|
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
القيمة المستقبلية ..... القيمة الحالية وش السالفة ؟ هذا طال عمرك واحد ناوي يحط دراهمه (50,000 ريال) بمشروع العائد عليه 10% سنوياً ، لمدة 3 سنوات قال : كم بحصل من ورا هالمشروع ؟ قلنا له بسيطة في شي اسمه القيمة المستقبلية العائد على المشروع (يعني الربح) = قيمة المشروع * العائد على المشروع * مدة المشروع العائد على المشروع = 50,000 * 10% * 3 = 15,000 ريال بس خبرك الهوامير ما يعجبهم هالهرج قال لك لا يا حبيبي ..... الحين صحيح أن كل سنة يطلع 5,000 ريال من المشروع بس أنا ما راح آخذها إلا آخر المشروع (بعد 3 سنين) !!! يعني تبي تستفيدون منها و تشغلونها ثانية :6: <<< اهب يا هالتاجر طيب وش تبي ؟ قال أبيكم تحسبونها و تعطوني عليها عوائد يعني أبو الشباب يبي فائدة مركبة ، كل سنة نعيد استثمار الأرباح اللي طلعت له أجل على كذا قانوننا الأول ما ينفع : اقتباس:
و من هنا ولد القانون = كود:
FV= C * (1+r)^tو بحكم أن التجار ما لهم بالرياضيات و غرابيله و الأس و الأقواس و البسط و المقام ..... الخ قالو نبي جداول ثابتة تربط ما بين الفترة و نسبة العائد (أو معدل الخصم سمه ما شئت) و اخترعو لهم جدول رقم 1 في هذا الجدول تختار الخلية اللي يتقاطع فيها عمود نسبة العائد مع سطر الفترات حسب مثالنا 10% مع 3 سنوات = يتقاطع عند المعامل 1.3310 و بعدين !!!!! نعوض بالقانون بهذا الشكل : كود:
FV= C * 1.3310كود:
FV= 50,000 * 1.3310 = 66,550قصة الجدول رقم 1 و ماذا يعني بالقيمة المستقبلية |
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
أحد يعطيني فيس :12:
|
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
وش الطريقه اللي أقدر أحسب فيها بدون ما أرجع للجدول الخصم تبع القيمه المستقبليه .؟
|
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
مع هذا التجار خبرك يدققون على كل صغيرة و كبيرة قال صحيح أني بطلع بعد 3 سنين مبلغ 16,550 ريال أرباح للمشروع و أرباح إعادة استثمار العوائد بس حنا عندنا تضخم و كل سنة تفقد العملة قيمتها ، والـ 16,550 اللي بحصلها بعد 3 سنين ما راح يكون لها نفس القيمة اللي تسواها الحين !!! طيب .... و المطلوب ؟ قال أسحبو لي هالأرباح اللي تبي تطلع بعد 3 سنين كم تسو لها اليوم ؟ وخذو في بالكم أن معدل الخصم هو 10% سنوياً و لتلبية احتياجات هالتاجر و اضرابه ، اخترع الماليون هذا القانون : كود:
PV = C * (1/(1+t)^t)و بنفس الطريقة اخترعو الجدول رقم 3 و عند تقاطع العمود 10% (اللي هي نسبة الخصم) مع سطر الفترات 3 (اللي هي آخر الفترة) يوجد المعامل 0.7513 نعوض عنه بالقانون = كود:
PV = 66,550 * 0.7513 = 49,999لأن القيمة الحالية للنقود التي سيحصل عليها بعد 3 سنوات هي نفس القيمة الحالية للنقود و كذا عرفنا : قصة الجدول رقم 3 و ماذا يعني بالقيمة الحالية للنقود هذا شرح بسيط للفكرة و الموضوع يحتاج لتفصيل أكثر للنقود التي تأتي على شكل دفعات وهل هي متساوية أم غير متساوية موفقين |
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
:sm5::sm5::sm5:
والحين فريتوا راسنا نتابع هذا الموضوع أو هنا أسئلة مالية جاهزه للطباعه ياليت ترسون على واحد أو يدمج الموضوعين |
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
لوسمحتوا نبي الجداول الماليه حقت السمستر الماضي
وشكرا |
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
مساكم الله بالخير/
ياليت ملخص لمحاضرة 13 و 14 كل الملخصات اللي عندي مافيها هالمحاضرات ولاعليكم امر:10: |
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
اللي يطلبون الجداول أقول لكم مايحتاج جداول السالفة عملية رياضية بسيطه مثال قامت شركة بأستثمار 2000 ريال لمدة سنتين بمعدل عائد سنوي 10% المطلوب/ ماهو المبلغ الذي ستحصل عليه بنهاية المدة الحل القانون يقول FV = C(1+r)^t نعوض في القانون وماعليكم من الجدول C=2000 قيمة الأستثمار t=2 عدد السنوات (1+10/100)^2 عملية ضرب بسيطة fv=2000(1+0.1)^2 fv=2000 * 1.21 =2420 |
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
يأأخوان ماعليكم من الجدواااااااااااااول قال لكم نسبة 8% وعدد السنوات 3 نجمع 8% مع 1 الواحد ثاااابت أس عدد السنوات يعني أس 3 =1.259 قال لكم 5% وعدد السنوات 4 نجمع 5% مع 1 أس عدد السنوات 4 =1.215 وهاكذ اتمنى وصلت المعلومه لا تنسوني من دعائكم |
رد: مقرر إدارة مالية 1 (استفسارات - تجميع أسئلة - مذاكرة - مراجعة - اختبارات)
1 مرفق
اقتباس:
تفضل بالمرفقات ،،:16: |
| All times are GMT +3. الوقت الآن حسب توقيت السعودية: 01:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام