 |
|
||||||
| إدارة أعمال 3 ملتقى طلاب وطالبات المستوى الثالث أدارة أعمال التعليم عن بعد جامعة الملك فيصل |
 |
|
|
أدوات الموضوع |
|
#1
2017- 5- 23
|
||||
|
||||
|
انطباعكم عن المستوى الثالث ونصايحكم لدفعة القادمة
بسم الله الرحمن الرحيم
السلام عليكم ورحمه الله وبركاته تم ولله الحمد مشوارنا الثالث وحنا بصحه وسلامه .. الشكر لله اولآ ولكل من ساعد وتعاون من طلاب وطالبات دفعة العزم بفضل الله اولا ثم بفضل تعاونكم اجتزنا هالايام بسهوله . هنا بيكون انطباعنا عن كل ماده وتجربتنا لها ونصايحنا لدفعة القادمة أولا : قمنا باضافة فقه السيرة من مستوى خامس ماده جميله وممتعه وترفع المعدل. ثانيا: الاحصاء مع ملفي الرشيدي ذاكروا الاعوام السابقه مع النموذج الي بينزله لكم ثالثا: تقنية المعلومات 2 مالي تعليق بس ذاكروا زين اول باول. رابعا اداره ماليه نصيحه مني محاضره 14 اعتمدوا عليها كليا كل الاسئله يحطها فيها واذا عطاكم الاسئله اطلعوا ع نماذج الاعوام وشوفوا اي نموذج يطابق وذاكروه خامسا: اساسيات المحاسبة الادارية : ذاكروا ملخص ام جهاد ودعواتكم لها سادسا : نظم المعلومات الادارية احفظوها وافهموها اول باول .. اقسم بالله اكثر ماده صدعت براسي قبل الاختبار من كثرت المعلومات فيها وبسبب اني ماذاكرتها إلا قبل الاختبار بيومين. هذا ولكم تحياتي وتقديري التعديل الأخير تم بواسطة حمود البرقاوي ; 2017- 5- 23 الساعة 10:45 AM 
|
|
2017- 5- 23
|
#2 |
|
أكـاديـمـي فـعّـال
|
رد: انطباعكم عن المستوى الثالث ونصايحكم لدفعة القادمة
كل الشكر والتقدير لكل من ساعد في هذا المنتدى بالتبويبات والملخصات والورش وكل شي جعلها الله في موازين حسناتكم .
مواد هذ المستوى 5 واضفنا مادة فقة السيرة من المستوى الخامس اولا : تقنية المعلومات 2 فيه بعضهم يشوفها اسهل من تقنية معلومات 1 اهم شي تابعو المحاضرات المباشرة مع الدكتور واي شي يقولكم ركزو عليه يجيبه ثانيا :فقة السيرة ماده سهلة وممتعة ذاكرو الملزمه وجميع اسئلة السنوات السابقة وما عليكم منه بالمباشرة معصب ويقول ماراح يكرر الاسئلة بس الصدق كرر كل الاسئلة . ثالثا :نظم المعلومات الادارية ماده دسمه وتحتاج اقل شي يومين ثلاثة للمذاكره واهم شي الفهم قبل الحفظ وانصحكم اذا الدكتور عادل ما تغير لاتشوفون معه ولا محاضرة مضيعة وقت الله يهديه يقرا بس تابعو المباشرة . رابعا :اساسيات المحاسبة الادارية مادة تحتاج تذاكرونها قبل الاختبارات بوقت والدكتور محمد الصغير مايقصر بالشرح واهم شي صراحة ساعدنا بالمذاكرة تبويبات ام جهاد . خامسا : ادارة مالية 1 هذي الماده تحتاج مذكرة وفهم وجهد كبير بس الدكتور عبدالعزيز السهلاوي ماقصر معنا ساعدنا كثير تابعو المباشرة الرابعة . سادسا واخيرا الاحصاء في الادارة بداية المحاضرات الاولى والثانية والثالثة كلها اخذنها في مبادى الرياضيات والباقي بين السهل والمتوسط بس ذاكروها من بدري تحتاج اقل شي اسبوع مذاكره وتعلمو على الاله بتوفر عليكم وقت واسهل بكثير من حفظ القوانين الافضل تتابعون المحاضرات مع الدكتور احمد فرحان شرحه افضل بكثير من الدكتور ملفي الرشيدي بس الصراحة ماقصر معنا اسئلته كانت سهلة جدا ونسخ لصق من المحاضرة 14 . وبالتوفيق للجميع . |
|
|
|
2017- 5- 23
|
#3 |
|
أكـاديـمـي ذهـبـي
|
رد: انطباعكم عن المستوى الثالث ونصايحكم لدفعة القادمة
مدري ياخوي حمود مانشوفك الا في موضوع الانطباعات !
 على العموم الاخت منى وفت وكفت وانا معها في كل كلامها وخاصه بخصوص عادل وملفي ( بدون دكتور ) :) |
|
|
|
2017- 5- 23
|
#4 | |
|
أكـاديـمـي فـعّـال
|
رد: انطباعكم عن المستوى الثالث ونصايحكم لدفعة القادمة
اقتباس:
شفيك شكل قلبك مترووووووووس ههههههههههههههه ماشاء الله عليك اللي بقلبك ع لسانك والله انا بقولكم ع شي ورايي كل ترم اشارك واجاوب ع اسئلة اي شخص يسأل وكنت واضحه المستوى الثاني بالذات لكن هالترم انا نفسي ماذاكرت كل ماده الا قبل الاختبار بيوم كان فيني احباط وكسل غير عاااااادي واعتمدت بعد الله ع تبويبات ام جهاد وماتوقعت ع نفسيتي ومزاجي انها بتكون اختباراتي حلوه عشان كذا الله يوفقها ويحقق لها كل امانيها لكن نصيحه ذاكروا التبويبات من بدررررري بالذاااااات الاحصاء واساسيات المحاسبه واداره ماليه لو ذاكرتوا التبويبات من بدري باذن الله فالكم a+ واعتذر اني ماكنت متفاعله معكم هالمستوى بس هالشي اصلا معكوس علي لاني حتى نفسي ما افدتها وشكرا لكم والحمدلله الذي بنعمته تتم الصالحات[emoji177] Sent from my iPhone using ملتقى فيصل |
|
|
|
|
2017- 5- 23
|
#5 |
|
أكـاديـمـي ذهـبـي
|
رد: انطباعكم عن المستوى الثالث ونصايحكم لدفعة القادمة
السلام عليكم
مدري ليش احب هالنوعية من المواضيع ياخي تخليك تفضفض وتكتب عن كل شي كان بخاااطرك طول السمستر للامانة السمستر الثالث انا استمتعت فيه جدا بغض النظر عن صعوبة بعض المواد من عدمه.. لكن بشكل عام ممتع ومفيد ( و بِرعاية تبويبات ام جهاد ) الله يجزاها كل خير هي ومن ساعدها في اعداد وتنسيق هالتبويبات, اللي سهلت كثييير علينا.. طبعا انا راح اتكلم عن نفسي وعن الامور اللي شفتها بالسمستر واللي واجهتني, وهي فقط للفائدة, يعني مو شرط تكون تنطبق عليك وتكون مقياس لك فانت لا تاخذ كلامي كله وتطبقه.. بقدر ما انك تحاول تستفيد منه ومن كلام الاخوان الاخرين علشان يكون طريق لك في فهم مُقررات هذا المستوى مقرر تقنية المعلومات2 المقرر يعتبر تكملة لمقرر تقنية المعلومات1 اللي خذيتوه بالستمستر الثاني.. واسهل منه بكثييير والله طبعا الدكتور اسمه محمد الجعفري على ما اعتقدر لو اخذنا لفة سريعه عن محاضرات المقرر راح نشوف انها تنقسم الى ثلاث اقسام:- القسم الاول من المحاضرة الثانية الى المحاضرة الخامسة تتكلم عن برنامج البوربوينت (عرض الشرائح), البرنامج سهل وجميل ومتتع ويفيدك مستقبلا او حتى في مجال عملك الحالي اذا كنت على راس العمل. القسم الثاني من المحاضرة السادسة الى المحاضرة العاشرة تتكلم عن برنامج الاكسس (قواعد البيانات), البرنامج صعب حبتين ولكن ماراح تتعمقون فيه.. مجرد رووس اقلام واساسيات بسيطه جدا. القسم الثالث هو النظري.. واللي اغلب اسئلة الاختبار تكون منه وهو المحاضرة الاولى +11+12+13+14 عبارة عن مراجعة للجزء النظري اللي خذيتوه بتقنية المعلومات1 + بعض المفاهيم الاساسية في عالم الانترنت والشبكة العنكبوتيه وكيف تتعامل معها ( اشياء معروفة وعامه ) الاختبار اغلبه راح يجي من المحاضرات النظرية + اسئلة جدا بسيطه عن برنامج عرض الشرائح + برنامج قواعد البيانات.. والدكتور جدا واضح في الاسئلة ومباشر .. مافيه من بين السطور مقرر مبادى الادارة العامة - مستوى سادس هذا انا خذيته من المستوى السادس.. وبصراحة كان فيه كمية معلومات كثييييرة + ان الدكتور شرحة مو لهناك وكل محاضرة ياخذ فيها تقريبا ساعة ونص وهو مجرد يقراء قراء عادية.. يجلس يقراء في الصفحة تقريبا عشر دقايق.. اقل محاضرة عنده تقريبا 45 دقيقة .. تابعت معاه تقريبا الى المحاضرة السابعة.. واخر شي قررت اني اكمل لحالي قراءة الملخص.. والاختبار كان متوسط الصعوبة بنسبه لي.. لانو انا من النواع اللي ما احب احفظ كثير.. يعني المقررات العملية عندي افضل من النظريه مقرر نظم المعلومات الادارية.. ( دكتور صالح عبدالرحمن ) المقرر يتكلم عن كيف تستفيد من تكنولوجيا المعلومات في الموسسة او المنشاه ( بيئة العمل ), وكيف تاثر التكنولوجيا على سير العمل.. وكيف سهلة خطوات العمل بوجودها. بصراحة هالمقرر بنسبة لي ماتختلف درجة صعوبته عن مقرر مبادى الادارة العامة.. لانه هو بعد فيه كمية معلومات .. ويحتاج حفظ اول باول.. كمية المعلومات المتشابة كثير + شرح الدكتور مو لهناك. لكن يختلف عن شرح الدكتور تبع مبادى الادارة من ناحية السرعة.. يعني اطول محاضرة عنده ما تتعدى30 دقيقة نصيحتي لكم.. اقرو الملخص زين واحفظوه.. بعدين روحو لملخص ام جهاد.. راح تلاقون فيه اسئلة لسبع اختبارات سابقة لنفس الدكتور (صالح عبدالرحمن).. اكيد ماراح يطلع عنها الاختبار مقرر إدارة مالية1 (الدكتور عبدالعزيز السهلاوي) المقرر يتكلم عن طريقة ادارتك للاموال في الموسسة, وكيف تدير ديون الموسسة, وكيف تتجنب الخسارة قدر المُستطاع.. طبعا تقريبا اساسيات.. المقرر دسم وفيه قوانين كثيرة.. لكن اذا درسكم الدكتور عبدالعزيز السهلاوي فاموركم في السليم.. ركزو على المحاضرة الرابعه المباشرة, اسئلة النظري اللي بتجيكم في الاختبار راح يجيبها لكم حرفيا في المحاضرة الرابعة المباشرة تقريبا 38 سوال.. اما بنسبة للمسائل الرياضية فراح يجيب لكم اسئلة من المحاضرة الثانية والثالثة.. وهي تعتمد على شي اسمه الجداول الحسابية.. والجداول راح يجيبها لكم في اخر ورقة من ورقات الاختبار.. وراح يجيب لكم اسئلة من المحاضرة الرابعة والخامسة.. وهي تعتمد على شوية قوانين وراح يجيب لكم القوانين في اخر ورقة من ورقات الاختبار مكتوبة.. يعني انت راح تشوف السوال وايش مطلوب منك وبعدها تروح لصفحة القوانين وتطلع القانون وتطبق.. لكن نصيحة مني ركزو على هالمحاضرتين الرابعة والخامسة.. حاولو تفهمو القوانين مو تحفظونها حفظ.. فيه فرق بين الفهم والحفظ.. افهم القانون زين عشان تعرف تعوض فيه.. النجاح مضمون باذن الله في الاسئلة النظري.. مقرر أساسيات المحاسبة الإدارية و التكاليف ( الدكتور الصغير ) المقرر فيه حسابي ونظري والاختبار راح يكون مقسوم بين الحسابي والنظري.. المقرر اشوفه انه مُرتبط بمقرر المحاسبة1 والمحاسبة2 ولكن بشكل ادق (حبتين), يعني يعلمك مثلا كيف تتعامل مع تكاليف الادوات في المصنع، وايش هي الاشياء اللي تكون تكاليفها مباشرة او غير مباشرة.. وكيف تتعامل مع اجور العمال, وطريقة صرف اداوت التصميع من المخازن.. المقرر جميل صراحة والدكتور شرحه جيد.. ولكن مشكلته انه التمارين اللي يجيبها لنا في المحاضرة ويشرح عليها تختلف شكلها شوي عن طريقة الاسئلة اللي تجي في الاختبار.. طبعا اللي اقصده ان طريقة وضعه لسوال هي اللي تختلف.. فانصحية اللي يبي يعرف شلون طريقة الاسئلة في الاختبار عليه انه يركز على الاسئلة اللي تجي بعد نهاية كل محاضرة ( اختبر نفسك ) + تبويب ام جهاد.. لان تبويب ام جهاد يحتوي على نموذج واحد لدكتور سابق + 4 نماذج من اختبارات سابقة لدكتور الحالي (الصغير) + اسئلة اختبر نفسك.. ومستحيل ان طريقة الاسئلة تختلف عن هالنماذج.. اصلا الدكتور دايم يكرر طريقته في اسئلة الاختبار ويغير فقط الارقام اللي في المسائل, لكن طريقة الحل هي وحدة, بمجرد انك تفهم الطريقة خلاص امورك سهله باذن الله.. والاختبار كنت متوسط بنسبة لي. مقرر الاحصاء في الادارة (الدكتور ملفي الرشيدي) مقرر رياضيات من الدرجة الاولى مافيه نظري ابد الا يمكن 5%.. اما الباقي كله معادلات ومصفوفات ومشتقات وقوانين واحتمالات, المقرر صعب خصوصا اللي مايحب الرياضيات, والدكتور شرحه جيد لكن مشكلته انه زي الدكتور ( الصغير ) تبع مقرر اساسيات المحاسبة.. التمارين اللي يجيبها لك في المحاضرة ويشرح عليها تختلف شوي عن شكل المسائل اللي في الاختبار.. ولكن باذن الله راح يكون الاختبار اسهل من السهل لو طبقت الاتي.. اول شي تابع شرح الدكتور في كل المحاضرات وتحمل شوي, الشرح بيكون طويل حبتين لكن لازم تتابعه عشان تفهم الاساسيات, وبعدين ارجع لتبويب ام جهاد (وهو اهمم شي).. راح تلاقي في التبويب 4 نماذج مختلفة لاختبارات سابقة لنفس الدكتور (ملفي الرشيدي).. الدكتور مايغير طريقة الاسئلة ابد ابد.. يعيد نفس الطريقة ولكن طبعا مع اختلاف الارقام.. واحيانا يجي السوال مثل ماهو.. اللي عليك تسويه انك تفهم الشرح في تبويب ام جهاد وبعدها خلاص راح تعرف تحل اي سوال يجيك, اقسم بالله على كثر ماخوفونا الدفعة السابقة من الاختبار.. الا ان الاسئلة كانت اسهل اسئلة اختبار مرت علينا في هالسمستر. الف شكر للجميع واعتذر على الاطالة الله يوفق الجميع |
|
|
|
2017- 5- 23
|
#6 | |
|
أكـاديـمـي فـعّـال
|
رد: انطباعكم عن المستوى الثالث ونصايحكم لدفعة القادمة
اقتباس:
|
|
|
|
|
2017- 5- 23
|
#7 | |
|
أكـاديـمـي فـعّـال
|
رد: انطباعكم عن المستوى الثالث ونصايحكم لدفعة القادمة
اقتباس:
|
|
|
|
|
2017- 5- 23
|
#8 | |
|
أكـاديـمـي فـعّـال
|
رد: انطباعكم عن المستوى الثالث ونصايحكم لدفعة القادمة
اقتباس:
فقدناك هالمستوى وباذن الله فالرابع تكون افضل كعادتك ... لك تحياتي |
|
|
|
|
2017- 5- 23
|
#9 |
|
أكـاديـمـي فـعّـال
|
رد: انطباعكم عن المستوى الثالث ونصايحكم لدفعة القادمة
ياابعدي والله ,, شكراً على اهتمامكم فينا
وبالتوفيق لكم وجعلها الله بموازين حسناتكم 
|
|
|
|
2017- 5- 23
|
#10 | |
|
أكـاديـمـي فـعّـال
|
رد: انطباعكم عن المستوى الثالث ونصايحكم لدفعة القادمة
اقتباس:
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ تجمع ] : انطباعكم عن المستوى الرابع ونصائحكم للدفعه القادمة. | آسماء فهد. | إدارة أعمال 4 | 35 | 2017- 6- 7 03:59 AM |
| [ تجمع ] : التقويم الزمني للفصل الدراسي الثاني من العام الجامعي 1438/1437 هـ | متفاني | إدارة أعمال 5 | 2 | 2017- 5- 19 09:57 PM |
| [ النظام الأفتراضي ] : التقويم الزمني للفصل الدراسي الثاني من العام الجامعي 1438/1437 هـ | متفاني | إدارة أعمال 6 | 10 | 2017- 1- 31 12:48 AM |
| [ تجمع ] : مواعيد التسجيل للترم الثاني | بكرى احلى | إدارة أعمال 1 | 8 | 2017- 1- 17 03:32 PM |
| [ تجمع ] : مواعيد تسجيل المواد للترم الثاني | بكرى احلى | إدارة أعمال 4 | 3 | 2017- 1- 14 04:07 AM |
