيمتهاا بشيييك يعني راح يزيد رصيد المنشأه بالبنك راح نسجل القيد كذاا من حـ/ البنك إلى حـ/ مسموحات المشتريات وهذي الصوره نسميها مسموحات مشتريات بشيك : : : : الصوره الثالثه اذا ماخذينا المبلغ يعني صار بالاجل وراح نسجل القيد كذا من حـ/ الدائنين إلى حـ/ مسموحات المشتريااات وهذي نسميهاا مسموحات مشتريات بالاجل : : : وكذا نكون خلصنا من عمليااات البضاااعهـ طيب نقطهـ مهمهـ : اذا طلب منكم في سؤال ايجاد صااااافي المشتريااات صافي المشترياات = اجمالي المشتريات - مردودات المشتريات - مسموحات المشترياات : : : BrB |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
الف شكر على الموضوووع بالتووووفيق:d5:
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
ياحيااتي مدري من وين بتشوفينها انتي انا اللي فهمته من فقره هـ انه يبي الخصوم معادلة الميزانيه = الاصول = الخصوم + حقوق الملكيه علشان نجيب الخصوم راح نكتبها كذا الخصوم = الاصول - حقوق الملكيه وتعوضي وعلطول حتطلعلك مدري اذا فيه لبس في ارقام الصفحات علشان كذا قلتلك حطي المساله أما اذا كان تقصدين السؤال اللي اقول عليه فالجواب هو انك تعوضي في المعادله السابقه علشان تطلعلك الخصوم بالتوفييييييق :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:d5:الله يعطيك العافيه اختي ميشوو
والله فيه اشياء ما كنت اعرفها وحصلتها في الشرح :(204): ربي يكتب اجرك و يوفقك ويوفقنا معاكـ في الاختبار بكرهـ :119: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
بس ياحياتي اقتنعي بالاجابه لانها هي الصح انا فتحت على قائمة المركز المالي في صـ 103 في ملخص ابو موزه ولقيت الايرادات المستحقه ضمن الاصول المتداوله زين انك نبهتي البقيهـ تأكدي الاجابهـ صحيحهـ 100% لكن ليش يبيلها شوية تفكير انا راسي بدا يقفل وعيوني بدأت تزغلل تفكير العباقره وقف عدني << هين :biggrin: بالتوفيق :106::106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
للتذكيييييير: حساب المبيعات حساااب داائن اذا زاد يبقى في جهة اليسار دائن واذا نقص يذهب للجهه اليمنى ويكون مدين وحساب المشتريات العكس .. يعني بطبيعته مدين .. اذا زاد يبقى في الجهه اليمنى واذا نقص يذهب للجهه اليسار ضمن الدائن يعني كل حساب مدين بزيادتة يبقى في الطرف اليمين ونقصه يخليه يروح لليسار وكل حساب طبيعته دائن اذا زاد يبقى في اليسار واذا نقص يرووح للجهه اليمين اتمنى وضحت الفكرهـ :106::106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
كل الشكر والتقدير لمجهودك الرائع...
يعطيك العافيه...تستاهلين التقييم... |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
وسؤال ثاني حابه اتأكد من اجابته <<< كثرت اسألته
س 16–اذا كان رصيد حساب البنك بدفاتر المنشأة 50,000ريال وبلغت أرباح أسهم سابك المودعة لدى البنك بإسم المنشأة ولم يصل إشعار إضافة للمنشأة بعد 10,000ريال ، والشيكات المسحوبة لأمر الدائنين ولم تصرف بعد 15,000 يال ، والشيكات المرسلة للتحصيل 17,000 ريال فإن رصيد حساب البنك المعدل في دفاتر المنشأة يكون : أ – 72,000 يال . ب – 60,000 ريال. ج – 62,000 ريال.د – 52,000 ريال الاجابه تطلع معي 62000 من الاصح بليز ليش 60000؟؟؟ يسلمو يالغاليه ويوفقك ربي بس ماجاوبتوني على السؤال هذا |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
حياك اختي إسألي شو مابدك قوليلي وش القاعدهـ اللي اتبعتيها يمكن فيها خطا اقتباس:
العفوو تسلم <<للحين تايهه في سالفة التقييم تنتظر ريووم تفهمها خخخخخخخ :biggrin: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
أختي كرما" لا أمر فيه سؤال صغير ع الطاير بما أنني أحد طلابك الآن ومتابع لشرحك الواضح والوافي / يقول الفرق بين أيراد المبيعات وتكلفة المبيعات هل هو 1- إجمالي الأرباح (اجمالي الدخل) 2- صافي الدخل ( الأرباح )
أنا أقول رقم واحد !!! صح علي .... فية نقطة ودي أفهمها صافي الدخل ( الأرباح ) وش = تراني مركز مع شرحك وأنتظر الأجابة منك ولو بعد أنتهاء الشرح الكامل ... :mh35: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
واقولك الفرق بين اجمالي الارباح وبين صافي الربح اجمالي الربح هو الربح اللي تحصله المنشأه بعد بيع بضاعتها أما صافي الربح هو الربح ناقص التكلفه وهو يقول في السؤال الفرق بين الايراد اللي حصلووه وبين التكلفه يعني بيكون صافي الربح شكرا عالسؤال لانه راح يوضح معلومهـ للجميع |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:d5:اللــــــــه يجــــــزاك خير ويوفقك يارب
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
الله يعطيكم العافيه على هذا التوضيح ..وان شاء الله ان يكون ختامها مسك لنا ولكم ولجميع الاخوه والاخوات المنتسبين |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
طيب نكمل خصم الشراء ينقسم خصم الشراء إلى أ/ الخصم التجاري ب/ الخصم النقدي اول شي ناخذ الخصم التجاري ... اذا المنشأه تبي تشجع المشتري على الشراء تسوي خصم الخصم التجاري هو خصم الكميه .. يعني مثل اشتري كذاا واصل على ثانيهـ مجانا .. هذي تعتبر عند المشتري تخفيض للتكلفهـ ملاحظهـ : لايسجل الخصم التجاري بالدفااتر .. بس تظهر لنا في الصافي .. يعني تعتبر هذه قيمة تحملتها المنشأه لتطبيقها لمبدأ التكلفه التاريخيهـ طيب ناخذ مسألهـ توضيحيهـ يعني كيف راح تجي .. اشترت منشأة فاضل التجاريه بضاعه قيمتها 50000ريال ريال بخصم 10% وتم سداد المبلغ المستحق نقدا.. طيب المطلوب نسجل العمليه السابقه في دفتر اليوميه .. خطوهـ خطوهـ اول شي نشوف مبلغ الخصم كم راح يكون قيمة الخصم = سعر السلعه / قيمة الخصم % 50000 / 10 % = 5000 قيمة المشتريات = 50000 - 5000 = 45000 وش اللي سويناه بالضبط ؟؟ نقصنا قيمة الخصم من المبلغ الكامل للسلعه قبل لا نسجلها في دفتر اليوميه والحين نكتب القيد 45000 ............................... من حـ/ المشتريات ................45000 ............................ إلى حـ/ الصندووق ليه الصندووق ؟؟ لاننا اشترينا السلعه نقداً والصندوق مدين بما اننا اشترينا معناها نقص رصيده بيروح لجهة الدائن .. والمشتريات بطبيعتهاا مدينه وبما انها زادت بتبقى في جهة اليمين هذا كلوو كان عن الخصم التجااري اترككم شوي ونرجع نكمل الخصم النقدي BrB الله يوفقكم ويسهلكم يارب :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
[QUOTE=M!ss Messo;2488572]حياك اختي إسألي شو مابدك
قوليلي وش القاعدهـ اللي اتبعتيها يمكن فيها خطا انا جمعتهم كلهم ونقصت ال15000 اللي هي شيكات الدائنين؟؟ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
[quote=الثقل كله;2488872]
اقتباس:
طيب ياحياتي اعتمدتي على اي قاعده وش القاعده اللي تقول انك تجمعي كذا وكذا وكذا وتنقصي كذا |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اختي الله يعافيكـ
تهقين يمديني الحق عليكم انا توني بالمحاضرهـ الخامسه:Cry111: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
[QUOTE=M!ss Messo;2488934]
اقتباس:
طيب بليز قوليلي وش القاعده اللي اطبق عليها؟؟ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
ب/ الخصم النقدي الخصم النقدي هو ان المنشأه تنزل عرض مثلا اشتري جوال واحصل خصم 5% خلال الفتره مثلا عشر اياام يعني يتم تحديد فتره للخصم وهذا حسااب دائن بطبيعته ملالالاحظهـ يظهر حساب الخصم المكتسب في قائمة الدخل في نهاية الفتره مطرووح من اجمالي المشترياات مثل ماقلنا اول صافي المشتريات = اجمالي المشتريات - مردودات المشتريات - مسموحات المشتريات - الخصم المكتسب راح ناخذ مثال توضييح .. أشترت منشأة فاضل التجاريهـ بضاعهـ على الحساب من منشأة التوفيق بمبلغ 50000ريال بخصم نقدي 4% اذا تم السداد خلال عشره ايام من تاريخهـ وقد قامت المنشأه بسداد المستحق عليها لمحلات التوفيق بشيك قبل انتهاء الفتره طيب قيد شراء البضاعهـ راح يكون في البدايهـ كذا لانه أخذ بالاجل 50000 ............... من حـ/ المشتريات .......... 50000 ........... إلى حـ/ الدائنين (منشأة التوفيق ) طييب الحين يوم تجي تسدد علشان تسجل القيد بعد السداد .. بما انها سجلت قبل انتهاء الفتره يعني لها خصم تعالو نحسب قيمة الخصم 50000 * 4% = 2000 50000 - 2000 = 48000 يعني قيمة البضاعه بعد الخصم النقدي 48000 الحين نسجل قيد السداد 50000 ............ من حـ/ البنك .............................. إلى مذكورين ........ 48000 حـ/ البنك ........2000 حـ/ الخصم المكتسب الفرق بين الخصم التجازي والنقدي في القيد انو هنا نسجل القيمه الكليه ونسجل قيمة الخصم في الدفتر اما الخصم التجاري لا نطلع قيمة الخصم وننقصها من قيمة السلعه : : : معلومهـ .. فترة الإئتمان .. هي أقصى مدهـ بالايام من تاريخ الشراء لسداد إجمالي القيمهـ بدون خصم : : : ولهنا خلصنا الخصم التجاري والنقدي لي عودهـ مع الباقي BrB بالتوفييييييق :106::106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
وسؤال ثاني حابه اتأكد من اجابته <<< كثرت اسألته
س 16–اذا كان رصيد حساب البنك بدفاتر المنشأة 50,000ريال وبلغت أرباح أسهم سابك المودعة لدى البنك بإسم المنشأة ولم يصل إشعار إضافة للمنشأة بعد 10,000ريال ، والشيكات المسحوبة لأمر الدائنين ولم تصرف بعد 15,000 يال ، والشيكات المرسلة للتحصيل 17,000 ريال فإن رصيد حساب البنك المعدل في دفاتر المنشأة يكون : أ – 72,000 يال . ب – 60,000 ريال. ج – 62,000 ريال.د – 52,000 ريال اختي مس ميسو لو سمحتس شلون طريقة هذي المسألة لأنها فعلا جننتني |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
ركز بكل الكلام اللي كتبته واهم شي تفهم صدقني اذا قرات بتركيز ان شاء الله بتلحق إذا انت فاهم كل شي للمحاضره الخامسه اعتبرها مراجععه وكمل هنا وخلي الملخص معك بالتوفيق خلاص هذا اخر اختبااار لامجال لليأس انا بسوي حفلهـ الحين بعد ربع ساعه بكون كملت 12 ساعه عاللاب بديت احس بخموول وعيوني تعورني واطراف اصابعي بتتكسر :24_asmilies-com: بس كل ماافتكر انها اخر ماده اتحمس :53: بالتوفييييييق للجميع واللي عندهـ سؤال محيرهـ يسدحهـ علشان الكل يستفييييد :106: |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
ناخذها حبهـ حبهـ رصيد المنشأه في البنك 50000 + الاربااح اللي للحين ماسجلت 10000 يعني راح يكون = 60000 طيب المعطيات الباقيه ليه مانحتاجهاا ؟؟ لان الاولى يقول ماصرفت لسه يعني مانقص شي من البنك والثانيه مرسله للتحصيل يعني كمان للحين ماحصلت سلامتك من الجنون اخوووي أنا كنت انتظر اختي اللي تقول طلعلها الجواب 62000 على شو اعتمدت لكن هي الظاهر توهتها باقي المعطياات اتمنى يكون وضحت النقطهـ بالتوفييييق |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يعطيج الغالفيه اختي مس ميسو بصراحه جهد تشكري عليه
تركت الملخصات وقاعد على شرحك الوافي ويدخل المخ بسرعه ماشءالله عليج |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يعطيــــــك العااافيـــــة
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
من الحماس بغيت اطب عالكيبورد :53:
يالله معاك معاك الله يعطيكـ الف عافيه وعقبآل الفل مآركـ يآآآآرب للجميع 10دقايق واخلص الخامسه وابدى معاكـ بس من وين ابدأ لاني فاهم الحمد لله الى الخامسه |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
الله يعطيك العافية
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
طيب انت قلتي رصيد المنشأه في البنك 50000 + الاربااح اللي للحين ماسجلت 10000 يعني راح يكون = 60000 الاربااح اللي للحين ماسجلت 10000 مدام هي للحين ماتسجلت شلون نحسبها ؟ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
لفتني سؤال فيه تمويهـ حبيت اسدحهـ لكم ونحلهـ ... إذا كان رصيد حساب الصندوق في منشأة النجاح في بداية شهر محرم 1430هـ هو 100 ألف ريال، وقد قامت المنشأة خلال الشهر بشراء بضاعة نقداً بمبلغ 60 ألف ريال، كما قامت بسداد الإيجار السنوي للمنشأة البالغ 20 ألف ريال بشيك، وباعت بضاعة بمبلغ 80 ألف ريال حصلت النصف نقداً والباقي بالأجل، كما قام بعض المدينين بسداد المستحق عليهم نقداً والذي بلغ 40 ألف ريال، في هذه الحالة فإن رصيد حساب الصندوق في 30/1/1430هـ هو .... هذي عمليات في صندوق المنشأه ويبقى في السؤال رصيد الصندوق بعد العمليات طيب خطوهـ خطوهـ وعمليهـ عمليهـ أول شي رصيد الصندوق في البدايهـ كان 100000 ريال أول عمليهـ هي ان المنشأه اشترت بضاعهـ نقدا يعني نقص من رصيد الصندوق قيمة البضاعه واللي هي 60000 ....... كذا راح يكون الباقي 40000 ........ يعني الرصيد في المنشأه بعد هالعمليه 40000 طيب العمليه الثانيه .. كما قامت بسداد الإيجار السنوي للمنشأة البالغ 20 ألف ريال بشيك لاحظوو يقول بشيك والشيك معناها انه راح يغير في حساب البنك مو الصندوق علشان كذا اقولكم فيه معطيات تكون للتمويييهـ يبيلها شوية تركيز طيب العمليهـ الثالثه .. باعت بضاعهـ بـ 80000 ريال نصها نقدا يعني من الصندوق ونصها بالااجل يعني راح نضيف للصندوق نصف الثمانين الف يعني 40000 الف كان عندنا 40000ريال وضفنا له الحين 40000 يعني صاروو 80000 ريال طيب العمليهـ الاخيرهـ سددو بعض اللي كانو متدينين اللي عليهم وكان قيمته 40000ريال نقدا يعني نضيف للصندوق كمان 40000ريال 80000 + 40000 = 120000ريال يعني رصيد الصندووق راح يكون 120000 ريال |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
مستمرين معك
وان شالله تحققين الفل مارك بس حبيت اسئلك انتي الحين وصلتي لـ أي محاضرة؟؟ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
يعطيييك العافيه
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
لاحظوو يقول بشيك والشيك معناها انه راح يغير في حساب البنك مو الصندوق
علشان كذا اقولكم فيه معطيات تكون للتمويييهـ يبيلها شوية تركيز طيب العمليهـ الثالثه .. باعت بضاعهـ بـ 80000 ريال نصها نقدا يعني من الصندوق ونصها بالااجل يعني راح نضيف للصندوق نصف الثمانين الف يعني 40000 الف كان عندنا 40000ريال وضفنا له الحين 40000 يعني صاروو 80000 ريال طيب العمليهـ الاخيرهـ سددو بعض اللي كانو متدينين اللي عليهم وكان قيمته 40000ريال نقدا يعني نضيف للصندوق كمان 40000ريال 80000 + 40000 = 120000ريال يعني رصيد الصندووق راح يكون 120000 ريال صح عليك بشيك والشيك من حساب البنك يعني لو اني بالاختبار كان ممكن حسبتها احس الاختبآر اغلبه تمويه الله يستر من اسئلته |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
لو نرجع شوي للسؤال بنفهم هي اساسا الاسهم بتضاف لحساب المنشأه في البنك علطوول لكن اقصد بانها ماسجللت إنها ماوصلت للمنشأه كشف يبينلهم ان رصيدهم زاد لكن هو اساسا زااد ونرجع للسؤال س 16–اذا كان رصيد حساب البنك بدفاتر المنشأة 50,000ريال وبلغت أرباح أسهم سابك المودعة لدى البنك بإسم المنشأة ولم يصل إشعار إضافة للمنشأة بعد 10,000ريال ، والشيكات المسحوبة لأمر الدائنين ولم تصرف بعد 15,000 يال ، والشيكات المرسلة للتحصيل 17,000 ريال فإن رصيد حساب البنك المعدل في دفاتر المنشأة يكون : أ – 72,000 يال . ب – 60,000 ريال. ج – 62,000 ريال.د – 52,000 ريال يعني هي زادت في رصيد البنك لكن للحين ماوصل للمنشأه كشف ابلاغ يبغى الرصيد المعدل يعني الرصيد اللي المفروض يكوون اتمنى تكون وضحت المعلومهـ |
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
وصلت المعلومة ومشكورة واجد واجد
|
| All times are GMT +3. الوقت الآن حسب توقيت السعودية: 06:57 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام