المشاركة الأصلية كتبت بواسطة عبدالعزيز _ (المشاركة 10393715) العفوو اخواني واخواتي .. نتمنى ان يتم معالجة الوضع ولا يهملون موضوعنا .. اخي afh911 فكرة انا بهشي بس مشكلة الوقت يبيلك شهر تجمع الارقام الاكاديمية ..

الفريدان كتب 6 كذبات جديده عشان يخفي مشاكل وتخبط الجامعة هالترم

جابو العيد بالتصحيح و مايبون يعيدون التصحيح عشانه ياخذ وقت و يبين عند ادارة الجامعة انهم تلخبطو و ضرو التقويم الزمني .لو تم اعادة التصحيح معناته بداية و نهاية تسجيل المواد راح تتاجل من الاسبوع الجاي الى يمكن اسبوعين قدام..اخر شي كتب نسبة النجاح مرتفعه و حدد القانون والمحاسبة منها و اتوقع بكرة يقول درجات المشاركة لجميع الطلاب كاملة , و الطلاب اللي حاملين مواد عشرة نفر

المشاركة الأصلية كتبت بواسطة afh911 (المشاركة 10395061) إذا مايخالف قوانين المنتدى فالموضوع في ذروته الآن ولو حددنا اليوم وبكره بحكم انها نهاية الآسبوع والدوام يوم الأحد والغالبيه يؤيدون الفكره نكون جمعنا عدد من الطلاب وأعدينا الخطاب وأرسلناه والله يكتب لنا الي فيه خير وصالح

المشاركة الأصلية كتبت بواسطة afh911 (المشاركة 10391758) أخونا عبدالعزيز الله يجزاه خير ماقصر أختصر علينا كثير وأعد لنا صيغة خطاب لمعالي مدير الجامعة وأرسلها بالفاكس بأسم الجميع أرى والرأي للجميع أن يكون هناك أحد من الزملاء يجمع الأرقام الجامعية للطلاب المتضررين ويتم إرسالها له برساله خاصة وواحده من الأخوات تتكفل بجمع ارقام الطالبات ويرسل فاكس موحد بأسم الطلاب وفاكس بأسم الطالبات مدعوم بالارقام الجامعية لإثبات الجديه وعدم الإزعاج وتكرار الفاكسات

السلام عليكم ورحمه الله وبركاته
اخواني الطلاب والطالبات
من وجهه نظري ان راي زميلنا afh911 جدا رائع من تجميع الارقام الجامعيه وارساله بخطاب واحد ولا مانع من ارسال الخطاب مرتين او ثلاث بمعدل مره كل يوم وهذا سوف يختصر كثير من الوقت والجهد وكذلك قد لاتتوفر خدمة الفاكس لكثير من الطلاب والطالبات وعدم كثرة الفاكسات لان هذا الامر سوف يسبب ازعاج لمكتب معالي المدير وكذلك عدم قرأتها بالكامل .
وهذه ارقام بعض زملائي الذين يرغبون في تصحيح وضعهم
214039555
214107728
214085426
214039553
والله اعلم

المشاركة الأصلية كتبت بواسطة محرر صحفي (المشاركة 10402149) السلام عليكم ورحمة الله وبركاته اخواني انا طالب مثلي مثلكم ومن واجبي اخدمكم باللي اقدر عليه وبطبيعة عملي راح انزل خبر تظلم في صحيفتين وان شاء الله يكون له صدى ويتجاوبون معنا ( صحيفة الصوت السعودي - صحيفة حصر الالكترونية ) اسال الله التوفيق للجميع وراح انزل رابط الخبرين بعد قليل ..

اهلين

صحيح اني الحمدلله نجحت لكني مازلت متضايقه من اسألة الدكاتره التعجيزيه وخياراتهم المتشابه ,الواجب على الجامعه تشوف لهم صرفه مع هالدكاتره لان اللي صار لنا مو طبيعي خصوصا مادة القانون اول ماده في الاختبار لكنه احبطني وحزني حسبي الله عليه
رغم انها ماده سهله
هذا غر ياقي المواد , ذاكرنا وسهرنا بس هالدكاتره واقفين بطريقنا
ولا ابي هالشيء يصير معانا باقي المستويات
حزنت وانقهرت على اللي رسب واللي انسحب , الله يعوضهم ويرزقهم ويغنيهم ان شاء الله
جزاك الله خيرا

المشاركة الأصلية كتبت بواسطة *الماسه* (المشاركة 10448436) ممااادري على اي اساس نرفع تظلم؟!؟!؟؟! ودي افهم يعني عشان راسبين ترفعون تظلم تبونهم يرفعونكم هالدرجتين او الثلاث درجات؟؟ او لانكم متأكدين من اجاباتكم واعمالكم ورسبوكم ظلم؟!؟!؟!؟على ان الموضوع الكتروني يعني مايتدخل فيه نفس بشريه حاقده لاسمح الله بالعربي اذا انت فعلا راسب مااعتقد راح ينظرون في تظلمكم لان هذي درجتكم وماظلموكم بشيء لكن مثل وضع الرياضيات انهم هظمو حقنا في درجات الخطأ بهالحاله ممكن ينظرون لانه فعلا تظلم اتمنى محد يزعل من كلامي لاني اتكلم بحياديه بعيدا عن اي تحيز فأتمنى من كل قلبي انهم يساعدونكم بالكم درجه مساعده منهم

انتي تقولي على اي اساس رافعين تظلم ؟؟!!

انا اقولك على اي اساس الحين :

لما تكوني متأكده انك حاله زين في الأختبار وناقصه درجتك وانتي عارفه انه فيه اكثر من سؤالين خطأ في الأختبار والخطأ من الدكتور

ولما تكوني متأكده 100% انك حاله كل المناقشات والواجبات ومنقصينك فيها ولولا هالنقص هذا كان عديتي المادة

ولما تشوفي المستويات الثانيه رافعين تظلم وعوضوااللي ناقصه درجاته من 10 درجات ونازل

ولما تشوفي طلاب وطالبات الأنتظام مراعينهم ويعوضوهم بالدرجات واحنا اللي ندرس دراسه عن بعد وورانا دوامات من الصبح لليل متواصل ولا عندنا وقت حتى نحك راسنا فيه ونشتغل علشان نأمن رسوم الجامعه برغم المواقف السخيفه اللي نتعرض لها بشكل شبه يومي وغير بعد عن اذا كان مديرك عسر وما يعطيك مجال بأنك تذاكر وقت الأختبار واجازات ماكو او يهددك بخصم الراتب وانت على الله وعلى هالراتب عشانك تحاتي في رسوم الجامعه ماتبي ينخصم منك وغير اللي وراهم عيال واشغال على روسهم وانتي تسألي وتقولي على اي اساس رافعين تظلم !!!

اذا انتي عديتي كل المواد ف نقولك الف مبروك ومنها للأعلى ان شاء الله

لكن اذا بعدك تقولين على اي اساس الكل رافعين تظلم فأسمحي لي اني اقولك ......................



فلتقل خيراً او لتصمت !!!

المشاركة الأصلية كتبت بواسطة *الماسه* (المشاركة 10448436) ممااادري على اي اساس نرفع تظلم؟!؟!؟؟! ودي افهم يعني عشان راسبين ترفعون تظلم تبونهم يرفعونكم هالدرجتين او الثلاث درجات؟؟ او لانكم متأكدين من اجاباتكم واعمالكم ورسبوكم ظلم؟!؟!؟!؟على ان الموضوع الكتروني يعني مايتدخل فيه نفس بشريه حاقده لاسمح الله .....

^^ جابت العيد

-نظام الجامعة واضح , لو كان في خطأ في نموذج الاختبار زي اللي صار بأحد نماذج اختبار القانون او اللي صار ببعض اسئلة الرياضيات , يتم التواصل مع دكتور المقرر وقت الاختبار و بوقته يؤكد الدكتور و يجب على الطالب رفع تظلم لتصحيح الاخطاء...كما قال الدكتور ملفي :تعويض الطلاب يكون عن طريق العمادة وليس الدكتور عن طريق رفع المشلكة بأيقونة التظلم.

- محد راح يسمح لأي عضو انه يتدخل بذمة الطلاب و يقول مادري ليش رافعين تظلم و هل هي عشان راسبين و هالكلام... لو في طالب راسب او فاقد درجات مشاركة و تعب يجري ورى حقه و شاف هالكلام طبيعي بيقول اللي يده بالموية البارده موب مثله.

-تم تعويض مستوى رابع ب5 درجات لكل طالب بعد انتهاء تظلمهم في مادة الموارد
-تم تعويض طلاب المستوى الثامن في مادة البحوث

وباذن الله يتم تعويض كل طالب فقد درجات بخطأ بلاكبورد او الخارطة الاكاديمية او درجات اختبار بسبب تصحيح آلي بدون مراجعه.... و اتمنى تكون آخر مره ياخت الماسة انتي او اي عضو او مشرف يتجرأ او يفكر او يكتب مشاركة يتم فيها الاستهانة بمجهودات طلاب مهما كانت مطالبهم.

وشكرا ,,
فهد

تكرار للوصول لهدفنا

أبو عبدالعزيز بداء الموضوع جزاه الله خير وأستمر بالمتابعة راجي الأجر والفائدة للجميع بإذن الله

وكثير من الزملاء كذلك دعموا الموضوع بمراسلات جزآهم الله خير

باختصار شديد ووضوح نتفق وننظم أنفسنا في هالفتره وبعد ما تهدءا الأوضاع نجي في الوقت المناسب بعد أسبوع تقريباً ونقول ياجامعتنا أو ياعميدنا وفخرنا حنا طلابك راسلناك وماتجاوبت معنا وأجتمع علينا صدمة الدرجات وإحباط التهميش وبرغم هذا كله واجب علينا نقدر الوضع ونصبر حتى تهدءا وترتاح من تعب النتائج والتسجيل ونجي نطرح لك نقاطنا وهي 1 ، 2 ، 3 وكلنا آمل فيك بعد الله أنك بتسمع لنا ووقتها يكون بوضع هادئ وبتركيز عالي ويقبل النقاش والتجاوب والأقتناع بإذن الله...

ترتيبنا لازم يكون واضح إذا يسمح أخونا عبدالعزيز يستقبل رسائل على الخاص موضح فيها (الرقم الجامعي + المادة ودرجة النقص) للطلاب وأختنا شادن بأرقام الطالبات وتجمع وتعد صيغه باسم الطلاب وصيغه باسم الطالبات... نفعل السبب والباقي على رب العالمين...

الرجاء عدم إرسال رسائل على الخاص حتى تؤخذ موافقتهم باستقبال الرسائل