أنا وش يادكتور
 

مرحبا دكتور
أنا بنت أيام طفولتي أعاني من ضيق بالتفس أذا حد زعلني أو خفت من حد
وأغيب عن الوعي وأدخل المستشفى
ولما يشوفني الدكتور ينومني وياخذ علي فحوصات
ويقول سليمة مافيها شي وأطلع ومعروف كل فترة أتنوم بالمستشفى
ومرات كأن الموت بياخذ روحي
وتطلع أمي أذا ماكان أبوي موجود للجيران يودوني للمستشفى
وعلى هاالموال
بس أخر مرة أتنومت بالمستشفى
قال الدكتور بنحولها لمستشفى النفسية
كنت أسمع أبوي يقول لامي بطلعها على مسؤليتي
يقول تاكل علاجه طول العمر <<أبوي ماهو متعلم وكيذا يفكر
المهم خفت أن بكرا أصير مجنونة <<كنت طفلة
ماأبي حد يعايرني بالي فيني من بعدها ولامرة دخلت المستشفى
مع أني تعبانه موت مرات مقدر أتنفس بس أسكت
ينكتم نفسي لدرجة أني أتمنى الموت
الموهم انا الحين أعاني من معاملة أبوي أحس أني غير عن أخواني
وعندي عم أنا مابعرف هو عارف أني أعاني من هالشي أولا
كل مايشوفني يقولي نسفية
دوم يعايرني بهالكلمة <<مرات أقول أنا أحسن منه خلني أطنش
وأنا من داخلي مكسورة
حتى قدام بنات عمامي يقولي كيذا أنتي نفسية
ومستانسة ع شان أنك حلوه
ترا فيه أحلا منك
ومن كثر ما يقولها لي صاروا حتى أخواني الصغار يعايروني
يقولون نفسية
بس أنا علاقتي مع صديقاتي حلوة ومرحة ويحبوني ناس كثير
وأسلوبي مع الناس جداً طبيعي ليه
أنا كيذا
أبوي دخلني تخصصي تربية خاصة وأنا ودي أصير دكتورة نفسية أبدا من نفسي وأبي أساعد الناس الي يعانون مثلي ودي أعرف شخصيتي أكثر بس أبوي ما رد علي بحكم أني مريضة وشلون بتعالج الناس
تعبت من دنيتي والله تعبت

رد: أنا وش يادكتور
 

ليه مافيه حد رد علي لو يكتب كلمة يجبر بخاطري
الي يمر لايتجاهلني يرد بليز

رد: أنا وش يادكتور
 

كل اللي قلتيه شي عادي !


وما قريت في موضوعك شي يدل على انك فيك شي نفسي


هاذي تصير لكل الناس وتجي بزياده عند الناس الحساسة

تعوذي من الشيطان ولا توسوسين

ان شاء الله ما فيك الا العافيه


وبالنسبه لـ عمك .. آسفه بس شكله هو النفسي !!

رد: أنا وش يادكتور
 

الشئ اللي ممكن أقوله لك انك تتبعي اسلوب يخفف عليك الناس المزعجين
ممكن مثلا تاخذي كلام عمك على شكل مزح و تكملين معاه النكته و تخلينها تصير مجرد نكته حتى بالنسبه له و مع الايام اعتقد ان كل شي بيروح او ممكن تعملي له بالضبط مثل ماعمل لك و بالتالي يحس بشعورك و يوقف عن الازعاج .
الشي الثاني اللي احب اذكره لك انك ترى مو الانسانه الوحيده بالعالم اللي تعاني من مضايقات, كل انسان في العالم يعاني منها لكن المفروض ان احنا نتركها. يادوب الواحد يعيش حياتو, ليش نضيع وقت و جهد على اشياء ماتسوى. انت لسى صغيره عيشي حياتك و لا تتركي أي شخص يزعجك.


لك مني أجمل تحية .

رد: أنا وش يادكتور
 

صدقيني اختي .. مافيك لا نفسيه ولاشيء .. ولا تحتاجين شيء اسمه علاج نفسي ..
كلنا نبكي ونتالم ونحزن ونزعل ونتعب ونمرض واشياء مايعلم فيها غير الله .. كلها تصير معنا اذا احد وخاصه شخص نحبه زعلنا او جرحنا .. عااادي جدا اخذي الامور باأريحيه .. وخففي ع نفسك .. علاقاتك ناحجه ورائعه وتداومين بالجامعه استمري كذا .. وطنشي كلام الناس .. خليهم يكلمون نفسهم ..

:) ربي يوووفقككك ياعسل .. اهتميبنفسك وخلي ايمانك بالله قوووي وتذكري كلنا نتعب ونعاني ..
مع الف سلامه .

رد: أنا وش يادكتور
 

السنة التعجيزية
مشكورة بس مرات أشك بنفسي من هالكلمة الي تكسرني من داخل بس أسكت
وأموت لما البنات يناظرون لي ويبتسمون
خاتم
مشكور نفسي أسلوبي يتغير وأقدر أرد عليه وأجرحه ع شان يحس
واحاول أرد بس أول ماأسمع هالكلمة تضيع كلماتي ألي مجهزتهم ع شان أرد أعتباري
أنقهر مابعرف أرد والي يقهرني أبتسم أبتسامة ساذجه مقدر أقول ولا كلمة أو أبكي<<حاسة أني ثقلت عليكم بس حبيت أفضفض ع الي كابتني ومعذبني

رد: أنا وش يادكتور
 

همي أشيل همك
ياحياتي أنتي والله كلامك درر
مشكورة ع الرد الرائع والدعوة الحلوة

رد: أنا وش يادكتور
 

[align=right]
الله يفرج همك يأآإرب ~
بس خذيها نصيحه مني ~
اذا انتي بتهتمين لكلام الناس ~
تراتس والله بتتعبين ~
اللي يهتم لقيل وقال يمرض حتى لو انوه صاحي مابوه شي ~
نصيييييييحه طنشي ~
ومثل ماقال اخوي ~
لما يقولون لتس كلام يجرحتس خذيها ع سبيل المزح والتنكيت
وسلكي لهم واضحكي وطنشي ~
وصدقييييييييني معاملتهم راح تتغير ~
وانا متأكده انو انتي مافيتس الا العافيه ~
بس انتي حساسه مثلي ~
ترى انا كذا وربي من اقل شي ابكي ولابكيت احس اني مكتووومه ~
وكنو بيغمى علي ~
لكن خلي هالشي يصير بينتس وبين نفستس ~
لاتبينين للناس ~
حتى لو كانت امتس ~
وانتي لاتعطين الشي اللي يصير لتس اهتمام ~
خليه يمر كنوه حدث عادي ~
دعواتي لتس يالغلآ ~
[/align]

رد: أنا وش يادكتور
 

كفاية يازمن ياكثر الكلام الي من ورا ظهري بس أطنش لانه شي لو يجرح أخف من الي يقولها لك بالوجه
وقدام الخلق
مشكورة أختي
بسمع نصيحتك

رد: أنا وش يادكتور