رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

صراحه لازم يكون من الجامعه تعاون اكثر من كيذا .. يعني الجامعه ترسل خطابات لمدارس معينه يكون عندهم خبر موب نروح وحالتنا حاله .. قسسسم بالله مافيه شي اسمه كرامه طالبه جامعييه محطوني تمحيط ... ماصارت معانات موب تقرير .. حبتين واقول مابي هالعشرين درجه راح العزم والاصرار :39: ..


اول شي .. بحكم صديقاتي اللي سبقوني قالو انو المدارس ماتوافق ويصلحون لك اشكاليه لازم ورقه من التوجيه .. اختصرت السالفه قلت اجيب ورقه من التوجيه همن اروح للمدرسه ..

رحت لتوجيه مآدراك مالتوجيه .. كل مادخلت مكتب قالو مالنا دخل مالنا علاقه .. انتي موب تبعنا .. روحي للمكتب الثاني روحي للقسم الثاني .. قلت ي جماعه ابي ورقه للمدرسه عشان المديرة توافق تختم لي بسس

بالاخير وصلوني لمديرة التوجيه فيه 3 سكرتيريات لها شقلبو التقرير شقلبه والاوراق ساعه يقرون تقل جايبه لها معجزة .. حنا مالنا علاقه ومن قالك تعالي وتبين بالضبط :30: قالت هذا تقرير واستبيان المسولين عنه ادارة التطوير قالت روحي لهم قلت وينها ذي قالت مدري !!!!!
قلت كيف اروح لمكان ماتعرفونه قالو اسالي الحارس يعطيك وصف مكنهم هم يفيدونك لان هم بانفسهم يرسلونها بفاكس لمدرسه
ويشيكون عليها يمكن تكون فيها اشياء ممنوعه او مخالفه .. قلت تقرير استبيان مع مرشد وش دخل الممنوع :20:

قالت هذا اللي عندي .. وحنا مالنا دخل :25:

((اذا مكتب الاشراف والتوجيه كيذا )) :12: اجل عزاه ي المدارس عزاة

تحطمممممت :23:

خلاص قررت اني مااسوي الاستبيان نهائي صراحه :32:



همن قلت بروح للمدرسه عشان اريح ضميري بجرب ان فلحت وتيسرت كان بها ماتيسرت العوض بالاختبار :3::3:

دخلت مدرسه متوسطه واستنى المديرة تحضر حصه -( ابوك يالحض :25:

يوم خلصت دخلت علي وانا عندي احتمال 100 % انها راح ترفض :37: ..

صراحه :42::42: انصصصصدمت بالتعامل ماتوقعت انها تكلمني :14::14: ترحب وتهلي وهذا من حقك وانتي طالبه علم ومن هالحكي شيييييييي يبرد القلب :29: ي جعلني فدوة لشيباتها والله :29:
وانا اللي اجيها طايرة مووووووووووووووب مصدقه انها موافقه .. وخلصت الحمد لله :1::1: كانت المرشده عسسل انصحكم في المدرسه 88 :21:شي

.. .. ..



بالنسبه التقرير الطبي ..كآن في (مدينه الملك فهد الطبيه) مارح اقول معاناتي فيه:39: بسس الزبده اني رغم المعانات خلصته والحمد لله ..

:17:

بالتوفيق ي حلوين وعقبال ماتخلصون اموركمم
:16::16:

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

افضل لك روحي , المكالمات محد يرد عليها :25:, ومعد فيه وقت يالله يمديك

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

ايه والله صادقه بس محد حولنا كلن نفسي نفسي اخ بس:39:

ذا المدرسه وينها فيه <<بروح لو في القويعيه :8: اهم شيء افتك من الفراره

اي حي يعني ..؟

:16:

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

والله يابنات انا مكان الدكتور كان عطيتكم العشرين تستاهلون:16::16::16:

اها بس

والله اني قاعده اكلم عشان اشوف موافقتهم مابي اقعد افرفر راس ابوي <<:24:
من مدرسه لمدرسه


الله كريم .:16:

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

شرق الرياض / -
متوسطه 88 بحي الفيحاء السلي بشارع هاورن الرشيد المرشده الطلابيه الاستاذة / ليلي الرديني
مديرتهم : مريم الحجي
:16:

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

ي لبى العرب ليتك دكتورتنا اجل بلا قروشه ومشورة :29:

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

ياعمري الله يعينك , والفراره لابد منها :8: مافيه تعاون ابد :39:

الله يسر لنا

لا تنسوني:42: اللي مخلصه تقرير المدرسه تجيني خااص الله يفرج لها :1:

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

الله يسر لي روحه


طيب شسمه الأسئله قبلتها جاوبت عادي ماتفلسفت ..؟

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏
 

اها بس انتي وينك فيه اي مدينه عشان نعطيك العلم

رد: ● هنـآ نــــقطه تجــــــمع رقم ( 1) لـمادة التدريب الميداني 1 ● ‏