|
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
*
* * عسى مسير الغيم يم المقابر يهل هماله و يرهي مصبّه ادعوا لهم يا أهل الذكر والمنابر ترى الدعاوي بالمطر مستحبّه صباأاح اأإلخيير♡ . |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
لاترخصين النفس يابنت تكفين
بعض البشر ما يستحق الموده يلعب على كل العذارء بحبلين ولا الدرك الأسفل يا العزيزه مرده يجهل أصول العرف والشرع والدين ضد المبادىء والتقاليد ضده متمرس في مهنته قد له سنين يشدكم له والطواري تشده مصيونه عنه جميع الفناجيل تنشل يمنا بالمجالس تمده لا تأمنين اللي مواريه وجهين جعل الليالي السود عنك تلده النيه القشراء لها آلف تخمين وبعض النوايا المشكله ما تسده وده يحقق رغبته بالملايين وكوني على صد الخطر مستعده ياغاليه ضرب الهواء للمساكين والمصلحه بأمر الهواء يبل المخده كل العصور السالفه والمحبين راحو معا مراح جدك وجده لا تخلطين الماء يابنت بالطين الفرق واضح بين عدك وعده أنتي الذهب يابنت بالعسر واللين والله يعين اللي غدا فيه مده |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
اسمها دنيا ولا فيها ( كبير )
الكبير ( الله ) و لاغيره احد في نهايتها الغني مثل الفقير كلهم نفس الكفن ونفس اللحد |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
أهل القروب لكم مني عشر أبيات
والعشر مني لكم وأعتبروها هديه والأوله سلامي لكم بأجمل تحيات وتحياتي لكم وأخلص بها النيه والثانية فيكم الطيب ومافيكم الرديات هذه حقيقه ويشهد بها رب البريه والثالثة لكم كلمات أغلى من الثريات أغلى من الذهب والألماس مثله وزيه والرابعة الله يبعد عنكم البلاوي والبليات والله يحفظكم في كل روحه وجيه والخامسة عساكم تقرون الفاتحه والتحيات الصلاه من يأديها نفسه من جهنم بريه والسادسة الله يجعلنا من الدموع البكيات دموع تخشى بكثره ولاهي شويه والسابعة الله يرزقنا بحسنها عند المنيات الخاتمه من بعدها مافيه رجيه والثامنة الله يجعلنا من أهل غفران الخطيات وما حد منا معصوم من الخطيه والتاسعة الله يجعلنا من أهل جنان العليات كل شي حي وحياتنا فيها حييه والعاشرة صلوا على من يهدى له خير الهديات محمد خير خلق الله وخيرة نبيه |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
من لايداري خاطري ... ليه احاتيه ؟
ماهوب يستاهل .. شقا ، ( وحرقة اعصاب ) " :004: " |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
ليا سألونــي ويــن مــن هــو تــوده
تحرجنــي الكلمــة وانــآ ماتكلمــت أصعــب سؤالٍ تاخــذه بعد صــّـده ليا نشــدوك تحب وتقولهم كنــــت " :004: " |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
خبري بخّفاقي تحدى الصعايب
ولا تهزه ريح ولاهو بمهزوم واصبح خفوقي فيه مغرم وذايب حتى حرم هالعين من لذة النوم |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
قالو أنه ما يرد الكريم إلا اللئيم
وأستحيت أرد طعناتك وزدت الطعون كان ترجي رحمة الله وجنات النعيم لا تصدقني ليا قلت لك عادي تمون" |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
ماهوب لا عاجل ولا غير عاجل
ماغير بيت بصدر يرفض مكوثه أفقر رجل .. من يفتقر للمراجل! وأفقر مـرة ... مـن تفتقر للأنوثه! |
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
تعال ريحني من ايامي السود
ترى الجفى ما به للاحباب راحه ما عاد بي للصمت عزمٍ(ن) ومجهود الصمت فيني حزن الايام باحه ليتك بجنبي طول الايام موجود هذا من اللي منك تنزف جراحه اتخيلك وردٍ(ن) ربى في هوى النود واتخيلك بعيون الاشواق واحه واتخيلك صرحٍ(ن) للاحزان ممدود حطم براكين الاماني جماحه ليت الزمان اللي تناساني يعود ويشوف لي من عذب الايام ساحه وتعود لي بهجات الايام بسعود وقلبٍ(ن) طواه الحزن يطلق سراحه يا سلوة الخاطر ترى العمر محدود متى ينول القلب مغزى كفاحه |
| All times are GMT +3. الوقت الآن حسب توقيت السعودية: 08:43 AM. |
|
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام