ملتقى طلاب وطالبات جامعة الملك فيصل,جامعة الدمام - مقرر إدارة مالية 1 (استفسارات - تجميع أسئلة - مذاكرة - مراجعة

اقتباس:

المشاركة الأصلية كتبت بواسطة gèтђάяάт нάяƒ (المشاركة 7704133)

ممكن حد يفهمني محاضرة 3:12:

:
هذا شرح اخوي Haddad
:
ونبدى المحاضره الثالثه

وبسم الله توكلنا على الله

خلوني اذكر نقطه مهمه هنا تتعلق بالجداول الماليه

الجدول المالي فيه ثلاث متغيرات

- عدد السنين العمود اللي بعنوان ( عدد الفترات)
- معدل العائد السنوي الصف في اعلى الصفحه اللي يبين النسبات بـ %
- معامل القيمه اللي هو تقاطع عدد الفترات مع %

طبعا اذا وجد قيمة اي اثنين من المتغيرات نقدر نطلع الثالث بكل سهوله من الجدول

جميل ...... جميل

ناخذ امثله على هالموضوع

تقدم احد رجال الاعمال لطلب منحه مبلغ 1000 ريال على ان يعيدها 2000 ريال بعد 4 سنوات. ماهو معدل العائد السنوي الذي يدفعه رجل الاعمال؟

لو تلاحظون عندنا هنا القيمه المستقبليه 2000 ريال
والقيمه الحاليه 1000 ريال
وعدد السنوات 4

يعني نقدر نستخدم معادلة FV او PV ونعوض

2000=1000 * (1+r) اس 4

ونحلها كمعادله يعني بقسمة الطرفين على 1000

2=(1+r) اس 4

لو تلاحظون هنا بالناتج عندنا متغيرين يخص الجدول المالي وزي ما قلنا ان الجدول المالي ثلاث متغيرات نعرف اثنين نصيد الثالث

الموجود عندنا

- عدد السنين 4
- معدل العائد السنوي الصف في اعلى الصفحه اللي يبين النسبات بـ % ( هذا المطلوب)
- معامل القيمه اللي هو 2

فلما نرجع للجدول المالي رقم 1

نلاقي 4 سنوات مع معامل القيمه المستقبليه 2 يوجد بين عمودي ال 18% وال 20 %

:2:
طيب خلونا ناخذ مثال ثاني بس المطلوب يكون الفتره

المثال اللي ناقشناه كان يطلب العائد

المثال يقول

مؤسسه تمتلك 40000 ريال وتريد شراء معدات بـ 80000 ريال فاذا كان معدل الخصم السائد 10% فما هي عدد الفترات اللازمه لجمع 80000 ريال اذا قامت المؤسسه باستثمار 40000 ريال

باستخدام نفس المعادله اللي هي FV

نعوض

8000=40000(1+0.1) اس t

نقسم الطرفين على 40000

2=(1+0.1) اس t

- عدد السنين هذ المطلوب
- معدل العائد السنوي 10%
- معامل القيمه اللي هو 2

لما نروح للجدول المال 1 ونروح للعمود 10% وننزل حتى نصيد 2 راح نلقى ان 2 بتكون بين 7 و 8 سنوات والاقرب لل 2 هي القيمه اللي تقاطع 7 سنوات

فاذا الشركه محتاجه 7 سنوات حتى تحصل على 80000 ريال كقيمه مستقبليه باستثمار 40000 الف ريال كقيمه حاليه وبعائد سنوي 10%

جميل
:2:
نتكلم الحين عن القيمه المستقبليه لدفعات سنويه متساويه

طبعا يمكن تسالون وش الفرق بين الجدول المالي 1 والجدول المال 2

الفرق ان الجدول المالي 1يكون المبلغ المستثمر ما يتكرر يعني اذا باستثمر 1000 لمدة 4 سنين كم راح احصل بعد اربع سنين من الالف

لكن الجدول المالي 2 يقول لو استثمر 1000 كل سنه لمدة اربع سنين

واضح ونفس الطريقه على القيمه الحاليه اللي هو جدول مالي 3 وجدول مالي 4

:oao:
ناخذ مثال على القيمه المستقبليه لدفعات سنويه متساويه

اذا كانت شركه تقوم باستثمار 5000 في نهاية كل عام بمعدل سنوي مقدار 4% فما هو المبلغ المتجمع لدى المنشاة بعد 3 سنوات ؟

لاحظو ان قال في نهاية كل عام يعني المبلغ متكرر سنوي لمدة ثلاث سنوات وهنا نرجع لجدول 2

يعني من الجدول 4% تقاطع مع 3 سنوات = 3.1216

وعلى طول نضرب في مبلغ الاستثمار السنوي اللي هو 5000

3.1216*5000=15608 ريال
:oao:
طيب في حالة القيمه المستقبليه لدفعات غير متساويه

هنا راح نستخدم القانون العادي حق القيمه المستقبليه بس لكل مبلغ مستثمر وبعدين نجمع المبالغ ونستخرج القيمه المستقبليه

مثال

قامت شركة باستثمار مبالغ مختلفه على 3 فترات

200 ريال نهاية السنه الاولى
400 ريال نهاية الفتره الثانيه
600 ريال نهاية الفتره الثالثه

ما هو المبلغ المتجمع في نهاية السنه الثالثه علما بان معدل العائد السنوي 10%

لاحظو ان الدفعات مختلفه وفي هالحاله كل دفعه بنطبق عليها معادلة FV

الدفعه الاولى بدا استثمارها مع نهاية السنه الاولى يعني بيكون عدد سنين استثماره سنتين من الثلاث سنوات

بالتعويض نقول

200*(1+0.1) اس 2 = 242 هذا المبلغ الاول

الدفعه الثانيه استثمرت في نهاية السنه الثانيه يعني لمدة سنه من الثلاث سنوات

بالتعويض نقول
400*(1+0.1) اس 1 = 440 هذا المبلغ الثاني

الدفعه الثالثه استثمرت في نهاية السنه الثالثه يعني في خلال السنوات الثلاث لم تستثمر ابدا

بالتعويض نقول
600*(1+0.1) اس صفر = 600 هذا المبلغ الثالث

يعني بعد ثلاث سنوات المتجمع هو

242+440+600 = 1282 ريال

ونفس الكلام نطبقه على القيمه الحاليه

وبكذا خلصنا المحاضره الثالثه ولله الحمد

:16:
مووووفقه