رد: هنا نستقبل استفساراتكم عن كلية الطب بالأحساء
 

البالطو متى بالضبط نحتاجه ؟؟

يعنى ناخذ لنا من الحين والا متى ؟

رد: هنا نستقبل استفساراتكم عن كلية الطب بالأحساء
 

اي اشتريه الان

لان بعد اسبوع او اسبوعين من الدراسة يبتدون يعطونكم معامل

رد: هنا نستقبل استفساراتكم عن كلية الطب بالأحساء
 

انا صيدلة بس بصراحة مافي تفاعل بقسمنا ابد ابدا

بس بما انكم جبتوا طاري البالطوا
هل احنا ايضا لازم نشتريه
طيب ومن وين اشتريه ؟

رد: هنا نستقبل استفساراتكم عن كلية الطب بالأحساء
 

حياك الله أختي

و الله من ناحية الصيدلة ما ادري و لكن ! الصيدلة حسب ما أظن في الكيمياء و الكيمياء تحتاج الى البالطو بشكل دائم في المعامل

البالطو بإمكانك تفصلين لك و أنا أعرف ان في القطيف مجمع اسمه " السيف " يفصل بلاطي << -جمع بالطو- روعة و السنة الماضية انا و صديقتي فصلنا عنده و الكل سألنا من وين :hahaha_2008: بس للأسف ما أدله بالضبط لان صديقتي هي الي كانت رايحه تفصل لي و لها :lllolll: هو بـ 85 و فوق

اذا تبقين الأقرب و في الاحساء فأنا ما عمري سمعت بمحل يبيع غير " العبدالكريم " الي يكون في شارع الظهران - شارع النفق يعني - قبل مكتبة جرير على نفس السيد <<<<<< توصيف دقيق ,, بس البلاطي حقته مش كثير حلوة و لكن الواحد احيان يضطر يشتري :lllolll: يمكن بـ 60 ريال او اكثر شوي

البالطو الاخير و هذا ما تجي احجامه الى XL و فوق , هو من المكتبات العادية بـ 25 ريال

رد: هنا نستقبل استفساراتكم عن كلية الطب بالأحساء
 

طيب أنا محتارة أشتري ولا أفصل

خايفة أفصل و ما يسوون المقاسات مضبوطة و الجاهزة دايم أكمامهم قصيرة و ربي احترت

آخر شئ قلت بشتري جاهز و بضوقه لأنه كله مقاساتهم كبيرة واسعين مرة

شو تنصحوني ؟؟

رد: هنا نستقبل استفساراتكم عن كلية الطب بالأحساء
 

تشترين لك قماش و تروحين مشغل نسائي

و ان شاء الله راح يضبط !

رد: هنا نستقبل استفساراتكم عن كلية الطب بالأحساء
 

دخلت ع التقويم الدراسي كاتبين ان تسجيل المواد للطلاب / الطالبات المستجدات في 8/10 / 1429
وينتهي في 11/ 10/ 1429
هل طالبات الطب مقصودين ولا الكليات الثانيه ..؟؟
لان الدراسه تبدا في 11/10 .. ولا نروح الجامعه الاسبوع الي قبله ناخذ الجداول ...؟؟

رد: هنا نستقبل استفساراتكم عن كلية الطب بالأحساء
 

و الله أنا خبري ان الطب سنة اولى ما يسجلون

و اذا كان في مواد تتسجل فيخلونكم الفصل الثاني

لكن من باب الاحتياط و حتى لا يضيع عليكم التسجيل كلموا الجامعة , يعني مو لازم تروحون بأنفسكم

أو روحوا أول يوم و كلموا الجهات المختصة و هم راح يعطونكم الجدول و يفهمونكم

هذا والله أعلم

رد: هنا نستقبل استفساراتكم عن كلية الطب بالأحساء
 

السلام عليكم ورحمة الله وبركاتة

حبيت اعرف عن الدكاترة بالكلية ....صحيح كلهم مصاروة وباكستانين ولا ايش ؟
لاني اسمع عن لغتهم الانجليزية مخلوطة بعض الشي بلغتهم الاصلية

رد: هنا نستقبل استفساراتكم عن كلية الطب بالأحساء
 

طيب كم مكافأة كلية الطب بالاحساء؟:mh19: