|
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
سؤال لو سمحتو ينفع اصور التقرير بالجوال وارفعه ع الجهاز بعدين واكمل باقي الخطوات
والا لازم يكون عن طريق سكانر ؟؟ |
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
اقتباس:
صحيح اني ماجربت هالخطوة بس اعتقد ينفع التصوير عبر الجوال موفقة |
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
اقتباس:
الجوري الله لايهينك ينفع أسوي التقرير من دار الملاحظة علماً بأنه جهة أجتماعية ؟؟ ياليت تفيدونا يالربع |
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
اقتباس:
أخي عايش / والله مدري بس اعتقد انها موداخلة من ضمن المجالات اللي ذكروها الدكاترة لآنها مجال الأجتماعي يقصد به رعاية الشباب مثل الجمعيات وغيرها ان شاء الله أحد يفيدك |
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
الله يوفقكم جميعا بس كيف اعرف ان التقرير وصلهم
|
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
محد جاوبني متى اخر يوم وهل فيه تمديد للحين ماطلعت مكان :/
|
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
جوري <<تمام ان شاء الله اروح لهم :21:
الزعيم <<مادري والله بس يكتب لك اضن يكتب لك تم بنجاح او هيك يعني دودي <احمد الشعيبي قال انه ان شاء الله يمددون لاكن لحد الان مااعلنوا شي <<تعرفين جامعتنا على اخر لحضه . |
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
السلام عليكم انا اليوم رحت المستشفى التعليمي بالخبر وتعاونوا معاي وسهلولي الموضوع وعندهم نسخة مصورة من الاسئلة واجابات الاخصائي موجودة على النموذج يعني ماعليكم الا تنقلون الكلام الموجود وتعبون اوراقكم وفي الاخير تكتب الملاحظات الخاصة بالطالب ويوقع مدير الخدمة الاجتماعية ويختم لك في نفس اللحظة ماياخذ منكم وقت بالتوفيق لكم بس ماني عارفة لطريقة الرفع
|
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
طيب يعني عادي تكون الاجابات نفس الشيء لاكثر من طالب
وطريقه الرفع تلقينها بالصفحات السابقه . سوي سكان بعدين حوليه الى ملف بي دي اف بعدين ارفعيه هو و الاستماره اضن |
رد: ● هنـآ نــــقطه تجــــــمع رقم ( 1) لـمادة التدريب الميداني 1 ●
السلام عليكم
ابشركم تم التقرير التعليمي بعد طلعة الروح وحب خشووم:42: كالعاده قمت من صباح الله :1:ادور لي مربع ادور على المدارس :8:وقع الاختيار على الدرعيه ورحت مدرسه شكلها من برا مدري وش يبي ماكانها مدرسه ابد ,كسرنا باب الحارس من الطق ولا احد يفح واقول لأخوي افتح ذا الباب شف قال أخاف انه فصل هههههههههه <<الحمدالله انه مروق طلعنا ورحنا مدرسه تحفيظ استقبلوني حلو بس يوم جت المديره قالت السموحه ياختي مقدر اختم لك تبين اجوبه ابشري , انا:4: بالله وش اسوي فيها بدون ختم , قالت عشان تصدقيني بجيب لك ورقه توني موقعه عليها انه مايصير اي باحث او متدرب من غير مايجيب خطاب من التربيه قلت ياحبيبتي مافيه وقت وانتي تعرفين ربعنا روحي تعالي وذي ماتدل وذي توها جديده,, واحاول منا مناك ابد قالت يابنتي انا ماتهمني قرطاس اوقع عليه :42: بس القوانين قوانين قلت ايه زين :28:عاد تقول المرشده المديره شديده مره , طلعت وطول الطريق ادعي واستغفر , ورحت لمدرسه المتوسطه يالبى قلب ذيك المديره :1::1::1: واقول لها الجمل قالت ياعمري مايصير واقلت مافيه وقت وكيذا قالت عشان ظروفك بس تفضلي يوم قالت تفضلي بغيت اتعنقط فيها واضمها ههههه بس قلت اركدي لا تحسبني مهبوله وتشوتني :42:, ودخلت للمرشده ومعبسه وحالتها حاله :30: سلمت وعرفت بنفسي قالت اسفه مشغوله ماقدر افيدك :30: احاول معها يابنت الحلال تكفين وادعي لها اخر شيء قلت القى نظره تكفين عشاني ترا اسئله بسيطه قالت يالله ادخلي ومازالت معبسه:30: واسئل وتجاوب وقمت ادعي لها واشوا ويصير وجهها كيذا:34: وبدت تحكي وتتجاوب معي واشوا خلصت اموري ودعيت لها وبغيت امطخ راسها بس خفت تشوتني:8: مأتشه مرره وعندها اجتماع , وختمت لي المديره ووقعت ياجعلها في الجنه والحمدالله تم :1::1::1::1::1: باقي التقرير الثاني واشوف في الدرعيه فيه مركز التاهيل للاناث او شيء كيذا المهم خيري قلت لاخوي اصفط خلني اشوف يمكن يفيدوني وادخل قالت هنا المهني روحي للاجتماعي بيفيدونك واورح لهم قالت المديره طلعت تعالي بكره واحاول وكيذا قالت هاتي اوراقك اشوف قالت لازم خطاب من مركز الاشراف بغيت ادوخ:39::39: احاول واحاول وماش ملزمه لازم اوراق قلت خلاص خلي اوراقي عندك وعبوها لي وبكره اجيب لك موافقه الاشراف قالت طيب وتوصف لي مكتب الاشراف واورح له موقعه على خريص , واقول الجمل اللي رددتها لأسبوع :28: قالت انتظري يانازله ياراقيه مابقى الا الحارس مادخلت عليه:25: قالت ليش حددتي الدرعيه بالضبط قلت مدري شفته على طريقي ودخلت قالت حنا عندنا اخصائيات قلت احلفي :4: قلت خلاص بسوي عندكم مابي ذوليك انتم اقرب بعد قالت خلاص موب مشكله قلت تختمون وكيذا قالت ايه انتي وش تبين ايتام ولا معاقين قلت اللي تبين:42: قالت خلاص تعالي عبي قلت بس مامعي اوراق :12: قالت تعالي بكره اجل عاد الله يسر لي باتسر واخلص على خير:1: اي سؤال عن مركز الاشرف من عنياتي :34: |
| All times are GMT +3. الوقت الآن حسب توقيت السعودية: 08:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام