ملتقى طلاب وطالبات جامعة الملك فيصل,جامعة الدمام - مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة

- إدارة أعمال 3 (https://vb.ckfu.org/f244)

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

لا كمل اخوي ابان :42:
اللي بعدوو جزاك الله خير < عينها عالجداول بثارة :41:
احس هالمحاضرره دسسمه مرره الله يستر من الجاي ويسهل علينا الاختبار

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

:31:

بــــــــآقي مافتحتهــــــــــآ

يــــآرب توفقنــــــــآ

دعواتـــــــــي لكم بالتوفيـــــــــق

اهم شــيء لــآ تتوتـــــرون

وتنالـــــو اعلـى الدرجــــآت

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

اقتباس:

المشاركة الأصلية كتبت بواسطة أبان (المشاركة 7688863)

طيب الحمد لله
دام اللي وقفنا عنده واضح أجل نبي نكمل على بركة الله

الحين جا دور تكاليف الصيانة ، نبي نطبق عليه نفس الفكرة اللي طبقناها على قسم القوى المحركة

طبعاً مع اختلاف في :
1/ مبلغ التكلفة الذي سيوزع ، حيث أننا سنوزع الـ 160,000 ريال
2/ أساس التوزيع بين اقسام الانتاج ، حيث أننا سنعتمد على نسبة استفادة كل قسم من أقسام الانتاج من خدمات قسم الصيانة

طيب نبدأ :
التقطيع أخذ 4500 ساعة صيانة
التجميع أخد 4500 ساعة صيانة
القوى المحركة برا الحسبة مثل ما قلنا قبل شوي يوم وزعنا تكاليف القوى المحركة و طلعنا الصيانة من الموضوع (مع ملاحظة ان التوزيع على التوالي تقوم بتوزيع تكاليف مراكز الخدمات جزيئاً على بعضها .... سنشرحه في وقته إن أراد الله)

إذا مجموع ساعات الصيانة اللي على أساسها سأقوم بتوزيع التكاليف هي 4500 + 4500 = 9000 ساعة

و من هنا جت 4500÷ 9000 = 0.5 أن الـ 4500 هي نصف الـ 9000

طيب نكمل ...
نجي نوزع تكاليف القوى المحركة
التقطيع = 160,000 ريال * 0.5 = 80,000 ريال
التجميع = 160,000 ريال * 0.5 = 80,000 ريال

بكذا خلصنا من توزيع تكاليف مركز القوى المحركة و لله الحمد

و نكون أيضاً انتهينا من توزيع التكاليف الغير مباشرة على مراكز الإنتاج حسب طريقة التوزيع الإنفرادي (المباشر)

فيه مشكلة حتى الآن ؟

طيب الحمد لله

الحين كل اللي راح شيء منفصل
اسمه توزيع التكاليف الصناعية الغير مباشرة
و بشكل أدق توزيع تكاليف مراكز الخدمات على مراكز الإنتاج

ممنوع الخلط بينه و بين اللي بعده

****************

الآن ننظر للجدول في صفحة 13 بالمحاضرة رقم 9

بعد ما اخترنا طريق توزيع التكاليف الصناعية الغير مباشرة (طبعا هي وحدة من مجموع 4 طرق توزيع) تأتي مرحلة حصر جميع تكاليف مراكز الإنتاج الغير مباشرة

يعني أنت يالتقطيع من الأساس عندك تكاليف ( اللي هي تكاليف غير مباشرة خاصة بمركز الإنتاج و كانت 100,000 ريال) و جا الوقت اللي نعطيك حقك من التكاليف الصناعية الغير مباشرة من أقسام الخدمات عشان نعرف كم كلفتنا ، أو بالتحديد كم كلفتنا كل وحدة من المنتج تطلع من عندك (كتكلفه غير مباشرة) .

تمام !

طيب جينا نحسب التكاليف حقت قسم التقطيع :
100,000 ريال (تكاليف القسم الغير مباشرة ، مثل أجور المشرفين و علاوة العمل الإضافي)
187,500 ريال هدية من قسم القوى المحركة نظير ما استخدمت من كهرباء
80,000 ريال هدية من قسم الصيانة نظير طلباتك المتكررة للصيانة

===== يعني بالأخير نقول

367,500 ريال

والحين عرفنا كم إجمالي التكاليف الغير مباشرة لقسم التقطيع

**********

طيب تعالو نطبق على قسم التجميع نفس الحركة :

أنت هيه يالتجميع عندك تكاليف ( اللي هي تكاليف صناعية غير مباشرة خاصة بقسم التجميع و كانت 60,000 ريال) و جا الوقت اللي نعطيك حقك من التكاليف الصناعية الغير مباشرة من أقسام الخدمات عشان نعرف كم كلفتنا ، أو بالتحديد كم كلفتنا كل وحدة من المنتج تطلع من عندك (كتكلفة غير مباشرة) .

نبي نحسب تكاليفك يا التجميع :

60,000 ريال (تكاليف القسم الغير مباشرة ، اللي هي أجور المشرفين و علاوة العمل الإضافي و ...)
62,500 ريال هدية من قسم القوى المحركة نظير ما استخدمت من كهرباء
80,000 ريال هدية من قسم الصيانة نظير طلباتك المتكررة للصيانة

===== يعني بالعربي :

202,500 ريال

والحين عرفنا كم إجمالي التكاليف الغير مباشرة لقسم التجميع

فيه مشكلة حتى الآن ؟

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

اهااا السالفة تسذااا مادريت ان 100.000 داخله بالحسبة ولا حتى ال60.000 عشان تسذا يطلع حسابي غلط
الله يهديك يادكتور عدنان شرحك ماعليه بس ماتركز بكل شي الله يصلحك :12:

الله ينوور دربك يا ابان ويجزاك الجنه ووالديك تسانك سهلت علي هالمعلومة ..

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

عاد يوم وصلنا آخر شيء نبي نكمل ... يمكن يجي أحد يقرأ الموضوع و يبي يعرف وش النهاية السعيدة للمثال

الحين عرفنا :
إجمالي التكاليف الغير مباشرة لقسم التقطيع وهي 367,500 ريال
إجمالي التكاليف الغير مباشرة لقسم التجميع وهي 202,500 ريال

========================

صفحة جديدة .... الحين جا دور تحميل التكاليف الغير مباشرة على أوامر الإنتاج .

ليششششششششش ؟

لأننا نعرف نطلع التكاليف المباشرة للأمر الانتاجي (بسيط كلها أجور مباشرة و مواد مباشرة و هذي تكاليف يسهل تتبع علاقتها بالمنتج)

بس باقي التكاليف غير مباشرة ... ما نقدر تجيب حصة كل منتج منها بشكل مباشر ، لذلك سوينا كل هالقصة الطويلة العريضة ..... عشان نجيب التكاليف الغير مباشرة و نحملها على كل منتج طلع من خطوط الإنتاج

طيب نروح للصفحة 14 م المحاضرة رقم 9

الجدول يوضح كيفية تحميل التكاليف المباشرة و الغير مباشرة على الأمر الإنتاجي

بسم الله نبدأ بالأمر الإنتاجي رقم 100

1/ نحسب تكلفة قسم التقطيع :

أ. استخدم الأمر الانتاجي (100) مواد مباشرة من قسم التقطيع قدرها 30,000 ريال
ب. استخدم الأمر الانتاجي (100) أجور مباشرة من قسم التقطيع قدرها 15,000 ريال

ج. استخدم الأمر الانتاجي (100) تكاليف صناعية غير مباشرة ؟؟؟؟؟؟؟ الله أعلم !

أفااااااااا ..... وشلون نعرف ؟
لازم نجيب شي اسمه معدل التحميل

وش قصة معدل التحميل ؟

هذا طال عمرك نفس فكرة معدل التوزيع يوم وزعنا تكاليف مراكز الخدمات ، بس هذا الهدف منه أننا نحدد معيار نحمل على أساسه التكاليف الصناعية الغير مباشرة على كل وحدة أو أمر إنتاج .

طيب يلا نحمل عملي ...

التقطيع على أي معيار نبي نعتمد للتحميل ؟
ذكر لك بالسؤال عند الفقرة رقم 2 :
التكاليف الإضافية لقسم التقطيع تحمل على أساس ساعات عمل الآلات .

حلو

طيب وين عدد ساعات عمل الآلات ؟
مذكورة أيضاً في السؤال الصفحة رقم 9 آخر سطر بالجدول فيه :
عدد ساعات عمل الآلات اللي هي 100,000 ساعة

كلام سليم

أجل ... نقسم إجمالي تكاليف قسم التقطيع اللي هي 367,500 ÷ 100,000 ساعات عمل الآلات = 3,675

ممتاز

طيب نرجع خمسطعش سطر عند الفقرة (ج)

ج. استخدم الأمر الانتاجي (100) تكاليف صناعية غير مباشرة = عدد ساعات عمل الآلات للأمر الإنتاجي (100) * معدل التحميل لقسم التقطيع .

استخدم الأمر الانتاجي (100) تكاليف صناعية غير مباشرة = 1,000 * 3.675 = 3,675 ريال

يا سلام

يعني تكلفة الأمر الإنتاجي من قسم التقطيع = التكاليف الأولية + التكاليف الصناعية الغير مباشرة
تكلفة الأمر الإنتاجي (100) من قسم التقطيع = 30,000 مواد + 15,000 أجور + 3,675 تكلفة صناعية غير مباشرة = 48,675 ريال

عاد طريقة احتساب تكلفة الأمر الانتاجي في قسم التجميع اعتبروه Homework :42:

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

هههههههههههههههههه
ربي يسعدك يا ابان ,,
عجبتني خمسطعش سطر هذي ,,
والله انا الى الان ناشبة مع الاحصاء الـ ........................ <<< في سبة كبيرة هنا ,, بس حذفناها ,,:31::17:
ههههههههههههههههه

ربي يسهل ونبدا بعدها بالاساسيات ,,
يعطيك مليون عافية على جهودك الرائعه يا ابان ,,
بيض الله وجهك ,,

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

اي والله من جد ماشآالله على كذا شرح
وياليت ياخوي ابان كل ماكتبت شرح تعطيني تنبيه عشان آخذ رابط المشاركه وارتاح بعدين من التنقل بين الصفحات
جالسه اجمع على روابط الشرح وان شالله تجيب معي نتيجه اذا رجعت للمحاسبه:39:

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

اليوم بديت من المحاسبه وياربي سهل علي وعلى الجميع

شاب راسي من الإحصاء ... :5:

الله يجزاك خير يا أبان والله ما قصرت عسى ربي يحقق لك

الدرجات العليا دنيا وآخره .. راح أرجع لشرحك بعد ما أتعمق

بالماده ... بالتوفيق يااااااارب :16:

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

اقتباس:

المشاركة الأصلية كتبت بواسطة المحترمه (المشاركة 7689810)

خذي عندك يالمحترمه
جمعت كذا رابط صارت عندي هوايه:42:
ويارب تجيب نتيجه

http://www.ckfu.org/vb/7578795-post192.html

http://www.ckfu.org/vb/7590352-post197.html

http://www.ckfu.org/vb/7596749-post202.html

http://www.ckfu.org/vb/7560462-post168.html

http://www.ckfu.org/vb/7561343-post171.html

http://www.ckfu.org/vb/7689084-post263.html

http://www.ckfu.org/vb/7637700-post238.html

http://www.ckfu.org/vb/7689402-post265.html

رد: مقرر أساسيات المحاسبة الأدارية والتكاليف (استفسارات - تجميع أسئلة - مذاكرة - مراجعة - اختبارات)

اقتباس:

المشاركة الأصلية كتبت بواسطة نسيم الصبا (المشاركة 7689993)

نسيم هذي الهوايه مارستها بالماليه وحسيت ضياع وقت عالفاضي :32:
بس طريقتك حلوه كيف تجمعين الرابط للشرح فقط :22:
بصراحه بعض الورشات والتجمعات تطير الصفحات وهذا يضيع الوقت
ألف ألف شكر يا نسيم على الروابط وفالنا وياك الفل مارك يارب :19::16: