ملتقى طلاب وطالبات جامعة الملك فيصل,جامعة الدمام - تجمع انطباعكم عن المستوى الثالث ونصايحكم لدفعة القادمة

- إدارة أعمال 3 (https://vb.ckfu.org/f244)

رد: انطباعكم عن المستوى الثالث ونصايحكم لدفعة القادمة

اقتباس:

المشاركة الأصلية كتبت بواسطة حمود البرقاوي (المشاركة 1057752778)

اختصاصي ومن احب المواضيع لدي هي النقاشيه والتي لها فائده على الجميع واشكرك لتفاعلك الدائم .. دمت بود

اشكرك على رحابة صدرك :) والله يعطيك العافيه

رد: انطباعكم عن المستوى الثالث ونصايحكم لدفعة القادمة

أعظم نصيحه للدفعات القادمه لا تعتمدون ان في كل مره الدكتور جاب نفس الاختبارات السابقه انه في كل مره بيكرر نفس الشي النماذج فقط للمراجعه الاخيره ان جت فهذا شي حلو وانت بتكون راجعتها وان ماجاء شي فأنت بتكون انقذت نفسك وذاكرت المنهج كامل الاعتماد فقط على نماذج الاختبارات السابقه ومذاكره بسيطه لا يغني ولا يسمن من جوع اذا جاء الاختبار شامل ومتغير كثير عن النماذج السابقه

تقنية المعلومات ٢ " الجعفري " تعتمد ماده سهله لكن الامور العمليه فيها والتطبيقيه لابد لها حفظ مكان الامر كذا في اي تبويب ومن هذه الامور " دكتور لا بأس فيه ويركز على الاشياء المهمه ويجيبها لكن شرحه ليس في المستوى المطلوب

نظم المعلومات الاداريه " عادل عثمان " هذه الماده غثيثه نوعا ما ويبي لها تركيز في قراءة المحتوى اكثر من مره حتى تفهم الغرض من الماده وعدم ضياع الوقت في مشاهدة المحاضرات مع " عادل عثمان " دكتور ممل و مجرد قراءه للمحتوى ولا يزيد كثيرآ عن المكتوب في المحتوى والسماع لمحاضراته ضياع للوقت واسئلته يعتمد احيان على مابين السطور لكن بعموميه لابأس فيها

اساسيات المحاسبه " سعد الصغير " ماده مكمله للمحاسبه ١ و٢ لكن تعتمد على التكاليف فقط ماده ممتعه وفيها دسومه وتعتمد على الفهم وتقدر تسميها " السهل الممتنع " دكتورها جميل في الشرح ويوصل المعلومه لكل شخص ( افهم الماده تمشي امورك ) اختباره يكرر اكثر الامور من اعوام مع بعض التغيرات واحيان يحب المراوغه في بعض الاسئله

الاداره الماليه ١ " عبدالعزيز السهلاوي " ماده فيها من الاقتصاد الجزئي والكلي الكثير وماده دسمه لكن مع هالدكتور الامور ان شاء الله تزين دكتور من اكفأ الدكاتره الي مروا علي واذا قال هذا مهم بيعتبر مهم وشرحه جميل للماده ويحاول يبسطها ويركز على المهم للفائده لأن فيها اضافات الممله والدسمه اختباره جميل لكن يعاب عليه بعض الغلطات المطبعيه او عدم وجود الخيار الصحيح وان قال لا تعتمدوا على النماذج السابقه فلابد تمروا عليها وتراجعوا فيها مهما قال لكم

الاحصاء في الاداره " ملفي الرشيدي " ماده مكمله لمبادئ الرياضيات وفيها من السهوله الكثير لكن يوجد بعض الصعوبه في المحاضرات الاخيره دكتورها لايجيد الشرح في الماده و يصيب الشخص بالممل ولا يوصل لك المعلومه ولا يعيد ويزيد في المسأله وانا انصح مشاهدة الدكتور احمد فرحان لنفس الماده لكن يوجد بعض الاختلاف البسيط في المحتوى اما سماع المحاضرات مع ملفي مضيعه للوقت ولكن الاختبار يكون فيه سهوله وحالفنا الحظ هذه المره لكن اسئلته الترم الماضي غير فيها الكثير وانقسم الطلبه في اسئلته وراوغ كثيرآ معهم في الاسئله واحيان تكون الاجابات ليست من ضمن الخيارات

بالتوفيق للجميع ان شاء الله

رد: انطباعكم عن المستوى الثالث ونصايحكم لدفعة القادمة

كلامي نفس كلام الاخ عايض وماشالله خواتي واخواني فادوكم بالمعلومات المهمه احس هالترم مر علينا بسرعه يمكن عشان قصير نصيحة للمستوى ثالث الدفعة الجديده عليكم بالمذاكرة أول بأول راح تشوفون تتسهل عليكم المذاكرة ولا أطيل عليكم بجد واجتهاد تنالون ماتتمنون

بالتوفيق للجميع ان شاء الله
واشكر كل من شارك في مساعدتنا الله يعطيه الف الف عافيه بدون ذكر اسماء :d5::d5:
يالله عاد بس تطلع نتايجنا نشيل عفشنا ونروح مستوى رابع :p:p

رد: انطباعكم عن المستوى الثالث ونصايحكم لدفعة القادمة

م شاء الله الأخوان تحليلهم كآمل وجميلل ويختصرر الكثيرر ،

يقولون آصعب ترم ، الترم الثالث ، صرآحة كنا متخوفين من الإحصاء لآكن الحمد الله آبسط مآدة وآجهتني " الفقة والاحصاء "

يعطيكم العافية جميعاً ، ولآ تنسون تبويبات آم جهآد لهآ الفضلل الكثير بعد الله

رد: انطباعكم عن المستوى الثالث ونصايحكم لدفعة القادمة

مستوى سهل جداً مقارنة بالثاني
وانصح بمتابعة كل المحاضرات المسجلة للي يهمهم التفوق.

Sent from my iPhone using ملتقى فيصل

رد: انطباعكم عن المستوى الثالث ونصايحكم لدفعة القادمة

السلام علييكم :
الاخوان ماقصروا وضحوا لكم كل شي .. عموماً اللي يبي النجااح اسئله الاعوام تكفيّه اذا كانوا نفس الدكااتره :(
ولا يفكر يفتح الملزمه اصلاً لا يشتريها - واللي يبي الـ +a الملزمه ثم المباشرات بعدها اسئله الاعوام .
هذا ممكن أبسط شي ممكن أفيدكم فيه :) موفقين جميعاً

رد: انطباعكم عن المستوى الثالث ونصايحكم لدفعة القادمة

اقتباس:

المشاركة الأصلية كتبت بواسطة نورا .. (المشاركة 1057755318)

السلام علييكم :

الاخوان ماقصروا وضحوا لكم كل شي .. عموماً اللي يبي النجااح اسئله الاعوام تكفيّه اذا كانوا نفس الدكااتره :(

ولا يفكر يفتح الملزمه اصلاً لا يشتريها - واللي يبي الـ +a الملزمه ثم المباشرات بعدها اسئله الاعوام .

هذا ممكن أبسط شي ممكن أفيدكم فيه :) موفقين جميعاً

اي والله اختصرتي من قلب

يمممه وش هالمعلقات الي كاتبينها الباقين
يخرعوون [emoji15]

نتمنى لهم التوفيق والنجاح هالكلام يكفي ويوفي [emoji1318][emoji171]

Sent from my iPhone using ملتقى فيصل

رد: انطباعكم عن المستوى الثالث ونصايحكم لدفعة القادمة

الله يسعدكم على النصائح وان شاءالله اطبقها من بدري الله يجزاكم خير جميعا [emoji177]

سبحان الله وبحمده سبحان الله العظيم

رد: انطباعكم عن المستوى الثالث ونصايحكم لدفعة القادمة

السلام عليكم ورحمة الله وبركاته
أولا المذاكرة اول باول كل اسبوع باسبوعه لاتنكبون مثلي
وثانيا ترا الامور تصير سهله بالمتابعة اما التاجيل لاخر الترم وهذا المستوى ثقيل يبغاله تحضير من اول

رد: انطباعكم عن المستوى الثالث ونصايحكم لدفعة القادمة

مانزيد ع كلامك شي كفيت و وفيت يا الامير ...