ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   اجتماع 8 (https://vb.ckfu.org/f428)
-   -   [ اسئلة اختبارات ] : شرح وتبسيط ( النظريات الاجتماعية ) مش هتقدر تغمض عينيك (https://vb.ckfu.org/t796796.html)

ابو خالد الحكمي 2017- 5- 2 06:27 AM
شرح وتبسيط ( النظريات الاجتماعية ) مش هتقدر تغمض عينيك
 
4 مرفق
السلام عليكم ورحمة الله وبركاته

كل عام وانتم بالف خير ونبدا الترم هذا بشرح اخر مادة

وهي النظريات الاجتماعية : المادة التي اثير حولها الكثير من القصص والخرفات

منهم من يسميها قاهرت الفرسان ومنهم من يسميها جاك الموت يا تارك الصلاة ومع تزايد المسميات المخيفة والتي توضح اننا نقف امام ( غول)

حقيقي يجب ان نقضي عليه لتتخرج الدفعة بسلام فقررنا ان نخوض سويا الحرب ضد هذا الغول المسمى ( النظريات الاجتماعية ) على طريقة الف ليلة وليلة

حيث كانت شهرزاد تحكي كل ليلة حكاية للملك شهريار احنا باذن الله بنشرح كل يوم محاضرة للملك ( فهد الخريف )

او اكثر وسوف نقوم بحل كويزات لكل محاضرة بطريقة شيقة وتسهل حفظ المعلومة باذن الله وبعد ذلك

نحل كويزات اختبارات الاعوام السابقة .ارفق لكم في المرفقات ملزمتين وحدة الاساسية

حقت المقرر 65 صفحةوالثانية ( مختصرة لاخونا الثابت ) عبارة عن 30 صفحة

اتمنى لكم التوفيق والسداد ...

==========


محلاظة هامة اخواني الافاضل

يعلم الله اني مرتبط بعمل واسرة والكثير من مشاغل الحياة

ولكن محبتكم واخوتكم وما لكم علي حق يجبرني على ان اقدم لكم ولو الشي اليسير وذلك رد للجميل

بما يسر الله به علي في بعض الامور بفضل الله ثم بفضل دعواتكم

الصادقة التي كان لها الاثر الكبير في حياتي

وارجو المعذرة لو حصل بعض

التاخير او التقصير


ابو خالد

الله معنا 2017- 5- 2 07:16 AM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يكتب اجرك

ام غلاتي 2017- 5- 2 07:25 AM
رد: شرح وتبسيط ( النظريات الاجتماعية ) مش هتقدر تغمض عينيك
 
وعليكم السلام ورحمة الله وبركاته
اخوي ابو خالد
جزاك الله كل خير
فعلاٌ انت مبدع
الله ييسر لنا ولك
:icon19:

ابووتركي 2017- 5- 2 08:02 AM
رد: شرح وتبسيط ( النظريات الاجتماعية ) مش هتقدر تغمض عينيك
 
أبيض وجه ورفيع فن وذوق ومقام دائماً أخوي أبو خالد
أسأل الله الكريم أن يوفقنا وإياك
وشكراً لك إلى ما لا نهايه

ابو خالد الحكمي 2017- 5- 2 08:28 AM
رد: شرح وتبسيط ( النظريات الاجتماعية ) مش هتقدر تغمض عينيك
 
1 مرفق
مدخل :

( المحاضرة الاولى )

ومن هنا نبداالقصة يا ملاوي الدكتور بحكاية الدلخ راعي الزغاليل كان يا ما كان في قديم الزمان :
مادة النظريات الاجتماعية الغرض منها يعلومك كيف تسوي نظرية يعني بتعبير اوضح كيف تتعلم فن الكلام وتترجم الظاهر الي تشوفها حولك الى نظرية لنه يقولك ينظر الى النظريات انها شغل فلاسفة وانها اشياء غامضة بينما هي علم حقيقي والسبب ان العلم نفسه عبارة تجارب وخبرات سابقة وتجمعت وتم الربط بينها بطريقة عقلية كذلك النظريات مجموعة من الروابط العقلية لتفسير طواهر معينة بس .

الربط العقلي : هو التفسير او ربط نظرية باخرى . اعطيكم مثال بسيط يوضح لكم وش النظرية وكيف تبنى : عندنا نظرية شعبية راح ضيحتها الاف من الشباب تقول ( اذا شفت الزغاليل برى اعرف ان الحمام داخل ) الزغاليل صغار الحمام :نجي نفسر النظرية ونسوي لها ربط عقلي الي سوا النظرية سيطر عليه الفكر او السيوكلوجيا الخاص فيه ( وهذا عيب من عيوب النظريات ) لنه شاف طفل حلو يلعب بالشارع فاستنتج ان اخت الولد هذا اكيد بتكون حلوه مثله واذا هذا جمال الولد كيف جمال البنت :ليش استنتج الشي هذا ؟ من تجربة سابقة لان اخوه الكبير تزوج وحدة حلوه واهله يمدحون في جمالها وبرضو شاف اخوانها حلوين هنا الرجل ربط جميع الظروف ووصل الى قناعة ان كل حلو اخته حلوه وسوى نظرية ( اذا شفت الزغاليل برى اعرف ان الحمام داخل ) وراح الرجال وتقدم وخطب ومن زود الثقة قال حتى ما يبغى نظرة شرعية ويشوفها على الواقع قبل الزواج (النظرية شي لصيق بالواقع والحياه اليويمة ) المهم تم الزواج والحين الزوج في وزارة التجارة مقدم شكوى عن تعرضة لغش تجاري وسوا نظرية ثانية تقول ( الله لا يوفق من تزوج قلبي ولا نصحني ولا من تزوج بعدي ولا سالني ) .

عملية التنظير :( هو عملية تحسين وتكوين الشروح التفسيرية ) دايم نسمع كلمة ياخي لا تنظر علينا يعني تقول لنا حلو ومنمق والواقع مطن بستين طينه .

عندنا نوعين من النظريات :
النظرية القديمة : هي التي تعتمد على الخيال والاساطير والثيولوجيا (علم الاديان السماوية ) والطبيعة .
النظرية الحديثة : تقوم على وجود النسق الاجتماعي ( المجتمع ) والامور العلمية والعقلية واكيد انها رح تتعارض مع النظرية القديمة التي تميل للطواهر ( الميتافيزيقية ) علم الطبيعة والاساطير ( بعيد عن العقل والعلم )

النظريات تقود للتنبؤ والدليل النظريات التالي :

https://vb.ckfu.org/attachment.php?a...1&d=1493701190

مفهوم الوصف : هو تحديد او سرد طاهرة معينة من غير الخوض في التفسير يعني روس اقلام : مثل اقولك والله جانا اليوم المدير وسوا لنا مشكلة كبيرة من غير ما افسر لك ليه جا ومتى جا او وش سبب المشكلة .

مفهوم النمط : مجموعة من الخصائص او المميزات تشير الى طاهرة معينة مثل الاسرة بغينا نحطها في نمط قلنا ( الاسرة النووية ) فخلاص بمجرد ما اقول اسرة نووية انت عرفت انها اسرة اساسية من ام واب واطفال

مفهوم النموذج : النموج ممكن يكون نمط ولكن نمط غير مكتمل يعني النموذج نمط غير مكتمل الدراسة او غير مفسر .

مفهوم التنبؤ : يعني ان المرء يعرف موقف بالنسبة لفرد بالنسبة للمتغير ( س ) بناء على معرفة موقفه من المتغير ( ص ) نرجع لنظرية ( اذا شفت الزغاليل برى اعرف ان الحمام داخل ) .

كذا خلصنا المحاضرة الاولى بشكل سريع باقي الكويزات للاسف ما حصلت كويزات لكل محاضرة بشكل مستقل اول ما احصلها انزلها على طول .

( وشغل ابو خالد المكيف ونام الدكتور الخريف )
ملاحظة للادارة :
ارجو منكم منحي خاصية التعديل المستمر على المواضيع من اجل تعديل الاخطأ في الشروحات ( زي كل ترم )

•• شجون ~ 2017- 5- 2 12:19 PM
رد: شرح وتبسيط ( النظريات الاجتماعية ) مش هتقدر تغمض عينيك
 
-



الله يعطيك العافيه

جلست اضحك عالمثل الولد اذا حلو اخته حلوه ههههههههه
- اذا وصلت للمحاضره الثالثه ترا كلها محذوف معدا
اربع نقاط شقلبت ام المحاضره م حصلتها




موفق

أم شذى# 2017- 5- 2 04:06 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يجعله في موازين حسناتك

مرام77 2017- 5- 2 04:23 PM
رد: شرح وتبسيط ( النظريات الاجتماعية ) مش هتقدر تغمض عينيك
 
جزاك الله كل خير متابعين معك الله يسعدك ويحفظ لك كل غالي

حسن احمد الحسن 2017- 5- 2 05:38 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ههههههههههههههههههههههههههههههههههههههههههه
اصلن اختبرت فيها والحمدلله مادة جميله
شكرا لك يا كنق
اتمنى لكم التوفيق

نكهة القهوة* 2017- 5- 2 07:59 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يجزاك كل خير

بين فتره والثانيه لازم اطل عليكم .. باذن الله

ســــلآف 2017- 5- 2 09:35 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ههههههههههههههههههه الله يسعدك والله مت ضحك
يا رب يووووفقك ويسعدك بالدارين

ننتظر الشروحات والله يقويك الجاي احلى
المحاضره الثالثه تجدها مختصره ومكتوب المطلوب بالمباشره الثانيه

ســــلآف 2017- 5- 2 11:17 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ابو خالد كلمت الاداره ولكن الظاهر مشغولين
وبرجع اكلمهم مره ثانيه باذن الله واي شي تحتاجه ابشر
حتى لو تدخل بمعرفي وتعدل ما عندي مانع
حتى تعطيك الاداره الصلاحيه باذن الله

اذا تم راسلني

ابو خالد الحكمي 2017- 5- 2 11:23 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ســــلآف (المشاركة 1057671695)
ابو خالد كلمت الاداره ولكن الظاهر مشغولين
وبرجع اكلمهم مره ثانيه باذن الله واي شي تحتاجه ابشر
حتى لو تدخل بمعرفي وتعدل ما عندي مانع
حتى تعطيك الاداره الصلاحيه باذن الله

اذا تم راسلني
هلا والله استاذة سلاف

وانا بعد تواصلت مع الاستاذ ابو عبدالله وتفاعل معي ما قصر

وابلغني انه منحني الصلاحية بس فيه مشكلة في الهاكات وباذن الله تنحل المشكلة

والله اني الموضوع مسبب لي قلق ومشتتني شوي ولكن

لا باس لعل في الامر خيرة

الف شكر سلاف

نظرة جديدة 2017- 5- 3 06:10 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يعطيك العافيه ياررب

manool79 2017- 5- 4 12:24 AM
رد: شرح وتبسيط ( النظريات الاجتماعية ) مش هتقدر تغمض عينيك
 
http://vb.ckfu.org/quiz.php?do=take&quiz_id=14412
كوز المحاضره الاولى

~النايفه~ 2017- 5- 4 01:29 AM
رد: شرح وتبسيط ( النظريات الاجتماعية ) مش هتقدر تغمض عينيك
 
جزاك الله كل خير أبو خالد
وجعل كل ماتقدمه لنا في ميزان حسناتك.

ابو خالد الحكمي 2017- 5- 4 01:54 AM
رد: شرح وتبسيط ( النظريات الاجتماعية ) مش هتقدر تغمض عينيك
 
المحاضرة الثانية

قصتنا اليوم يا مولاي الدكتور عن مكونات النظرية كان يا ما كان في قديم الزمان :

النظرية عبارة كلمات منسقة بشكل بلاغي وتتكون من خطوات ومراحل ولو جينا نطبق هذه الخطوات والمراحل على نظريتنا السابقة ( اذا شفت الزغاليل برى اعرف ان الحمام داخل ) او شي نعرف الخطوات وهي :

يتطلب بناء النظرية الاجتماعية إلى العديد من الخطوات والمراحل، هي :
-نموذج النظرية = النموذج مثل القالب مثل الي يصنعون الجبسيات والديكور لكل موديل نموذج او قالب ديكور سقف او جدار او مدخل كلذلك النظريات اما 1-وظيفية 2-او صراعية 3-او سلوكية ( نظرية الزغاليل فيها زواج واسرة يعني وظيفية )
-لمفاهيم = الاسامي او العنوانين الخاصة بالنظرية يعني نختار النموذج او القالب بعدين نسمية او نحط له عنوان يعني جملة النظرية يسمى مفهوم ( اذا شفت الزغاليل برى اعرف ان الحمام داخل )
-العلاقات المنطقية بين المفاهيم = يعني المفاهيم هذي وش هي هل مسلمات يعني مثل تعاقب اليل والنهار او قضية او تقرير وهل هي ايجابية ام سلبية ( طبعاً الزغاليل قضية سلبية )
-الإجراءات = هي ان المفاهيم والعلاقات المنطقية للنظرية تحتاج الى اختبارات قياس ومقابلات وذلك حسب استمارة البحث .
-المنهج = هو مقدر ة الباحث او صاحب النظرية على اختبار العلاقات بين المتغيرات كما ان البحث او المنهج الدراسي يعتمد على اتقان الباحث في التقليل من خطا القياس .
-تحليل البيانات = بعد جمع البيانات نقوم بتحليلها في ضو الفروض الاساسية للنظرية الولد حلو اكيد اخته حلوه لانه اخوي الكبير تزوج وحده حلوه واخونها حلوين ولازم تشوفها في النظرة الشرعية .
-تفسير البيانات = وبعد ما تسوي النظرية ( اذا شفت الزغاليل برى اعرف ان الحمام داخل ) تروح تفسرها لاهلك تقول لهم اكيد القماري ما تجيب الا قماري صح بيقولون صح تقول لهم عمركم شفتم قمرية والا حمامة اخوها غراب بيقولون لا هنا انت تفسر نظريتك وتقول لهم اجل اذا كان الولد حلو اكيد اخته حلوه .
-تقييم النظرية = تقييم النظرية يوجد له معيارين 1- كفاءة النظرية ومنطق بنائها النظري ( يعني صيغتها ) 2- مستوى قابليتها للتنبؤ والدقة عندما تخضع للتجربة ( طيب واذا توهقت في النظرية وش البدائل وش تسوي ؟؟؟؟؟؟) تعال اقولك :
1- اما انك تعض على حصاة وتاكد النظرية والله يعينك على ما بلاك 2- او انك تلغي ام النظرية وتطلق 3 - او انك تعدل على نموذجها الاساسي وتوديها عن خبيرة التجميل جويل تسوي لها اعادة تدوير هههههههههههه 4 - او دور لك نظرية جديدة صاحية قال زغاليل قال كتاكيت الله يخسك انت ونظرياتك ضيعت نص شباب الامة .

انماط وانواع النظريات الاجتماعية :
1- المنطقية مقابل الامنطقية : المنطق هو (استخدام الفكر او العقل والاستدلال السليم ) وتكون ذات طابع علمي وتهدف للوصول الى احكام يقينية وتكون في العلوم الطبيعية ( واذا فقدت ذلك تسمى حدسية يعني تخمينية .
2- الوصفية مقابل التفسيرية : الوصف يختلف عن التفسير انا ممكن اوصف لك سيارة بالشكل بس بدون ما افسر ولا اشرح لك كيف تم صناعتها فالوصف عام والتفسير تفصيلي
3- الاديلوجية مقابل العلمية : الاديولوجية هي فكر صاحب النظرية يعني اذا كان فكرة متطرف تكون النظرية متطرفة : مثال راعي العقار تحصل كل كلامه عن البيوت والاراضي .
4- الحدسية مقابل الموضوعية : الحدس هو الالهام او التخمين يعني شي تتوقعه في ذاتك وهذا المنهج يعدي ان المعرفة ذاتيه يعني حدسية . في مقابل النظرية الموضوعية التي تقول بخارجية الظواهر وانه لا بد من استخدام النهج الموضوعي العلمي .
5- النظرية الاستقرائية مقابل الاستدلالية : الاستقرائي هو من يقراء الاشياء الصغيرة ليصل الى الاشياء الكبيرة او من الجزء للكل مثل خوينا الي قراء ان الزغاليل تعني وجود صندقة حمام فيها مما لذ وطاب ياتي عسكة الاستدلالي الي يستدل بالكل ليحصل على الجزء . (مثال من علم الاجتماع ) الاستقرائي يدرس الفرد ليعرف المجتمع كامل والاستدلالي يدرس المجتمع ليعرف الفرد والغالب في علم الاجتماع هو الاستدلالي او الاستنباطي .
6- النظريات وحدة الكبرى ( طويلة المدى ) مقابل نظريات الوحدة الصغرى : الوحدة هي النظريات البنائية التكاملية الي تدرس مجتمعات كاملة ولفترات طويلة مثل المداخل الوظيفية ومداخل والصراع . الوحدة الصغرى وهي قصيرة مدى تدرس السلوك والحالات الاجتماعية الفردية مثل نظريات مدخل السلوك .
7- النظرية البنائية مقابل الوظيفية : البنائية واضحة انها تتكلم عن بناء او وجود المجتمع فنقول الله بناء السماء الدنيا اي اوجدها ,اما الوظيفية فهي معروفة ان لكل شي وضيفة في المتجمع
8- النظريات ذات الاتجاه الطبيعي مقابل الاجتماعي : مثل النظريات العضوية والنظريات الجغرافية الي تقولك ان الصحراء تبني مجتمع قاسي والبرودة تبني مجتمع متسامح وهكذا .

الانماط الكبرى او العنوانين الكبرى للنظريات الاجتماعية ثلاثة هي :
1- النمط العضوي الوظيفي البنائي = ان المجتمع عبارة عن بناء متكامل لكل منا دورفي المجتمع وللمجتع دور في وجودنا .
2- نمط الصراع : وهو ان الصراع هو سبب وجود المجتمع في السعي وراء المعيشة ولولا الصراع لما كان هناك مجتمع طبعا ورائد هذا الاتجاه ماكس ( ماربكس ) وسمي هذا العالم نسبة الى ان العالم هذا كان مصارع يمشي ويضارب وهو مار يعطي احد قدامه بكس فسمي ( ماربكس ) ومع الايام ضاع حرف الباء فاصبح ( ماركس ) والله يستر لا تضيع حروف ثانية .
3- النمط السلوكي الاجتماعي : معروف من اسمه ان يدرس السلوك اي الافراد ومشاكلهم والعلاقات الشخصية . المدخل السلوكي .

( وشغل ابو خالد المكيف ونام الدكتور الخريف )


ملاحظة :ابشركم لقيت كويزات لسامية المعني ممتازة سوف انزلها لكم باذن الله

الذيابية 2017- 5- 4 01:54 AM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يجزاك خير ويكتب لك الاجر

ابو خالد الحكمي 2017- 5- 4 03:23 AM
رد: شرح وتبسيط ( النظريات الاجتماعية ) مش هتقدر تغمض عينيك
 
4 مرفق
هذي كويزات المحاضراتين الاولى والثانية


https://vb.ckfu.org/attachment.php?a...1&d=1493857305

https://vb.ckfu.org/attachment.php?a...1&d=1493857305

https://vb.ckfu.org/attachment.php?a...1&d=1493857305


https://vb.ckfu.org/attachment.php?a...1&d=1493857305


موفقين يارب

ابو خالد الحكمي 2017- 5- 4 06:59 AM
رد: شرح وتبسيط ( النظريات الاجتماعية ) مش هتقدر تغمض عينيك
 
3 مرفق
::المحاضرة الثالثة ::

حسب كلام الاخت سلاف

الدكتور حذف المحاضرة واختصرها على اربع مراحل

وللاسف ما كانت واضحة كثير ولكن انا حاولت اجيب لكم الاسئلة الي على الاربع مراحل

وياليت انها تفي بالغرض المنشود .........

النقاط الاربع هي

1 ـ كانت النظرية الاجتماعية نظرية فلسفية للا تخضع للعلم ( اقصد : لا تخضع للمنهج العلمي)

هنا يتكلم عن النظريات الاجتماعية القديمة او الفلسفية كانت تعتمد على الاساطير والمعتقدات والخيال وهي منافيه ومضادة للنظريات الموضوعية الحديثة

https://vb.ckfu.org/attachment.php?a...1&d=1493869625


3 ـ تحررت النظرية الاجتماعية من هذه المفاهيم
https://vb.ckfu.org/attachment.php?a...1&d=1493867674

4 ـ اصبحت تسمى النظرية الاجتماعية او نظرية علم الاجتماع
هنا يقول بعد تحررت النظرية الاجتماعية من المفاهيم الفلسفية والبيلوجية والجغرافية نظرية علم الاجتماع

انتهت المحاضرة الثالثة :

امطارليل1234 2017- 5- 4 09:45 AM
رد: شرح وتبسيط ( النظريات الاجتماعية ) مش هتقدر تغمض عينيك
 
بارك الله فيك ابو خالد

ألين 3 2017- 5- 4 10:27 AM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يوفقك ويرفع شانك ويحفظ لك اسرتك ومتامله من صحه ومال قد ماتبين علينا ما بنسا وقفتك معنا بالإحصاء حببتني بالمعده بعد الله وسهلت علي حفظها القلب يدعولك بالخير دائماً وابدا يا ابو خالد الحكمي

ألين 3 2017- 5- 4 10:29 AM
رد: شرح وتبسيط ( النظريات الاجتماعية ) مش هتقدر تغمض عينيك
 
اقصد وماتملك_قدماتيسرعلينا

الفيحاني 2017- 5- 4 11:34 PM
رد: شرح وتبسيط ( النظريات الاجتماعية ) مش هتقدر تغمض عينيك
 
هلا بالشيخ
ربي يحفظك وييسر امرك وان شاء الله نتخرج على خير

طالبه2013 2017- 5- 5 12:55 AM
رد: شرح وتبسيط ( النظريات الاجتماعية ) مش هتقدر تغمض عينيك
 
الترم اللي فات ذاكرت هذي حقت ثابت مع اسئلة الاعوام الماضيه وجبت a+ والاستاذ الله يسعده ماقصر معانا<<افهومها عاد

زيزفون22 2017- 5- 5 02:08 AM
رد: شرح وتبسيط ( النظريات الاجتماعية ) مش هتقدر تغمض عينيك
 
جزاك الله خير ماتقصر يابو خالد جهودك واضحه بالملتقى

manool79 2017- 5- 5 08:02 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يجزاك الجنه ووالديك ماقصرت
الله يسهل علينا جميعا الماده يبيلها شويت جهد

ابو خالد الحكمي 2017- 5- 6 12:18 AM
رد: شرح وتبسيط ( النظريات الاجتماعية ) مش هتقدر تغمض عينيك
 
7 مرفق
::المحاضرة الربعة ::

العالم اوجست كونت عالم فرنسي 1798 - 1857 انا لي طريقة في حفظ التواريخ اجمعها مثال 1+7+9+8=25 / 1+8+5+7 = 21 كذا يكون 25 - 21

::النظرية الوضعية يعني العلملية::

النظرية هذي مضادة للفكر الديني والفكر الميتافيزيقي اي ما ورا الطبعية يعني انه هناك خلف الطبيعة والكون اله متصرف وهو من خلق الكون ( للمعلومية الفكر هذا هو ما نعتقد به نحن المسلمون الموحودون ان للكون خالق ) فنصيحتي اقرا وطنش

طبعاً فيه عالم فرنسي اسمه سان سيمون اول من وضع المقاربة الوضعية التي يحارب فيها المسيحية ( الدين ) ووضع لها اساسين 1 العلمية = انه لا تعالم مع الاشياء الا من خللال العلم 2- العلمانية = وهي تحييد الدين ( فصل الدين عن الدولة ) يعني الدين في المسجد بس

بعدها جا تلميذه اوجست وثبت النظرية العضوية وقال ان النموذج العضوي من اقدم اشكال النظريات الاجتماعية وقد اعطى انصار المدخل العضوي اهتمام اساسياً بالبناء الميكانيكي الالي للكائن الجتماعي ( اوجست كونت - سبسر ) وتعتبر رؤية شملية تكاملية لتفسير الحاجات الطبيعية .

- عادة ما تظهر النماذج الشمولية خلال فترات التفكك يعني وقت المصايب زي الي صار في ليبيا ومصر وسوريا .
- ظهرت النظريات الاجماعية في اواخر القرن 19 م وبداية القرن 20 م بعد المشاكل الي حصلت في اوربا مثل:
1 الثورة الصناعية 2التي دعت الى استخدام التكنلوجيا
- الثورة الفرنسية ( الثورة هذي زوجة الملك جابت فيه العيد الله لا يوفقها الشعب ذابحة الجوع مو محصل وطالع يتظاهر قالت وشفهم زعلانين البشر ذولي قالوا مو محصلين خبز يا كلونه قالت طيب اذا ماحصلو خبز ياكلون بسكوت وعينك ما تشوف الا النور ثاني يوم معلقة هي وزوجها مع كراعينهم الله ينكبها )
3- الثورة الدينية كانت ضد قهر الكنيسة
4- الثورة الفكرية مثل فلسفة عصر التنوير يعني تحكيم العقل وكذلك النزعة التطويرية ( دارون ) درات علية الثعابين الي يقول ان اصل الانسان قرد وتطور حتى صار انسان .
- كما تأثرت النظرية الاجتماعية في نشأتها بالنزعة العضوية والبرغماتية ( فسلسفة البحث عن الحقائق )

وهذي كوزات المحاضرة الرابعة من اكثر من عضو

ســــلآف 2017- 5- 6 12:46 AM
رد: شرح وتبسيط ( النظريات الاجتماعية ) مش هتقدر تغمض عينيك
 
جزاك الله خير وبارك الله فيك

ملاحظة : التواريخ غير مطالبين فيها ولا حتى العلماء اللي بالمواضيع
فقط 9 علماء مثل ما ذكر الدكتور

ســــلآف 2017- 5- 6 01:00 AM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
الثورة الفرنسية ( الثورة هذي زوجة الملك جابت فيه العيد الله لا يوفقها الشعب ذابحة الجوع مو محصل وطالع يتظاهر قالت وشفهم زعلانين البشر ذولي قالوا مو محصلين خبز يا كلونه قالت طيب اذا ماحصلو خبز ياكلون بسكوت وعينك ما تشوف الا النور ثاني يوم معلقة هي وزوجها مع كراعينهم الله ينكبها )
ههههههههههههههههههههه راقت لي يالحكمي

ابو خالد الحكمي 2017- 5- 6 01:04 AM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ســــلآف (المشاركة 1057676620)
جزاك الله خير وبارك الله فيك

ملاحظة : التواريخ غير مطالبين فيها ولا حتى العلماء اللي بالمواضيع
فقط 9 علماء مثل ما ذكر الدكتور
هلا والله استاذة سلاف

ممكن تعطيني العلماء التسعة مع نظرياتهم لو تكرمتي

ولو يكونو في كويز ياسلام ميه ميه

موفقه يارب

ســــلآف 2017- 5- 6 02:47 AM
رد: شرح وتبسيط ( النظريات الاجتماعية ) مش هتقدر تغمض عينيك
 
أهم العلماء في المقرر ( دور كايم ، اوجست كونت ، سان سيمون ، ماكس فيبر ، كارل ماركس ، جار فينكل ، ،رالف دراهر ندورف ، هربت بلومر ، بيتر بلاو )

يمكن هالكويزات تفيدك لكن لا تحتوي العالم كامل
لان كل عالم خاص بمحاضره كامله

مراجعة لاهم علماء النظريات الاجتماعية
https://vb.ckfu.org/quiz.php?do=take&quiz_id=16286


كويزات للعلماء
[ كويز ] :كويز للمحاضرة الرابعه للنظريات الاجتماعية 1438 مشعل باسكلاني
[ كويز ] :كويز للمحاضرة الخامسة للنظريات الاجتماعية 1438 مشعل باسكلاني
[ كويز ] :كويز للمحاضرة السادسة للنظريات الاجتماعية 1438 مشعل باسكلاني
[ كويز ] :كويز للمحاضرة السابعة للنظريات الاجتماعية 1438 مشعل باسكلاني
[ كويز ] :كويز للمحاضرة الثامنه للنظريات الاجتماعية 1438 مشعل باسكلاني
[ كويز ] :كويز للمحاضرة التاسعة للنظريات الاجتماعية 1438 مشعل باسكلاني
[ كويز ] :كويز المحاضرة العاشرة للنظريات الاجتماعية 1438 مشعل باسكلاني
[ كويز ] :كويز للمحاضرة الحادية عشر والثانيه عشر للنظريات الاجتماعية 1438 مشعل باسكلاني
أو من هنا ايضا
الكويزات QUIZ - ملتقى فيصل » 17 سؤال هامه على المحاضرة الرابعة .. النظريات الاجتماعية .. الجـــ@ـارح
الكويزات QUIZ - ملتقى فيصل » 13 سؤال هامه على المحاضرة الخامسة .. النظريات الاجتماعية .. الجـــ@ـارح
الكويزات QUIZ - ملتقى فيصل » 12 سؤال هامه على المحاضرة السادسة .. النظريات الاجتماعية .. الجـــ@ـارح
الكويزات QUIZ - ملتقى فيصل » 24 سؤال هامه على المحاضرات السابعة والثامنة .. النظريات الاجتماعية .. الجـــ@ـارح
الكويزات QUIZ - ملتقى فيصل » 20سؤال هامه على المحاضرات ال 9 و 10 و 11 و 12 و 13.. النظريات الاجتماعية .. الجـــ@ـارح

ابو خالد الحكمي 2017- 5- 6 08:34 PM
رد: شرح وتبسيط ( النظريات الاجتماعية ) مش هتقدر تغمض عينيك
 
3 مرفق
https://vb.ckfu.org/attachment.php?a...1&d=1494091928

https://vb.ckfu.org/attachment.php?a...1&d=1494091928

https://vb.ckfu.org/attachment.php?a...1&d=1494091928


؛؛ انتهت المحاضرة الخامسة ؛؛

ســــلآف 2017- 5- 14 12:16 AM
رد: شرح وتبسيط ( النظريات الاجتماعية ) مش هتقدر تغمض عينيك
 
وين الباقي استاذي ودي اطقطق عليها حتى يجي الاختبار

ابو لورا R 2017- 5- 14 01:02 AM
رد: شرح وتبسيط ( النظريات الاجتماعية ) مش هتقدر تغمض عينيك
 
هدو الوضع باقي اكثر من اسبوع عالاختبار

ابو خالد الحكمي 2017- 5- 14 01:08 AM
رد: شرح وتبسيط ( النظريات الاجتماعية ) مش هتقدر تغمض عينيك
 
هلا وغلا استاذة سلاف

والله مافيه باقي انا شغلي مثل شغل خباز التميس

من الفرن للسفرة على طول . لذلك اول ما بدا اختبار التخطيط وقفت وبعده جت العولمة

لذلك اكون صادق معك ماراح ارجع للنظريات الا بعد اختبار القضايا على شان بعدها رح يكون فيه وقت طويل تقريباً

ثلاثة ايام من الاربعاء للاحد فانا باذن الله رح اشغل عليها الخميس والجمعة ويوم السبت

نرجع للفئات الخاصة وبعدها رح يكون معنا راحة يومين

نشطب على باقي المنهج اعتذر عن التاخير

وذلك بسبب ظروف الاسرة والعمل

اخوكم ابو خالد

ريمووونا 2017- 5- 14 04:18 AM
رد: شرح وتبسيط ( النظريات الاجتماعية ) مش هتقدر تغمض عينيك
 
مع بعض يادفعة بن خلدون اوشكنا على التخرج
اشكرك استاذ خالد على ربط المفاهيم وتبسيطها من المستويات السابقه وحتى الان واسال الله ان ينفع بك ويبارك فيك وبا اهلك ووقتك

ســــلآف 2017- 5- 14 06:39 AM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ابو خالد الحكمي (المشاركة 1057702066)
هلا وغلا استاذة سلاف

والله مافيه باقي انا شغلي مثل شغل خباز التميس

من الفرن للسفرة على طول . لذلك اول ما بدا اختبار التخطيط وقفت وبعده جت العولمة

لذلك اكون صادق معك ماراح ارجع للنظريات الا بعد اختبار القضايا على شان بعدها رح يكون فيه وقت طويل تقريباً

ثلاثة ايام من الاربعاء للاحد فانا باذن الله رح اشغل عليها الخميس والجمعة ويوم السبت

نرجع للفئات الخاصة وبعدها رح يكون معنا راحة يومين

نشطب على باقي المنهج اعتذر عن التاخير

وذلك بسبب ظروف الاسرة والعمل

اخوكم ابو خالد
الله يووووووووووووووووفقك وما تقصر
اهم شي التميس يجينا ساخن :41jg:
الله يسهل لك وتجيب كل المواد A+

sami alrefaei 2017- 5- 14 02:17 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ســــلآف (المشاركة 1057702856)
الله يووووووووووووووووفقك وما تقصر
اهم شي التميس يجينا ساخن :41jg:
الله يسهل لك وتجيب كل المواد a+
وانتي الصادقه يجينا كامل لا ياكل نصه بالطريق عليه بالعافيه

الله يكتب اجركم جميع

ويجزاك خير يالحكمي

انا هالترم ما عندي الا ثلاث مواد اختبرت وحده ثاني يوم وعندي اخر يومين مادتين من ظمنهم هالنظريات جالس فاضي احتريكم

وبيض الله وجهك انك نزلت شرح لها بدري اذاكرها لوقت الاختبار شوي شوي

الله يوفقنا واياكم جميع

مرامي. 2017- 5- 18 10:29 AM
رد: شرح وتبسيط ( النظريات الاجتماعية ) مش هتقدر تغمض عينيك
 
ماشاء الله تبارك الرحمن
جزاكم الله خير لجهودكمالرائعة
ممتنة لأخي الكريم ابوخالد الحكمي
الله يسعدك ويسخرلك الرحمن
وبقية من تعاون معك
الأخت نكهة قهوة
وصباحكم سعادة ويسر ... ��

manool79 2017- 5- 18 12:21 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يعطيك العافيه ماقصرت ابوخالد
الله لايحرمك ماندعي لك
هانت مابقى شي على التخرج
ياله شدوا الهمه

ملك 2017 2017- 5- 18 06:37 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يعطيك العافيه ويجعل ختامها مسك يارب

ماده غثيثه بس الله يسهل الاختبار

ابو خالد الحكمي 2017- 5- 18 08:03 PM
رد: شرح وتبسيط ( النظريات الاجتماعية ) مش هتقدر تغمض عينيك
 
2 مرفق
:: المحاضرة السادسة :::



حيالله الجميع ومنورين

ونعود لمادة النظريات نشتغل لحد بكرة

وبعدها نرجع للفئات الخاصة نعطيها حقها وبعدها نرجع للنظريات الاجتماعيةولكن

يا اخوان ارجوكم رجاء خاص اذا فيه شرح او معلومة تحتاج الى

اعادة بسبب عدم فهمها او بسبب سو شرحها

ارجو طلب الاعادة حتى تعم

الفائدة بين الجميع

موفقين


https://vb.ckfu.org/attachment.php?a...1&d=1495126900



https://vb.ckfu.org/attachment.php?a...1&d=1495126900

الفيحاني 2017- 5- 18 08:30 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ســــلآف (المشاركة 1057676620)
جزاك الله خير وبارك الله فيك

ملاحظة : التواريخ غير مطالبين فيها ولا حتى العلماء اللي بالمواضيع
فقط 9 علماء مثل ما ذكر الدكتور
:eek:



وش وش وش منهم العلماء ال9:mh12:

الفيحاني 2017- 5- 18 08:32 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ســــلآف (المشاركة 1057676795)
أهم العلماء في المقرر ( دور كايم ، اوجست كونت ، سان سيمون ، ماكس فيبر ، كارل ماركس ، جار فينكل ، ،رالف دراهر ندورف ، هربت بلومر ، بيتر بلاو )

يمكن هالكويزات تفيدك لكن لا تحتوي العالم كامل
لان كل عالم خاص بمحاضره كامله

مراجعة لاهم علماء النظريات الاجتماعية
https://vb.ckfu.org/quiz.php?do=take&quiz_id=16286


كويزات للعلماء
[ كويز ] :كويز للمحاضرة الرابعه للنظريات الاجتماعية 1438 مشعل باسكلاني
[ كويز ] :كويز للمحاضرة الخامسة للنظريات الاجتماعية 1438 مشعل باسكلاني
[ كويز ] :كويز للمحاضرة السادسة للنظريات الاجتماعية 1438 مشعل باسكلاني
[ كويز ] :كويز للمحاضرة السابعة للنظريات الاجتماعية 1438 مشعل باسكلاني
[ كويز ] :كويز للمحاضرة الثامنه للنظريات الاجتماعية 1438 مشعل باسكلاني
[ كويز ] :كويز للمحاضرة التاسعة للنظريات الاجتماعية 1438 مشعل باسكلاني
[ كويز ] :كويز المحاضرة العاشرة للنظريات الاجتماعية 1438 مشعل باسكلاني
[ كويز ] :كويز للمحاضرة الحادية عشر والثانيه عشر للنظريات الاجتماعية 1438 مشعل باسكلاني
أو من هنا ايضا
الكويزات QUIZ - ملتقى فيصل » 17 سؤال هامه على المحاضرة الرابعة .. النظريات الاجتماعية .. الجـــ@ـارح
الكويزات QUIZ - ملتقى فيصل » 13 سؤال هامه على المحاضرة الخامسة .. النظريات الاجتماعية .. الجـــ@ـارح
الكويزات QUIZ - ملتقى فيصل » 12 سؤال هامه على المحاضرة السادسة .. النظريات الاجتماعية .. الجـــ@ـارح
الكويزات QUIZ - ملتقى فيصل » 24 سؤال هامه على المحاضرات السابعة والثامنة .. النظريات الاجتماعية .. الجـــ@ـارح
الكويزات QUIZ - ملتقى فيصل » 20سؤال هامه على المحاضرات ال 9 و 10 و 11 و 12 و 13.. النظريات الاجتماعية .. الجـــ@ـارح



شكراااااااااااا

ابو خالد الحكمي 2017- 5- 18 08:46 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة الفيحاني (المشاركة 1057727898)
:eek:



وش وش وش منهم العلماء ال9:mh12:
هلا والله الفحاني منور

ياخوك خرمان شاهي ما تعطيني معك جغمه

تكفى ياخوك نبي كويز علماء ما يخرش المياء على شان نمزمز عليه لعل

وعسى نجيب معدل زين في المادة هذي . ياخي مستغرب شي المادة محاضرتها كبيرة فوق الستين صفحة

والكويزات حق المحاضرات كل كويز عشرة اسئلة بس شي غريب والله اذكر في مادة

اربعين صفحة وكل محاضرة الكويز اقل شي 25 سؤال

على العموم لا تخلص الشاي :060:

موفق يارب

نظرة جديدة 2017- 5- 18 08:52 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الماده حلووه بس تحتاج تركيز
عساك ع القوه اخ بو خالد
لسئ ماوصلت لل6

شرح واضح الله يوفقك

نظرة جديدة 2017- 5- 18 08:53 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ابو خالد الحكمي (المشاركة 1057728004)
هلا والله الفحاني منور

ياخوك خرمان شاهي ما تعطيني معك جغمه

تكفى ياخوك نبي كويز علماء ما يخرش المياء على شان نمزمز عليه لعل

وعسى نجيب معدل زين في المادة هذي . ياخي مستغرب شي المادة محاضرتها كبيرة فوق الستين صفحة

والكويزات حق المحاضرات كل كويز عشرة اسئلة بس شي غريب والله اذكر في مادة

اربعين صفحة وكل محاضرة الكويز اقل شي 25 سؤال

على العموم لا تخلص الشاي :060:

موفق يارب
لاتعتمد مررره ع الكويزات
لاني اشوفها مختصرة جدا:000:

الفيحاني 2017- 5- 18 08:54 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ابو خالد الحكمي (المشاركة 1057728004)
هلا والله الفحاني منور

ياخوك خرمان شاهي ما تعطيني معك جغمه

تكفى ياخوك نبي كويز علماء ما يخرش المياء على شان نمزمز عليه لعل

وعسى نجيب معدل زين في المادة هذي . ياخي مستغرب شي المادة محاضرتها كبيرة فوق الستين صفحة

والكويزات حق المحاضرات كل كويز عشرة اسئلة بس شي غريب والله اذكر في مادة

اربعين صفحة وكل محاضرة الكويز اقل شي 25 سؤال

على العموم لا تخلص الشاي :060:

موفق يارب

حياك بالمنصة الملكيـــــهــ

ابشر :lllolll:

ابو خالد الحكمي 2017- 5- 18 09:01 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة غيومه (المشاركة 1057728038)
لاتعتمد مررره ع الكويزات
لاني اشوفها مختصرة جدا:000:

حيالله سكينة منورة

طيب وش اسوي منين اجيب اسئلة اشتغل عليها

اذا خلصنا الكويزات حق المحاضرات بندخل على الكويزات حق الاختبارات

وبعدها ربك يسرها من عنده وتتيسر الامور بامره

وين رياء ما اشوفها اليوم :biggrin:

موفقه يارب

ابو خالد الحكمي 2017- 5- 19 12:20 AM
رد: شرح وتبسيط ( النظريات الاجتماعية ) مش هتقدر تغمض عينيك
 
2 مرفق
:: المحاضرة السابعة ::

اتعبتني جداً واخذت وقت كثير


https://vb.ckfu.org/attachment.php?a...1&d=1495142348



https://vb.ckfu.org/attachment.php?a...1&d=1495207323

•• شجون ~ 2017- 5- 19 11:07 AM
رد: شرح وتبسيط ( النظريات الاجتماعية ) مش هتقدر تغمض عينيك
 
-



عسى تعبك ما يروح هدر
ويرزقك ربي عالي الجنان ~*



.

ابو خالد الحكمي 2017- 5- 19 06:22 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة •• شجون ~ (المشاركة 1057730023)
-



عسى تعبك ما يروح هدر
ويرزقك ربي عالي الجنان ~*



.
الله يجزاك الله خير استاذة شجون منورة

طالب مستوى اول 2017- 5- 19 06:37 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ابو خالد الحكمي (المشاركة 1057728880)
:: المحاضرة السابعة ::

اتعبتني جداً واخذت وقت كثير


https://vb.ckfu.org/attachment.php?a...1&d=1495142348



https://vb.ckfu.org/attachment.php?a...1&d=1495207323
أهم شي المظاهر والفشخرة:sdfgdsf:

ابو خالد الحكمي 2017- 5- 19 07:15 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة طالب مستوى اول (المشاركة 1057731364)
أهم شي المظاهر والفشخرة:sdfgdsf:
لا والله وانت الصادق الصواريخ متوسطة المدى :10111:

manool79 2017- 5- 19 08:12 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يجزاك خير
ويسخرلك جنود الارض وملائكة السماء

manool79 2017- 5- 21 05:50 AM
رد: شرح وتبسيط ( النظريات الاجتماعية ) مش هتقدر تغمض عينيك
 
يارب توفق اللي عندهم رعاية الفئات الخاصه
ويطلع ابوخالد مبسوط ويبسط لنا محاظرتين قبل ينام

الجلاد 2017- 5- 21 06:14 AM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يبيض وجهك

تسجيل حضور

ونخش نقرأ

ابو خالد الحكمي 2017- 5- 21 09:58 PM
رد: شرح وتبسيط ( النظريات الاجتماعية ) مش هتقدر تغمض عينيك
 
حيالله الجميع منورين

كذا نكون خلصنا نص المنهج سبع محاضرات بالكمال والتمام

بذن الله نحاول نبتدي من الليلة نكمل

باقي المحاضرات ...

موفقين يارب

manool79 2017- 5- 21 09:59 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ياهل الرعايه ماصحصحتوا

manool79 2017- 5- 21 10:00 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يسعدك ابوخالد
ويوفقك ويسخرلك

ابو خالد الحكمي 2017- 5- 21 10:02 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة manool79 (المشاركة 1057742073)
الله يسعدك ابوخالد
ويوفقك ويسخرلك
الجميع يارب يا شيخة منول تسلمي

نظرة جديدة 2017- 5- 21 10:07 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يعطيك العافيه يارب
عن نفسي غدا" ستتم مذاكرته
بالتوفيق للجميع

ابو خالد الحكمي 2017- 5- 21 10:09 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة غيومه (المشاركة 1057742131)
الله يعطيك العافيه يارب
عن نفسي غدا" ستتم مذاكرته
بالتوفيق للجميع
الله يعافيك غيومة

والله الراحة زينة ولكن نشوف اذا قدرنا اقل شي

نخلص محاضرةنطيح شي من بكرة

:019::019::019:

ابو خالد الحكمي 2017- 5- 22 12:36 PM
رد: شرح وتبسيط ( النظريات الاجتماعية ) مش هتقدر تغمض عينيك
 
2 مرفق
:: المحاضرة الثامنة :::

فلم ماتركس


https://vb.ckfu.org/attachment.php?a...1&d=1495445759

https://vb.ckfu.org/attachment.php?a...1&d=1495445759

مرامي. 2017- 5- 22 01:29 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ههههه
الله يسعدك أستاذ أبوخالد

أمه بقرة :icon120:

نظرة جديدة 2017- 5- 22 02:12 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة مرامي. (المشاركة 1057744963)
ههههه
الله يسعدك أستاذ أبوخالد

أمه بقرة :icon120:
ليت ع بقره وبس
دخلنا بالسياسه :16.jpg:

ابو خالد الحكمي 2017- 5- 22 02:21 PM
رد: شرح وتبسيط ( النظريات الاجتماعية ) مش هتقدر تغمض عينيك
 
QUOTE=مرامي.;1057744963]ههههه
الله يسعدك أستاذ أبوخالد

أمه بقرة :icon120:[/QUOTE]


اقتباس:
المشاركة الأصلية كتبت بواسطة غيومه (المشاركة 1057745152)
ليت ع بقره وبس
دخلنا بالسياسه :16.jpg:
ايوه راحت قهوة وجتني مرامي ههههه

غيومة اذكري ربك اي سياسة والله الموضوع فلم بس :bawling:

ياحبك للشر :41jg:

أم شذى# 2017- 5- 22 02:26 PM
رد: شرح وتبسيط ( النظريات الاجتماعية ) مش هتقدر تغمض عينيك
 
أن شاء الله تكون نهاية الفلم سعيده ههههه مشكور على الشرح

نظرة جديدة 2017- 5- 22 02:30 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة أم شذى# (المشاركة 1057745230)
أن شاء الله تكون نهاية الفلم سعيده ههههه مشكور على الشرح
:16.jpg:
عاد أنا آخاف من نهاية الآفلام :16.jpg:
يلا نكمل النظريات :agolakser:

ابو خالد الحكمي 2017- 5- 22 03:09 PM
رد: شرح وتبسيط ( النظريات الاجتماعية ) مش هتقدر تغمض عينيك
 
تنبيه بسيط للاخوان

انا ما اعطيك في الشرح كل تفاصيل النظرية

انا احطك وسط النظرية والاتجاه الي تسير فيه النظرية والعالم الي اسس النظرية

واهم خصائص ومعالم النظرية بس اكيد فيه اشياء ما تطرقنا لها في الشرح لذلك ارجو من الجميع مذاكرة

الملزمة وانصح بمزلمة الثابت وتلخيص ابو تركي ثمتجي عندنا

تضحك معنا شوي وتثبت المعلومة

كذا انت في السليم

موفقين



ابو خالد الحكمي 2017- 5- 22 03:32 PM
رد: شرح وتبسيط ( النظريات الاجتماعية ) مش هتقدر تغمض عينيك
 
1 مرفق
تخيل انك منت مذاكر

وجاك السؤال هذا هههههههههههه

هذا سؤال لا ينفع معه تخمين ولا تفكير خارج الصندق ولا داخل الصندقة

انا حطيته لكم كعينة من اسئلة الدكتور الخريف

وانت عاد قيس عليها باقي الاسئلة

وضع نفسك في المكان

الذي تريد


https://vb.ckfu.org/attachment.php?a...1&d=1495456153

@بنت القصيم@ 2017- 5- 22 04:13 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يسعدك ويسهل دربك ويجزاك الجنه ووالديك

انهيار الكون 2017- 5- 22 04:13 PM
رد: شرح وتبسيط ( النظريات الاجتماعية ) مش هتقدر تغمض عينيك
 
بيض الله وجهك يـــآبو خالد وجزاك الله خير , مــآقصرت

ان شـآءالله اختبـآر النظريـآت حلو وختامها مسك

ابو خالد الحكمي 2017- 5- 22 05:46 PM
رد: شرح وتبسيط ( النظريات الاجتماعية ) مش هتقدر تغمض عينيك
 
2 مرفق
:: المحاضرة التاسعة ::

الجزء الثاني من فلم الصراع ماتركس

بس البطل تغير الاول كان ماتركس لا هنا شي ثاني شي خطير

انه العالم والداشر والمنقهر ابو نادروف

سود الله وجهه ..


https://vb.ckfu.org/attachment.php?a...1&d=1495464376


https://vb.ckfu.org/attachment.php?a...1&d=1495464376

ابو خالد الحكمي 2017- 5- 22 05:51 PM
رد: شرح وتبسيط ( النظريات الاجتماعية ) مش هتقدر تغمض عينيك
 
قصيمية

انهيار الكون

منورين الله يسعدكم

ويارب ختمامها يكون مسك وعود وعنبر

وكل شي حلو بالدنيا

متفائل جداً

العشق بلوة 2017- 5- 22 06:33 PM
رد: شرح وتبسيط ( النظريات الاجتماعية ) مش هتقدر تغمض عينيك
 
يجززززززززيك بكمل على شرحك
وانا من هالعلمااء عقلي تلخبط وجاني زهايمرعلى اخراختبار فلونززاا العلمااءء المدمرؤن
لاكن بصير العالمهه وفوز بالماده:33_asmilies-com:

نكهة القهوة* 2017- 5- 22 06:35 PM
رد: شرح وتبسيط ( النظريات الاجتماعية ) مش هتقدر تغمض عينيك
 
تخيلوا لخصت ملزمة النظريات كلها بخط اليد

وحليت الاسئلة كاملة

وسويت جداول للعلماء ورتبت كل اموري

هالكلام قبل اسبوعين يمكن :mh12:

وامس اخذت كل الاوراق والتلاخيص معي ع اختبار الفئات

وتركتها تحت بالحوش وطلعت اختبر :Cry111:

نزلت لقيتهم مقطعين كل ملازمي وملازم البنات وحاينها ببرميل حق الورق !!!! :007::007:

تتخيلون كمية الاحباط اللي انا فيها الحين ؟؟؟؟؟؟؟؟؟

اقرأ المنهج احس ذاكرتي متفرمته معقول ابدأ من الصفر ؟؟؟

:Cry111::Cry111::Cry111:

العشق بلوة 2017- 5- 22 06:42 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ابتددي مع ابوخالد بعدها العلماءء واعووامم
:Cry111: الله يعينك

نكهة القهوة* 2017- 5- 22 06:49 PM
رد: شرح وتبسيط ( النظريات الاجتماعية ) مش هتقدر تغمض عينيك
 
بذاكر اسئلة الاعوام وزي ماتجي خلاص مافيه وقت :Cry111:

العشق بلوة 2017- 5- 22 06:57 PM
رد: شرح وتبسيط ( النظريات الاجتماعية ) مش هتقدر تغمض عينيك
 
الله يسهلك ياارب ويسهل لنااا ويفتحهاا عليك ان شاءالله يكررر لنا

manool79 2017- 5- 22 07:09 PM
رد: شرح وتبسيط ( النظريات الاجتماعية ) مش هتقدر تغمض عينيك
 
يارب ابو خالد يشد حيله ويخلص بدري
والله يابو خالد سبقتك بالمحاضرات بس مااقدر استوعب لحد ماارجع لشرحك
الله يسهل عليك كل عسير

ابو خالد الحكمي 2017- 5- 22 07:14 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة نكهة القهوة* (المشاركة 1057746662)
تخيلوا لخصت ملزمة النظريات كلها بخط اليد

وحليت الاسئلة كاملة

وسويت جداول للعلماء ورتبت كل اموري

هالكلام قبل اسبوعين يمكن :mh12:

وامس اخذت كل الاوراق والتلاخيص معي ع اختبار الفئات

وتركتها تحت بالحوش وطلعت اختبر :cry111:

نزلت لقيتهم مقطعين كل ملازمي وملازم البنات وحاينها ببرميل حق الورق !!!! :007::007:

تتخيلون كمية الاحباط اللي انا فيها الحين ؟؟؟؟؟؟؟؟؟

اقرأ المنهج احس ذاكرتي متفرمته معقول ابدأ من الصفر ؟؟؟

:cry111::cry111::cry111:
حيالله الشيخة قهوة

معوضة خير يارب وباذن الله انا متفائل ان الاختبار سهل

ومكرر واسال الله العلي القدير

يشرح صدرك للاختبار

نكهة القهوة* 2017- 5- 22 07:39 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ابو خالد الحكمي (المشاركة 1057746907)
حيالله الشيخة قهوة

معوضة خير يارب وباذن الله انا متفائل ان الاختبار سهل

ومكرر واسال الله العلي القدير

يشرح صدرك للاختبار


امين .. الله يسمع منك ويكرر ويسهل الاختبار علينا كلنا :106:

افهد 2017- 5- 22 07:42 PM
رد: شرح وتبسيط ( النظريات الاجتماعية ) مش هتقدر تغمض عينيك
 
باقي المحاضرات معانا 10+11+12+13+14 ماحصلتها

عبدالله الحربـي 2017- 5- 22 08:07 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ســــلآف (المشاركة 1057676620)
جزاك الله خير وبارك الله فيك

ملاحظة : التواريخ غير مطالبين فيها ولا حتى العلماء اللي بالمواضيع
فقط 9 علماء مثل ما ذكر الدكتور
مين هم هم 9 العلماء ياسلاف اللي مطالبين فيها

ام فصووولي 2017- 5- 22 08:37 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ننتظرك على أحر من الجمر

جعلك للجنة ووالديك

manool79 2017- 5- 22 09:51 PM
رد: شرح وتبسيط ( النظريات الاجتماعية ) مش هتقدر تغمض عينيك
 
شكل ابو خالد اللي نام مب د.الخريف

ابو خالد الحكمي 2017- 5- 22 10:16 PM
رد: شرح وتبسيط ( النظريات الاجتماعية ) مش هتقدر تغمض عينيك
 
2 مرفق
:: المحاضرة العاشرة ::



https://vb.ckfu.org/attachment.php?a...1&d=1495480547



https://vb.ckfu.org/attachment.php?a...1&d=1495480547

~النايفه~ 2017- 5- 22 10:33 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ابوخالد الله يسعدك دنيا واخره ماننسى جمايلك طول هالسنين:icon19:



__ قوولو أمين يالسامعين ياااااااااااارب ختامها مسك علي وعليكم ي اجمل دفعه :love080:
-وخيتي وحبيبتي نكهه القهوة معوضه خير ياقلبي وباذن الله ان الدكتور مايصعب الاسئله وتكون سهله وجميله:love080:

ســــلآف 2017- 5- 22 11:32 PM
رد: شرح وتبسيط ( النظريات الاجتماعية ) مش هتقدر تغمض عينيك
 
بشروني وش اخباركم يا رب تسهلت لكم

ابو خالد الحكمي 2017- 5- 22 11:32 PM
رد: شرح وتبسيط ( النظريات الاجتماعية ) مش هتقدر تغمض عينيك
 
1 مرفق
:: المحاضرة الحادية عشر ::

طبعاً رح تكون بدون كويز اسئلة لنها مشبوكة مع المحاضرة

الثانية عشرة وبس اخلصها ونزل الكويز مها

بس قلت انزل لكم هذي

تطقطقون عليها

https://vb.ckfu.org/attachment.php?a...1&d=1495485048

ســــلآف 2017- 5- 22 11:33 PM
رد: شرح وتبسيط ( النظريات الاجتماعية ) مش هتقدر تغمض عينيك
 
ما قصرت ابو خالد عساك على القوة

ابو خالد الحكمي 2017- 5- 22 11:33 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ســــلآف (المشاركة 1057748715)
بشروني وش اخباركم يا رب تسهلت لكم
انتي بشرينا كيف الامور معك عساها في النور

ابو خالد الحكمي 2017- 5- 22 11:34 PM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة ســــلآف (المشاركة 1057748724)
ما قصرت ابو خالد عساك على القوة
بس بيتر طلع خلبوص ياسلاف :139:

العشق بلوة 2017- 5- 23 12:04 AM
رد: شرح وتبسيط ( النظريات الاجتماعية ) مش هتقدر تغمض عينيك
 
:mh12: يااااااااااااااااااااااااااااااربي سهل مافيش عقل تعبنا
يجزيك استااذذذنالوانت مكان الخريف كان حنا بخير

ابو خالد الحكمي 2017- 5- 23 12:23 AM
رد: شرح وتبسيط ( النظريات الاجتماعية ) مش هتقدر تغمض عينيك
 
اقتباس:
المشاركة الأصلية كتبت بواسطة العشق بلوة (المشاركة 1057748917)
:mh12: يااااااااااااااااااااااااااااااربي سهل مافيش عقل تعبنا
يجزيك استااذذذنالوانت مكان الخريف كان حنا بخير
صدقيني جربت كويزات للمادة

وطلعت الامور طيبة انتي بس اعرفي السؤال

يتكلم عن نظرية واي عالم مثل لو قالك الرمزية التفعاليه على طول تذكري

هايبر وان السلع الي فيها يوجد عليها رموز

وان بنده تقلد ميد وكذا تقدري

تعيشي جو السؤال

العشق بلوة 2017- 5- 23 12:27 AM
رد: شرح وتبسيط ( النظريات الاجتماعية ) مش هتقدر تغمض عينيك
 
ان شاء الله يااااااااااااااااااااااااااارب دفاره نيوتن تنزل بعقلي
بس احين الشحنات عندي متصادمه

رووح الآنوثه 2017- 5- 23 12:29 AM
رد: شرح وتبسيط ( النظريات الاجتماعية ) مش هتقدر تغمض عينيك
 
الكلمات تعجز عن شكرنا لكل مابذلته لنا من جهود جباره واستفدنا كثير
من تعليماتكك وتوجيهاتكك لناا

باذن الله ختامهاا مسكك

نكهة القهوة* 2017- 5- 23 12:41 AM
رد: شرح وتبسيط ( النظريات الاجتماعية ) مش هتقدر تغمض عينيك
 
انا حفظت النظريات بشخصيات من عايلتي معروفه وطبقت كل الصفات عليهم سويت فلم ههههههههههه

بالاضافة الى كثير معلوماتىاستفدتها من ابو خالد الله يجزاه خير

والحمدلله بديت ادخل الجووو وحاسه ان الاسئله بكرا بتكون سهله


All times are GMT +3. الوقت الآن حسب توقيت السعودية: 10:12 PM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه