|
أقتراح ...... وش رأيكم ياشباب حنى من يطلب المهور ؟؟
السلام عليكم ورحمة الله وبركاته
آخواني واخواتي آسعد الله صبآحكم ومسائكم بكل خيــر . . أمس وحنا سهرانيين بالاستراحه واحد من أصدقنا توه خاطب وتطرقنا على تكاليف العرس وحسبنا له التكاليف كم يكلفه العرس المهم شئ يعور القلب ولكن الرجال مقتدر طيب ألي ماعنده كييف:12: وش يسوي يسرق ولا يتزوج من الخارج بالنسبة لي نا متزوج والحمد الله بس لي أخوان وأصدقاء مايقدرون على الزواج ليه تسذآ ليه يعني لازم يكون المهر فوق 50 الف عشان الواحد يتزوج وضمن الخيال حقي فكرت وقلت لو أن الشباب هم ألي يطلبون المهر والبنات هن اللي يدفعون يآترى <-- وركزو على ياترى يآترى كم تطلبون مهر يالشباب :33_asmilies-com: . . يعني الواحد اذا بيتزوج لازم آقل شي يدفع 150 آلف ريال لاحد يقولي لا 50 الف تزوجك انا آقسمهآ لكم المهر اقل شي 50 الف ريال الام 10الف ريال القاعه يمكن حوالي 20 الف ريال الذبايح جاهزه مع الطبخ 20الف البوفيه 5الآف <-- مستحيل البنات يآكلون كبسه الطقاقه يمكن 8 الآف آثاث الشقه يمكن 25الف الى 30الف في متوسط الحال وبالاخير شهر العسل يمكن يآخذ عليك 20 الف يعني كلها حوالي 160 الف <-- قسم لو آدخل شريك في معرض سيارات آحسن للمعلوميه ترآ باقي ماتطرقنآ كم يكلف آغراض العريس من بشث وملابس وحركات . آسئلي لشباب س1/ هل المهر في وقتنآ هذا مبالغ فيه ام منطقي ؟ س2/ لو كان حنآ اللي نطلب المهور كم بتطلب ؟ س3 ماهو الحد المعقول من وجهة نظرك للمهور ؟ . . اسئلتي للبنات س1/ هل انتي من تحددين المهر ام الاهل ؟ س2/ لو تقدم لك رجل ميسور الحال كم بتطلبين منه مهر ؟ س3 / ماهي نظرتك للبنت اللي مهرها قليل ؟ . والمجال مفتوح للجميع اللي بيعلق وتحياتي وإشواقي لكم:1: |
رد: أقتراح ......وش رأيكم ياشباب ويابنات
آسئلي لشباب
س1/ هل المهر في وقتنآ هذا مبالغ فيه ام منطقي ؟ منطقي جداً في ظل الارتفاعات المتواليه بالاسعار فمن غير المعقول ان تكفي 50 او 60 الف لتكاليف الزواج س2/ لو كان حنآ اللي نطلب المهور كم بتطلب ؟ تكلفه تجهيز العروسه تختلف عن تجهيزات العريس فالمجوهرات وحدها تتطلب مايزيد عن 30الف ريال. والرجل قد يكفيه 10الاف ريال لكامل تجهيزاته. س3 ماهو الحد المعقول من وجهة نظرك للمهور ؟ المهر الخاص للعروس المعقول من وجهه نظري مالايقل عن 80الف ريال . |
رد: أقتراح ......وش رأيكم ياشباب ويابنات
محمد الحناني
موضوعك قيم و كبير و يستحق المتابعه |
رد: أقتراح ......وش رأيكم ياشباب ويابنات
موضوع جميل اخوي....
بالنسبه لوجهة نظري ان الواحد مو في يوم وليله يقول ابي اتزوج مثل ماتفضلت طال عمرك وقلت اسئلتي للبنات س1/ هل انتي من تحددين المهر ام الاهل ؟ اكيد مو انا بس اهلي ان احسب الملابس والميك اب والعطور وفستان الزواج والكوفيره والكووشه واحيانا القدوع اهل العروس اللي يجيبونه يعني افرض عطاها 50 الف .. انا يمكن ادبر حالي فيهم بس الذهب اكييد بيكون عليه س2/ لو تقدم لك رجل ميسور الحال كم بتطلبين منه مهر ؟ مافية احد بالزمن الحالي ميسور الحال الحمد الله على كل حال خلنا نفترض ان راتبه على قد حاله قبل مايفكر انه يعرس لازم يبني مستقبله اولا يحاول يجمع من راتبه قد مايقدر اذا كان راتبه 6000 فرضا يصرف منها 2000 و4000 يخليها ع جنب اويدخل بجمعيه مو اول ماينزل الراتب يكشخ لي باجدد جوال ولا يروح يعزم اخوياه ع كوفي شوب يعني 4000 على 3000 الاف كل شهر بيطلع بالسنه اللي يقدر يعطي البنت المهر ومثلها السنه الثانيه بياخذله بيت على قدهم وغير المعونات يوم الزواج بيقدر يسدد ديونه اللي عليه ويسافر بها شهر عسل س3 / ماهي نظرتك للبنت اللي مهرها قليل ؟ عاد والله كل وحده وحسب متطلباتها بالزواج وجهت نظري للي يبي يعرس انه يبني مستقبله مو يقعد ويقول ابي اعرس وهو ماتحرك مشكووور اخوي على الموضوع الجميييل والهادف تقبل مروووري:16: |
رد: أقتراح ......وش رأيكم ياشباب ويابنات
الف شكر على مروركم الطيب وننتظر البقية
|
رد: أقتراح ......وش رأيكم ياشباب ويابنات
س1/ هل انتي من تحددين المهر ام الاهل ؟
المهر عندنا متعارف عليه تقريبا 70 الف لا الاهل يحددونه ولا البنت واقل شي 50الف س2/ لو تقدم لك رجل ميسور الحال كم بتطلبين منه مهر ؟ مثل ما قلت مو انا اللي راح احدد على حسب المتعارف اما اذا حب هو انه يدفع اكثر فعاااد هو كريم وحنا نستاهل ههههههه س3 / ماهي نظرتك للبنت اللي مهرها قليل ؟ والله انا في نظري المهر ماهو الا حق من حقوق البنت اما الكثر او القل ما هو اللي يبين قيمة البنت فيه ناس مايهمهم المهر كثر مايهمهم ستر بنتهم ويزوجون رجال يصونها ويكرمها...وعلى فكره للمعلوميه بس ترا البنت تزود من عندها ع المهر واهلها واخوانها وخواتها يساعدونها وترا مافيه وجه مقارنه بين اغراض البنت والرجل ولوووو..! هو حده الملابس والبشت على قولتك.. هي حتى مسكتها طلبيه :31::2: |
رد: أقتراح ......وش رأيكم ياشباب ويابنات
بِـ صرآحه موضوع فعلآ قييم ويستحق المتآبعه أنا لآتعليق
لآ نويت أتزوج بقولكم وش أبي :29: يسلمووو الحنآني :2: والله يوفق الشبآب والصبآيآ وعقبال مآ أخطب لكم :29: اي صح نسيت فلوس الخطآبه سجل عندك 2000 بعد الخصم :27: |
رد: أقتراح ......وش رأيكم ياشباب ويابنات
شكراً اخي محمد ع الدعوة ،،، س1/ هل المهر في وقتنآ هذا مبالغ فيه ام منطقي ؟ المهر عندنا في العائلة الان اقل من أول بكثير :21: تقريبا 70 الف بس مو محدد او مفروض على الجميع س2/ لو كان حنآ اللي نطلب المهور كم بتطلب ؟ قال تعالى ( الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ ) س3 ماهو الحد المعقول من وجهة نظرك للمهور ؟ الحد المعقول ما بين 70 - 50 الف :31: :16::16: |
رد: أقتراح ......وش رأيكم ياشباب ويابنات
عليكم السلام ورحمة الله وبركاته انا مع كلام نبض ههههه انا لانويت اتزوج راح اقولكم :42: موضوع قيييييم الله يعطيك العافية :16: |
رد: أقتراح ......وش رأيكم ياشباب ويابنات
اووول شيء موضوع بططططل قدن وي سستحقق النقاش:21::34:
ومن ناحييةة ارتفاع المهوور مثل مً آنت شــآيف الاوضاع كيف ؟! كل شيء صارت اسعارة غاليةة وصعب ان الواحد يتقدم ع بنت بدوون مايكون مكيف ومجهز نفسسةة ع الاخير:35::34: س1/ هل انتي من تحددين المهر ام الاهل ؟ شيء طبيعي انا والاهل بعد الاتفاق وش اللي لهم ووش اللي علينا:34: س2/ لو تقدم لك رجل ميسور الحال كم بتطلبين منه مهر ؟ اممممممم 50 نظرآً لظروفةة <<بث ان شاءالله يكون مقتدر قبل مايفكر يتزوج س3 / ماهي نظرتك للبنت اللي مهرها قليل ؟ مً آعتققد ان هالشيء فيةة فشلةة او يقلل من قيمتها الموهم ان الرجال يكون طيب في اهلةة ومصلي ويكون عندة وظيفة وقادر ع انةة يكون حياتةة ومستقبلةة بدون مايعتمد ع اهلةة واعتققد هالشيء يكككفي محمد عن جد اهنييك ع اطروحاتكك المميزة ي سسعدكك الخالق:2::34: |
رد: أقتراح ......وش رأيكم ياشباب ويابنات
اذا يبقى الواحد من أقرباه مايحتاج خطابه .....عاد اذا يبقى من بعيد لازم يدورن أهله على خطابه طبعاً الموظفه سعريختلف....... إلى أخ
|
رد: أقتراح ......وش رأيكم ياشباب ويابنات
س1/ هل المهر في وقتنآ هذا مبالغ فيه ام منطقي ؟ والله اخوي كل قبيله ومجتمع لهم مهر محدد فيه بعض القبائل والمجتمعات مهرهم 30 الف وفيه بعضهم 60 الف لكن انا اشوف ان المهر المعقول في وقتنا الحاضر 40 الف س2/ لو كان حنآ اللي نطلب المهور كم بتطلب ؟ ممممم يانا ابي احط حرتي فيهم 100 الف ولا ما اقبل:27: عاد الحقيقه بصير طيب 30 تكفيني بس اهم شي يضبطون الكوشه,,, س3 ماهو الحد المعقول من وجهة نظرك للمهور ؟ مثل ماذكرت سابقاً في ظل الوضع الراهن وغلى المعيشه 40 الف يعتبر مبلغ معقووول للمهر .. والله يوفقك العزاااابيه والعزاااابيات ويرزقهم بالزوج,والزوجه الصالحين مشكور اخوي محمد على الدعوه,, موضوع مهم ويستحق النقاش لكن ودك ان الشيبان هم الي يناقشون الي عندهم بنات على شان نوصل لحل,, وانا اشوف ان المهر ماهو مقياس . قال رسول الله صلى الله عليه وسلم فاظفر بذات الدين تربت يداك وقال صلى الله عليه وسلم ((إذا أتاكم من ترضون دينه وخلقه فزوجوه))، |
رد: أقتراح ......وش رأيكم ياشباب ويابنات
موضوع رائع ��
اخوي محمد لي عوده اول ما افكر ف الزواج �� احس اني منحرجه الان �� |
رد: أقتراح ......وش رأيكم ياشباب ويابنات
يعطيك العافيه أخوي محمد .. :16: .. موضوع قيم وجميل ، طُرح سابقاً في موضوع حلم ملوك وأنتهى وقت النقاس فيه ولم يتسنى لي المشاركة فيه ..
الكل يعلم أن من أسباب عزوف الشباب عن الزوإج تلك المهور المثقلة التي ما أنزل الله بها من سلطان ولا أوجبها نص قرآني أو حديث نبوي، وهؤلاء مخطئون في حق الشاب والشابة، فمن أين للشاب أن يجمع الآلاف المؤلفة ويشتري القطع الكثيرة من الماس والذهب وألوان الأقمشة وصنوف الهدايا وغيرها . والله ما أمرنا بهذا ولا ببعضه، وإنما باليسر منه على قدر ما نستطيع . وقد ذكر الرسول عليه الصلاة والسلام أن أكثر النساء بركة أقلهن مهوراً . س1/ هل المهر في وقتنآ هذا مبالغ فيه ام منطقي ؟ ليس شيء ثابت يختلف بإختلاف العاداتوالتقاليد لكل قبيلة ومجتمع .. س2/ لو كان حنآ اللي نطلب المهور كم بتطلب ؟ المهر من حق المراءة فلا يجوز بأي حال من الأحوال أن يطلبة الرجل .. س3 ماهو الحد المعقول من وجهة نظرك للمهور ؟ الحد المعقول الذي يتناسب مع إمكانيات الشاب والذي لا يضطرة أن يتحمل ديون وتكاليف واعباء فوق إستطاعتة ومقدرته ،حتى يتسنى له بعد الزواج أن يعيش مرتاح مستقر وسعيد ، لأن حتى وإن وافق سيكون ضررها مستقبلاً على حياته الزوجية .. أخيراًوليس آخراً المراءة ليست سلعة للبيع والشراء . " إذا جائكم من ترضون خلقه ودينه فزوجوة ". كل الموده ...:2: |
رد: أقتراح ......وش رأيكم ياشباب ويابنات
ههههههههههههههههههه كل البنآت مآيبون يتزوجون يعني لآتجمعون مهر ولآ هم يحزنونhttp://www10.0zz0.com/2013/03/14/14/540640752.gif
ولو جينآ للجد المهر والشكليآت هذي مآتهم << خآفت يجي يوم البنت تدفع المهر http://www6.0zz0.com/2013/03/14/14/468832650.png أجل الجآرح 30 هآآآه :13: |
رد: أقتراح ......وش رأيكم ياشباب ويابنات
اقتباس:
هههههه يالجارح دام انت للي بتاخذ المهر 30 من شروطك اختار الكوشه وخلها تدفعها يعني عوض مهرك ف الكوشه 😉 |
رد: أقتراح ......وش رأيكم ياشباب ويابنات
محمد الحناني
موضوعك قيم و كبير و يستحق المتابعه اقتباس:
حتي خطابات بعد الله يخلي امي واخواتي احسن من مليون خطابة |
رد: أقتراح ......وش رأيكم ياشباب ويابنات
تلآحظ يَ بوهيآ عدد مشآركآتك 2000 والخطآبه تآخذ 2000 :29:
يَ ولد ليكون نسمع بوهيآآ خطآبةة المنتدى قريبا :27: |
رد: أقتراح ......وش رأيكم ياشباب ويابنات
اقتباس:
|
رد: أقتراح ......وش رأيكم ياشباب ويابنات
موضوع حلو !! ومهم '
اللي تزوجت يصير تقول كم مهرها وكذا :27: ،، يا صارت لي قصة يوم أعرست ،، :44: خفت احكيها ،، :22: إذا تبون احكيها ،، وكزوني !! :27: |
رد: أقتراح ......وش رأيكم ياشباب ويابنات
لي رجعة بإذن الله واضيف وجهة نظري
|
رد: أقتراح ......وش رأيكم ياشباب ويابنات
لاتتورطين خاصة مع نبض
|
رد: أقتراح ......وش رأيكم ياشباب ويابنات
اقتباس:
بس ما اتوقع قلبها فيل لو قلت قبل غزال يمكن نقول صح:34: بس يمكن تبغا تكون خطابه لنا :13: لي عودة للتعليق |
رد: أقتراح ......وش رأيكم ياشباب ويابنات
ههههه مآحدن وكزنن
:29: |
رد: أقتراح ......وش رأيكم ياشباب ويابنات
اختآروو حيرتوني قلب فيل ولآ غزآل http://www6.0zz0.com/2013/03/14/14/468832650.png
أسيرهـ وكزنآآ !! وين السآلفه :27: |
رد: أقتراح ......وش رأيكم ياشباب ويابنات
اقتباس:
والله تصلح خطابه المنتدى |
رد: أقتراح ......وش رأيكم ياشباب ويابنات
هههههه
طيب ركز واحد ما يكفي هههههه ترا مايفرق قلب فيل او غزال !!! |
رد: أقتراح ......وش رأيكم ياشباب ويابنات
لآحول ولآقوة الآ بالله :32:
والله لو مآني خآيفه من ترويع الأعضآء الآمنين :34: كآن مآيردني إلآ أدخل عليك بالكلآش http://www10.0zz0.com/2013/03/14/15/532350628.gif يَ حميد :20: |
رد: أقتراح ......وش رأيكم ياشباب ويابنات
اقتباس:
|
رد: أقتراح ......وش رأيكم ياشباب ويابنات
اقتباس:
|
رد: أقتراح ......وش رأيكم ياشباب ويابنات
طيب رأجيتني وكز !!
الحين أقولها |
رد: أقتراح ......وش رأيكم ياشباب ويابنات
اقتباس:
وكلامنا انا وأخوي الحناني نمزح معك مثل ما يمزحون الاخوان وانتي قلب كبير وطيب ما سمعنا او قريبا عنك غير كل خير والله يوفقك ويرزقك ويفتح على قلبك ويرزقك من حيث لا تحتسبين :16::16: |
رد: أقتراح ......وش رأيكم ياشباب ويابنات
أبوي يقول بيشتري الرجال !! << كفؤ والله هات خشمك
يوم جاء إنسان الظاهر انه طيب وراعي دين ' قاله كم تبي المهر وكذا المهم جاء وصار المهر ٣٥ ألف ريال ء< ريال ينطح ريال والذهب معاها ( يعني مع المهر ) ' والعشاء قاله أبوي بهالعباره ( سوي اللي تبيه وتقدر عليه لو تبي تجيء تاخذها من البيت ) المهم يوم جاء بير تيب للعرس شاف كل شيء غالي ،، قال ما نبي طقاقات !! وكل شوي يقول هذا ماله داعي وكذا المهم أبو يعصب وقاله طلق بنتي وخذ مهرك.. المساله انه كلامه مستفز !! بعد مناورات ومدري شنو من غباءي اقترحت عليه يعطيني اللي يقدر عليه واسوي العرس أنا وافق على طول وأعطاني ١٥ ألف ريال << يارااجل وين المباديء وكذا وأبشركم سويت لنفسي عرس !! أحلى عرس اااه تعبت وأنا اكتب !! |
رد: أقتراح ......وش رأيكم ياشباب ويابنات
يا بنات خليهم يدفعوا لا ترحموا احد !!!
بالنهاية تزوج مدرسه دفع لها 50 الف !! وسوا لها عرس ،، << كفؤ والله والسلام ختام لا يحمقون عليه الشباب :4: بااهج :8: |
رد: أقتراح ......وش رأيكم ياشباب ويابنات
.
اسئلتي للبنات س1/ هل انتي من تحددين المهر ام الاهل ؟ لانحدد ..... ننظر للرجل ماذا يقدم ... والمعقول 50 ونحن نراعى ماسيقدمه لاحقاً ....والدي كثيراً مايتعاطف بجيل هذا الوقت من غلاء المعيشه .. س2/ لو تقدم لك رجل ميسور الحال كم بتطلبين منه مهر ؟ س3 / ماهي نظرتك للبنت اللي مهرها قليل ؟ لاتضعون الماده في أموركم ..... هذه النظره الماديه .. بالنسبه لي أدعوا لها بالتوفيق فقط من الممكن أن تكون حالها أفضل بكثير من حال غيرها... |
رد: أقتراح ......وش رأيكم ياشباب ويابنات
يَ عمممممممممممممري يَ أسيرةةالأوجآع ذكرتك يَ روحي ليلةة زوآجه كنتي معنآ السمستر اللي رآح أتوقع أو اللي قبله :24::18:
لآحول ولآقوةالآ بالله :39: أرتحت يَ الحنآني أنت وموضوعك :32: أنتي انفصلتي موو ؟؟ >> خطآبه ملقوفه :40: |
رد: أقتراح ......وش رأيكم ياشباب ويابنات
يادا الكسوف هههههه
ايه أنا ' يالبى أنا ... :5: حيلك عليهم يا نبض دائم يستفزوني .. |
رد: أقتراح ......وش رأيكم ياشباب ويابنات
اقتباس:
|
رد: أقتراح ......وش رأيكم ياشباب ويابنات
مشكوووووور اخ محمد ع الدعوة
متـــــابعه .........اعتذر عن الاجابه........ولكل حديثا حديث باختصـار احنا تتفق اهل البنت امها وابوها او اخوالها وبعدها يقولو للاهل العريس او العريس |
رد: أقتراح ......وش رأيكم ياشباب ويابنات
السلام عليكم ،،
موضوع النقاش جميل .. ولا أحب أن أخسر مثل هالمواضيع لسبب الإنحراف عن مساره .. يعطيك العافية محمد ،، |
رد: أقتراح ......وش رأيكم ياشباب ويابنات
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
س1/ هل المهر في وقتنآ هذا مبالغ فيه ام منطقي ؟
نعم مبالغ فيه لحد الجنون وبالعربي كل مارتفع المهر والشروط الزايده يعني أنت مرفوض . س2/ لو كان حنآ اللي نطلب المهور كم بتطلب ؟ أول شئ لابد من التحديد ( هل العصمه بيدي أو بيدها ) بما أنها هي من تقوم بدفع المهر . وأذا كانت العصمه بيدي كل 6 شهور أطلقها وأدور على وحده ثانيه :42: س3 ماهو الحد المعقول من وجهة نظرك للمهور ؟ لا يزود عن الخمسين ألف وتكون بلا تكاليف مثل صاله العرس والذبائح والاسراف الزايد . |
رد: أقتراح ...... وش رأيكم ياشباب حنى من يطلب المهور ؟؟
س1/ هل انتي من تحددين المهر ام الاهل ؟
ابصراحه انا عن حالي اهلي يرضون بل المبلغ الي يقدمه الزوج وطبعاً المهر عندنا قبل 25 الف والحين 30 الي يقدر س2/ لو تقدم لك رجل ميسور الحال كم بتطلبين منه مهر ؟ مهري القران الكريم س3 / ماهي نظرتك للبنت اللي مهرها قليل ؟ ابصراحه تكسر الخاطر اذا كان اقل من المبلغ الي تعودنا عليه وبعتبر ان الدنيا قلة وايد ماقول الا الله يهنيه هذه اهم شي وانشاء الله تسعد باذن الله :29::29::29: |
رد: أقتراح ...... وش رأيكم ياشباب حنى من يطلب المهور ؟؟
الكويتي :25:
ايه ايه أطلعوو على حقيقتكم :3::3::3: شفتوو يَ بنآآت يَ اللي على نيآتكم وتبون ترآعونهم :28::28: لآ وأنا أقول هذي شكليآت أفكرهم مسآكين :44: طلعتوو منتوو هينيين :30::20: على سيرةة العصمه بيد مين ؟؟ :11: كنت دآيم أسأل هالسؤال آلين أمـــ:1:ــــي صكتني بـ ...××... >> أصلآ النعله مآتعوّر :44: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
اقتباس:
Turn You Face |
رد: أقتراح ...... وش رأيكم ياشباب حنى من يطلب المهور ؟؟
تبي الصدق :44:
حنا يا الشباب ما نستاهل يدفعون لنا مهر :8: |
رد: أقتراح ...... وش رأيكم ياشباب حنى من يطلب المهور ؟؟
أبشر بس قبل أقلب وجهي هآك :16:
شمّهآ ورجعهآ مو تآكلهآ يَ الفآهي :13: وترى موضوعك موحلو :23::20: >> محد تفشل :40: |
رد: أقتراح ...... وش رأيكم ياشباب حنى من يطلب المهور ؟؟
عاد بدوا البنات يسوون إعجاب و ينحاشون
طيب إسألوا وشو السبب على الأقل السبب لأنه الشرهه علينا حنا إلي نخطبكم :(284)::(284): لا و الله أمزح يا أخي حنا سرابيت و من الدوام للإستراحة والقهاوي و سفريات و فلة و وناسة و البنت حافظتن نفسها ببيتها و صاينتن عمرها و قليل بحقها المهر |
رد: أقتراح ...... وش رأيكم ياشباب حنى من يطلب المهور ؟؟
السلام عليكم سالفة المهر والتكاليف سالفه سرمديه ! أنا اليوم بالذات بصير مواطن الوطنية متغلغله فيني ! الملك عبدالله طول الله في عمرهـ محدد المهر في الدولة وهو 45 ألف ويعطى من بنك التسليف كاش ويقصد بدون فوائد لذلك أشوف أن ما زاد أو نقص عن المحدد فيه خروج على ولي الأمر !! والخروج على ولي الأمر حرام شرعاً ! وأنتم بكيفكم :35: الحين زين نوفق ثنين بالحلال ويرضون على بعض البنات عنسوا والشباب عنسوا ويالله حسن الخاتمة يالله :42: |
رد: أقتراح ...... وش رأيكم ياشباب حنى من يطلب المهور ؟؟
هههههههه
والله ان المهر مو عائق عن الزواج واللي يبي يتزوج يدفع هذي ليله العمر مايستكثر عليها لو مائه الف لان اللي جالس اشوفه من بعض الشباب يشتري سياره بقيمه 140الف واكثر ولافكر فيها بس عند الزواج يقول ياشيخ اذبحونا هالبنات بالمهور العاليه مانقدر نتزوج . المشكله في اللي يبغى الزواج واهله رافضين :42: |
رد: أقتراح ...... وش رأيكم ياشباب حنى من يطلب المهور ؟؟
موضوع جميل ، ،
شكراً ، ، المهر المناسب هو 25 ألف ريال فقط لا غير ، ، المرأة تبتاع أشياء ، ، تافهه وتستغني عنها بعد مدة قصيره من الزمن ، ، |
رد: أقتراح ...... وش رأيكم ياشباب حنى من يطلب المهور ؟؟
اقتباس:
:5::5: هذا اول دحين البنات بدوا ينافسون الشباب طلعات ومقاهي وسفريات وفله وناسه .:41: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
لا تعمم قليلين |
رد: أقتراح ...... وش رأيكم ياشباب حنى من يطلب المهور ؟؟
المهور تختلف من قبيله الى قبيله فيه اللي تحصلها قليله جداً وفيه اللي شابه :38: عرس اخوي تكاليفه 70 الف واختي اعرست على ولد خالتي يوم حسب تكاليف العرس ماجات حول الـ 100 الف تقريباً والمهر من ضمن هالتكاليف طبعاً ولله الحمد مهورنا معتدله لا هي عاليه و لا منخفضه وسبق وذكرتها بأحد مواضيع النقاش لو زاد المهر ينقدون على ابو البنيه انه داخل على طمع < عقول متخلفه :41::23: مهورنا ما تزيد ابد عن الـ 50 بما فيها الذهب وعندنا شي يسمونه قهوة فراش :16.jpg: اما 5 او 10 الاف بس غالباً 5 الاف 3000 للام والباقي بجيب الاب :biggrin: وفي غالب الوقت الام تستولي على الخمسه كلها :hahahahahah: عندنا مايكسر ظهر المعرس الا الفشخره اهله يبون يتفشخرون على حسابه :30: هدايا وزفات مالها اي معنى بس كلن يتنافس انا عرسي احلى :39: وفيه حركات اجمل وهدايا اكثر :7: < وكلها من ظهر العريس :cheese: بما اني من معارضين للزواج فـ حطيت شروط تعجيزية للزواج زمان كان الكل بيشوفني قدعه وافضل وحده اما اللحين يشوفونها تخلف وشروط تعجيزيه والسبب اني ابي عرس بسيط مافيه لا هدايا ولا توزيعات ولا زفات طالعه نازله ولا حركات ولا طقاقات ابي مثل عروس زمان :biggrin: ويازينها لو لبست عباية بدل الفوصطان :34: < كيييييييييييفي :41: س1/ هل انتي من تحددين المهر ام الاهل ؟ الاهل :34: س2/ لو تقدم لك رجل ميسور الحال كم بتطلبين منه مهر ؟ لو انا بطلب اممم ما بتعدى الـ 20 الف ابد واعتقد ان 15 كافيه س3 / ماهي نظرتك للبنت اللي مهرها قليل ؟ ايسركن مهرا اكثركن بركة :35: مهورنا مابين الـ 5 أو 10 الى 40 او 50 يعني عادي مافيها شي لو كان مهر البنت قليل ماشاء الله اغلبهن عندها عيال وعايشه وسعيده رغم ان مهرها قليل مايهم المهر الكثير والقليل بل الاهم الحياه اللي بيعيشونها مستقبلاً واذا كانت خالية من الديون ولا لا :27: |
رد: أقتراح ...... وش رأيكم ياشباب حنى من يطلب المهور ؟؟
اسئلتي للبنات
س1/ هل انتي من تحددين المهر ام الاهل ؟ اكيد الاهل والبنت يناخذ رأيها بعد بس مع غلاء الاسعار اكيد 50الف ماتكفي لوازمها بعد يزيدون عليها الاهل اذا كان الذهب فيها س2/ لو تقدم لك رجل ميسور الحال كم بتطلبين منه مهر ؟ مش اكثر من 50 الف في النهايه كل شي زايل والزواج راح مفهوم الستر وصار فشخره كذابه مهما عملت للناس ما يعجبها شيء بالنهايه بيروح ويبقى حسن المعاشرة والمعاملة الحسنه س3 / ماهي نظرتك للبنت اللي مهرها قليل ؟ اكثر النساء بركه ايسرهن مهر بكلام المصطفى عليه الصلاة والسلام يعطيك العافيه على موضوعك |
رد: أقتراح ...... وش رأيكم ياشباب حنى من يطلب المهور ؟؟
اقتباس:
واللي يقولك 23 سنه بالشرقيه وما اعرف فيها الا بيتنا وبيت اقاربنا والسبب ما احب اطلع من البيت بدون سبب يذكر بعكس خواتي مسحوا الشرقيه مسح :38: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
وعليكم السلام ورحمه الله وبركاته..... موضوع جميل اخوي الله يعطيك العافيه :2: اسئلتي للبنات س1/ هل انتي من تحددين المهر ام الاهل ؟ الاهل بس المهر عندنا 40 او 50 الف فقط .... س2/ لو تقدم لك رجل ميسور الحال كم بتطلبين منه مهر ؟ .... س3 / ماهي نظرتك للبنت اللي مهرها قليل ؟ بدعي ربي يوفقها ويسعدها بحياتها ماهو مهم المهر اهم شي التوفيق من الله سبحانه :16::16: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
ههههههه نصرون ماقلت لك انتي حاله خاصه :41: |
رد: أقتراح ...... وش رأيكم ياشباب حنى من يطلب المهور ؟؟
آولاً شآكره لك على موضوعك يستحق النقاش و شكراً على التنبيه :29:
آلمهر دائماً تختلف من قبيله لـ قبيله ومن منطقه لـ منطقه واعرف وحده اذا تزوجو من الاقارب يكون المهر ريال ! وآحنا المعروف عندنا المهر يكون 50 آلف مع الذهب اذا كان من برا واذا اكان من الآقارب اقل بس مدري كم س1/ هل انتي من تحددين المهر ام الاهل ؟ آلأهل:34: س2/ لو تقدم لك رجل ميسور الحال كم بتطلبين منه مهر ؟ 35آلف س3 / ماهي نظرتك للبنت اللي مهرها قليل ؟ عآدي بلعكس تساعد زوجها عشان مايدخل بديون واجد ويجلس طول حياته يسدد الديون الي عليه الزواج مو بيع و شراء |
رد: أقتراح ...... وش رأيكم ياشباب حنى من يطلب المهور ؟؟
اقتباس:
موب حاله خاصه واعرف كثير مثلي سواء بهالموضوع او غيره بس اشوف غيري يستحي يتكلم وانا ماشوف فيها شي لو تكلمت لاني مقتنعه قناعه تامه ان اي شيء اسويه على صواب :34: |
رد: أقتراح ...... وش رأيكم ياشباب حنى من يطلب المهور ؟؟
س1/ هل انتي من تحددين المهر ام الاهل ؟ بالنسبة لنا المهر محدد من 70 وطالع ..(السالفه ع التعود) س2/ لو تقدم لك رجل ميسور الحال كم بتطلبين منه مهر ؟ لست قابله للزواج :34:(برغم الرجل ينشرى بأخلاقه ) س3 / ماهي نظرتك للبنت اللي مهرها قليل ؟ ماعندي نظره ..الاخلاق هي من تحكم الشخص بعثرات ماقبل النوم :42: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
أنا مثلك مااااأحب أطلع من البيت :34: وليش حاله خاصه خالد |
رد: أقتراح ...... وش رأيكم ياشباب حنى من يطلب المهور ؟؟
وعـــــليكم الــــــــــسلام ورحــــــــمة الله :: أما قصة المهور عندنا بالمملكةوالاكيد .. كل واحد منكم بيعرفهااااا:28: هـــــــــــناك الميــــــــسور حوالى 10 - 15 ألــف لــــــــــكن (مـــطلقة) طبعا" وهنـــــــاك المعتدل حـــــوالى 35 - 50 ألـــف طبعا" ع حسب المثيلات كلا" ومنــطقتهااا:15: (فـــتاة) وهــــــــناك الــعالي حـــــــــــوالي 60 - 90 ألــــف وأحيانا" يصــــــل لـــ100 ألف وطـــبعا" هذا عــــند القبائل أكـــثر لقـــدرتهم وبعض المناطق المتميزة:27: واللي يــــتــشرط من الشباب :17: ســـــــــواء (فتاة أو مطلقة) وكــــــــل شـــخص وحــــــــــسب مقـــــــدرته :29: :16::16::16: |
رد: أقتراح ...... وش رأيكم ياشباب حنى من يطلب المهور ؟؟
س1/ هل انتي من تحددين المهر ام الاهل ؟
أكييد الاهل ومن 70 وطالع س2/ لو تقدم لك رجل ميسور الحال كم بتطلبين منه مهر ؟ المهر معروف ميسور الحال او غير ميسور س3 / ماهي نظرتك للبنت اللي مهرها قليل ؟ أهم شيء التوفيق .. ومشكور على هذالطرح :16: |
رد: أقتراح ...... وش رأيكم ياشباب حنى من يطلب المهور ؟؟
س1/ هل انتي من تحددين المهر ام الاهل ؟ أنا أكـــــــــــــــــيد لا ... الوالد س2/ لو تقدم لك رجل ميسور الحال كم بتطلبين منه مهر ؟ .... .. الأمــــــــــر بيد الــوالد أكــــيد .. .... س3 / ماهي نظرتك للبنت اللي مهرها قليل ؟ ... حــــــــلو كتير بتعيــــــــشوا من غير ديـــــــــــون :27: :16:وربــــــنا يـــــــــوفق كــــــل من هــــــــو مقـــــــدم ع الزواج:16: |
رد: أقتراح ...... وش رأيكم ياشباب حنى من يطلب المهور ؟؟
الطرح كتير كتير حلووو يسلمووو اخوي محمد الله يزوجك يارب :16: عمر المهر ماحدد قيمة المرأه غآلي كان أم رخيص والمهر بالحد المعقول ازين ,, يعني لآهو طاير ولآهو نازل بصراحهه ماضحكني كثير الا رد حصن اجل خروج عن الطاعه هههههههههه تقبل مرووري اخوي محمد ,,, وكل الشككر بنوتتي الحلوه ع التنبيه :16: |
رد: أقتراح ...... وش رأيكم ياشباب حنى من يطلب المهور ؟؟
ع الأقل المهر محدد من ولدناوهو ماتغير ما يواكب أرتفاع الاسعار وأنخفاض الأسواق المالية :17:
جبل مايهزه ريح <<المهر :29: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
عمر المهر ماحدد قيمة المرأه غآلي كان أم رخيص والمهر بالحد المعقول ازين ,, يعني لآهو طاير ولآهو نازل بصراحهه ماضحكني كثير الا رد حصن اجل خروج عن الطاعه هههههههههه تقبل مرووري اخوي محمد ,,, وكل الشككر بنوتتي الحلوه ع التنبيه :16: [/ الف شكر على مرورك .....وقولوا أميين .....كل وحده بالمنتدى الله يرزقها زوج صالح يسعدها في دنياها |
رد: أقتراح ...... وش رأيكم ياشباب حنى من يطلب المهور ؟؟
اقتباس:
ومع ارتفاع الاسعار صار الزواج لشباب مثل الحج لمن استطاع اليه سبيلا :8: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
اقتباس:
بتكلم من الواقع الصصدقق - الي يحدد المهر اهلي ... يعني اصلن بالعايلهه واقاربي من جهةة النسب للاب مححدد المهر م يزيد عن 40 الف :16: واذا من غير هالقرابه م يزيد عن 45 الف يعني < ها شرايكم فينا :41: - اذا حالهه ميسور وربي عاديي اققلل المهر عني انا اصلن ابويي يسويي خصم من عندهه :40: ويتكفل هو بالتعويض ><" صح اوقات اعصب ليهه كذا بس يقول دامني مقدور ليه التعقيد :16: #الله يحفظه نظرتي عاديي والله وش بيفرق نظرتي مهرها م بيغيرها ابد :) #كل المهر يروح بخرابيط اصلن خخخخ #موضوع جمميل / الله يعطيك العافيييهه محمد |
رد: أقتراح ...... وش رأيكم ياشباب حنى من يطلب المهور ؟؟
س1/ هل انتي من تحددين المهر ام الاهل ؟ الاهل طبعا """" المهر المتعارف عليه """"" 60 الف س2/ لو تقدم لك رجل ميسور الحال كم بتطلبين منه مهر ؟ على حسب اذا كان ما يتعوض من ناحية الاخلاق ::::: فيه تنازلات كثيره راح تصير س3 / ماهي نظرتك للبنت اللي مهرها قليل ؟ نظره طبيعيه كل وحده وحسب نصيبها واللي الله كاتبه لها """""" اقلهم مهور اكثرهم بركه موضوع جميل يسلمـــــــــــو محمد على هذا الطرح الدقيق دمت بخير |
رد: أقتراح ...... وش رأيكم ياشباب حنى من يطلب المهور ؟؟
س1/ هل انتي من تحددين المهر ام الاهل ؟ المهر مثل ماهو متعارف عليه في العائله والغالبيه الاهل هم اللي يحددون س2/ لو تقدم لك رجل ميسور الحال كم بتطلبين منه مهر ؟ عادي اهم شي انو قلبي مرتاح له ويوافق ع كل شروطي س3 / ماهي نظرتك للبنت اللي مهرها قليل ؟ الله يوفقها وكل وحده بتقبل للي يتقدم لها ع حسب ظروفها مو ظروفه الله يوفق الجميع |
رد: أقتراح ...... وش رأيكم ياشباب حنى من يطلب المهور ؟؟
الف شكر على مرورك ياغرام وياصن روزي ....ربي يحفظكم
|
رد: أقتراح ...... وش رأيكم ياشباب حنى من يطلب المهور ؟؟
حنا في قبيلتنا محددين ألمهر 30الف بس :32:
وللام 5000بس ونظرتي للبنت اللي مهرها قليل احس عادي زاد مهرها او نقص مافرقت يعني اذا زاد بيطلع لها قرنين واذا نقص قرن واحد :5: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
اقتباس:
يعطيك العافية جست وهذا الصح ... :16: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
بعدين يا اخي اللي اشترى سيارة بـ 140 الف كاش وعندة خير يروح يتزوج ويدفع وماله عذر يقول المهور غالية , لكن الغلبان اخذها اقساط وشيسوي برأيك ؟. . هل المقارنة وحدة وغنه يقدر يتزوج أقساط وإلا أيش يسوي ؟. غلاء المهور واقع مرير وكلنا عارفين الشي ذا وفاهمينه اقرأ انت الردود راح تلاقي أغلبها من خمسين الف وانت طالع , يعني لا زال فيه غلاء حتى هذا اليوم .. من بعض الردود صراحة اكتشفت شي بس مدري أحسة مجرد كلام وماله اي علاقة بالواقع ألا وهو عزوف بعض البنات عن الزواج وكلامهم ان الشي ذا مو موجود في قاموسهم !!!!!!. الحين الرجال هو اللي يدفع وهو يتبهذل ويتمرمط وكل شي , اذا صار عندة عزوف نقول بعذرة , لكن أنتم وش عذركم ؟؟؟. والله مشكله .. :(107): .. هذي يبيلها موضوع والله لحالها خخخخ .. أحسة كلام لسان لا أكثر ولا أقل ... >> الحمد لله انكم ما تدفعون المهور والا كان عنسنا خخخ :42: |
رد: أقتراح ...... وش رأيكم ياشباب حنى من يطلب المهور ؟؟
أمممممممممم
في الهند المرأة هي من تدفع المهر للرجل <<< هذولا اللي صدق يشترون الرجال :21: مهوب لا طرت عليهم قال 50 الف بس حنا نشري رجال :25: لا ..... و اذا مات زوجها احرقوها معه <<< ايدها على قلبها طول عمرها ... تخاف عليه من هبة الهواء :42: بخصوص سؤالك كم مهر الرجال ؟ الجواب يعتمد على عوامل كثيرة : هل الرجال يعمل ام عاطل ؟ وإذا يعمل كم راتبه ؟ و اضربه في 10 و اضف عليه 50٪ إذا له مركز اجتماعي و 100 قيمة سيارة <<< هذي مثل الشبكة عند الحريم :5: على الاقل السيارة مفيدة و تنقل العائلة ، موب ذهب ما تفرقه عن اكسسوارات ابو ريالين و بالاخير مكوم بالادراج :41: و 10 آلاف للوالد الله يحفظه <<< الفتاشة يعني نقووووووول (20 الف الراتب * 10 اضعاف +15٪ بدل مركز اجتماعي ( مدير مدرسة :8: ) + 100 الف سيارة + 10 الاف فتاشة ) = 340 الف بس ، و ترنا نشتري الحرمة :17: بحط رجلي :13: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
بعد حساب التباين و المقارنة بين مشروع الزواج أو الاستمرار بالعزوبية الزواج فيه مخاطرة و الإستمرار بالعزوبية بدون مخاطرة يعني إنحرافة المعياري =صفر بس إرجع للأرباح الممكن تحقيقها بتلقى فرق من جد عايش الدور أمس و اليوم خلصت 7 محاضرات إدارة مالية 2 |
رد: أقتراح ...... وش رأيكم ياشباب حنى من يطلب المهور ؟؟
اقتباس:
لازم نسوق لأنفسنا ، نحن في مرحلة التقدم و إن وصلنا مرحلة النضج فالوعد الأسواق الدولية << سمعت لي كم محاضرة بالتسويق وهذي المحصلة :5: * |
رد: أقتراح ...... وش رأيكم ياشباب حنى من يطلب المهور ؟؟
اقتباس:
و آخرتها صدقني بنوصل لمرحلة التدهور |
رد: أقتراح ...... وش رأيكم ياشباب حنى من يطلب المهور ؟؟
اقتباس:
اقتباس:
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
شكراً محمد ع الدعوه ..
لكل منطقه عاداتها وتقاليدها .. تختلف طريقة التوزيع فقط احنا في الحجاز ماعندنا مهور عاليه اقصى شي 35 ولو شطحت 40 .. الام ممكن العريس يعطيها 5 الاف بس او يجيب لها هديه بنفس القيمه .. بس الاباء عندنا يزيدوا بناتهم قد المهر وأكثر لان ماتكفي ... لكن عندنا عادات اخرى مرهقه للشباب .. يوم الملكه يدفع المهر في عربه خاصه مع طقم ممكن الماس ودبل الماس ومجموعه هدايا تكمل قيمة المهر الى 50 الف لكن تحديد مهر لا أحد يحدد كل عريس ومقدرته .. ولو دفع اقل من المتعارف عليه .. صراحه البنت ينكسر خاطرها .. بس فيه خلط في المفاهيم عند كل الشعوب في المهر ... الاسلام اقر المهر للمرأه لاغراض غير المتعارف عليها حالياً .. ولا يلزم المرأه ان تجهز نفسها بهذا المهر .. يعني لو حطته في البنك وجات لجوزها يد ورا ويد قدام .. عادي .. يلزمه الصرف والنفقه عليها ويشتري لها ماتريد .. لكني بما اني الان ام لاولاد وماعندي بنات .. ارحب ان تدفع البنات مهور لاولادي هههه لانهم يستحقون :8: |
رد: أقتراح ...... وش رأيكم ياشباب حنى من يطلب المهور ؟؟
،،
|
رد: أقتراح ...... وش رأيكم ياشباب حنى من يطلب المهور ؟؟
أولا المهر يدفع للمرأة اذا يبي يُدفع له مهر (يجهز نفسه للحمل والرضاع ووو. ) وبالنسبة للمهور المهر ليس قضية أساسية القضية الأساسية ملحقات العرس والفشخرة والمفاخرة والأشياء الثانية وبعدين انا أشوف ان أهل العروسة اذا وافقوا على الزوج والله أنهم يساعدونه وما يعقدوا الأمور عليه لأنهم يعرفوا حالته اذا كان ما شاء الله تبارك الله بيدفع وإذا كان ميسور الحال اللي يقدر عليه وطبعا مش راح يقصر في حقهم أبدا الحين ليش ما ينزلوا في أسعار القصور والقاعات ولا حتى الخرفان أسعارها ارتفعت |
رد: أقتراح ...... وش رأيكم ياشباب حنى من يطلب المهور ؟؟
قريب لي إذا تقدم لأحد بناته شاب آخذ 10 ألاف ريال و رد باقي المهر عليه ، و العرس بالبيت و صل الله وسلم
بإذن الله بنياتي الصغيرات لن آخذ من أزواجهن أكثر من 5,000 ريال و العرس بالبيت ، و العبرة بالتوفيق :16: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
عندي لك خطة يا جست :19: ما تخرش الميه كل أربعاء و خميس تنطط بقصور الأفراح و تمكيج و ترزز مع توزيع ابتسامات ساحرة حول الشيبان إن رزقنا االله ببنت حلال ..... و إلا ناخذ غسال الفناجيل نبيعه بالوسيلة و المبوبة :5: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
:21::21::21: احنا عندنا معظم قصور الافراح حفل شامل محد يجيب خرفان ولا شي .. تتراوح الاسعار من 60 الى 80 واحيان اكثر .. غير اجر الفرقه اللي راح تحيي الفرح .. وهذه عائق كبير يواجه الشباب .. عشان الناس تنبسط يدفع العريس مبلغ وقدره .. كأنهم داسوا على الاموال بأقدامهم .. ثم يخرجون وكل مين ينتقد القاعه ومستوى الاكل .. الحمد لله بدأت الناس توعى لهالقضيه والحفل صار يقام في الفنادق .. واعزم 100 شخص .. وصلى الله وبارك .. مو لازم تنزعم امة لا اله الا الله .. يكلف حوالي 30 الف اقل من نصف المبلغ والخدمة فايف ستارز .. |
رد: أقتراح ...... وش رأيكم ياشباب حنى من يطلب المهور ؟؟
اقتباس:
آنا عن نفسي مابحط مفطح , ماحب اللحم , بخليها وجبات من ماك :5: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
اقتباس:
بس اهلي مو مخليني على كيفي :5: |
رد: أقتراح ...... وش رأيكم ياشباب حنى من يطلب المهور ؟؟
تحياتي لكم وتحييية خاصة لصاحب الموووضوع
هالمواضيع مااحب اتفلسف فيهاا اهم شيء ربي يرزق الولد زوجة صالحة والبنت زوج صالح ويوفقهم ويسعدهم ويرزقهم الذرية الصالحه وببببببببببس تحياتي للجميع :2::2::2::2::34: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
اقتباس:
|
رد: أقتراح ...... وش رأيكم ياشباب حنى من يطلب المهور ؟؟
اقتباس:
بالنسبة للشباب اللي يقول المهور غاليه وما اقدر على الزواج من وين اجيب لي مهر 50 الف طيب تعال يا استاذي انت ممكن تدفع في سيارة 300 الف وتكون مبسوط وشاق الكشره والابتسامة من الاذن الى الاذن ..... .> :42: وتجي عند بنت الناس وشريكة حياته وام ابناءك ومربية ورعانك وتقول ليه مهر 60 الف :39: بتقول لي السيارة في اقساط وتأجير تمليك ,, بقول لك فيه بنوك تعطيك قروض على 5 سنين خذ لك قرض وتزوج . المعروف ان الزواج تجيك فيه عانيات من الاهل والاقارب والاصدقاء يعني الحمل راح يكون اخف عليك شوي بالنسبة لتجهيز الشقة او البيت اذا منت مقتدر مو لازم تجهزها في شهر يا اخي جهز اثاثك على مدى سنتين وش المانع ؟؟ الاخوات لا تنبسطون جايكم الدور :40: نرجع لشباب عزيزي لا تجيني فجأه وتقول نزلت عليك السكنية وتبي تكمل نص دينك خلال شهرين موضوع الزواج لابد ان يكون له ترتيب استباقي على مدة طويلة وعلى قد رجولك مد لحافك واحسب خطواتك لا تتحجج بغلاء المهور وانت فالها كل 4 شهور سفره تكلفك 30 الف او اكثر اوك :32: الاخوات مهرك ومن حقك وهذا شرع الله لكن لا تبالغين فيه , والأهم لا تطيرينه في اسبوعين وسردي مردي على السوق ومن مول الى مول وانواع الملابس اللي تحتاجينها واللي ما تحتاجينها بس عشان تورين الناس وش شريتي خلي عقلك في راسك واشتري اللي يلزمك اجتك وفوقها شي بسيط تراك منتي رايحه رحلة الى عالم مجهول الاسواق موجوده وما راح تقفل بعد زواجك , واذا تزوجتي ما راح يمنعونك انك تتسوقين يعني خذي موضوع الشوبيق على سعه وحطي في بالك نص الملابس اللي بتشترينها بعد 6 شهور ما راح تكون مقاسك لانك راح تنتفخين بعد الزواج وهذا هو الوضع الطبيعي :42: ,, بجي على موضوع التكلف في حفلة الزفاف من صالة و500 مدعوه وممنوع اصطحاب الاظفال :28: والنهاية الحفل كله راح يكلف ما يقارب 100 الف ...؟؟؟؟؟؟؟؟؟؟؟؟ ليه هالخساير مع ملاحظة ان كل المعازيم ثاني يوم الصبح جوعانين ,,وبيجتمعون كل في بيته على بيض عيون ويقطعون في الزواج والبوفيه والكوشه والعروس انها كانت شينه وشلون ربي رزقها وتزوجت :8: ,,, الكوشه 10 الى 12 الف على ايش فلين واوراق شجر صناعي وورد عشان تندفسين فيها ويصورونك لمدة ساعة بالكثير ؟؟؟ المسكه ب 2000 ليه جعل يمسكك جني مع علباك :25: والحلا والموالح والصبابات والطقاقات ابي اعرف ليه طقاقات ب 12 الف بيعزفون لي السلام الملكي يعني اعلى وحده فيهم عندنا سادس ج ,, هذا غير النقوط اللي بيزرطونه واثم كل من حضر العرس عليكم وكل ما سبق على ظهر الفقر المسكين :12: ,,,,,, الزواج العائلي انجح طريقة من رايي الشخصي سووو زواج مصغر بالبيت يحضره الاقارب فقط وثاني يوم طيروا لشهر عسل راح تبقى ذكرياته جميلة الى آخر العمر وتكلفته ما راح توصل الى ربع تكلف حفل الزفاف المذكورة اعلاه ركزوا شوي واحسبوها صح وراح تشوفون ان فيه تكاليف ما لها داعي وضايعه بالهوا خلال 6 ساعات وراح تبقى آثارها السلبية المادية لسنوات على الزوج الغير مقتدر .... اعرف واحد تزوج وجلس يسدد في ديون زواجه 7 سنوات الين دخل ولده اول ابتدائي والسبب التكاليف لا داعي لها من هدايا لام العروس واخوانها وخالاتها وابوها وعمانها والظاهر حتى الشغاله :40: صدقوني اي شيئ يتحمل الزوج اكثر من طاقته راح تبقى عواقبه على حياة الزوجين لمدة طويلة صراحة فيه عادات وتقاليد لا بد من إعادة النظر فيها . بالنسبة للشخص المقتدر ولد النعمة اللي يزيده ولكن يراعي الله سبحانه ولا يسرف فيمحق الله بركة زواجه . اعتقد اني اطلت لاني من زمان وانا اكتب :34: اعذروني على الإطالة ولكن الموضوع يستحق اكثر من ذلك واعذزوني على الاخطاء المطبعية ولي عودة شكرا لك على الموضوع واتمنى ان يساهم هذا الموضوع فعليا في تغيير اعتقادات الزواج والحد من التكاليف غير المبرره , دمتم بحفظ الله :16: |
رد: أقتراح ...... وش رأيكم ياشباب حنى من يطلب المهور ؟؟
اقتباس:
:27::27::27::27: |
| All times are GMT +3. الوقت الآن حسب توقيت السعودية: 06:15 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام