ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   المستوى الثاني - كلية الأداب (https://vb.ckfu.org/f308)
-   -   [ محتوى مقرر ] : توحيد شكوى لماده مبادى الاحصاء (https://vb.ckfu.org/t640472.html)

الرايخ الثالث 2014- 12- 21 10:57 AM

رد: توحيد شكوى لماده مبادى الاحصاء
 
اقتباس:

المشاركة الأصلية كتبت بواسطة @بوفهد (المشاركة 11717211)
فيه ناس تتكلم بدون احترام لمشاعر زملائهم
ويفترضون اشياء غير صحيحة مثل اننا ما ذاكرنا وفينا اللي من بداية السمستر وهو ما يذاكر غيرها وشطب على كل المحاضرات اكثر من مرة وهم يتبجحون انهم ماذاكروا الا اسبوع واحد وتابعوا المحاضرات المباشرة وفهموا وجابوا +a
يعني هم الكسالى واحنا المجتهدين مش العكس . وبعدين لاتخافون على الدكتور ماراح يضره شيء ولا قلنا عنه الا كل خير لكن يجب ان تكون الاسئلة متوازنه وليس كلها حسابات وعصف ذهني خصوصا ان فيه ناس ما عندهم اساس في الرياضيات لاننا فينا شيبان دارسين في كتاتيب وما عمرها مرت علينا رياضيات ورموز ومعادلات مو زيكم صغار في السن وتعلمتوا رياضيات وعندكم ميول وفهم لهذي المواد
والله ثم والله اني اشوف ناس يرسبون في المواد النظرية ومتعقدين من النحو والادب وانا جايب فل مارك ومع ذلك اتعاطف معهم واساعدهم في تقديم ملاحظاتهم للجامعة
اذا الله ميزك في جانب احمد الله واشكره ولا تتهاون بشكوى زملاءك لانك معرض للابتلاء من جنس عملك

---------
بارك الله فيك اخي الكريم فعلا الفلسفه في بعض الامور مالها داعي الواحد يقعد ويقول ليش ماتذاكرون وليش وليش وكان اغلب المشتكين ماذاكروا والناس قدرات والظروف تختلف من شخص لشخص

انا مذاكرها من شهر كل يوم يومين افتح المحاضرة ومشت معي الماده لكن المصيبه في كثرة المعادلات والقوانين اللامتناهيه والمتشابهه لدرجه ان من الصعب تفرق بين طريقة حل المسئلة وغيرها

الدكتور ماقصر يعلم الله لكن الماده اصلا دسمه جدا
------
نقطة اخرى

شف موضوع الاسئلة المصوره للاختبار الى الآن اغلب اللي يمدحون الاختبار مش متفقين على اجابات معينة كل واحد يقول هذي الصح وهذي غلط والله المستعان

kfustar 2014- 12- 21 10:59 AM

رد: توحيد شكوى لماده مبادى الاحصاء
 
والله اني متعاطفه مع نفسي اولا ثم معكم ثانيا
والله اني عكيت حتى مرضت وجاني هبوط في الضغط من الاسئله
لكن اش تشتكون تقولون ماجاب شي غريب جاب من المنهج اللي فصفصه وهو يشرح

@بوفهد 2014- 12- 21 11:06 AM

رد: توحيد شكوى لماده مبادى الاحصاء
 
اقتباس:

المشاركة الأصلية كتبت بواسطة kfustar (المشاركة 11717277)
والله اني متعاطفه مع نفسي اولا ثم معكم ثانيا
والله اني عكيت حتى مرضت وجاني هبوط في الضغط من الاسئله
لكن اش تشتكون تقولون ماجاب شي غريب جاب من المنهج اللي فصفصه وهو يشرح

من المنهج ؟
اذا كذا انا مستعد اختبرك في اي مادة تختارينها واجيب لك من المنهج واتحداك تنجحين

مررووه 2014- 12- 21 11:07 AM

رد: توحيد شكوى لماده مبادى الاحصاء
 
احنا بنشتكي وإن شاء الله بيزيدونا درجات


أما الحلوين اللي يقولوا الاختبار حلو يكرمونا بسكوتهم وإن شاء الله


اذا نزلت زياده بس تنزل للي اشتكى

@بوفهد 2014- 12- 21 11:12 AM

رد: توحيد شكوى لماده مبادى الاحصاء
 
اقتباس:

المشاركة الأصلية كتبت بواسطة الرايخ الثالث (المشاركة 11717251)
---------
بارك الله فيك اخي الكريم فعلا الفلسفه في بعض الامور مالها داعي الواحد يقعد ويقول ليش ماتذاكرون وليش وليش وكان اغلب المشتكين ماذاكروا والناس قدرات والظروف تختلف من شخص لشخص

انا مذاكرها من شهر كل يوم يومين افتح المحاضرة ومشت معي الماده لكن المصيبه في كثرة المعادلات والقوانين اللامتناهيه والمتشابهه لدرجه ان من الصعب تفرق بين طريقة حل المسئلة وغيرها

الدكتور ماقصر يعلم الله لكن الماده اصلا دسمه جدا
------
نقطة اخرى

شف موضوع الاسئلة المصوره للاختبار الى الآن اغلب اللي يمدحون الاختبار مش متفقين على اجابات معينة كل واحد يقول هذي الصح وهذي غلط والله المستعان

الله يبارك فيك
بصراحة انا ما احب اراجع الاسئلة لاني ما اذكر وش اخترت اصلا ووراي اختبار اليوم
لكن اتوقع اعديها لكن مش متطمن 100%
خصوصا اني ذاكرت وتابعت الدكتور محاضرة محاضرة وهو اللي اوحى لنا ان الاسئلة سهلة وواضحة
وبعدين هو الله يهديه ركز على اخر المحاضرات اللي تعبنا لحد ماوصلنا لها وهي الانحرافات ومتوسطاتها ومعامل الارتباط احس جاب منها كثير مما اخل بتوازن الاسئلة

ام علوولي 2014- 12- 21 11:18 AM

رد: توحيد شكوى لماده مبادى الاحصاء
 
من جد الاسئله كلها قوانين وياليت القوانين واضحه جاب نصف المدى الربيع وتقسم طيب كيف نطلع النصف وماطلع نفس المدى الربيعي احنا اغلبنا ادبي المفروض يراعي الاغلبيه ماحنا عباقره في القوانين والحسابات وكمان الدروس الاخيره التشتت والمئين ماعليها شرح كثير مثل المحاضرات الاول الله يسامحك
عندي انا انجح ولا احمل الماده

السيد كيتوس 2014- 12- 21 11:28 AM

رد: توحيد شكوى لماده مبادى الاحصاء
 
بسمه تعالى

السلام عليكم


تقدمت بشكوى للعمادة وان شاء الاولى والاخيرة .... الا على فكرة كيف اقدم شكوى للفريدان عبر تويتر اللي يعرف يخبرنا ..... بعدين كل واحد و ظروفه واستيعابه
.....

U.B.O 2014- 12- 21 11:57 AM

رد: توحيد شكوى لماده مبادى الاحصاء
 
يا جماعة
شرح الدكتور لا يعلى عليه .. لكن التطبيق في الامتحان صعب .. خصوصاً لطلاب الشرعي ... والي ما درسوا سنين وهم هاربين من مواد مثل رياضيات و فيزياء ... الدكتور رهيب, الاختبار جيد مع انه ما جاب 50% تعريفات مثل ما قال, الوقت لا يسع لحل الاسئلة والتأكد منها.

اللي يقول الاختبار سهل , الله لا يهينكم روحوا لموضوع اختبار الاحصاء سهل, هنا الموضوع للناس الي تبي تقدم شكوى على (الاختبار) وليس الدكتور, الي يقول ظلمنا الدكتور ابد ما ظلمنا ولا بنظلم, الدكتور زي العسل وشرحه رهيب, انا جلست تقريبا شهر اذاكر ومع ذلك بالامتحان , لخبطت, لأني متعقد من الارقام والرياضيات.

رجاء للي كل شوي يقولون سهل, الرجاء مراعاة مشاعر الغير, وكل انسان وله قدرات.

دمتم

TA7REER 2014- 12- 21 12:07 PM

رد: توحيد شكوى لماده مبادى الاحصاء
 
والله مايدرون وش الظروف .. لو النت لحاله ما اشتغل لقبل الامتحان بفتره بسيطه مابين حل لجميع المواد والمشاركات وتحميل اخذ اغلب طاقتنا .. توكلت على الله واذا نجحت فاكيد تتوفيق من الله وتقبل الدكتور شكوانا .. واذا حملتها فا اكيد هي خيره لي ..
استغفرالله الذي لااله الاهو الحي القيوم واتوب اليه ...

loooli2008 2014- 12- 21 01:36 PM

رد: توحيد شكوى لماده مبادى الاحصاء
 
اقتباس:

المشاركة الأصلية كتبت بواسطة أبو فيصل 2014 (المشاركة 11715458)
يا أخوان إلي ماذاكر يتحمل مسؤولية نفسه


والله الأسئله سهله جدا جدا ونفس أرقام الأعوام الماضيه


المشكله فينا إحنا إلي ماذاكرنا والدكتور حلو

نصيحه لاتخربون على أنفسكم

الدكتور كويس وأسئلته واضحه بدون لف ولا دوران


المشكله والله فينا ماذاكرنا لو بس ذاكرنا أسئلة الأعوام الماضيه وطبقنا عليها أمثله مافيه مشكله


يعني انت تبينا زيك نذاكر اسئلة الاعوام الماضيه ؟؟

عموما مب ذنبي انها ضبطت معك وبدون تعب .. :hhheeeart4:
بس الاغلب وانا منهم ذاكرت الملزمه مع المحاضرات المسجله والمراجعه اللي نزلها
واطلعت يشكل بسيط ع اسئلة العام
ومع ذلك الاختبار حوسه الحمدلله ع كل حال
ياليت هاللي يمدحون يصورون نتايجهم اذا طلعت لانها الظاهر صايره موضه من يشووفون اختبار صعب او ع الاقل عكس التوقعات يدحون فيه
واو دوافير :lllolll:


All times are GMT +3. الوقت الآن حسب توقيت السعودية: 10:52 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه