ملتقى طلاب وطالبات جامعة الملك فيصل,جامعة الدمام - أقتراح ...... وش رأيكم ياشباب حنى من يطلب المهور ؟؟

رد: أقتراح ...... وش رأيكم ياشباب حنى من يطلب المهور ؟؟

اقتباس:

المشاركة الأصلية كتبت بواسطة صاحب السعادة (المشاركة 8463853)

الحين ليش ما ينزلوا في أسعار القصور والقاعات ولا حتى الخرفان أسعارها ارتفعت

آنا عن نفسي مابحط مفطح , ماحب اللحم , بخليها وجبات من ماك :5:

رد: أقتراح ...... وش رأيكم ياشباب حنى من يطلب المهور ؟؟

اقتباس:

المشاركة الأصلية كتبت بواسطة turning point (المشاركة 8463957)

:21::21::21:

احنا عندنا معظم قصور الافراح حفل شامل محد يجيب خرفان ولا شي ..
تتراوح الاسعار من 60 الى 80 واحيان اكثر ..
غير اجر الفرقه اللي راح تحيي الفرح ..
وهذه عائق كبير يواجه الشباب ..
عشان الناس تنبسط يدفع العريس مبلغ وقدره .. كأنهم داسوا على الاموال بأقدامهم .. ثم يخرجون وكل مين ينتقد القاعه ومستوى الاكل ..

الحمد لله بدأت الناس توعى لهالقضيه والحفل صار يقام في الفنادق .. واعزم 100 شخص .. وصلى الله وبارك .. مو لازم تنزعم امة لا اله الا الله ..
يكلف حوالي 30 الف اقل من نصف المبلغ والخدمة فايف ستارز ..

والله مررررره القصور عندكم .....نار نار نار......يازين الرياض تبدأ الاسعار من 8 الآف إلي 30 الآف وأهم شي الطبخ عليهم

رد: أقتراح ...... وش رأيكم ياشباب حنى من يطلب المهور ؟؟

اقتباس:

المشاركة الأصلية كتبت بواسطة محمد الحناني (المشاركة 8464051)

والله مررررره القصور عندكم .....نار نار نار......يازين الرياض تبدأ الاسعار من 8 الآف إلي 30 الآف وأهم شي الطبخ عليهم

لا فيه بحدود هالاسعار الى 20 الف .. س انت تجيب كل شي والخدمه سئيه ومستوى النظافه متدني ...

رد: أقتراح ...... وش رأيكم ياشباب حنى من يطلب المهور ؟؟

اقتباس:

المشاركة الأصلية كتبت بواسطة حُروف آنثوية (المشاركة 8464025)

آنا عن نفسي مابحط مفطح , ماحب اللحم , بخليها وجبات من ماك :5:

جبنه ولا بدون .......بصراحه أرخص ولكن بتنفضحون بالجرايد والجزيرة والعربية حتى غينتيس بدخلونها بتنشهروون :5:

رد: أقتراح ...... وش رأيكم ياشباب حنى من يطلب المهور ؟؟

اقتباس:

المشاركة الأصلية كتبت بواسطة محمد الحناني (المشاركة 8464163)

جبنه ولا بدون .......بصراحه أرخص ولكن بتنفضحون بالجرايد والجزيرة والعربية حتى غينتيس بدخلونها بتنشهروون :5:

هههههههههههه والله لو انا اتكفل بتنسيق العشا بحط اشياء زينه موب مفطح آلحمد الله على النعمه
بس اهلي مو مخليني على كيفي :5:

رد: أقتراح ...... وش رأيكم ياشباب حنى من يطلب المهور ؟؟

تحياتي لكم وتحييية خاصة لصاحب الموووضوع
هالمواضيع مااحب اتفلسف فيهاا اهم شيء ربي يرزق الولد زوجة صالحة والبنت زوج صالح
ويوفقهم ويسعدهم ويرزقهم الذرية الصالحه
وببببببببببس تحياتي للجميع
:2::2::2::2::34:

رد: أقتراح ...... وش رأيكم ياشباب حنى من يطلب المهور ؟؟

اقتباس:

المشاركة الأصلية كتبت بواسطة البرنسيسية (المشاركة 8464188)

ياقويه اشرايك بيتزا خضار اهم شي كثري الزيتون ترى جونان:27:

رد: أقتراح ...... وش رأيكم ياشباب حنى من يطلب المهور ؟؟

اقتباس:

المشاركة الأصلية كتبت بواسطة حلم ملوك (المشاركة 8464218)

ياقويه اشرايك بيتزا خضار اهم شي كثري الزيتون ترى جونان:27:

هلابك .....ياحلم ملوك .....يعني غيرت عن المعكرونه

رد: أقتراح ...... وش رأيكم ياشباب حنى من يطلب المهور ؟؟

اقتباس:

آسئلي لشباب
س1/ هل المهر في وقتنآ هذا مبالغ فيه ام منطقي ؟
انت تتكلم على المهر اللي هو صداق المرأة ,, يعتمد كل عائلة ولها وضعها الإقتصادي ,قد تجد مهره 30 الف ويكون مكلف بالنسبة لزوج ,, وقد تجد مهر 70 الف ولا يكون مكلف لشخص آخر .

القضية تناسب وتباين بين طبقات المجتمع .

س2/ لو كان حنآ اللي نطلب المهور كم بتطلب ؟

عذرا لا يصح ذلك لان الشرع اوجب الصداق للمرأة وليس الرجل

قوله تعالى (وآتوا النساء صُدقاتهن نِحْلَة).

س3 ماهو الحد المعقول من وجهة نظرك للمهور ؟
في نظري وحسب ما اراه من اقارب ومستوى معيشي راح يكون بين 50 الى 80 الف

عندي كم كلمة وارجو ان تتسع صدور الطرفين لها

بالنسبة للشباب اللي يقول المهور غاليه وما اقدر على الزواج من وين اجيب لي مهر 50 الف

طيب تعال يا استاذي انت ممكن تدفع في سيارة 300 الف وتكون مبسوط وشاق الكشره والابتسامة من الاذن الى الاذن ..... .> :42:

وتجي عند بنت الناس وشريكة حياته وام ابناءك ومربية ورعانك وتقول ليه مهر 60 الف :39:

بتقول لي السيارة في اقساط وتأجير تمليك ,,

بقول لك فيه بنوك تعطيك قروض على 5 سنين خذ لك قرض وتزوج .

المعروف ان الزواج تجيك فيه عانيات من الاهل والاقارب والاصدقاء يعني الحمل راح يكون اخف عليك شوي

بالنسبة لتجهيز الشقة او البيت اذا منت مقتدر مو لازم تجهزها في شهر يا اخي جهز اثاثك على مدى سنتين وش المانع ؟؟

الاخوات لا تنبسطون جايكم الدور :40:

نرجع لشباب
عزيزي لا تجيني فجأه وتقول نزلت عليك السكنية وتبي تكمل نص دينك خلال شهرين موضوع الزواج لابد ان يكون له ترتيب استباقي على مدة طويلة

وعلى قد رجولك مد لحافك

واحسب خطواتك لا تتحجج بغلاء المهور وانت فالها كل 4 شهور سفره تكلفك 30 الف او اكثر

اوك :32:

الاخوات

مهرك ومن حقك وهذا شرع الله لكن لا تبالغين فيه , والأهم لا تطيرينه في اسبوعين وسردي مردي على السوق ومن مول الى مول

وانواع الملابس اللي تحتاجينها واللي ما تحتاجينها بس عشان تورين الناس وش شريتي

خلي عقلك في راسك واشتري اللي يلزمك اجتك وفوقها شي بسيط

تراك منتي رايحه رحلة الى عالم مجهول

الاسواق موجوده وما راح تقفل بعد زواجك , واذا تزوجتي ما راح يمنعونك انك تتسوقين يعني خذي موضوع الشوبيق على سعه

وحطي في بالك نص الملابس اللي بتشترينها بعد 6 شهور ما راح تكون مقاسك لانك راح تنتفخين بعد الزواج وهذا هو الوضع الطبيعي :42:

,,

بجي على موضوع التكلف في حفلة الزفاف من صالة و500 مدعوه وممنوع اصطحاب الاظفال :28:

والنهاية الحفل كله راح يكلف ما يقارب 100 الف ...؟؟؟؟؟؟؟؟؟؟؟؟

ليه هالخساير مع ملاحظة ان كل المعازيم ثاني يوم الصبح جوعانين ,,وبيجتمعون كل في بيته على بيض عيون ويقطعون في الزواج والبوفيه والكوشه والعروس انها كانت شينه وشلون ربي رزقها وتزوجت :8:

,,,

الكوشه 10 الى 12 الف على ايش فلين واوراق شجر صناعي وورد عشان تندفسين فيها ويصورونك لمدة ساعة بالكثير ؟؟؟

المسكه ب 2000 ليه جعل يمسكك جني مع علباك :25:

والحلا والموالح والصبابات والطقاقات ابي اعرف ليه طقاقات ب 12 الف بيعزفون لي السلام الملكي يعني

اعلى وحده فيهم عندنا سادس ج ,, هذا غير النقوط اللي بيزرطونه
واثم كل من حضر العرس عليكم

وكل ما سبق على ظهر الفقر المسكين :12:
,,,,,,

الزواج العائلي انجح طريقة من رايي الشخصي
سووو زواج مصغر بالبيت يحضره الاقارب فقط

وثاني يوم طيروا لشهر عسل راح تبقى ذكرياته جميلة الى آخر العمر وتكلفته ما راح توصل الى ربع تكلف حفل الزفاف المذكورة اعلاه

ركزوا شوي واحسبوها صح وراح تشوفون ان فيه تكاليف ما لها داعي وضايعه بالهوا خلال 6 ساعات وراح تبقى آثارها السلبية المادية لسنوات على الزوج الغير مقتدر

....

اعرف واحد تزوج وجلس يسدد في ديون زواجه 7 سنوات الين دخل ولده اول ابتدائي

والسبب التكاليف لا داعي لها من هدايا لام العروس واخوانها وخالاتها وابوها وعمانها والظاهر حتى الشغاله :40:

صدقوني اي شيئ يتحمل الزوج اكثر من طاقته راح تبقى عواقبه على حياة الزوجين لمدة طويلة

صراحة فيه عادات وتقاليد لا بد من إعادة النظر فيها .

بالنسبة للشخص المقتدر ولد النعمة اللي يزيده ولكن يراعي الله سبحانه ولا يسرف
فيمحق الله بركة زواجه .

اعتقد اني اطلت لاني من زمان وانا اكتب :34:

اعذروني على الإطالة ولكن الموضوع يستحق اكثر من ذلك

واعذزوني على الاخطاء المطبعية

ولي عودة

شكرا لك على الموضوع
واتمنى ان يساهم هذا الموضوع فعليا في تغيير اعتقادات الزواج والحد من التكاليف غير المبرره ,

دمتم بحفظ الله :16:

رد: أقتراح ...... وش رأيكم ياشباب حنى من يطلب المهور ؟؟

اقتباس:

المشاركة الأصلية كتبت بواسطة حلم ملوك (المشاركة 8464218)

ياقويه اشرايك بيتزا خضار اهم شي كثري الزيتون ترى جونان:27:

هلا بك ياحلم ابشرررررررر ولا يهمكم
:27::27::27::27: