ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى المواضيع العامة (https://vb.ckfu.org/f3)
-   -   شرح بالصور خطوات التقديم في جامعة الملك فيصل (https://vb.ckfu.org/t15881.html)

بـــو أحــمــد 2008- 7- 19 04:51 PM
شرح بالصور خطوات التقديم في جامعة الملك فيصل
 
السلام عليكم و رحمة الله و بركاته

أخواني و أخوتي أعضاء الملتقى
تحية طيبة لكم جميعاً

تم وضع شرح لخطوات التقديم على موقع جامعتنا .. جامعة الملك فيصل
و ذلك باستخدام برنامج الفلاش ..
و لهذا لا بد من الإنتظار لحين تحميل الملف ..
و بعد ذلك سيتم عرضه بعد إكتمال عملية التحميل
لرؤية الشرح على موقع جامعتنا .. أضــغــط هــنــا


http://ckfu1.1.googlepages.com/Itar69.gif

قمت بعمل شرح مفصل و بالصور لخطوات التقديم
و هي نفسها الواردة في الشرح الموجود على موقع جامعتنا
و لكن بتفصيل أكثر .. خطوةً خطوة و بالصور

تابعوا ذلك


:: الخطوة الأولى ::

أضغطوا على الرابط التالي :
http://www.kfu.edu.sa/ad%2D1429/

>>>>>>>>>>>> تـــــابـــــع

بـــو أحــمــد 2008- 7- 19 04:55 PM
رد: شرح بالصور خطوات التقديم في جامعة الملك فيصل
 


:: الخطوة الثانية ::

http://upload.traidnt.net/upfiles/aho76049.gif

أضغطوا على تقديم طلب قبول جديد كما هو موضح في الصورة

>>>>>>>>>>>> تـــــابـــــع

بـــو أحــمــد 2008- 7- 19 04:57 PM
رد: شرح بالصور خطوات التقديم في جامعة الملك فيصل
 


:: الخطوة الثالثة ::

http://upload.traidnt.net/upfiles/jLU76130.gif

أقرأوا التعليمات المكتوبة كما في الصورة
و بعد ذلك .. أضغطوا على تقديم طلب قبول جديد

>>>>>>>>>>>> تـــــابـــــع

بـــو أحــمــد 2008- 7- 19 05:03 PM
رد: شرح بالصور خطوات التقديم في جامعة الملك فيصل
 


:: الخطوة الرابعة ::

http://upload.traidnt.net/upfiles/rRi76290.gif

1/ ضع أسم مستخدم و باللغة الإنجليزية و مكوّن من حروف و أرقام (الحد الأقصى 9 حروف/أرقام)
2/ ضع كلمة سر مكوّنة من 6 أرقام
3/ أعد كتابة كلمة السر من جديد
4/ أضغط على تسجيل الدخول

# ملاحظة #
لا بد من الإحتفاظ بإسم المستخدم و كلمة المرور .. لأنك ستحتاج إليهم عند الإستعلام عن نتيجة القبول فيما بعد ..
و لهذا من الأفضل كتابتهما في ورقة خارجية و الإحتفاظ بها

>>>>>>>>>>>> تـــــابـــــع

بـــو أحــمــد 2008- 7- 19 05:07 PM
رد: شرح بالصور خطوات التقديم في جامعة الملك فيصل
 


:: الخطوة الخامسة ::

http://upload.traidnt.net/upfiles/svU77122.gif

1/ أدخل رقم السجل المدني الخاص بالطالب أو الطالبة و المكّون من 10 أرقام
2/ أختر الكلية التي تريد التسجيل بها .. و سوف تُعتبر كرغبة أولية و أساسية لك
3/ بعد ذلك .. أضغط على متابعة

>>>>>>>>>>>> تـــــابـــــع

بـــو أحــمــد 2008- 7- 19 05:09 PM
رد: شرح بالصور خطوات التقديم في جامعة الملك فيصل
 


:: الخطوة السادسة ::

http://upload.traidnt.net/upfiles/nKm76633.gif

1/ أختر فصل الإلتحاق و هو الفصل الأول 1429/1430
2/ ضع الإسم الأول ... مثلاً علي أو فاطمة .. على حسب إذا كان طالب أو طالبة
3/ ضع أسم الأب مثلاً أحمد
4/ ضع أسم الجد و العائلة .. مثلاً حسن العلي
5/ أضغط على املأ الطلب

>>>>>>>>>>>> تـــــابـــــع

بـــو أحــمــد 2008- 7- 19 05:15 PM
رد: شرح بالصور خطوات التقديم في جامعة الملك فيصل
 


:: الخطوة السابعة ::

http://upload.traidnt.net/upfiles/mO776831.gif

ستظهر بعد ذلك كما في الصورة قائمة بيانات طلب القبول
أضغط على الاسم الكامل


>>>>>>>>>>>> تـــــابـــــع

بـــو أحــمــد 2008- 7- 19 05:17 PM
رد: شرح بالصور خطوات التقديم في جامعة الملك فيصل
 


:: الخطوة الثامنة ::

http://upload.traidnt.net/upfiles/o6r77362.gif

ستظهر بيانات الإسم الأول و أسم الأب و أسم الجد و العائلة
و لابد من التأكد من صحتها
بعد ذلك .. أضغط على متابعة


>>>>>>>>>>>> تـــــابـــــع

بـــو أحــمــد 2008- 7- 19 05:19 PM
رد: شرح بالصور خطوات التقديم في جامعة الملك فيصل
 


:: الخطوة التاسعة ::

http://upload.traidnt.net/upfiles/rzk77469.gif

1/ أختر نوع الجنسية .. مثلاً سعودي
2/ سيظهر رقم السجل المدني و لابد من التأكد من صحته
3/ أختر الجنس .. ذكر أم أنثى
4/ بعد ذلك .. أضغط على متابعة


>>>>>>>>>>>> تـــــابـــــع

بـــو أحــمــد 2008- 7- 19 05:21 PM
رد: شرح بالصور خطوات التقديم في جامعة الملك فيصل
 


:: الخطوة العاشرة ::

http://upload.traidnt.net/upfiles/Zn577590.gif

أختر رغبتكَ الأولى مرةً أخرى .. و هي نفسها الكلية التي تريد التسجيل فيها
بعد ذلك .. أضغط على متابعة

>>>>>>>>>>>> تـــــابـــــع

بـــو أحــمــد 2008- 7- 19 05:25 PM
رد: شرح بالصور خطوات التقديم في جامعة الملك فيصل
 


:: الخطوة الحادية عشر ::

http://upload.traidnt.net/upfiles/46W77691.gif

1/ أختر نوع شهادتك الثانوية ... أدبي أو علمي
2/ ضع أسمك الأول باللغة الإنجليزية
3/ ضع أسم الاب باللغة الإنجليزية
4/ ضع الإسم الأخير و هو أسم العائلة باللغة الإنجليزية
5/ بإمكانك وضع رغبة ثانية و ذلك لزيادة فرصة قبولك بإذن الله
6/ بإمكانك وضع رغبة ثالثة أيضاَ
7/ بعد ذلك .. أضغط على متابعة

# ملاحظة #
ستتاح الفرصة للطالب اختيار ثلاث رغبات (كليات) وفيما يخص الطلاب والطالبات الذين يختارون الكليات الصحية كرغبة اولى فيجب عليهم عند اختيار الرغبة الثانية والثالثة ان تكون من غير الكليات الصحية وفي حالة التقديم على الكليات الصحية كرغبة ثانية أو ثالثة فإنه لن يتم النظر الى هذه الرغبات.

>>>>>>>>>>>> تـــــابـــــع

بـــو أحــمــد 2008- 7- 19 05:27 PM
رد: شرح بالصور خطوات التقديم في جامعة الملك فيصل
 


:: الخطوة الثانية عشر ::

http://upload.traidnt.net/upfiles/frm77889.gif

ضع رمز مدرستك الثانوية و هو 01
ضع نسبتك في الثانوية العامة .. مثلاً 89.75
بعد ذلك .. أضغط على متابعة


>>>>>>>>>>>> تـــــابـــــع

بـــو أحــمــد 2008- 7- 19 05:29 PM
رد: شرح بالصور خطوات التقديم في جامعة الملك فيصل
 


:: الخطوة الثالثة عشر ::

http://upload.traidnt.net/upfiles/KQs78091.gif

1/ ضع درجة أختبار القدرات في الخانة المخصصة له
2/ ضع درجة الإختبار التحصيلي في الخانة المخصصة لذلك
3/ بعد ذلك .. أضغط على متابعة

# ملاحظة #
لا بد من الإنتباه إلى خانة الشهر و متى تم عمل أختبار القدرات و الإختبار التحصيلي
هل مثلاً في شهر جمادى الثانية أو شهر رجب هكذا ،،،

>>>>>>>>>>>> تـــــابـــــع

بـــو أحــمــد 2008- 7- 19 05:32 PM
رد: شرح بالصور خطوات التقديم في جامعة الملك فيصل
 


:: الخطوة الرابعة عشر ::

http://upload.traidnt.net/upfiles/cwF78166.gif

يتم أختيار الجنسية و هي المملكة العربية السعودية

بعد ذلك .. أضغط على متابعة

>>>>>>>>>>>> تـــــابـــــع

بـــو أحــمــد 2008- 7- 19 05:38 PM
رد: شرح بالصور خطوات التقديم في جامعة الملك فيصل
 


:: الخطوة الخامسة عشر ::

http://upload.traidnt.net/upfiles/DZb78315.gif

1/ يتم وضع اسم الحي .. مثلاً الخالدية
2/ يتم وضع أسم المدينة .. مثلاً الأحساء
3/ يتم أختيارالدولة و هي المملكة العربية السعودية
4/ يتم وضع أسم المدينة التي حصلت منها على الثانوية العامة .. مثلاً الأحساء
5/ يتم وضع رقم الجوال
6/ بإمكانك وضع رقم هاتف المنزل و مسبوقاً بمفتاح المنطقة
مثلاً المنطقة الشرقية مفتاحها 03 .. فيتم وضع رقم الهاتف هكذا مثلاً 035800000
7/ بعد ذلك .. أضغط على متابعة


>>>>>>>>>>>> تـــــابـــــع

بـــو أحــمــد 2008- 7- 19 05:40 PM
رد: شرح بالصور خطوات التقديم في جامعة الملك فيصل
 


:: الخطوة السادسة عشر ::

http://upload.traidnt.net/upfiles/Cyy78688.gif

يتم نسخ الإقرار في الخانة المخصصة له .. تابعوا كما في الصورة التالية :


بعد نسخ الإقرار في الخانة المخصصة له .. يتم الضغط على متابعة


>>>>>>>>>>>> تـــــابـــــع

بـــو أحــمــد 2008- 7- 19 05:42 PM
رد: شرح بالصور خطوات التقديم في جامعة الملك فيصل
 


:: الخطوة السابعة عشر ::

http://upload.traidnt.net/upfiles/GC878792.gif

بعد ذلك ستظهر قائمة بيانات طلب القبول
يتم الضغط على تم إكمال الطلب

>>>>>>>>>>>> تـــــابـــــع

بـــو أحــمــد 2008- 7- 19 05:44 PM
رد: شرح بالصور خطوات التقديم في جامعة الملك فيصل
 


:: الخطوة الثامنة عشر ::

http://upload.traidnt.net/upfiles/sJK78950.gif

ستظهر بعد ذلك صفحة التوقيع ..و فيها معلومات طلب القبول
يتم الضغط على الرجوع إلى قائمة طلبات الإلتحاق


>>>>>>>>>>>> تـــــابـــــع

بـــو أحــمــد 2008- 7- 19 05:46 PM
رد: شرح بالصور خطوات التقديم في جامعة الملك فيصل
 


:: الخطوة التاسعة عشر ::

http://upload.traidnt.net/upfiles/j9K79075.gif

لتصفح معلومات طلب القبول .. يتم الضغط على الفصل الاول 1429/1430


>>>>>>>>>>>> تـــــابـــــع

بـــو أحــمــد 2008- 7- 19 05:48 PM
رد: شرح بالصور خطوات التقديم في جامعة الملك فيصل
 


:: الخطوة العشرون ::

http://upload.traidnt.net/upfiles/BNh79160.gif

ستظهر معلومات طلب القبول ..
و بذلك تنتهي عملية التقديم :119:
يتم الضغط على الرجوع إلى قائمة طلبات الإلتحاق

http://upload.traidnt.net/upfiles/ltP79220.gif

يتم الضغط على الخروج
و عقبال القبول بإذن الله





سعوديه عسوله 2008- 7- 19 06:19 PM
رد: شرح بالصور خطوات التقديم في جامعة الملك فيصل
 
الله يعطيك الف عآفيه..

ماقصرت والله الف شكر..

ذات السلاسل 2008- 7- 19 06:26 PM
رد: شرح بالصور خطوات التقديم في جامعة الملك فيصل
 
طيب انا سويت كل الخطوات ما عدا الاقرار كتبت اقر أنا ( كتبت جنبه اسمي) ثم كتبت الكلام الباقي بخط يدي
عادي ولا ؟؟؟؟؟؟؟؟؟؟؟؟؟؟؟
جاوبوني بليييييييييييييييييييييز

بـــو أحــمــد 2008- 7- 19 06:29 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة ذات السلاسل (المشاركة 158781)
طيب انا سويت كل الخطوات ما عدا الاقرار كتبت اقر أنا ( كتبت جنبه اسمي) ثم كتبت الكلام الباقي بخط يدي
عادي ولا ؟؟؟؟؟؟؟؟؟؟؟؟؟؟؟
جاوبوني بليييييييييييييييييييييز

ذات السلاسل
عادي ما فيه مشكلة أختي :119:

بالعكس طريقتك ممتازة
بس أهم شي يكون الإقرار نسختيه كامل

و عادي لو ضفتي عليه أسمك

غلا الدنيا 2008- 7- 19 06:39 PM
رد: شرح بالصور خطوات التقديم في جامعة الملك فيصل
 
يؤؤ ..

طيب الرمز انا مسحته وحطيت رز مدرستي ..

بس ماعتمد الطلب شلون اعدلهـ ..

وماحطيت الاحساء حطيت الهفوف ..

شلون اعدلهم ..؟

*تفسانه* 2008- 7- 19 07:08 PM
رد: شرح بالصور خطوات التقديم في جامعة الملك فيصل
 
مااقدر اعدل الطلب من دون مالغيه ؟؟

Rose20 2008- 7- 19 07:10 PM
رد: شرح بالصور خطوات التقديم في جامعة الملك فيصل
 
يؤؤؤؤؤؤؤؤؤؤؤؤؤؤ




انا سويت كل الخطوات ماعدا من 18 الى الأخير
شسوي


:Cry111::Cry111:

Rose20 2008- 7- 19 07:14 PM
رد: شرح بالصور خطوات التقديم في جامعة الملك فيصل
 
:: الخطوة الثامنة عشر ::

سويتها وطلع لي اسمي كامل
اللي بعد الخطوة 18 ماسويتها عشان اروح الخطوة 19

يعني نقصت خطوتين 19 و 20

اقتباس:
يتم الضغط على الرجوع إلى قائمة طلبات الإلتحاق
ذي ماسويتها والباقي
شسوي ساعدوني اذا ناقص

شموخــ 2008- 7- 19 07:16 PM
رد: شرح بالصور خطوات التقديم في جامعة الملك فيصل
 
مآ تطلع لي صفحه التقديم

:011:

f9ooole_ 2008- 7- 19 07:26 PM
رد: شرح بالصور خطوات التقديم في جامعة الملك فيصل
 
<- زٍي شموٍخ سآعدوٍني لآهنتوٍ
اضغط علىآ طلب تقديم قبول جديد مآتفتح الصفحه

تطلع لي صفحه بيضآ وبدون تحميل ولآ شيٍ :bngo12:

أميرة الإحساس 2008- 7- 19 07:31 PM
رد: شرح بالصور خطوات التقديم في جامعة الملك فيصل
 
واناا عندي سؤال

انا ابي ادرس بالجامعه

مو بكلية التربية الادبيه شلوون ؟؟

فيه مكتوب (الادبية جامعه ) << اخترت هذي

يعني جامعة الملك فيصل؟؟

وليه في الرغبة الثانيه مو موجوده جامعة الملك فيصل

اغلبها اقسام الكليات ؟؟؟؟؟؟؟؟؟؟؟؟؟؟؟؟

جد الموقع يحير

إضاءات 2008- 7- 19 08:12 PM
رد: شرح بالصور خطوات التقديم في جامعة الملك فيصل
 
أنا سجللللت في كلية العلووم حاسب كرغبة أولى

بعدين الرغبة الثانية والثاالثة رياضياات وكيميااء بنفس الكليية

وجاااني خبر إن اللي تسجل بخيارها الأول والثاني والثاالث بنفس الكلية يلغى طلبها



صحيييح هالكلاام؟؟

بديييت أخااف لأن نسبتي حلوووة حرااام تضيع!!!!!!!!!!

إجاابة أكيدة لو سمحتوا




الله يوووووووووفق واضع الموضوووع لا هنننت

بيبي ارجوان 2008- 7- 19 08:14 PM
رد: شرح بالصور خطوات التقديم في جامعة الملك فيصل
 
ياخي روح الله يسعدك ويوفقك دنيا واخرة:d5: كان ماحد يفكنا من هالازمات غيرك

بـــو أحــمــد 2008- 7- 19 08:19 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة غلا الدنيا (المشاركة 158801)
يؤؤ ..

طيب الرمز انا مسحته وحطيت رز مدرستي ..

بس ماعتمد الطلب شلون اعدلهـ ..

وماحطيت الاحساء حطيت الهفوف ..

شلون اعدلهم ..؟


غلا الدنيا
تقدرين تلغين الطلب و تسجلين من جديد
http://www.kfu.edu.sa/ad%2D1429/del.asp

بـــو أحــمــد 2008- 7- 19 08:20 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة *تفسانه* (المشاركة 158847)
مااقدر اعدل الطلب من دون مالغيه ؟؟

*تفسانه*
جربي تعدلين في الطلب
لو ما قدرتي ألغيه و سجلي من جديد

بـــو أحــمــد 2008- 7- 19 08:23 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة Rose20 (المشاركة 158851)
يؤؤؤؤؤؤؤؤؤؤؤؤؤؤ




انا سويت كل الخطوات ماعدا من 18 الى الأخير
شسوي


:Cry111::Cry111:

Rose20
أهم شي أنتي ضغطتي على تم إكمال الطلب الموجودة في الخطورة رقم 18 ؟؟

شوفي الصورة :

http://upload.traidnt.net/upfiles/GC878792.gif

لو ضغطتي على تم إكمال الطلب .. خلاص ما فيه مشكلة :119:

شموخــ 2008- 7- 19 08:23 PM
رد: شرح بالصور خطوات التقديم في جامعة الملك فيصل
 
سؤاااااااال ,,

الحين رمز المدرسه احط 01

:000:

بـــو أحــمــد 2008- 7- 19 08:24 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة شموخــ (المشاركة 158860)
مآ تطلع لي صفحه التقديم

:011:

شموخـ
جربي بين فترة و فترة
لأنه فيه ضغط على التقديم :000:

إضاءات 2008- 7- 19 08:25 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة شموخــ (المشاركة 158923)
سؤاااااااال ,,

الحين رمز المدرسه احط 01

:000:

ايييييييييييييه ياشموووخ حطي 01


نفس ماهم حاطين لك

بـــو أحــمــد 2008- 7- 19 08:26 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة f9ooole_ (المشاركة 158874)
<- زٍي شموٍخ سآعدوٍني لآهنتوٍ
اضغط علىآ طلب تقديم قبول جديد مآتفتح الصفحه

تطلع لي صفحه بيضآ وبدون تحميل ولآ شيٍ :bngo12:
f9ooole_
جربي بين فترة و فترة
لأنه فيه ضغط على التقديم :000:

شموخــ 2008- 7- 19 08:28 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة -:: Admin ::- (المشاركة 158924)

شموخـ
جربي بين فترة و فترة
لأنه فيه ضغط على التقديم :000:

دخلت من جهآز ثاني وفتح معي

^_^

ذات السلاسل 2008- 7- 19 08:30 PM
رد: شرح بالصور خطوات التقديم في جامعة الملك فيصل
 
يؤ يؤ
ما نسخته كتبته بنفسي بس مطابق له مية بالمية ان شاء الله

بـــو أحــمــد 2008- 7- 19 08:30 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة أميرة الإحساس (المشاركة 158880)
واناا عندي سؤال

انا ابي ادرس بالجامعه

مو بكلية التربية الادبيه شلوون ؟؟

فيه مكتوب (الادبية جامعه ) << اخترت هذي

يعني جامعة الملك فيصل؟؟

وليه في الرغبة الثانيه مو موجوده جامعة الملك فيصل

اغلبها اقسام الكليات ؟؟؟؟؟؟؟؟؟؟؟؟؟؟؟؟

جد الموقع يحير

أميرة الإحساس
بأي كلية تبغين تسجلين بالضبط ؟؟

لابد تفرقين بين ثلاث كليات :
1/ كلية التربية _ الجامعة طلاب و طالبات
2/ كلية التربية للبنات الاقسام الأدبية بالاحساء
3/ كلية التربية للبنات الاقسام العلمية بالاحساء

بـــو أحــمــد 2008- 7- 19 08:32 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة إضاءات (المشاركة 158912)
أنا سجللللت في كلية العلووم حاسب كرغبة أولى

بعدين الرغبة الثانية والثاالثة رياضياات وكيميااء بنفس الكليية

وجاااني خبر إن اللي تسجل بخيارها الأول والثاني والثاالث بنفس الكلية يلغى طلبها



صحيييح هالكلاام؟؟

بديييت أخااف لأن نسبتي حلوووة حرااام تضيع!!!!!!!!!!

إجاابة أكيدة لو سمحتوا




الله يوووووووووفق واضع الموضوووع لا هنننت


إضاءات

من وين جاك الخبر بالضبط ؟
لا تصدقين اي شي يا أختي

اممممممممم :mh19:
أعتقد ما فيه مشكلة
بس لو حابة تتأكدين أكثر .. أسأليهم
أرسلي لهم رسالة على هذا الإيميل adm@kfu.edu.sa

نـور 2008- 7- 19 08:33 PM
رد: شرح بالصور خطوات التقديم في جامعة الملك فيصل
 
يعطيك الف عافيه

شرح وافي :)

بـــو أحــمــد 2008- 7- 19 08:34 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة ذات السلاسل (المشاركة 158931)
يؤ يؤ
ما نسخته كتبته بنفسي بس مطابق له مية بالمية ان شاء الله
ذات السلاسل
لا تقلقين أختي

سواء كتبتيه أو نسختيه نفس الشي :119:

بـــو أحــمــد 2008- 7- 19 08:35 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة شموخــ (المشاركة 158923)
سؤاااااااال ,,

الحين رمز المدرسه احط 01

:000:

شموخــ
ايوااا
مثل ما قالت لك إضاءات

بـــو أحــمــد 2008- 7- 19 08:37 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة شموخــ (المشاركة 158928)

دخلت من جهآز ثاني وفتح معي

^_^

شموخــ
من شوي جربت أفتح صفحة التقديم و لا فتحت معي
و جربت بعد دقيقة أو يمكن نص دقيقة و فتحت :119:

يعني مو شرط تجربين بين فترات طووويلة :119:

إضاءات 2008- 7- 19 08:39 PM
رد: شرح بالصور خطوات التقديم في جامعة الملك فيصل
 
مشكوووورين وبسألهم إن شاااء الله

شموخــ 2008- 7- 19 08:46 PM
رد: شرح بالصور خطوات التقديم في جامعة الملك فيصل
 
سؤاال ,,

اقدر احط من ضمن الرغبات جميع الكليات الصحيه

كليه الصحيه بالدمام
والكليه الصحيه بالقطيف
الكليه الصحيه بحفر الباطن

ولآ يلتغى !!

ابي ازيد فرصه قبولي بالكليه الصحيه

روزا 2008- 7- 19 08:47 PM
رد: شرح بالصور خطوات التقديم في جامعة الملك فيصل
 
اقتباس:
[size="6"]لو ضغطتي على تم إكمال الطلب .. خلاص ما فيه مشكلة [/size
]

مشكووووووووووووووور
طمنت قلبي حييييييل

قعدت احاتي والله

يعطيك العافية
اجرك على الله ياخوي

بـــو أحــمــد 2008- 7- 19 08:55 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة شموخــ (المشاركة 158944)
سؤاال ,,

اقدر احط من ضمن الرغبات جميع الكليات الصحيه

كليه الصحيه بالدمام
والكليه الصحيه بالقطيف
الكليه الصحيه بحفر الباطن

ولآ يلتغى !!

ابي ازيد فرصه قبولي بالكليه الصحيه
شموخــ
لاحظي ايش كاتبين من ضمن التعليمات :
ستتاح الفرصة للطالب اختيار ثلاث رغبات (كليات) وفيما يخص الطلاب والطالبات الذين يختارون الكليات الصحية كرغبة اولى فيجب عليهم عند اختيار الرغبة الثانية والثالثة ان تكون من غير الكليات الصحية وفي حالة التقديم على الكليات الصحية كرغبة ثانية أو ثالثة فإنه لن يتمك النظر الى هذه الرغبات.

روزا 2008- 7- 19 09:07 PM
رد: شرح بالصور خطوات التقديم في جامعة الملك فيصل
 
في بنت تبي تحط الرغبة الأولى تخصص احياء

هل اسم الكلية التابعة لها

كلية العلوم بالأحساء

روزا 2008- 7- 19 09:08 PM
رد: شرح بالصور خطوات التقديم في جامعة الملك فيصل
 
شفت كلية التربية للبنات للأقسام العلمية بالأحساء

هل هي فيها احياء ولا

بـــو أحــمــد 2008- 7- 19 09:15 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة روزا (المشاركة 158962)
في بنت تبي تحط الرغبة الأولى تخصص احياء

هل اسم الكلية التابعة لها

كلية العلوم بالأحساء

روزا
مكتوبة في النظام كذااا 8-كلية العلوم (طلاب و طالبات)

طبعاً كلية العلوم موجودة في الجامعة و في الحسا

بـــو أحــمــد 2008- 7- 19 09:18 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة روزا (المشاركة 158965)
شفت كلية التربية للبنات للأقسام العلمية بالأحساء

هل هي فيها احياء ولا
أيوااا يا روزا
كلية التربية للبنات بالأحساء - الاقسام العلمية موجود فيها قسم الأحياء :119:
عشان تعرفين باقي التخصصات .. شوفي هذا الرابط :
http://www.ckfu.org/vb/showpost.php?...73&postcount=6

طكمن 2008- 7- 19 09:24 PM
رد: شرح بالصور خطوات التقديم في جامعة الملك فيصل
 
:119:
مشكوووووووووووووووووووووووووووووووووور جداَ جداَ جداَ ججداَ دجداَ اَجداَ جداَ جداَ

نـور 2008- 7- 19 09:35 PM
رد: شرح بالصور خطوات التقديم في جامعة الملك فيصل
 
حبيت أسأل ..

انا ناويه احط رغباتي الثلاث ع الترتيب


-كليه العلوم الطبيه التطبيقه
- كليه الطب
- كليه العلوم


ينفع احط ( طب ) مع تخصصات ثانيه ..؟؟




واستفسار ثاني عن كلية العلوم الاداريه والتخطيط ..

وشهي التخصصات اللي موجوده بجامعه فيصل بالدمام , واللي من غير فلوس ؟!

MI!I!S-P@RIS 2008- 7- 19 09:43 PM
رد: شرح بالصور خطوات التقديم في جامعة الملك فيصل
 
لو سمحت اخوي مره محتاسه اخترت الرغبه الاولى غلط وابغى اعدلها بس مااقدر

يعني اذا الغيت الطلب اقدر اسجل بطلب جديد اكيد


ضررروري ترد علي اخوي مدير الملتقى
ولك مني خالص الشكر

سر الحياة 2008- 7- 19 09:48 PM
رد: شرح بالصور خطوات التقديم في جامعة الملك فيصل
 
مشكوووووووووووووور

الله يجزاك خير

أستفدت من الطريقه كثيييير

بـــو أحــمــد 2008- 7- 19 09:55 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة نـور (المشاركة 159001)
حبيت أسأل ..

انا ناويه احط رغباتي الثلاث ع الترتيب


-كليه العلوم الطبيه التطبيقه
- كليه الطب
- كليه العلوم


ينفع احط ( طب ) مع تخصصات ثانيه ..؟؟
نـور
يا تحطين طب أو كلية العلوم الطبية التطبيقية
يعني لو كانت رغبتك الأولى و الاساسية هي عبارة عن كلية صحية
لابد تكون رغبتك الثانية و الثالثة عبارة عن كليتين غير صحيتين

لأن هم كاتبين من ضمن التعليمات :
ستتاح الفرصة للطالب اختيار ثلاث رغبات (كليات) وفيما يخص الطلاب والطالبات الذين يختارون الكليات الصحية كرغبة اولى فيجب عليهم عند اختيار الرغبة الثانية والثالثة ان تكون من غير الكليات الصحية وفي حالة التقديم على الكليات الصحية كرغبة ثانية أو ثالثة فإنه لن يتمك النظر الى هذه الرغبات.

على هذا الرابط :
http://www.kfu.edu.sa/ad%2D1429/1st.asp



اقتباس:
واستفسار ثاني عن كلية العلوم الاداريه والتخطيط ..

وشهي التخصصات اللي موجوده بجامعه فيصل بالدمام , واللي من غير فلوس ؟!
كلية العلوم الإدارية و التخطيط للطلاب بس


طلاب و طالبات كلية الدراسات التطبيقية و خدمة المجتمع يدرسون على حسابهم لمدة سنتين .. و بعدين إذا حصلوا على معدل 2.75 من 5 .. بإمكانهم يكملون دراستهم في كلية العلوم الإدارية و التخطيط لمدة سنتين و يحصلون على درجة البكالوريوس .. و برضو يعطونهم مكافأة خلال فترة دراستهم في كلية العلوم الإدارية و التخطيط

يعني مجموع سنوات الدراسة هي أربع سنوات
سنتين على حسابك في كلية الدراسات التطبيقية و خدمة المجتمع
و بعدين سنتين مجاناً في كلية العلوم الإدارية و التخطيط و يعطونك برضو مكافأة ..

هذا هي الخطة الدراسية لكلية الدراسات التطبيقية و خدمة المجتمع
http://buahmed.15.2008.googlepages.com/Prog_COlll_a.JPG
http://buahmed.15.2008.googlepages.com/Prog_COlll_b.jpg

بـــو أحــمــد 2008- 7- 19 09:59 PM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة MI!I!S-P@RIS (المشاركة 159014)
لو سمحت اخوي مره محتاسه اخترت الرغبه الاولى غلط وابغى اعدلها بس مااقدر

يعني اذا الغيت الطلب اقدر اسجل بطلب جديد اكيد


ضررروري ترد علي اخوي مدير الملتقى
ولك مني خالص الشكر
MI!I!S-P@RIS
ايواا أختي
تقدرين تلغين الطلب
و تعملين طلب جديد

تفضلي على هذا الرابط :
http://www.kfu.edu.sa/ad%2D1429/del.asp

بس لما تعملين الطلب الجديد .. أنتبهي للملاحظات الآتية :
1- فى حالة الرغبه بإلغاء طلب القبول يرجى إدخال البيانات اعلاه حسب ما تم إدخاله فى طلب القبول الالكترونى الذى قمت بتقديمه
2- بعد الغاء طلب القبول وعند التقديم من جديد برجى ادخال اسم مستخدم جديد مختلف عن اسم المستخدم الذى تم الغاءه
3- يتحمل الطالب مسئولية الغاء الطلب الخاص به دون اى مسئولية على الجامعة من هذا الاجراء.


لو فيه شي مو واااضح ... تفضلي و عقبي

سمسار 2008- 7- 19 09:59 PM
رد: شرح بالصور خطوات التقديم في جامعة الملك فيصل
 
كمل ؟؟؟؟؟؟؟؟؟؟؟؟

عذبة الاحساس 2008- 7- 19 10:15 PM
رد: شرح بالصور خطوات التقديم في جامعة الملك فيصل
 
يسلمووو يعطيك العافيه مدير:011:

همسسس 2008- 7- 19 11:07 PM
رد: شرح بالصور خطوات التقديم في جامعة الملك فيصل
 
الحمد الله سجلت في جامعة الملك فيصل
وحطيت الرغبه الأولى طب
وكنت راح أحط الرغبات الثانيه أقسام صحيه
بس رافضين
بغيت أسأل هل تعتبر الصيدله من ضمن الأقسام الصحيه

وهل أقدر أسجل في جامعة طيبه اللي في المدينه المنوره
ولا يلغون تسجيلي في جامعة الملك فيصل

ولكم جزيل الشكر

ازهار 2008- 7- 19 11:28 PM
رد: شرح بالصور خطوات التقديم في جامعة الملك فيصل
 
بستفسر عن التخصصات على الترتيب هل ينلغي الطلب

كلية العلوم الطبية التطبيقية

كلية التمريض

كلية الصيدلة الاكلينيكية

اقتباس:
1- فى حالة الرغبه بإلغاء طلب القبول يرجى إدخال البيانات اعلاه حسب ما تم إدخاله فى طلب القبول الالكترونى الذى قمت بتقديمه
مافهمت الجزء الاخير من الكلام .. من وين البيانات الي في طلب القبول الالكتروني


ــــــــــــــــــــــــــــ

>>>> ارجو مراجعة ردي واعطائي الاجابة اليقينة في هذه الصفحة

http://www.ckfu.org/vb/showthread.ph...930#post158930


وهل الغاء طلب القبول وتسجيل طلب قبول جديد هو الحل ام ماذا ؟؟ !!

افيدوني

علماً بأنه عند طلبي لالغاء القبول لايتم الالغاء .. وهل تعترضني مشكلة ان السجل المدني موجود مسبقا عند الغاء الطلب ؟!

سؤال اخير // نسبة الثانوية الي ندخلها بالطلب هل المقصود بها المعدل التراكمي العام ام ماذا ؟؟!!

ريمية 2008- 7- 19 11:32 PM
رد: شرح بالصور خطوات التقديم في جامعة الملك فيصل
 
انا رمز مدرستي 55486
ولما جيت املا طلب التقديم حطيت برمز المدرسه 155486 صح؟؟؟

واذا غلط بليز علموني وش اسوووي؟؟؟؟

وردة المحبة 2008- 7- 19 11:38 PM
رد: شرح بالصور خطوات التقديم في جامعة الملك فيصل
 
ساعوني محتارة......

أنا سجلت بالرياض طب وصيدلة وعلوم طبية وادارة اعمال وحاسب

وفي الاحساء سجلت طب وحاسب وانجليزي

طبعا انا علمي............

وبعدين سمعت انه البنات يقولون...

انه اذا سجلت في سعود وفيصل وقبلوني في سعود ينلغي تسجيلي في فيصل


والمشكلة اني ماابي الرياض انا مسجلته احتيااط بس..

والمشكلة جامعة سعود نتائجها تطلع قبل

وانا الحين خاائفة يقبلوني سعود وتروح عني فيصل..:000:

شسوي ...خبروني ساعدوني..

أنا اريد الغي التسجيل في سعود يصلح...








سؤال ثاني

الحين درجة اختبار التحصيلي والقدرات

جنبه الشهر الذي اختبرت فيه

انا علمي حطيت رجب ..وانا مو في رجب اختبرت في جمادى 2
هل تسجيلي يعتبر خطأ....
وشسوي انزين للتصحيح؟



ومشكوووووور كل اللي بيرد قلبي..:praying:

نـور 2008- 7- 19 11:55 PM
رد: شرح بالصور خطوات التقديم في جامعة الملك فيصل
 
يعطيك العافيه ع المعلوومات

..

بس في سؤال محيرني

مثلا حطيت رغبتي الاولى ع الطب .. والرغبات الثانيه غيييير

وفرضا ما قبلوني بالطب لان نسبتي الموزونه منخفضه !!

اقدر اروح اي تخصص ابيه بالجامعه واضمنه 100% .. وما يكون هالتخصص مكتفي ..

يعني بالسهوله اقدر ادخله ؟

tiamo 2008- 7- 20 12:03 AM
رد: شرح بالصور خطوات التقديم في جامعة الملك فيصل
 
:Cry111: لازم احط رمز المدرسه 01 لاني حطيت رمز مدرستي
والخطوه 19 و20 ماسويتها:praying:

ريمية 2008- 7- 20 12:06 AM
رد: شرح بالصور خطوات التقديم في جامعة الملك فيصل
 
أحــــــد يررررد عليناااا بليييييز

:Cry111:

ابو طلال الماجد 2008- 7- 20 12:15 AM
رد: شرح بالصور خطوات التقديم في جامعة الملك فيصل
 
مشكوره على هذا التوضيح والله يعطيك العافية

bo saad 2008- 7- 20 12:19 AM
رد: شرح بالصور خطوات التقديم في جامعة الملك فيصل
 
بسم الله الرحمن الرحيم
أمسي على كل الأعضاء بالخير ....
بيض الله وجهك وعساك على القوة وجزاك الله الف خير على الموضوع ...
أخوك (bo saad):119:

fahood 2008- 7- 20 12:27 AM
رد: شرح بالصور خطوات التقديم في جامعة الملك فيصل
 
يعطيك ألف عافية ما قصرت :g8:

ملامح خفيه 2008- 7- 20 01:00 AM
رد: شرح بالصور خطوات التقديم في جامعة الملك فيصل
 
الله يوفقك باااااارب ويسهل امولرك دنيا واخره مثل ماسهلت اموري وحليت مشكله عقدتني

إضاءات 2008- 7- 20 01:02 AM
رد: شرح بالصور خطوات التقديم في جامعة الملك فيصل
 
سؤال ثاني
أنا أثناء تسجيلي خليت مثل ماهم حاطين اختبارالقدرات برجب
وأنا مختبره في جماد الآخر

وأكملت تسجيلي خلااااااااااااااص

وش العمل؟؟؟؟؟؟؟؟؟؟؟؟؟

كل شوي نكتشف خطأ

البرتكول 2008- 7- 20 01:19 AM
رد: شرح بالصور خطوات التقديم في جامعة الملك فيصل
 
:d5:يعطيك الف عاااااااااااااااااااااااااااااافية افدتني مره ربي يوفقك

عازف الناي 2008- 7- 20 02:06 AM
رد: شرح بالصور خطوات التقديم في جامعة الملك فيصل
 
ألف ألف ألف شكر لك أخوي من قلبـ


والله كل كلمات الشكر ماتوفيكـ حقكـ وتعبكـ


لولاكـ ماندري إيش راح نسوي


إلهي يوفقكـ في كل حياتكـ وبكل خطوه تخطيها


مشكووووور وتسلم يمنــــاكـ ..

لسعة شقاوة..!! 2008- 7- 20 02:26 AM
رد: شرح بالصور خطوات التقديم في جامعة الملك فيصل
 
وربي مرررررررررة شووووووووكرن ,,:049:


عن جد استفدت منه مآآآرة..
:xrougi2:


اخووووي الله يوفقك ويجعله في ميزان حسناااتك يارب..:praying:




تحيــــآآآآتي ..

""لسعة شقــآآوة..!!

|..الندى..| 2008- 7- 20 02:41 AM
رد: شرح بالصور خطوات التقديم في جامعة الملك فيصل
 
شكراً عل الموضوع

طيب عندي سؤال ؟؟

كم النسبة المخصصة للقبول في الجامعة ؟!

بـــو أحــمــد 2008- 7- 20 03:23 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة سمسار (المشاركة 159037)
كمل ؟؟؟؟؟؟؟؟؟؟؟؟
سمسار
ما فهمت قصدك :000:

بـــو أحــمــد 2008- 7- 20 03:24 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة همسسس (المشاركة 159108)
الحمد الله سجلت في جامعة الملك فيصل
وحطيت الرغبه الأولى طب
وكنت راح أحط الرغبات الثانيه أقسام صحيه
بس رافضين
بغيت أسأل هل تعتبر الصيدله من ضمن الأقسام الصحيه

وهل أقدر أسجل في جامعة طيبه اللي في المدينه المنوره
ولا يلغون تسجيلي في جامعة الملك فيصل

ولكم جزيل الشكر
همسسس
ايواا تعتبر الصيدله ضمن الكليات الصحية (الاقسام الصحيه)

بإمكانك تسجلين في أكثر من جامعة
و بدون أي مشكلة
عادي سجلي في جامعة طيبة

بـــو أحــمــد 2008- 7- 20 03:34 AM
رد: شرح بالصور خطوات التقديم في جامعة الملك فيصل
 
اقتباس:
بستفسر عن التخصصات على الترتيب هل ينلغي الطلب

كلية العلوم الطبية التطبيقية

كلية التمريض

كلية الصيدلة الاكلينيكية
هو الطلب ما ينلغي
بس الجامعة ما رايح تنظر لرغباتك الثانية و الثالثة
هم أعلنوا أن أي طالب أو طالبة يحطون رغبتهم الأولى عبارةعن كلية صحية
لابد تكون رغبتهم الثانية و الثالثة عبارة عن كليتين غير صحيتين

هم كاتبين من ضمن التعليمات :
ستتاح الفرصة للطالب اختيار ثلاث رغبات (كليات) وفيما يخص الطلاب والطالبات الذين يختارون الكليات الصحية كرغبة اولى فيجب عليهم عند اختيار الرغبة الثانية والثالثة ان تكون من غير الكليات الصحية وفي حالة التقديم على الكليات الصحية كرغبة ثانية أو ثالثة فإنه لن يتمك النظر الى هذه الرغبات.

على هذا الرابط :
http://www.kfu.edu.sa/ad%2D1429/1st.asp
اقتباس:

مافهمت الجزء الاخير من الكلام .. من وين البيانات الي في طلب القبول الالكتروني


ــــــــــــــــــــــــــــ
هم يقصدون أنك لو لغيتي طلبك
و بعدين قدمتي طلب جديد
عاااادي .. حطّي معلوماتك الصحيحة و بدون ما تغلطين مثل غلطتك في الطلب الأول :119:


اقتباس:
>>>> ارجو مراجعة ردي واعطائي الاجابة اليقينة في هذه الصفحة

http://www.ckfu.org/vb/showthread.ph...930#post158930
رديت على أستفسارك في الموضوع الثاني :119:

اقتباس:
وهل الغاء طلب القبول وتسجيل طلب قبول جديد هو الحل ام ماذا ؟؟ !!

افيدوني

علماً بأنه عند طلبي لالغاء القبول لايتم الالغاء .. وهل تعترضني مشكلة ان السجل المدني موجود مسبقا عند الغاء الطلب ؟!
لا لا عااادي
لما تلغين الطلب ... رايج ينلغي برضو رقم السجل المدني حقك :119:
يعني و كأنك توّك بتقدمين طلب جديد

أضغطي على هذا الرابط لإلغاء الطلب :
http://www.kfu.edu.sa/ad%2D1429/del.asp


اقتباس:
سؤال اخير // نسبة الثانوية الي ندخلها بالطلب هل المقصود بها المعدل التراكمي العام ام ماذا ؟؟!
أنتي استلمتي شهادتك الثانوية العامة .. صح ؟
المعدل أو النسبة ألي فيها سجليها في استمارة التسجيل

بـــو أحــمــد 2008- 7- 20 03:38 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة ريمية (المشاركة 159137)
انا رمز مدرستي 55486
ولما جيت املا طلب التقديم حطيت برمز المدرسه 155486 صح؟؟؟

واذا غلط بليز علموني وش اسوووي؟؟؟؟
ريمية
حطّي رمز مدرستك مثل ما أعلنت الجامعة
هم كاتبين حطوا رمز المدرسة 01

ترا هالخانة ما لها أهمية ..
عشان كذا الجامعة تغاظت عنها
و علشان تسهل على الجميع من عناء البحث عن رموز المدارس و غيرها

بـــو أحــمــد 2008- 7- 20 03:42 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة وردة المحبة (المشاركة 159146)
ساعوني محتارة......

أنا سجلت بالرياض طب وصيدلة وعلوم طبية وادارة اعمال وحاسب

وفي الاحساء سجلت طب وحاسب وانجليزي

طبعا انا علمي............

وبعدين سمعت انه البنات يقولون...

انه اذا سجلت في سعود وفيصل وقبلوني في سعود ينلغي تسجيلي في فيصل


والمشكلة اني ماابي الرياض انا مسجلته احتيااط بس..

والمشكلة جامعة سعود نتائجها تطلع قبل

وانا الحين خاائفة يقبلوني سعود وتروح عني فيصل..:000:

شسوي ...خبروني ساعدوني..

أنا اريد الغي التسجيل في سعود يصلح...


وردة المحبة
الكلام ألي سمعتيه مش صحيح
عادي .. تقدرين تسجلين في أكثر من جامعة و بدون مشاكل

اقتباس:

سؤال ثاني

الحين درجة اختبار التحصيلي والقدرات

جنبه الشهر الذي اختبرت فيه

انا علمي حطيت رجب ..وانا مو في رجب اختبرت في جمادى 2
هل تسجيلي يعتبر خطأ....
وشسوي انزين للتصحيح؟



ومشكوووووور كل اللي بيرد قلبي..:praying:
إذا تقدرين تعدلين هالخانة أوكي ..
و لو ما قدرتي .. أعملي إلغاء للطلب و فتحي طلب جديد :119:
لابد تكون معلوماتك كاااااملة مكملة .. و بدون أي نقص
و عشان يرتاح بالك و ما تحاتين شي :119:

لا تتسرعين لما تسجلين ..
أمشي خطوة خطوة و على راااحتك

بـــو أحــمــد 2008- 7- 20 03:48 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة نـور (المشاركة 159159)
يعطيك العافيه ع المعلوومات

..

بس في سؤال محيرني

مثلا حطيت رغبتي الاولى ع الطب .. والرغبات الثانيه غيييير

وفرضا ما قبلوني بالطب لان نسبتي الموزونه منخفضه !!

اقدر اروح اي تخصص ابيه بالجامعه واضمنه 100% .. وما يكون هالتخصص مكتفي ..

يعني بالسهوله اقدر ادخله ؟
نـور
الله يعافيكِ

لو سمح الله ما حصل لك قبول في كلية الطب

ممكن يقبلونك في كلية ثانية ..
على حسب رغبتك الثانية و الثالثة الي حطيتيهم :119:

بـــو أحــمــد 2008- 7- 20 03:50 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة tiamo (المشاركة 159165)
:Cry111: لازم احط رمز المدرسه 01 لاني حطيت رمز مدرستي
والخطوه 19 و20 ماسويتها:praying:
tiamo
اممممممممم
أنصحك تعبين استمارة التسجيل مثل ما هو مطلوب و معلنة عنه الجامعة

أما بخصوص الخطوة 19 و 20

شوفي الصورة :

http://upload.traidnt.net/upfiles/GC878792.gif

لو ضغطتي على تم إكمال الطلب .. خلاص ما فيه مشكلة :119:

بـــو أحــمــد 2008- 7- 20 03:55 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة إضاءات (المشاركة 159203)
سؤال ثاني
أنا أثناء تسجيلي خليت مثل ماهم حاطين اختبارالقدرات برجب
وأنا مختبره في جماد الآخر

وأكملت تسجيلي خلااااااااااااااص

وش العمل؟؟؟؟؟؟؟؟؟؟؟؟؟

كل شوي نكتشف خطأ
إضاءات
جربي تعدلين هالخانة

و لو ما قدرتي ..
ألغي الطلب و فتحي طلب جديد

مع أن الخانة مش مهمة ..
لأن الجامعة رايح تنظر لدرجاتك في القدرات و الإختبار التحصيلي و نسبة في الثانوية العامة
بس الأفضل تكونين حريصة على معلومتاك و أنها تكون سليمة و كاملة و مكملة

بـــو أحــمــد 2008- 7- 20 04:00 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة |..الندى..| (المشاركة 159296)
شكراً عل الموضوع

طيب عندي سؤال ؟؟

كم النسبة المخصصة للقبول في الجامعة ؟!
|..الندى..|
العفو أختي الكريمة

ألحين ما تعلن عن النسبة الموزونة المطلوبة للقبول ...
تعلن عنها مع ظهور نتائج القبول

شوفي النسب الموزونة المطلوبة للقبول في الكليات الصحية في الجامعة للسنة الماضية على هذا الرابط :
http://www.kfu.edu.sa/ad%2D1428/adv-result.htm

طبعاً هي مش ثابتة .. و ممكن تتغير كل سنة
خصوصاً مع وجود تنافس كبير بين الطالبات

|..الندى..| 2008- 7- 20 04:08 AM
رد: شرح بالصور خطوات التقديم في جامعة الملك فيصل
 
:119:

شكراً لك أخي الكريم -::Admin::-

طيب المتخرجين من الثانوية الصناعية ؟!

شنو التخصصات المتاحة لهم


:cheese:

اليوم قصتي قصة :000:

Candy Doll 2008- 7- 20 05:27 AM
رد: شرح بالصور خطوات التقديم في جامعة الملك فيصل
 
شكرا شكرا شكرا على الشرح الوافي وعقبال ما ننقبل كلنا هناك:mh001:

دعواتكم يا مؤمنين:praying:

Candy Doll 2008- 7- 20 05:37 AM
رد: شرح بالصور خطوات التقديم في جامعة الملك فيصل
 
طيب ممكن سؤال اذا بغيت اعدل الرغبات شنو اسوي؟؟؟؟:mh19:

|..الندى..| 2008- 7- 20 05:40 AM
رد: شرح بالصور خطوات التقديم في جامعة الملك فيصل
 
تدخلين على هالرابط

طيب

في خانة للتعديل أنقري عليها وعدلي الأشياء التي تريديها

:119:
http://banner.kfu.edu.sa/pls/ar-EG/b....P_DispChoices

سنفوره 2008- 7- 20 05:42 AM
رد: شرح بالصور خطوات التقديم في جامعة الملك فيصل
 
مشكوووووووورين
والله يجزاكم خير

بس بغيت اسوي تعديل بدون ما ألغي الطلب كيف ؟؟؟؟

بـــو أحــمــد 2008- 7- 20 05:54 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة سنفوره (المشاركة 159410)
مشكوووووووورين
والله يجزاكم خير

بس بغيت اسوي تعديل بدون ما ألغي الطلب كيف ؟؟؟؟
سنفوره
العفو أختي

لو ضغطتي على تم إكمال الطلب
ما رايح تقدرين تعدلين عليه ..

لابد تحذفينه و تعملين طلب جديد

بـــو أحــمــد 2008- 7- 20 05:57 AM
رد: شرح بالصور خطوات التقديم في جامعة الملك فيصل
 
اقتباس:
المشاركة الأصلية كتبت بواسطة Candy Doll (المشاركة 159401)
شكرا شكرا شكرا على الشرح الوافي وعقبال ما ننقبل كلنا هناك:mh001:

دعواتكم يا مؤمنين:praying:

Candy Doll
إن شاء الله أختي
الله يوفقكم و بإذن الله تنقبلون في الكليات الي تطمحون للدراسة فيها :praying:

البايسن 2008- 7- 20 06:50 AM
رد: شرح بالصور خطوات التقديم في جامعة الملك فيصل
 
الصراحه جهد تشكر عليه يا اداره الموقع..

ازهار 2008- 7- 20 06:53 AM
رد: شرح بالصور خطوات التقديم في جامعة الملك فيصل
 
اقتباس:
أنتي استلمتي شهادتك الثانوية العامة .. صح ؟
المعدل أو النسبة ألي فيها سجليها في استمارة التسجيل
اي استلمت الشهادة

لكن الشهادة فيها

المعدل للصف الثالث

و

المعدل للصف الثاني

و

المعدل التراكمي العام

ايهم اندخل بالبيانات :000: >>> حتى لانقع بخطأ جديد :119:

ازهار 2008- 7- 20 06:55 AM
رد: شرح بالصور خطوات التقديم في جامعة الملك فيصل
 
ويعطيك العافيه على الرد

وحاليا عند الغاء الطلب تفتح صفحة بيضا فيها كلام انجليزي

وبستفسر عن تخصص قبالة تكلم عن هالتخصص >> اول مرة اسمعه ..

وياااارب يتم التسجيل بنجاح ونرسل البيانات للجامعه :s12:

piink 2008- 7- 20 11:55 AM
رد: شرح بالصور خطوات التقديم في جامعة الملك فيصل
 
جزاك الله خير

وعقبال ان شاء الله قبولنا في الجامعه ....
يارب:praying:

شرقيه وبكل فخر 2008- 7- 20 01:26 PM
رد: شرح بالصور خطوات التقديم في جامعة الملك فيصل
 
صراااحه اشكر الموقع على جهوودهم والله ماقصروا
بس بغيت اسالكم اقدر الغي طلب القبوول اللي دخلته واسوي واحد جديد
والا ممكن يصير فيه خربطه؟؟:000:
الله يووووفقكم ساعدوني ردو علي بسرعه عشاان الحق اعدل الطلب
والله محتاااااره ومو مقتنعه برغباااتي ابي اغرها.:s3:
الله يخليكم لحد يتاخر علي :Cry111:


All times are GMT +3. الوقت الآن حسب توقيت السعودية: 09:03 PM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه