رد: هنا نستقبل استفساراتكم عن كلية الطب بالأحساء
 

المجااااال مفتووح يا دكتوره إسراء للجميع


وهذا إن دل لدل على طيبكي وحب مساعدتكي للناس

رد: هنا نستقبل استفساراتكم عن كلية الطب بالأحساء
 

رد: هنا نستقبل استفساراتكم عن كلية الطب بالأحساء
 

السلام عليكم

اول شي انا اشكر اختي ارجوان و افتخر فيها و الله يجزاك الف الف خير على الي تسوينه... انا عندي مجموعة اسئلة لك اختي ارجوان و اسف على كثرتها بس والله ضروري

انا الحمد لله تخرجت من الثنوي بنسبة 97 بس خربت علي الرياضيات جبت 85 اما الانجليزي و الاحيا 100 ولله الحمد و القياس 86 و التحصيلي الله اعلم وودي ادخل الطب مرررررره لدرجة اني من الحين شريت ادوات تشريح و علب اسعافات و حوسه بس ما ادري وين اسجل..انا بالرياض بس محتار اسجل بجامة الملك فيصل ولا بالملك سعود؟؟؟

و انا اتمنى اكون جراح عظام و دايم اتفرج على عملياتها و تعجبني جراحة العظام بس ما ادري هو تخصص لحاله زي طب الاسنان ابدأ على طول ولا ادرسه بعد السبع سنوات؟؟ ((هذا ضروووووري اضرر شي))

المشكله اننا بالرياض ما عندنا خلفيه عن جامعة الملك فيصل عشان كذا لما اسأل احد هنا اما يقول لا لا خايسه سجل بالملك سعود او انه يقول مدري عشان كذا انا اسأل الي يعرفونها

و ان شا الله اذا سجلت بالملك فيصل في سكن جامعي للاولاد؟؟؟
و اسف على الاطاله و جزاكم الله الف خير :sdfgdsf:

رد: هنا نستقبل استفساراتكم عن كلية الطب بالأحساء
 

:119: أهلا و سهلا فيك أخوي

بالنسبة لجامعة الملك فيصل فمن شروط التسجيل فيها انك ما تقل عن 90 كنسبة خاصة في المواد العلمية + الانجليزي و انت مع الاسف جايب 85 في الرياضيات يعني يا خوفي انهم ما يرضون يسجلونك ! ,, لكن ما راح اقطع الامل عندك لاني في السنوات الماضية شفت في موقع الجامعه انهم يبغون حد يسجل طب <<< تقول يصيدونهم غصب عشان يدخلون طب <<< لان محد من الاولاد في السنتين الماضيتين كان يبغيهم ! يعني من الممكن يخلونك تسجل و يقبلونك بعد .. ان شاء الله يا رب

الله يوفقك يا رب ,, صراحة انا مدر عن العظام بالضبط بس تقول لي اختي ان العظام زي الاسنان تدرسها من البداية ,, يعني ما عليك من السبع سنوات :119: و تقريبا الطب الي في الاحساء ما فيه غير طب عام اما الي في الدمام ففي عام + اسنان اما عظام ما ادري مع الاسف

شهادة جامعة الملك فيصل راح يكون معترف فيها في دول الخارج ان شاء الله , اما شهادة جامعة الملك سعود فمع الاسف ما عندي اي علم بهذا الشيء ,, و جامعة الملك سعود كما اسمع من بنت تدرس فيها ,, تقول انهم بناءا على معدل السنة الاولى هم يا يخلونك طب يا يحولونك الى علوم طبية ! اما الطب في جامعة الملك فيصل فأهم شي انك ما تقل عن المعدل 3 من خمسه عشان ما يحولونك ,, تخصص العظام ما ادري عنه بالضبط ,, انا اكلمك عن الطب بشكل عام و عن الاشياء الي اسمع عنها و القوانين الي اعرفها :119:

بقول لك شغلة و ان شاء الله تكون بالفعل صحيحة

:119: انت ما شاء الله نسبتك عالية ,, و خبري ان الطب عند الاولاد سهل دخوله بإذن الله لان كما اسمع حاليا ان الطب غير مرغوب كثير لان الطلبة تتعب تدرس 7 سنوات غير التخصص و مدري شنو ,, لذالك توكل على الله و يا رب يقبلونك وين ما تبي ,,

شيء آخر ..

طب الاحساء يطلبون نسبة تركيبية اقل من الطب بالدمام << بالنسبة لجامعة الملك فيصل = اذا كنت حاب تسجل فيها

اما الملك سعود ما ادري عنهم مع الاسف

اذا لا سمح الله كان القسم الي تبغاه مش موجود لاني كما ذكرت لك ما عندي فكرة وافيه عنه ,, فإن شاء الله يكون هالقسم متوفر في البعثات الخارجية و بإمكانك تسجل فيها عشان تحقق حلمك :119: لان نسبتك مؤهلة لأنك تسجل بعثة و بيقبلونك بجدارة ان شاء الله ,,

ما عندي اي فكرة بالنسبة للاولاد ,, بس خبري ان البعض يقولون ان الجامعه فيها سكن و لكن تخليك توقع على اوراق انهم غير مسؤلين عن انهم يسكنونك بشكل اساسي ,, لكن اذا كان في مكان من السكن ممكن يحطونك فيه !!


بالتوفيق يا رب

تمنياتي لك تصير دكتور في القسم الي تبيه :119:

رد: هنا نستقبل استفساراتكم عن كلية الطب بالأحساء
 

الله يجعله في ميزان حسناتك اختي ارجوان و جزيت خير...

.الله يستر من ذا الرياضيات ما ادري ليش مهما شديت حيلي فيها ما افلح :150:


طيب بالنسبة للياقة الطبية...انا عندي اصابه في ركبتي<<<قطع جزئي بالرباط الصليبي ACL ولا ادري هي تأثر على قبولي لاني يمكن اسزي عملية بعد التسجيل و القبول
وبالنسبة للبعثة ما ارتحت لها والله <<<يحب ديرته بزياده :c8: عشان كذا اتمنى ان جراحة العظام تكون موجوده واسف بتعبك معي بس ياليت لو تتأكدين لي اذا هي موجوده بالفيصل الي بالدماموالله يوفقك ان شا الله في كل شي ويوفقنا معاك

رد: هنا نستقبل استفساراتكم عن كلية الطب بالأحساء
 

اللياقة الطبية تعتمد على ان الي حاب يصير دكتور = يكون قادر على ممارسة عمله

يعني اهم شي تسمع تتكلم تشوف تكتبت تفهم تحرك يدينك و رجلينك << يعني تمشي و تسوي العملية و تكتب الوصفة الطبية و تفهم المريض و تكلمه :mh19: باعتقادي هذا المهم في اللياقة


راح ابحث و أسأل لك و يا رب ألقى لك الرد بأسرع وقت

تحياتي , و شكرا لدعواتك :119:

رد: هنا نستقبل استفساراتكم عن كلية الطب بالأحساء
 

http://www.college-help.org/news_bk.php?recordID=5338

ادخل على هذا الرابط اخوي

<< كنت بنسخ لك الزبده و لكن مو راضي ينسخ !

اقرأ المكتوب عن كلية الطب بالدمام << أول شيء راح تشوفها

:mh19: قريت انه يوجد جراحة عظام يدروسنها للطلبة و لكن مدري بهالشيء يعتبر انك لابد تدرس طب عام و بعدين تتخصص او ان في الطب العام يعطون فقط نبذه عن الموضوع و تخصص هالقسم لابد يبدأ زي الاسنان من البداية !

رد: هنا نستقبل استفساراتكم عن كلية الطب بالأحساء
 

:mh19:

قرأت في بعض المواقع

و يبدو ان جراحة العظام تخصصه بعد السبع سنوات

يعني لابد تدرس طب عام بالاول

موفق

رد: هنا نستقبل استفساراتكم عن كلية الطب بالأحساء
 

مشكوووووووووره و ما تقصرين ....اجل الله يعيني على السبع سنوات مع اني احس انها بتكون ممتعة ان شا الله:mh001:


و معليش اذا كنت تعبتك معي بالتدوير :150:

رد: هنا نستقبل استفساراتكم عن كلية الطب بالأحساء
 

:119:

الطب متعه لانه كل سنة يحسسك بشعور مختلف .. و تتدرج معك في تطوير الثقة بالنفس

مثلا

اول سنة ,, شوية رعب كونك ما تاخذ المعدل 3 من خمسه لكنك بعدين تاخذه و تستانس كثير و تتشقق :cheese: و تحس انك ضمنت الطب

سنة ثانية تقرر تطلع من الطب لانها صعبه و تحس ان الحياة صعبه :cheese: لكنك ايضا تعديها و تتشقق اكثر و اكثر من الوناسه و ساعتها تزيد ثقتك بنفسك

سنة ثالثة صعبه بعد و لكنك تستمتع فيها اكثر من سنة ثانية لانك تكون وقتها تعودت ع النظام اكثر ,, اذا خلصتها و نجحت راح تضطر تروح للخياط لانك بتكون انشقيت بشكل كامل << من الفرح :cheese: :cheese: و بتحس انك خلصت الطب خلاص و المشوار هان كثير

سنة رابعه لسى ما جربتها عشان اوصف وش راح يكون شعور الي يدرسها :cheese: ادعو لي بالتوفيق

شد حيلك :119: و الموقع بانتظار تسجيلك لاسمك هنا


http://ckfu.org/vb/showthread.php?t=17709

موفق يا رب انت و جميع من يرغب بالتسجيل في الطب

تحياتي

:119: