ملتقى طلاب وطالبات جامعة الملك فيصل,جامعة الدمام
صفحة 1 من 3 1 23
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   المستوى الأول - إدارة اعمال (https://vb.ckfu.org/f392)
-   -   [ مذاكرة جماعية ] : جميع استفساراتكم هنا (https://vb.ckfu.org/t518121.html)

مَلاك 2013- 11- 21 04:51 AM
جميع استفساراتكم هنا
 
[ALIGN=CENTER][TABLE1="width:95%;background-image:url('http://www.ckfu.org/pic4u/uploads/ckfu138481435291.png');"][CELL="filter:;"][ALIGN=center]


السلام عليكم
باقي على الاختبارات النهائيه 25 يوم بالضبط :16.jpg:
جدول الاختبارات النهائيه هنا

هنا نستقبل أسئلتكم ب أي درس او فقره استصعبت عليكم وقت المذاكره
وبنحاول نوصل المعلومه بشكل واضح للجميع :love080:
- المراجعه فموضوع منفصل عن الاستفسارات -

ضوابط الموضوع :
- الموضوع خاص بالأسئله والرد عليها فقط
- الاستفسارات الاكاديميه هنا * فيما يخص البطاقه الجامعيه وغير ذلك *
- يُفضل عند الرد على السؤال اقتباس السؤال فالرد :love080:

بعض الاسئله المتكرره :

أيش المحذوف بماده الرياضيات ؟
نظريه ذات الحدين وليست المحاضره كامله :love080:
أقدر ادخل بالآله الحاسبه الاختبار ؟
أيه عادي :love080:
من وين نذاكر ؟
جميع المواد من الملخصات اللي تنزل فالبلاك بورد
ما عدا ( مهارات الاتصال , مهارات التعلم ) ضروري الكتاب
للمؤلف نوح الشهري *ركزو ب أسم المؤلف لأن غيره مايعتمد*
وين أحصل الكتب ؟
بالمتنبي , جرير , ومكتبه الشقرى بكلية الدراسات التطبيقيه وخدمه المجتمع




للي مابدا يذاكر هنا جدول تخطيط للمذاكره و إمكانكم تعدلون عليه :love080:



http://im34.gulfup.com/I8W44.png




للتحميل هنا

اللهم ارزقنا الدرجات العلى في الدنيا والاخرة :icon1:





[/ALIGN][/CELL][/TABLE1][/ALIGN]

ناطور السلام 2013- 11- 21 11:51 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة مَلاك (المشاركة 9850865)
[align=center][table1="width:95%;background-image:url('http://www.ckfu.org/pic4u/uploads/ckfu138481435291.png');"][cell="filter:;"][align=center]



السلام عليكم
باقي على الاختبارات النهائيه 25 يوم بالضبط :16.jpg:
جدول الاختبارات النهائيه هنا

هنا نستقبل أسئلتكم ب أي درس او فقره استصعبت عليكم وقت المذاكره
وبنحاول نوصل المعلومه بشكل واضح للجميع :love080:
- المراجعه فموضوع منفصل عن الاستفسارات -

ضوابط الموضوع :
- الموضوع خاص بالأسئله والرد عليها فقط
- الاستفسارات الاكاديميه هنا * فيما يخص البطاقه الجامعيه وغير ذلك *
- يُفضل عند الرد على السؤال اقتباس السؤال فالرد :love080:




بعض الاسئله المتكرره :

أيش المحذوف بماده الرياضيات ؟
نظريه ذات الحدين وليست المحاضره كامله :love080:
أقدر ادخل بالآله الحاسبه الاختبار ؟
أيه عادي :love080:
من وين نذاكر ؟
جميع المواد من الملخصات اللي تنزل فالبلاك بورد
ما عدا ( مهارات الاتصال , مهارات التعلم ) ضروري الكتاب
للمؤلف نوح الشهري *ركزو ب أسم المؤلف لأن غيره مايعتمد*
وين أحصل الكتب ؟
بالمتنبي , جرير , ومكتبه الشقرى بكلية الدراسات التطبيقيه وخدمه المجتمع





للي مابدا يذاكر هنا جدول تخطيط للمذاكره و إمكانكم تعدلون عليه :love080:







للتحميل هنا


اللهم ارزقنا الدرجات العلى في الدنيا والاخرة :icon1:






[/align][/cell][/table1][/align]

الله يسلمش د نصرون قالت مو لازم تشترون كتاب المقرر لأننا بالأخير بنركنة عالرف لأننا بنعتمد عالمحتوى,,,الآن كيف تقولون إننا لازم نشتري كتاب مقرر مهارات الإتصال ومهارات التعلم ؟

تقبلي مروري واحترامي

مَلاك 2013- 11- 21 12:17 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9851756)
الله يسلمش د نصرون قالت مو لازم تشترون كتاب المقرر لأننا بالأخير بنركنة عالرف لأننا بنعتمد عالمحتوى,,,الآن كيف تقولون إننا لازم نشتري كتاب مقرر مهارات الإتصال ومهارات التعلم ؟

تقبلي مروري واحترامي


ماجبت هالشي من عندي !
افتح المحاضرات المباشره عندك بتشوف ان هالمادتين مطلوب الكتاب فيها :love080:

ناطور السلام 2013- 11- 21 12:25 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة مَلاك (المشاركة 9851832)
ماجبت هالشي من عندي !
افتح المحاضرات المباشره عندك بتشوف ان هالمادتين مطلوب الكتاب فيها :love080:

عزيزتي ملاك كل المواد طالبين فيها كتاب الا كتاب الانجليزي الدكتور ما أكد عليه,,,لكن على حسب ما د نصرون ذكرت إن الكتب مو مهمة وبالاخير بنركنها بالرف وبنعتمد عالمحتوى...

مَلاك 2013- 11- 21 12:29 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9851845)
عزيزتي ملاك كل المواد طالبين فيها كتاب الا كتاب الانجليزي الدكتور ما أكد عليه,,,لكن على حسب ما د نصرون ذكرت إن الكتب مو مهمة وبالاخير بنركنها بالرف وبنعتمد عالمحتوى...

مش كل المواد :love080:
المادتين اللي أكدو بالكتب فيها مهارات الاتصال والتعلم .
نصرون ماغلطت بس اللي يدرسونا الحين ما كانو يدرسون نصرون
برجع أقولك شوف المباشره وقت الاستفسارات

ناطور السلام 2013- 11- 21 12:32 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة مَلاك (المشاركة 9851858)
مش كل المواد :love080:
المادتين اللي أكدو بالكتب فيها مهارات الاتصال والتعلم .
نصرون ماغلطت بس اللي يدرسونا الحين ما كانو يدرسون نصرون
برجع أقولك شوف المباشره وقت الاستفسارات

صحيح كلامك...تذكرت انا يوم رحت مكتبة جرير سألت عن كتاب مهارات الاتصال فالحمدلله لقيته عندهم .وطلع بالضبط 100% نفس المحاضرات والمحتوى يلي عطانا اياها المدرس ,,ما أعرف إنتي إيش رأيك هل ناخذ الكتاب مع انه نسخة من المحاضرات او نكتفي بيلي عندنا؟

مَلاك 2013- 11- 21 12:35 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9851869)
صحيح كلامك...تذكرت انا يوم رحت مكتبة جرير سألت عن كتاب مهارات الاتصال فالحمدلله لقيته عندهم .وطلع بالضبط 100% نفس المحاضرات والمحتوى يلي عطانا اياها المدرس ,,ما أعرف إنتي إيش رأيك هل ناخذ الكتاب مع انه نسخة من المحاضرات او نكتفي بيلي عندنا؟

الحمد لله :love080:
الدكتور قال ان الملخصات اللي تنزل سواءً للتعلم ولا الاتصال مو زي اللي بالكتاب !
فيه اشياء مو موجوده بالملخصات ( الكتاب أشمل بالماده ) , الكل شرا الكتابين :love080:

ناطور السلام 2013- 11- 21 12:46 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة مَلاك (المشاركة 9851878)
الحمد لله :love080:
الدكتور قال ان الملخصات اللي تنزل سواءً للتعلم ولا الاتصال مو زي اللي بالكتاب !
فيه اشياء مو موجوده بالملخصات ( الكتاب أشمل بالماده ) , الكل شرا الكتابين :love080:

يمديني أذاكرهم الحين؟
وبالنسبة لطريقة المذاكرة ايش تنصحين؟يعني مثلا اذا شريت الكتابين كم ساعة باليوم اجلس أذاكرهم ؟هل اقسم الكتاب أو أختار مثلا يومين وادرس الكتاب كلة مكثف؟

بالنسبة لمادتين الرياضيات و مبادئ الاحصاء احس اني ما اقدر اذاكر محاضرتين مع بعض أقصى حد باليوم أقدر عليه هو محاضرة واحدة فقط...أحس إنها تستهلك كثير طاقة

أنا أعتمد على الله ثم على نصائحكم

تقبلي احترامي وتقديري

مَلاك 2013- 11- 21 01:09 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9851907)
يمديني أذاكرهم الحين؟
وبالنسبة لطريقة المذاكرة ايش تنصحين؟يعني مثلا اذا شريت الكتابين كم ساعة باليوم اجلس أذاكرهم ؟هل اقسم الكتاب أو أختار مثلا يومين وادرس الكتاب كلة مكثف؟

بالنسبة لمادتين الرياضيات و مبادئ الاحصاء احس اني ما اقدر اذاكر محاضرتين مع بعض أقصى حد باليوم أقدر عليه هو محاضرة واحدة فقط...أحس إنها تستهلك كثير طاقة

أنا أعتمد على الله ثم على نصائحكم

تقبلي احترامي وتقديري
اكيد يمديك تذاكرهم الحين :love080:
على حسب تقيمك انت لنفسك إذا تشوف الماده سهله عليك وانت ماشي فيها ممكن تخلصها بيوم
قسم الدروس وكل فتره خذ بريك تريح فيه وبعدها ارجع كمل . انا ماشيه بمواد الحفظ على الكتابه احفظ كل نقطه وارجع اكتب اللي حفظته على جنب بنوته أحس هالشي يثبت لي الحفظ , وهكذا لكل الدروس
ولا تنسى تراجع اللي حفظته ( نزل لك اسئله وحلها , ومككن احد يسمع لك ) اللي يريحك

انت مافتحت المحاضرات من قبل ؟
اذا مافتحتها افتحها هاليومين وحاول تخلصها بس قبل لا تفتحها اطبع المحتوى للمحاضره وحل مع الدكتور واشرح لنفسك فقرات على جنب تحتاجها بعدين وقت التوتر وتجميع المعلومات :love080: , وقت مذاكرتها بدايةً احفظ القانون وحل مثال عشان تعرف طريقه الحل بس , التمارين اللي عندك حلها انت لحالك بدون ماترجع للمحتوى اللي انت حليته قبل وبس تخلص حل السؤال صحح لنفسك هالفقره وهكذا لباقي القوانين , وحتى الماث راجع الدرس قبل لا تعديه ( نزل لنفسك اسئله وحلها ) , الاحصاء لها نفس طريقه الماث فالمذاكره

لا تنسى تسوي لنفسك مراجعه نهائيه فكل ماده :love080: , وممكن تكون هالمراجعه من اسئله الواجب او الاختبار

ناطور السلام 2013- 11- 21 01:20 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة مَلاك (المشاركة 9851978)
اكيد يمديك تذاكرهم الحين :love080:
على حسب تقيمك انت لنفسك إذا تشوف الماده سهله عليك وانت ماشي فيها ممكن تخلصها بيوم
قسم الدروس وكل فتره خذ بريك تريح فيه وبعدها ارجع كمل . انا ماشيه بمواد الحفظ على الكتابه احفظ كل نقطه وارجع اكتب اللي حفظته على جنب بنوته أحس هالشي يثبت لي الحفظ , وهكذا لكل الدروس
ولا تنسى تراجع اللي حفظته ( نزل لك اسئله وحلها , ومككن احد يسمع لك ) اللي يريحك

انت مافتحت المحاضرات من قبل ؟
اذا مافتحتها افتحها هاليومين وحاول تخلصها بس قبل لا تفتحها اطبع المحتوى للمحاضره وحل مع الدكتور واشرح لنفسك فقرات على جنب تحتاجها بعدين وقت التوتر وتجميع المعلومات :love080: , وقت مذاكرتها بدايةً احفظ القانون وحل مثال عشان تعرف طريقه الحل بس , التمارين اللي عندك حلها انت لحالك بدون ماترجع للمحتوى اللي انت حليته قبل وبس تخلص حل السؤال صحح لنفسك هالفقره وهكذا لباقي القوانين , وحتى الماث راجع الدرس قبل لا تعديه ( نزل لنفسك اسئله وحلها ) , الاحصاء لها نفس طريقه الماث فالمذاكره

لا تنسى تسوي لنفسك مراجعه نهائيه فكل ماده :love080: , وممكن تكون هالمراجعه من اسئله الواجب او الاختبار

الحمدلله
بصراحة مادة مهارات الإتصال جدا ممتعة وتفيدنا بحياتنا بشكل عام لكن مهارات التعلم عن جد صعبة وكل مايتكلم الدكتور ويشرح أحس إنه مايشرح بس يقرأ بملل وتململ,حسيتها صعبة هالمادة وكل ما احاول اذاكرها ما اطلع بنتيجة ,,حتى بالاختبار الفصلي ماجبت فيها الدرجة الزينة,,,ما أدري هل توافقوني إنه بسبب المحاضر هو يلي يحبب الطلاب بالمادة أو يكرهم لها؟

الاحصاء كانت ومازالت ممتعة ومسلية وتفيدنا بحياتنا العملية لكن بالإختبار الفصلي جاتني اسالة ماكنت اتوقعها كانت صعبة ويبيلها قعدة وللأسف مع إني مذاكر زين بس ماجبت الدرجة الكويسة ,,,طلعت الأسئلة فيها حوسة شوي (كثير)...

أنا أحمل المحاضرات الحمدلله بس للأسف أطول على ما أفهمها عشان كذا تصعب علي أجمع محاضرتين بنفس اليوم ...

wa3ad2006 2013- 11- 22 10:01 PM
رد: (الاختبارات النهائيه) جميع استفساراتكم وتساؤلاتكم هنا
 
السلام عليكم
اخواتي الاختبارات النهائيه في أي تاريخ بالضبط ؟؟
سألت قبل وقالو لي 26 صفر
والحين ملاك تقول بقى 25 يوم كيف !!

وممكن جدول الاختبارات النهائيه اذا كان نزل
الملف اللي حطته ملاك مارضى يفتح معاي :mh12:

تــووتا الشـمري 2013- 11- 22 11:19 PM
رد: (الاختبارات النهائيه) جميع استفساراتكم وتساؤلاتكم هنا
 
1 مرفق
تفضلي جدول الاختبارات النهائية بالمرفق

RawanAlshamsi 2013- 11- 23 01:18 AM
رد: (الاختبارات النهائيه) جميع استفساراتكم وتساؤلاتكم هنا
 
سؤال بس الكتابين لنفس الكاتب ؟

RawanAlshamsi 2013- 11- 23 01:23 AM
رد: (الاختبارات النهائيه) جميع استفساراتكم وتساؤلاتكم هنا
 
ووبعد سؤال لما اشتري الكتب كيف اعرف وش المهم واللي لاززم احفظه واللي لا :(

تــووتا الشـمري 2013- 11- 23 02:45 AM
رد: (الاختبارات النهائيه) جميع استفساراتكم وتساؤلاتكم هنا
 
^ آيه كلهم لـ نوح يحيى الشهري
عن نفسي أحدد ورا الدكتور بالمحاضرة أو من المحتوى :icon1:

reemo ahmad 2013- 11- 25 09:50 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9851869)
صحيح كلامك...تذكرت انا يوم رحت مكتبة جرير سألت عن كتاب مهارات الاتصال فالحمدلله لقيته عندهم .وطلع بالضبط 100% نفس المحاضرات والمحتوى يلي عطانا اياها المدرس ,,ما أعرف إنتي إيش رأيك هل ناخذ الكتاب مع انه نسخة من المحاضرات او نكتفي بيلي عندنا؟

انا اشتريت الكتاب بس لكل ماده منهم الكتاب ولا شامل المادتين هو وندرس كل الكتاب ولا في اجزاء مش معنا؟
وشكرا

Moni ALmalki 2013- 11- 25 10:04 AM
رد: (الاختبارات النهائيه) جميع استفساراتكم وتساؤلاتكم هنا
 
^ حبيبتي مادة مهارات التعلم كتاب خاص لها

و مهارات الاتصال كتاب ثاني مختلف عن كتاب مهارات التعلم

* مو كتاب واحد ..

و م في شي محذوف للحين .. العفو

hanouf> 2013- 11- 25 11:05 PM
رد: (الاختبارات النهائيه) جميع استفساراتكم وتساؤلاتكم هنا
 
السلام عليكم ..

حبيت اسالكم اذا حددت مركز الاختبار لازم تجيني رساله على جوالي لان انا حددت وماجاني شي !!!!

الله يسعدكم ويوفق الجميع:love080:

مَلاك 2013- 11- 25 11:14 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة hanouf> (المشاركة 9876833)
السلام عليكم ..

حبيت اسالكم اذا حددت مركز الاختبار لازم تجيني رساله على جوالي لان انا حددت وماجاني شي !!!!

الله يسعدكم ويوفق الجميع:love080:

لا مابيوصلك مسج منهم :love080:

بنت الدبلوم 2013- 11- 25 11:26 PM
رد: (الاختبارات النهائيه) جميع استفساراتكم وتساؤلاتكم هنا
 
حبيت اسال كيف ندخل للاختبار بدون بطاقة جامعة ؟؟؟

مَلاك 2013- 11- 25 11:47 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة بنت الدبلوم (المشاركة 9876974)
حبيت اسال كيف ندخل للاختبار بدون بطاقة جامعة ؟؟؟

كرت العائله او البطاقه المدنيه اذا عندك ب الاضافه لرقمك الجامعي :love080:

كريم كريم 2013- 11- 26 01:23 AM
رد: (الاختبارات النهائيه) جميع استفساراتكم وتساؤلاتكم هنا
 
مهم جدا

في المحاضرة السادسة عشر لمادة الأنجليزي ذكر الدكتور نهاية المحاضرة أمور مهمة و أهم شي قال أن موعدالأختبار النهائي راح يكون
في الخامس من يناير للسنة الجديدة يعني 5/1/2014 يختلف عن ما هو مذكور بالجدول ودما نتأكد بس جزاكم الله خير ما في شي رسمي.

Alkawthar 2013- 11- 26 08:39 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة كريم كريم (المشاركة 9877597)
مهم جدا

في المحاضرة السادسة عشر لمادة الأنجليزي ذكر الدكتور نهاية المحاضرة أمور مهمة و أهم شي قال أن موعدالأختبار النهائي راح يكون
في الخامس من يناير للسنة الجديدة يعني 5/1/2014 يختلف عن ما هو مذكور بالجدول ودما نتأكد بس جزاكم الله خير ما في شي رسمي.
في تاريخ 5 يناير مافي امتحان أصلا ، والإنجليزي بيكون يوم الثلاثاء 14 يناير !!!!
الحل الوحيد هو نسأل الدكتور عن هالموضوع

Moni ALmalki 2013- 11- 26 10:33 AM
رد: (الاختبارات النهائيه) جميع استفساراتكم وتساؤلاتكم هنا
 
^ بأثباتك , احداهم ( احوال - كرت عايله - جواز سفر )

و بأيام الاختبارات يعطونا ورقه نعبي بياناتنا و نجيب صور لنا و بعدين يطلعون لنا البطايق ..

reemo ahmad 2013- 11- 26 01:42 PM
رد: (الاختبارات النهائيه) جميع استفساراتكم وتساؤلاتكم هنا
 
ياحلويين في جدول بعد التعديل لقيت وحده حاطته بموضوع https://admit.ud.edu.sa/page.aspx?Header=4
ادخلوا على جدول الاختبارات النهائيه

Dr. nsroon 2013- 11- 26 02:19 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة كريم كريم (المشاركة 9877597)
مهم جدا

في المحاضرة السادسة عشر لمادة الأنجليزي ذكر الدكتور نهاية المحاضرة أمور مهمة و أهم شي قال أن موعدالأختبار النهائي راح يكون
في الخامس من يناير للسنة الجديدة يعني 5/1/2014 يختلف عن ما هو مذكور بالجدول ودما نتأكد بس جزاكم الله خير ما في شي رسمي.
المحاضرات مسجلة من المستوى الماضي
ممكن تكون هالمحاضرة من المستوى الماضي كمان
فـ كان يقصد بها اختبارات دفعتنا

Dr. nsroon 2013- 11- 26 02:20 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة reemo ahmad (المشاركة 9879717)
ياحلويين في جدول بعد التعديل لقيت وحده حاطته بموضوع https://admit.ud.edu.sa/page.aspx?Header=4
ادخلوا على جدول الاختبارات النهائيه
وش اللي تغير بالجدول :Looking_anim:
نفس اللي نزل اول الترم :icon120:

Moni ALmalki 2013- 11- 26 02:25 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة د. نصرون (المشاركة 9879881)
وش اللي تغير بالجدول :Looking_anim:
نفس اللي نزل اول الترم :icon120:
الوقت , بدال من 3 ل5 صار من 4 ل6 بس :love080:

صَعب 2013- 11- 26 09:54 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة moni almalki (المشاركة 9879906)
الوقت , بدال من 3 ل5 صار من 4 ل6 بس :love080:
موني الجدول مثل ما هو من 3 إلى 5 ما تغير شي ..

hanouf> 2013- 11- 26 10:17 PM
رد: (الاختبارات النهائيه) جميع استفساراتكم وتساؤلاتكم هنا
 
:004:حبيبتي ملاك مشكوره الله ينور عليك:004:

Alkawthar 2013- 11- 26 11:06 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة صعب آنساك (المشاركة 9882482)
موني الجدول مثل ما هو من 3 إلى 5 ما تغير شي ..
ادخل على الرابط وبتشوف التوقيت صار من أربع إلى ست
https://admit.ud.edu.sa/page.aspx?Header=4

صَعب 2013- 11- 26 11:35 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة alkawthar (المشاركة 9882792)
ادخل على الرابط وبتشوف التوقيت صار من أربع إلى ست
https://admit.ud.edu.sa/page.aspx?header=4
الظاهر كانت معلقة الصفحة عندي !!

أحسن شي سووه صراحة تعديل وقت الاختبار عشان الدوام ..


»» فهاوة السمستر ذا بقوووووة .. :000:

صَعب 2013- 11- 26 11:39 PM
رد: (الاختبارات النهائيه) جميع استفساراتكم وتساؤلاتكم هنا
 
شكراً ريمو & الكوثر على التنبيه .. :rose: :rose:

Alkawthar 2013- 11- 27 12:38 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة صعب آنساك (المشاركة 9882991)
شكراً ريمو & الكوثر على التنبيه .. :rose: :rose:
العفو

Wado 2013- 11- 27 01:59 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة moni almalki (المشاركة 9879094)
^ بأثباتك , احداهم ( احوال - كرت عايله - جواز سفر )

و بأيام الاختبارات يعطونا ورقه نعبي بياناتنا و نجيب صور لنا و بعدين يطلعون لنا البطايق ..
الصوره نجيبها اول يوم من الاختبارات لاازم ولا

صَعب 2013- 11- 27 02:02 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة wado (المشاركة 9883639)
الصوره نجيبها اول يوم من الاختبارات لاازم ولا
خليها معك من اول يوم ، متى ما قالوا عبوا النماذج حقت طلب البطاقة تكوني جاهزة ع طول ..

Wado 2013- 11- 27 02:16 AM
رد: (الاختبارات النهائيه) جميع استفساراتكم وتساؤلاتكم هنا
 
اوكي
يعني من شروط تعبئة النموذج احضار الصوره

مَلاك 2013- 11- 27 10:48 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة Wado (المشاركة 9883689)
اوكي
يعني من شروط تعبئة النموذج احضار الصوره

ايوه حبيبتي ضروري تكون الصوره موجودة ببطاقتك الجامعيه :love080:

سومياا 2013- 11- 28 12:01 PM
رد: (الاختبارات النهائيه) جميع استفساراتكم وتساؤلاتكم هنا
 
السلام عليكم
في مادة الرياضيات نظرية ذات الحدين الي في المحاضره السابعه محذوف ..
ونظرية الحد العام محذوف بس في اي محاضره هالدرس ؟

مَلاك 2013- 11- 28 12:12 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة سومياا (المشاركة 9890772)
السلام عليكم
في مادة الرياضيات نظرية ذات الحدين الي في المحاضره السابعه محذوف ..
ونظرية الحد العام محذوف بس في اي محاضره هالدرس ؟


نفس الدرس حبيبتي :love080:
افتحي الفصل الرابع صفحه 5 الجزئيه الثانيه بتحصلين الحد العام

سومياا 2013- 11- 28 12:34 PM
رد: (الاختبارات النهائيه) جميع استفساراتكم وتساؤلاتكم هنا
 
شكرا ملوكه :004:

ام سلطان الشمري 2013- 12- 1 02:37 PM
رد: (الاختبارات النهائيه) جميع استفساراتكم وتساؤلاتكم هنا
 
مراحب للجميع ويعطيكم الف عافيه بغيت اسال متي يتم نشر الملخصات الخاصة بالمواد علشان نبلش نذاكر وبغيت اعرف شلون علي نظام الاختبار كل شي معانا بالاختبار وبالنسبة لكتاب مهارات التعلم والاتصال الكتاب كله نذاكرة والا في شي محدد بليز سلعوني ترا ظروفي صعبة ومو دايم اقعد ع النت والف شكر للكل

مَلاك 2013- 12- 1 03:23 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ام سلطان الشمري (المشاركة 9904339)
مراحب للجميع ويعطيكم الف عافيه بغيت اسال متي يتم نشر الملخصات الخاصة بالمواد علشان نبلش نذاكر وبغيت اعرف شلون علي نظام الاختبار كل شي معانا بالاختبار وبالنسبة لكتاب مهارات التعلم والاتصال الكتاب كله نذاكرة والا في شي محدد بليز سلعوني ترا ظروفي صعبة ومو دايم اقعد ع النت والف شكر للكل

اهلا ام سلطان
حبيبتي الملخصات منشوره خلاص بهالموضوع
http://www.ckfu.org/vb/t502156.html
بس لو تقصدين موضوعنا راح ننتظر تنزل كل الواجبات وننزل الموضوع ان شاء الله

أيه حبيبتي كل شي معانا فالمحاضرات , وحتى الكتابين كل شي معانا
بس انتي اطبعي الواجبات و الاختبارات وحتى المراجعات اللي حينزلونها الدكاتره ان شاء الله
راح تساعدك كثير تعرفين اسلوب الدكتور فالاسئله :love080: , ولو استصعب عليك شي فالمذاكرة
اطرحيه هنا فالموضوع وان شاء الله بنوضحه لك :icon1:

Haya.95 2013- 12- 1 04:31 PM
رد: (الاختبارات النهائيه) جميع استفساراتكم وتساؤلاتكم هنا
 
الصحه واللياقه لازم كتاب ولا لا توني اشوف اليوم يقول فيه كتاب ,,
لو اعتمد على الملزمه اللي بتسوونها تكفي ؟ :mh12:

مَلاك 2013- 12- 1 05:42 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة Haya.95 (المشاركة 9904929)
الصحه واللياقه لازم كتاب ولا لا توني اشوف اليوم يقول فيه كتاب ,,
لو اعتمد على الملزمه اللي بتسوونها تكفي ؟ :mh12:

كل المواد لها كتب حبيبتي , بس اللي ملزمين فيها وضروري التعلم والاتصال
بإذن الله تكفيك دامك بتراجعين معاه و عندك خلفيه عن صيغه الاسئله :love080:

ام سلطان الشمري 2013- 12- 1 06:07 PM
رد: (الاختبارات النهائيه) جميع استفساراتكم وتساؤلاتكم هنا
 
يعطيج العافية ملوكة يعني اطبع اللي معروض بورشة الملخصات وتكملون عليها الواجبات والملخصات اللي راح تكملونها؟؟؟؟

مَلاك 2013- 12- 1 06:10 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ام سلطان الشمري (المشاركة 9905643)
يعطيج العافية ملوكة يعني اطبع اللي معروض بورشة الملخصات وتكملون عليها الواجبات والملخصات اللي راح تكملونها؟؟؟؟

اذا مستعجله ايوه اطبعيهم , اللي بالموضوع كامله ياحبيبي بس احنا حنضيف الواجبات والاختبار و نقاط مهمه انقالت فالمباشرات , ان شاء الله بنحاول ننزلها هالاسبوع اذا كملت الواجبات والمحاضرات :icon1:

ام سلطان الشمري 2013- 12- 1 06:17 PM
رد: (الاختبارات النهائيه) جميع استفساراتكم وتساؤلاتكم هنا
 
يسلمووووووووووو

ناطور السلام 2013- 12- 1 08:48 PM
رد: (الاختبارات النهائيه) جميع استفساراتكم وتساؤلاتكم هنا
 
ايش المحذوف في اختبار الرياضيات؟

بنت ابوووهاا 2013- 12- 1 09:37 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9907061)
ايش المحذوف في اختبار الرياضيات؟
اختبار الرياضيات النهائي نظرية ذات الحدين في الفصل الرابع ..

khulood8080 2013- 12- 1 10:47 PM
رد: (الاختبارات النهائيه) جميع استفساراتكم وتساؤلاتكم هنا
 
مرحبا

عندي استفسار بسيط

الملخصات اللي منزلينها في الورشة هي نفسها اللي بالمحتوى بس على ارتب و أشمل صح
يعني اطبع الملخصات و اذاكر منها بدال المحتوي لان بعض المواد الدكاتره منزلينها ع بوربوينت و ما ينفع تنطبع وكذا :)

يا دوب نلحق نذاكر للاختبارات :(

مَلاك 2013- 12- 2 04:27 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة khulood8080 (المشاركة 9907921)
مرحبا

عندي استفسار بسيط

الملخصات اللي منزلينها في الورشة هي نفسها اللي بالمحتوى بس على ارتب و أشمل صح
يعني اطبع الملخصات و اذاكر منها بدال المحتوي لان بعض المواد الدكاتره منزلينها ع بوربوينت و ما ينفع تنطبع وكذا :)

يا دوب نلحق نذاكر للاختبارات :(

هّيا عشان الدكاتره منزلها بشكل ماينفع للمذاكرة نوعا ما فتحنا موضوع الورشه :004:
ايه صح حبيبتي اطبعيها وذاكري منها :icon1: , التعلم والاتصال ذاكريهم من الكتاب وارجعي للملخصات بعدين :004:
رتبي وقتك ولا تجهدين نفسك و ان شاء الله نلحق كلنا :004:

مَلاك 2013- 12- 2 05:53 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة h_alotaibi (المشاركة 9912541)
السلام عليكم ورحمة الله وبركاته

عندي استفسار عن كتاب مبادئ الرياضيات وين ممكن ألاقي الكتاب وفي اي مكتبه ؟
حصلت جميع الكتب ما عدا هذا الكتاب

وشكرا مقدما لمن يفيدني بأي توضيح :004:


انا اخذت الكتاب بداية السنه من مكتبه جرير
اسم الكتاب مبادئ الرياضيات العامة
ل أ.د. حمزة أبو جبل

بس للأمانه ترا ما استفدت من الكتاب أبد كل شي موجود فالملخصات

تمام 2013- 12- 2 11:24 PM
رد: (الاختبارات النهائيه) جميع استفساراتكم وتساؤلاتكم هنا
 
ياشباب ابغا اعرف وين ادفع مصاريف الاختبارات ووين بيكون مكان الاختبار؟

Dr. nsroon 2013- 12- 3 02:18 AM
رد: (الاختبارات النهائيه) جميع استفساراتكم وتساؤلاتكم هنا
 
مصاريف الاختبارات :|


بيكون الاختبار بالكلية اللي بالراكة

nona park 2013- 12- 3 02:49 AM
رد: (الاختبارات النهائيه) جميع استفساراتكم وتساؤلاتكم هنا
 
لو تفودوني من ترتيبكم واستعدادكم هل استفدتو من كل الكتب ولا بس التعلم والاتصال والباقي الملخصات يعني نكتفي بس لباقي المواد بدون الكتب بس نجيب كتاب التعلم وكتاب الاتصال يعني بدل ما ادفع حرام عالفاضي في الباقيه وما استفيد وشكرراا

Moni ALmalki 2013- 12- 3 05:27 AM
رد: (الاختبارات النهائيه) جميع استفساراتكم وتساؤلاتكم هنا
 
^ ي امي اذا الدكاتره نفسهم قالوا من المحتوى م عاد التعلم و الاتصال ليه نكلف ع نفسنا و نتشري !
و اساساً الكتب بتخوفكم كبار و مدري كيف , اما المحتوى صغنبوطي :p

موفقه حبيبتي

مَلاك 2013- 12- 3 07:08 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة nona park (المشاركة 9916508)
لو تفودوني من ترتيبكم واستعدادكم هل استفدتو من كل الكتب ولا بس التعلم والاتصال والباقي الملخصات يعني نكتفي بس لباقي المواد بدون الكتب بس نجيب كتاب التعلم وكتاب الاتصال يعني بدل ما ادفع حرام عالفاضي في الباقيه وما استفيد وشكرراا

صباح الخير :love080:
والله انا اخذت كتاب الرياضيات و الانجليزي بدايه السنه وشوفيهم للحين مافتحتهم :)
الملخصات تقريباً واضحه وفاهمه انتي أيش عليك بالضبط , ايوه صح عليك التعلم والاتصال ضروري تكون عندك :love080:

عسيريه فله 2013- 12- 3 07:42 AM
رد: (الاختبارات النهائيه) جميع استفساراتكم وتساؤلاتكم هنا
 
بنات ممكن افهم ايش تقصدوا بمصاريف الاختبارات هل فيه رسوم خاصه للاختبار والان خطر على بالي سؤال هل الرسوم الي دفعناها بداية الترم قبل التسجيل تكفى للمستوى الثاني ام المستوى الثاني ندفع رسوم اخرى

Asma_ 2013- 12- 3 08:16 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة عسيريه فله (المشاركة 9917241)
بنات ممكن افهم ايش تقصدوا بمصاريف الاختبارات هل فيه رسوم خاصه للاختبار والان خطر على بالي سؤال هل الرسوم الي دفعناها بداية الترم قبل التسجيل تكفى للمستوى الثاني ام المستوى الثاني ندفع رسوم اخرى


مافي مصاريف للاختبارات ابدًا
وبالنسبة للرسوم كل مستوى له رسوم لحاله
يعني المستوى الثاني بندفع رسوم جديدة غير رسوم المستوى الأول :love080:

nona park 2013- 12- 3 03:41 PM
رد: (الاختبارات النهائيه) جميع استفساراتكم وتساؤلاتكم هنا
 
جزاكم الله خير طيب ممكن تعطوني اسم مؤلف كتاب التعلم ومؤلف الاتصال عشان يكون نفس اللي عندكم و مشكورين الله يوفق الكل ان شاء الله

مَلاك 2013- 12- 3 03:53 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة nona park (المشاركة 9918787)
جزاكم الله خير طيب ممكن تعطوني اسم مؤلف كتاب التعلم ومؤلف الاتصال عشان يكون نفس اللي عندكم و مشكورين الله يوفق الكل ان شاء الله

د.نوح الشهري :love080:

ملاك 2 2013- 12- 3 09:55 PM
رد: (الاختبارات النهائيه) جميع استفساراتكم وتساؤلاتكم هنا
 
يعني الترم الجاي راح نكون على المستوى الثاني ولا يضل مسمانا المستوى الاول هم يقصدون المسى الاول يعني سنه اولى ولا كيف

Moni ALmalki 2013- 12- 3 10:02 PM
رد: (الاختبارات النهائيه) جميع استفساراتكم وتساؤلاتكم هنا
 
نصير مستوى ثاني
يعني الترم الثاني

:love080:

Asma_ 2013- 12- 3 10:02 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ملاك 2 (المشاركة 9921450)
يعني الترم الجاي راح نكون على المستوى الثاني ولا يضل مسمانا المستوى الاول هم يقصدون المسى الاول يعني سنه اولى ولا كيف

الترم الثاني راح نكون مستوى ثاني
كل ترم يسمى مستوى يعني الترم الأول مستوى أول الترم الثاني مستوى ثاني
وهكذا..

:icon19:

ملاك 2 2013- 12- 3 10:08 PM
رد: (الاختبارات النهائيه) جميع استفساراتكم وتساؤلاتكم هنا
 
طيب انا اشوف بس اربع مستويات

Asma_ 2013- 12- 3 10:12 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ملاك 2 (المشاركة 9921539)
طيب انا اشوف بس اربع مستويات

اي اربع مستويات يعني سنتين
كل سنة فيها مستويين / يعني ترمين

تــووتا الشـمري 2013- 12- 3 10:14 PM
رد: (الاختبارات النهائيه) جميع استفساراتكم وتساؤلاتكم هنا
 
^ بعد الاربع مستويات نتخصص ، لان حاليا ندرس نفس المواد احنا والتسويق

ملاك 2 2013- 12- 3 10:14 PM
رد: (الاختبارات النهائيه) جميع استفساراتكم وتساؤلاتكم هنا
 
مو هي بكالوريوس ليش بس اربع مستويات يعني دبلوم وكم ماده المستوى الثاني

ملاك 2 2013- 12- 3 10:17 PM
رد: (الاختبارات النهائيه) جميع استفساراتكم وتساؤلاتكم هنا
 
ايوة طمنتوني يعطيكم الف عافيه انا حابه روح التعاون بين الطلاب مشكورين

فرقنا القدر 2013- 12- 4 12:31 AM
رد: (الاختبارات النهائيه) جميع استفساراتكم وتساؤلاتكم هنا
 
مرحباً للجميع والله يجز أكم جميعا كل خير على جهودكم بغيت اسأل عن الملخصات اللي في الورشة هل هي نهاية كامله وشامله لكل المنهج ولا ننتظر شي يضاف عليها ...وبغيت اسأل عن نماذج أسئلة حتى لو لدكاترة ثانين بس المهم نفس المادة

,*Wa3d 2013- 12- 4 12:50 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة فرقنا القدر (المشاركة 9922343)
مرحباً للجميع والله يجز أكم جميعا كل خير على جهودكم بغيت اسأل عن الملخصات اللي في الورشة هل هي نهاية كامله وشامله لكل المنهج ولا ننتظر شي يضاف عليها ...وبغيت اسأل عن نماذج أسئلة حتى لو لدكاترة ثانين بس المهم نفس المادة
والله يا أختي هي مجهودهم .. واحنا حالينا جالسين نجمع كل ملخص مقرر

بملف واحد ْ حتى نختصر علينا وعليكمم المذاكرة ..

انتظري الملخصات كاملة لما تخلص راح تنزل ان شاءلله أول مايخلصون البنات :love080:

-

عن الأسالة مادري اذا في نماذج أو لاء ..

Moni ALmalki 2013- 12- 4 02:39 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة فرقنا القدر (المشاركة 9922343)
مرحباً للجميع والله يجز أكم جميعا كل خير على جهودكم بغيت اسأل عن الملخصات اللي في الورشة هل هي نهاية كامله وشامله لكل المنهج ولا ننتظر شي يضاف عليها ...وبغيت اسأل عن نماذج أسئلة حتى لو لدكاترة ثانين بس المهم نفس المادة
مراحب ي قميل :love080:



زي م قالت وعد :love080:

+ راح يكون بالملف * الملخصات النهائيه * المحتويات و الاختبار الفصلي و الواجبات و الاشيا المهمه
+ و بالنسبه للاحصا و الرياضيات الملخص بيكون من شرح الدكتور نفسه بالمحاضره ..

+ بالنسبه لنماذج الاسئله اشوف م بتفيدك اذا دكاتره ثانين ! يعني فرق بين كل واحد و اسلوبه :5aga:

* اذا فيه يارب غيرنا يفيدك و يحطها هناا , موفقه :004:

فرقنا القدر 2013- 12- 4 04:22 PM
رد: (الاختبارات النهائيه) جميع استفساراتكم وتساؤلاتكم هنا
 
تسلموا ع الردود يا ذوق

R O SE 2013- 12- 4 04:47 PM
رد: (الاختبارات النهائيه) جميع استفساراتكم وتساؤلاتكم هنا
 
يعطيكم العافية ع جهودكم..

ابسأل عن درجة النجاح من كم؟؟


وسؤال آخر شاطح.. دراستنا سنتين والا اربع سنين؟!!!!

يعني الشهادة دبلوم والا بكالوريس

مَلاك 2013- 12- 4 05:29 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة R O SE (المشاركة 9925183)
يعطيكم العافية ع جهودكم..

ابسأل عن درجة النجاح من كم؟؟


وسؤال آخر شاطح.. دراستنا سنتين والا اربع سنين؟!!!!

يعني الشهادة دبلوم والا بكالوريس

دراستنا بكالريوس , الدبلوم انلغى خلاص :love080:

R O SE 2013- 12- 4 05:35 PM
رد: (الاختبارات النهائيه) جميع استفساراتكم وتساؤلاتكم هنا
 
طمنتيييييني الله يطمن قلبك..


طيب ودرجة النجاح عندكم خبر من كم؟

Moni ALmalki 2013- 12- 4 07:35 PM
رد: (الاختبارات النهائيه) جميع استفساراتكم وتساؤلاتكم هنا
 
^ درجة النجاح 60
يعني 30 حقت البلاك بورد و تحتاجين تجيبين 30 بالاختبار النهائي ..

R O SE 2013- 12- 5 12:12 AM
رد: (الاختبارات النهائيه) جميع استفساراتكم وتساؤلاتكم هنا
 
مشكورة موني عالتوضيح..

طيب حسب الجداول الموجودة الدراسة بس اربع مستويات يعني سنتين فقط!

وبس؟ نتخرج بكالوريس؟!!!

والا فيه تتمه..لأن اللي معروف ان البكالوريس اربع سنوات..

مَلاك 2013- 12- 5 12:31 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة R O SE (المشاركة 9927511)
مشكورة موني عالتوضيح..

طيب حسب الجداول الموجودة الدراسة بس اربع مستويات يعني سنتين فقط!

وبس؟ نتخرج بكالوريس؟!!!

والا فيه تتمه..لأن اللي معروف ان البكالوريس اربع سنوات..

4 سنوات ، لكل سنه فيها مستويين
( الترم الاول مستوى والترم الثاني مستوى جديد )
باقي المستويات مو موجوده لانها تكون تخصص ي اداره اعمال او تسويق :love080:

ناطور السلام 2013- 12- 5 08:13 AM
رد: (الاختبارات النهائيه) جميع استفساراتكم وتساؤلاتكم هنا
 
الحين إختبار مبادئ الإحصاء المدرس بيعطينا ورقة مكتوب عليها جميع القوانين؟

Moni ALmalki 2013- 12- 5 08:43 AM
رد: (الاختبارات النهائيه) جميع استفساراتكم وتساؤلاتكم هنا
 
^ اي , قال هالكلام بنفسه بالمباشره + بكذا محاضره مسجله قال نفس الشي ..

ناطور السلام 2013- 12- 5 10:02 AM
رد: (الاختبارات النهائيه) جميع استفساراتكم وتساؤلاتكم هنا
 
المحاضرة المباشرة الثانية ماحضرتها كلها بمبادئ الإحصاء فالشرح موفاهمة مع إني محمل المحتوى حق المحاضرة المباشرة الثانية.,,هل فيه محاضرة مسجلة فيها نفس الموضوع حقت المحاضرة المباشرة الثانية,,,, ويلي يسلمكم أبي الفزعة

مَلاك 2013- 12- 5 01:29 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9929272)
المحاضرة المباشرة الثانية ماحضرتها كلها بمبادئ الإحصاء فالشرح موفاهمة مع إني محمل المحتوى حق المحاضرة المباشرة الثانية.,,هل فيه محاضرة مسجلة فيها نفس الموضوع حقت المحاضرة المباشرة الثانية,,,, ويلي يسلمكم أبي الفزعة

ما اتوقع انك راح تحصل نفسها بالضبط غيرها , بس شوف المحاضره اللي بعدها عادةً يسوون مراجعه للي قبل :love080:

ناطور السلام 2013- 12- 5 01:57 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة مَلاك (المشاركة 9929814)
ما اتوقع انك راح تحصل نفسها بالضبط غيرها , بس شوف المحاضره اللي بعدها عادةً يسوون مراجعه للي قبل :love080:
جاب شي بسيط جدا عن المحاضرة المباشرة الثانية وماركز عليها بشي للأسف

,*Wa3d 2013- 12- 5 02:00 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9929899)
جاب شي بسيط جدا عن المحاضرة المباشرة الثانية وماركز عليها بشي للأسف
أخي تأكدت اذا في أحد سجلها ؟
احيانا الطلاب والطلابات يسجلون المحاضرات المباشرة

Moni ALmalki 2013- 12- 5 05:59 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة ناطور السلام (المشاركة 9929272)
المحاضرة المباشرة الثانية ماحضرتها كلها بمبادئ الإحصاء فالشرح موفاهمة مع إني محمل المحتوى حق المحاضرة المباشرة الثانية.,,هل فيه محاضرة مسجلة فيها نفس الموضوع حقت المحاضرة المباشرة الثانية,,,, ويلي يسلمكم أبي الفزعة
http://www.ckfu.org/vb/9920812-post780.html

^ ادخل عليها بنفس هالطريقه و شوفهاا :love080:

d7mii 2013- 12- 7 10:55 PM
رد: (الاختبارات النهائيه) جميع استفساراتكم وتساؤلاتكم هنا
 
السلام عليكم

حاب اسال .
انا ما حددت مقر الاختبار
الحين وين بيكون مقر الاختبار ....؟ هل بيكون في الجامعه او وين بالضبط
لاني دخلت على تحديد مقر الاختبار و ما حصلة الايقونه ..!!!!

ساره ال سرور 2013- 12- 8 12:14 AM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة d7mii (المشاركة 9942742)
السلام عليكم
اقتباس:
المشاركة الأصلية كتبت بواسطة d7mii (المشاركة 9942742)


حاب اسال .
انا ما حددت مقر الاختبار
الحين وين بيكون مقر الاختبار ....؟ هل بيكون في الجامعه او وين بالضبط
لاني دخلت على تحديد مقر الاختبار و ما حصلة الايقونه ..!!!!


وعلــــــــــــــــــــــيكم السلام و رحمه الله وبركاته


تم فتح ايقونه لي تحديد مقر اختبار لي كل طــــــــــلاب ..

و تم ارسال رساله نصيه لي جميع ..

و تم اغلاقه و تم فتحه و ارسال رساله مره اخر نصيه الذي لم يتم تسجيل مركز اختبارات ..


نعم .. تم اغلاقه

يختلف وضعو اكثر من مكـــــــــآن لن اقرب مكان لي طالب يختار يوجد في النعيريه و الكليه في الراكه و الجبيل و البقيق ..

الرجاء مراسله لي دعم لكي يتم تسجيل لك مقر اختبار ..

اليـــــــــــــــــــــــــــكـ ,,



الرقم :~




للاستفسارات: 013-3331313



الايميل :~





با التوفيق يارب ..

Haya.95 2013- 12- 8 09:28 PM
رد: (الاختبارات النهائيه) جميع استفساراتكم وتساؤلاتكم هنا
 
مسااااء الخير
الحين مادة مهارات التعلم وش وضعها ؟
افتح الكتاب ابي اخطط معاه ولا اخطط الا كلمتين ثلاث معاه
وغيييير عن المحتوى !!!
ندرس من الكتاب ولا المحتوى ؟! :mh12:

بنت ابوووهاا 2013- 12- 8 10:01 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة Haya.95 (المشاركة 9946349)
مسااااء الخير
الحين مادة مهارات التعلم وش وضعها ؟
افتح الكتاب ابي اخطط معاه ولا اخطط الا كلمتين ثلاث معاه
وغيييير عن المحتوى !!!
ندرس من الكتاب ولا المحتوى ؟! :mh12:


وعليكم السلام..
الدكتور اكد على المذاكره من الكتاب ..
وبالتوفيق:love080:

Moni ALmalki 2013- 12- 8 10:02 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة Haya.95 (المشاركة 9946349)
مسااااء الخير
الحين مادة مهارات التعلم وش وضعها ؟
افتح الكتاب ابي اخطط معاه ولا اخطط الا كلمتين ثلاث معاه
وغيييير عن المحتوى !!!
ندرس من الكتاب ولا المحتوى ؟! :mh12:
مساء النور :icon19:

هذا كلامه لأحد الطالبات
http://www.ckfu.org/vb/9937426-post43.html

يعني من الكتاب :119:

Asma_ 2013- 12- 8 10:02 PM
رد: (الاختبارات النهائيه) جميع استفساراتكم وتساؤلاتكم هنا
 
اقتباس:
المشاركة الأصلية كتبت بواسطة haya.95 (المشاركة 9946349)
مسااااء الخير
الحين مادة مهارات التعلم وش وضعها ؟
افتح الكتاب ابي اخطط معاه ولا اخطط الا كلمتين ثلاث معاه
وغيييير عن المحتوى !!!
ندرس من الكتاب ولا المحتوى ؟! :mh12:

الدكتور قال المذاكرة من الكتاب المحتوى للإستزادة فقط
اعتمدي عالكتاب

إنْتِهَاكْة حَرفْ 2013- 12- 9 12:12 AM
رد: (الاختبارات النهائيه) جميع استفساراتكم وتساؤلاتكم هنا
 

_


انا للحين ما بدات بالمذاكره وما اعرف بايش ابدا ولا كيف
العام وكل سنين دراستي كانوا صديقاتي يجهزون لي جدول محدد للمذاكره امشي عليه
حاولت اسوي واحد ما عرفت
الظاهر ما راح اذاكر وقبل الاختبار بيوم باتوهق

تــووتا الشـمري 2013- 12- 9 12:19 AM
رد: (الاختبارات النهائيه) جميع استفساراتكم وتساؤلاتكم هنا
 
^ انتهاكة شوفي أصعب مادة عندك و أبدأي فيها ، مو شرط تراجعين المادة كاملة أو المواد كلهم على قدر استطاعتك
عن نفسي ببدا بالرياضيات بدرس فصلين وبعدها الاحصاء والانقللش وكذا الباقي مايحتاج مذاكرة مررره

إنْتِهَاكْة حَرفْ 2013- 12- 9 12:25 AM
رد: (الاختبارات النهائيه) جميع استفساراتكم وتساؤلاتكم هنا
 

_


ما اعرف ابدا بدون جدول امشي عليه
وما اعرف اذاكر وحدي لازم احد يسمع لي
وهالسبب اللي مخليني كل ما مسكت كتاب ما قدرت اذاكر

سومياا 2013- 12- 9 01:07 AM
رد: (الاختبارات النهائيه) جميع استفساراتكم وتساؤلاتكم هنا
 
تبين اقولك جدول اذا بيساعدك !
مارح تفيدك الحلطمه خلاص ابدي من الان الوقت بيروح عليك :sm4:..
ابدي بالاحصاء من بكرا امسكي كل يوم محاضرتين او ثلاث ,, الاسبوع الجاي امسكي الانقلش ,,
والاسبوع الاخير الي هو بيكون قبل الامتحانات امسكي الرياضيات وعليه الين يوم الامتحان ..
اما بالنسبه للمواد الثانيه مااشوف داعي خليها بيومها
انا هذا الي راح امشيي عليه من بكرا شجعيني واشجعك :sm5:

إنْتِهَاكْة حَرفْ 2013- 12- 9 01:10 AM
رد: (الاختبارات النهائيه) جميع استفساراتكم وتساؤلاتكم هنا
 

_

انجليزي ورياضيات واحصاء فيه مين بيدرسني
اللي ابي ابدا فيه صحه واتصال وتعلم وحاسب
وما اقدر بيوم واحد لازم قبلها بوقت لاني ما احفظ بسهوله
وما يمشي معي ذاكري كذا وكذا وخلص
احتاج جدول مثل اللي كانوا صديقاتي يسوونه لي وامشي عليه

سومياا 2013- 12- 9 01:18 AM
رد: (الاختبارات النهائيه) جميع استفساراتكم وتساؤلاتكم هنا
 
درسي نفسك بنفسك افتحي المحاضره وشوفي الخطوات وطبقي ,
اوك مدام هذا المواد لازم تبين تذاكرينها من قبل خصصي يوم للاتصال ويوم للتعلم ويوم للحاسب ويوم صحه
جدول صديقاتك ماادري كيف صراحه ! طيب سويه هو اذا تعرفين :119:

إنْتِهَاكْة حَرفْ 2013- 12- 9 01:22 AM
رد: (الاختبارات النهائيه) جميع استفساراتكم وتساؤلاتكم هنا
 

_


انا حاولت اسوي بس ما عرفت انظم المحاضرات بكل يوم محاضره او فصل من الكتاب
هم ما ادري كيف يسوونه , لمده كم يوم ماده وحده وبهالايام يحددون فصل بكل يوم او نص فصل عشاني ما احفظ بسهوله
ذا مثال بس والا انا ما اذكر كيف كانوا يسوونه
ولو اعرف كان سويت لنفسي بدل ما انا قاعده كذا ومو عارفه اذاكر


All times are GMT +3. الوقت الآن حسب توقيت السعودية: 04:35 PM.
صفحة 1 من 3 1 23
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه