|
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
1 مرفق
مشكوره ياسكرة الملتقى على الدعوه
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
ياكثر ماقلت بســــوي وبســــــــوي=
ولافيــه شـيئ من اللــي قلت سويته راحت حياتي وانا أطري وانا انوي= واللي بغــيــته نســيته يوم خـــليــته انا احسب اني صغـير وبالعمر توي= لا شك شيبت واحلى العمر عديتـــه ياليتنـي ياحمـد يومه صفــاء جـوي= هاك الزمن ياشريف البيت خــاويته ويا كثـــر ما قلت بســوي وبســوي= ولا فيـه شيئ من اللي قلت ســويته |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
_
أخترتك , وَ مرّ العمر مَا تخيرت ! ذكرني بَ موقف معك , مَا وقفته أقول كل مَا قآلوآ : أنك تغيّرت ! هو مَا تغيّر ! بس أنآ , مَا عرفته |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
وربعك الى بان الخلل فيك عافوك اقرب قريب لك من الناس يشناك ان كثر مالك اصدقولك وطاعوك وان قل ما بيدك شانت حلاياك لو تطلب الماء عندهم كان ما اسقوك ابعد مزارك عن وطنهم ومرباك وان طاب حظك اصدقولك وحبوك وان بار كل ما يبي غير فرقاك وهراجة المجلس الى جيت وروك منازل تطرب نظريك بدنياك والى قضوا منك اللوازم وخلوك تفرقوا وانت احتمل لحل ما جاك كنك سراج البيت للنور شبوك واللي انقضى اللازام حد الربع طفاك |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
بعض البشر مثل النجوم المراهيش انوارهم تزهي بالافراح بشه افكارهم ري العقول المعاطيش في الدين والدنيا للاخيار هشه وبعض البشر عقله من التبن والخيش لو زان شكله داخل الراس عشه |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
أضرب طريق الخير وأسلك مسيره ولا تلتفت للناس عوجاه وأقداه ولو طال عمرك عارف وش مصيره أزبن ولي العرش وأتعب على رضاه وأد الفروض الأوله والأخيرة وأضف لهن مخافة الله ورجواه |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
في الشوارع منزوي
حلمٍ مُشرَّد ! ما يعرف النوم وسلوم المَضاجع ! كلّ ما نادى الفجر والطير غرَّد يدخل بِ غَيبوبة .. أحزان ومُواجع ! يوم شاف الموت بالروح يْـتفرَّد كان عاجز يخطي خطوات التراجع ! عندما فارق ( حياته ) .. ما تمرَّد ! وصارت أحزانه فرَح ....... والفرْح فاجع ! ظَلْ يتَمتمْ ( يأس ) بإحساسٍ مُجرَّد بانتظاره / باحتضاره : .. ( منت راجع ) ؟! |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
من كثر ماله ساروا الناس برضاه ولو كان ناقص قالوا الناس وافي ومن قل ما بيده ترى الناس تشناه ولو كان يسقيهم عسل قنط صافي فالمال كم ساس طمان وعلاه والفقر كم حطم روابع سنافي لاشك ما للعبد عن حكم مولاه من خير ولا شر ولا عوافي |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
من سريتك عرفت إن الظلام خيمة سهيل وديار الجدي ليلة البرد ما ادفاني الثمام وصلك أنت الدفا ياسيدي جيت مقبل تهادى والغرام ينتهي في هدبك ويبتدي عطرك اقبل ونم بك الحمام ياهلا فيك والقاع احمدي لايمي في مطر تغرك يلام عاذلي فيك للفال الردي ودي ارقد على ذراعك وأنام وأنت تحكي ويدك في يدي وان غشاني من أنفاسك غمام أزهر العشب في كل جسدي وان سقيت الحشا برد السلام ماشكاك الظما غصنٍ ندي وان ضحك لي هدبك المستهام طاب لي كل قاعٍ جرهدي القصايد عن وصوفك صيام عذرها إنك جمال سرمدي وصفك ارضٍ بها خيل الكلام ملت الركض واتعبها العدي من كتبتك عرفت ان الظلام خيمه سهيل وديار الجدي |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
_
ناديت يا أيام العمر | أفتقد ناس | كانوا وكانوا بالملخص : سنيني الفقد موجع " والقهر موت الإحساس " لا من سكت وضاق فيني / حنيني والغصه اللي تمتلي .. داخلي ياس ما راق فيني من الهوى (بل عيني) |
| All times are GMT +3. الوقت الآن حسب توقيت السعودية: 02:57 AM. |
|
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام