ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   المستوى الثاني - كلية الأداب (https://vb.ckfu.org/f308)
-   -   [ محتوى مقرر ] : توحيد شكوى لماده مبادى الاحصاء (https://vb.ckfu.org/t640472.html)

حنان098890 2014- 12- 21 01:39 PM

رد: توحيد شكوى لماده مبادى الاحصاء
 
للاسف تعليقات البعض الي يقولوا حرام نشتكي وشرح الدكتور بجد تقهر .. من جد دفعتكم شي لا يحتمل الحمدلله اني مو مستوى ثاني .. بجد انا مريت بكم مستوى م شفت اللي شفته عندكم .. عدم تكاتف وكمان مافي أنصاف ومخلين حوسة اجاباتكم اللي تفشل وحوسة اسئلة الدكتور وتدافعون عنه .. ترى عمار معاني الله يذكره بالخير كان يشرح وافضل من الدكتور العله ذا لكن يوم خدعنا وما قعد عند كلمته شكيناه وبالاجماع افتكر والا اعترضوا كم واحد بس اقلها قالوا الصدق يومها قالوا المفروض يوفي بوعده وكان عدد الشكوى كبير ..


نجي للدكتور السابق تبع مادة الاحصاء افتكر مره اشتكوه لانه كثر تعاريف وهو قال مافي تعاريف ..


المسألة مي مسألة نشتكي الدكتور .. المسألة هي طلب إعادة نظر بتوزيع الدرجه ونطلع ب اقل الخسائر .. هذا المقرر مو تخصصوا لا يتفلسف علينا فيه .. المفروض اشتكي واقول كرر الأسئلة عشان المهايطيه يرسبون او يعاد الاختبار وهذا هو العدل يلي تتكلموا عن العدل .. اتمنى تكونوا متعاونين وتكونوا يد وحده والحمد لله طلب ألمساعده والإنصاف ليس ظلم للدكتور لان الدكتور كان يقدر يساعدنا لو بدرجة النجاح بالتعاريف اقل شي وهو خابر انو حنا مو تخصص وعارف ان المقرر غثيث ..

TOOTOO HAK 2014- 12- 21 01:52 PM

رد: توحيد شكوى لماده مبادى الاحصاء
 
نرجوا من الجميع الدخول الى ملاحظات حول الاختبار : مسائل حسابية تحتاج لوقت أكثر من ثلاث ساعات - ورقة هامش خارجية مرفق معها القوانين المطلوبة في الاختبار
(طالبنا استاذ المقرر عدم حفظ القوانين و جاب أسئلة قوانينها غير مرفقه )


أرجوا من الجميع عدم توحيد صيغة الشكوى حتى لا يعرفوا أن بيننا أتفاق مسبق


فيض حنين 2014- 12- 21 02:14 PM

رد: توحيد شكوى لماده مبادى الاحصاء
 
ياليت......


والله استقعد في الاسئلة مررررة يعني خلا الابواب الاولى السهلة وركز عالاخير المعقد والله احتتتتتترت مرررة:017:

مازوون 2014- 12- 21 02:15 PM

رد: توحيد شكوى لماده مبادى الاحصاء
 
وانا وانا وانا معكم :( والله العظيم تعبت تعبت تعبت وانا اذاكره ذاكرت بقوه بس حسبي الله ونعم الوكيل ياااارب مايضيع تعبي وجهددي :(201)::(201)::(201)::(201):

مازوون 2014- 12- 21 02:17 PM

رد: توحيد شكوى لماده مبادى الاحصاء
 
يعني الحين ماراح يدخلو المنتدى ويعرفوو انو اتفااق!!!!!!!!!!!

بوعبدالرحمـن 2014- 12- 21 02:46 PM

رد: توحيد شكوى لماده مبادى الاحصاء
 
اقتباس:

المشاركة الأصلية كتبت بواسطة لولي الشرقيه (المشاركة 11717108)
مو مسألة سهل ولا صعب الاختبار !! ،بس الوقت مايكففففقي
ولما بقى نص ساعه ع الامتحان شتتونا المراقبات بسرعه بسرعه وصرت اجاوب اي كلام.
مفروض اولا يوفي بوعده الي هو 50% نصي وثانيا لو ناوي يكثر مسائل زي كذا ع الاقل
يطولون الوقت ايش يضرهم اذا صارت ثلاث ساعات :cool:

ع العموم رفعت الشكوى والله ينصرنا ع الاحصاء :(

با النسبه للجنه الا ختبار فيه ايقوانه لتلقي الملاحظات ع لجنه الا ختبار

الحمدلله 1988 2014- 12- 21 03:00 PM

رد: توحيد شكوى لماده مبادى الاحصاء
 
اول شي اللي يقول ظلمنا الدكتور !!
الحين قال نص نظري و نص مسائل والاغلب مسائل هذا شسمه ؟؟
ثاني شي احنا اعتراضنا على الوقت اكثر من انه اﻻسئله صعبه واﻻ سهله . .
ﻻ تخلون ثقتكم الزايده و وناستكم باجوبتكم تخليكم تجحدون تعبنا بالمذاكره . .
اغلب اللي حلو عدل دارسين نماذج سابقه . .
اضن العدل انك تدرس المحاضرات والملخص بدون ماتتطلع على نماذج سابقه
بعدين تعالو قولو سهل الاختبار . .
اما انكم تقرون نماذج وتضبط معكم نسخ اﻻسئله ﻻ هذا مو ذكاء منكم
وﻻ يعطيكم الحق تقولون الاسئله سهله . .
ﻻن الاسئله مو سهله مره الاسئله انتو حافظينها . .
بعدين اللي نموذجهم اي الربيعات جايه اخر صفحه والقاعدات اول صفحه
وكل الطلبات تتشابه اسمائها
قمت الخبط وانا افرفر الاوراق وقمت الخبط باماكن اﻻجوبه هذا لحاله وترني . .


احنا ماظلمنا احد احنا اعتراضنا عالوقت مايكفي . .
وبعدين شلون حليتو 100 بالميه صح اجوبتكم وفيه 3 اسئله تقريبا ماطلعت اجاباتها . .؟؟
في الربيعات سؤالين حاولت اطلعهم بالقاعده ماضبطو وسؤال عن التكرار اللي تكراره 6 ابد ماطلعت اﻻجابه شلون يعني ؟؟

manal_abdullah 2014- 12- 21 03:01 PM

رد: توحيد شكوى لماده مبادى الاحصاء
 
اقتباس:

المشاركة الأصلية كتبت بواسطة @بوفهد (المشاركة 11717211)
فيه ناس تتكلم بدون احترام لمشاعر زملائهم
ويفترضون اشياء غير صحيحة مثل اننا ما ذاكرنا وفينا اللي من بداية السمستر وهو ما يذاكر غيرها وشطب على كل المحاضرات اكثر من مرة وهم يتبجحون انهم ماذاكروا الا اسبوع واحد وتابعوا المحاضرات المباشرة وفهموا وجابوا +a
يعني هم الكسالى واحنا المجتهدين مش العكس . وبعدين لاتخافون على الدكتور ماراح يضره شيء ولا قلنا عنه الا كل خير لكن يجب ان تكون الاسئلة متوازنه وليس كلها حسابات وعصف ذهني خصوصا ان فيه ناس ما عندهم اساس في الرياضيات لاننا فينا شيبان دارسين في كتاتيب وما عمرها مرت علينا رياضيات ورموز ومعادلات مو زيكم صغار في السن وتعلمتوا رياضيات وعندكم ميول وفهم لهذي المواد
والله ثم والله اني اشوف ناس يرسبون في المواد النظرية ومتعقدين من النحو والادب وانا جايب فل مارك ومع ذلك اتعاطف معهم واساعدهم في تقديم ملاحظاتهم للجامعة
اذا الله ميزك في جانب احمد الله واشكره ولا تتهاون بشكوى زملاءك لانك معرض للابتلاء من جنس عملك

لافض فوك ..

هادي m 2014- 12- 21 03:31 PM

رد: توحيد شكوى لماده مبادى الاحصاء
 
[align=justify]اهلاً يازملاء بالامانه الدكتور شرحه كويس وماقصر ،لكن انه يقول نصها تعاريف ونصها مسائل ولم نرا ذلك بالاختبار بالاضافه انه حتى الاسئلة اللي جابها وتعتبر تعاريف لازم تستخدم الحاسبه يعني تعتبر مسائل واضافه لذلك بي حق يحط خيار هـ انا اخاف حتى كمبيوتر التصحيح مايعترف بالاجابه الاخيره هـ
لذلك لايمنع ان نقدم شكوى ونطالب بذلك [/align]

مون محمد 2014- 12- 21 03:47 PM

رد: توحيد شكوى لماده مبادى الاحصاء
 
معاكم يستاههل والله صدمني بكل شي بصراجه اللي ضمنته 15 سوال صح الباقي حفله وتخمين مني مابيدي شي اسويه خلص الوقت وانا بس اعدد الورقه كانت تخوووووووووووووف ومن اولها لين اخرها مسائل حسابيه ولا اللي يقههههههههههر التعاريف كم تعريف بس والله لو اني دافوره بالرياضيات بجيب العيد وش ذا ماقول غير حسبي يالله اللي قهرني كل اختباراتي تمام الا الاحصاء وانا مستوى ثالث امس تحسفت اني خذت الماده تندمت قد شعر راسي
وانا معاكمم برفع الشكوى:017::icon9:


All times are GMT +3. الوقت الآن حسب توقيت السعودية: 04:41 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه