المشاركة الأصلية كتبت بواسطة leen-29 (المشاركة 12548655)

.



ميرسي كتير عزف المطر ..




ماشاء الله عنك اتاريك شيف واحنا مش عارفين ..


والتتبيلة أكيد ممكن من عيوني :


هاي هي :


اغلبها توابل فريش ..


اوراق زعتر اخضر وروزماري ونعناع و ريحان . طبعا اكيد ريحان الطبخ ..


بصلة مبشورة ناعم . و رشة فلفل اسود و بابريكا ..


ولو حابب فلفل اخضر حار لكن انا بفضل من غيره بهاي الوصفة .


وعصير ليمونتين .


ملعقة من كل من : حليب جاف وعسل طبيعي .


وملعقة طعام سماق . والملح حسب الرغبة .


بتخلط كل المكونات سوا بعد ما تكون هرست التوابل الخضراء هرس مش تكون مفرومة .. وتبل اللحم فيهم .


اتركها لوقت حتى تاخد نكهة اكتر وبعدين في قدر تيفال ع النار اول لمدة نص ساعة ع نار هادية كتير


لحتى تنزل عصارة اللحم اللي سألت عنها هاي مش زيت أو دهن بقدر ماهي العصارة تبعها .


و بتحطهم بعدين بالفرن وغطيهم بورق الفويل لحتى تستوى ع نار هادية برضو .


و بعدين بتتحمر كيف ما بتحب .




وكمان لو حابب نكهة الشوي تطلع زي ماهو معروف جمر وزيت وغطيهم .


لكن حتي تعزز هاي النكهة واللحم لسا ني اول ما تحط التتبيلة عليه بتحط بوسطه


صحن صغير في زيت وبتنزل فيه قطعة الجمر او اتنين وغطيها ع طول ..


واتركها لحد ما وقت تيجي تستعملها ..




وبس هيك وصحة وهنا مقدما ..





.~

المشاركة الأصلية كتبت بواسطة همسة الصمت (المشاركة 12548142)

هذا فطورنا امس + قهوتنا بعد الفطور + الحلى ( جودي جار ـ كيكة تيرميسو )