المشاركة الأصلية كتبت بواسطة أبان (المشاركة 7682454)

الأمور سهلة ولا تخافين

أول شي نفهم الموضوع بشكل مبسط و صحيح عشان تتسهل باقي الأشياء

عندنا مركزين خدمات و مركزين انتاج

نبي نوزع تكاليف مراكز الخدمات على مراكز الإنتاج


ناخذ مركز خدمات القوى المحركة
و نشوف من استهلك الكهرباء عشان نحمله بتكاليف مركز خدمات القوى المحركة

سنجد أن هناك 3 مراكز تكلفة استفادت من مركز خدمات القوى الكهربائية وهي :

200 ألف واط مركز خدمات الصيانة
600 ألف واط مركز انتاج التقطيع
200 ألف واط مركز إنتاج التجميع

طريقة التوزيع المباشر تقوم على توزيع تكاليف مراكز الخدمات على مراكز الانتاج (يعني ما فيه توزيع تكلفة مركز خدمات على مركز خدمات) وهذا يعني
أننا سنوزع التكاليف على قسم التقطيع و قسم التجميع ، أما الصيانة فهي خارجة الحسبة (يعني ما راح نوزع عليها شيء)

على كذا نبي نحدد معيار توزيع التكلفة اللي هو : على أساس استهلاك الكهرباء

طيب من اللي داخل معنا بالحسبة ؟
مثل ما قلنا قسم التقطيع و قسم التجميع

طيب كم استهلاك كل واحد منهم ؟
600 ألف واط للتقطيع
200 ألف واط للتجميع
===
800 ألف المجموع

إذن نسبة استهلاك التقطيع للكهرباء من إجمالي الاستهلاك هي 600 ألف واط ÷ 800 ألف واط = 75%
إذن نسبة استهلاك التجميع للكهرباء من إجمالي الاستهلاك هي 200 ألف واط ÷ 800 ألف واط = 25%

الحين نجي نقسم تكاليف قسم القوى المحركة بناءً على هذه النسب :

التقطيع = 250 ألف ريال * 75% = 187,500 ريال
التجميع = 250 ألف ريال * 25% = 62,500 ريال


و بكذا خلصنا من توزيع تكاليف مركز خدمات القوى المحركة ، و اللهم لك الحمد .


فيه مشكلة حتى الآن ؟

المشاركة الأصلية كتبت بواسطة sro0orah (المشاركة 7687826)

:17::3:حمدلله كل شي الى هنا مفهوم وحلو الله يعطيك العافيه صراحه انا اللي كان مشوشني ان الارقام مكتوبه صح بس الدكتور يقرى شي ثاني وكنت مخربطه كيف التوزيع بس حمدلله مع شرحك ولله الحمد ..

وبصراحه في سؤال ثاني بخصوص تكملة التوزيع ادري بتقول لاتستعجلين على رزقتس بس شسوي احس مخي بخر من المحاسبة :36:
لما جينا ووزعنا160.000اللي هي تكاليف قسم الصيانة
وحسبنا بنفس الطريقة

نسبة التوزيع لقسم التقطيع 4500/9000=0.50
:6: لما حسبتها بالاله حاسبة طلعت لي 0.5 شلون:42::20:
وطبعا نسبة التوزيع لقسم التجميع نفس الشي والمجموع
والنصيب 160.000*0.50=80.0000
الى هنا كويس السؤؤال الصدزي هنا لما جينا وسوينا جدول توزيع تكاليف قسمي الخدمة باتباع طريقة التوزيع المباشر شف عندك بالجدول خانة اجمالي تكلفة اضافية بعد التوزيع في لقسم التقطيع مكتوب 367.500 طبعا يوم حسبت طلع 267.500 يعني غلط بالرقم :36::4: قلنا ميخالف غلط مطبعي
جينالقسم التجميع 202.500 غلط ليش لما احسبها تطلع لي 142.500 شلون كذا وهو طالع اساسا 202.500 كيف طلعها لو ماكانت حاصل جمع 187.500+80.000 هنا بدت الخربطة شويات ياليت تكمل لي شرحك لانه يوضح لي :34: