ملتقى طلاب وطالبات جامعة الملك فيصل,جامعة الدمام - الضمان الاجتماعي وشهادة التعريف من الجامعة

صفحة 1 من 2

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - الضمان الاجتماعي وشهادة التعريف من الجامعة (https://vb.ckfu.org/t223261.html)

أبـو سـلـطـان

2011- 9- 21 07:35 PM

الضمان الاجتماعي وشهادة التعريف من الجامعة

السلام عليكم ورحمة الله وبركاته

رساله مهمه الى جميع الطلاب
والطالبات

احب أخبركم انه تم تفعيل ايقوتة
شهادة التعريف
التي تثبت انتسابك وانتمائك الى جامعة الملك فيصل
التي كثيرا مايطلبها مكتب الضمان الاجتماعي وغيرهـ من اي جهه تطلبها على منهم ينتمون الى هذهـ الجامعه
من خلال هذا الرابط الموضح فيما أدنـاهـ

وبمجرد دخولكم ستجدونها جاهزهـ أمام أعينكم موضحه باسمكم ورقمكم الجامعي ليس عليكم سوى طباعتها

ملاحظه يرجى طباعتها من خلال طابعه ملونه كما هو موضحه
من خلال الرساله الموجودهـ في هذا الرابط
وفق الله الجميع لما فيه من الخير والصلاح

http://del2.kfu.edu.sa/entisab_app/systems.asp

انفاس مشرقة

2011- 9- 21 09:54 PM

رد: الضمان الاجتماعي وشهادة التعريف من الجامعة

اخوي بسالك متى تنقفل وانا اللحين ماعندي طباعة وش اسوي

~hf	2011- 9- 21 11:08 PM

رد: الضمان الاجتماعي وشهادة التعريف من الجامعة

حنا دفعنا حق الترم الاول بناء على كلام النجار الي غيره تالي :(177):

ياليت يوضحون لنا كيف نسترد الي دفعنا الي المفروض الضمان يدفعه عنا :(269):

يعطيك العافيه

أبـو سـلـطـان

2011- 9- 21 11:25 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة انفاس مشرقة (المشاركة 4464097)

اخوي بسالك متى تنقفل وانا اللحين ماعندي طباعة وش اسوي

بــــاك
مالها وقت معين
اذا تعرفي وحده من صديقاتك عندها طابعه ملونه

او اي مكتبه تطبعها لك
وبعدها سجلي بياناتك وقدميها لمكتب الضمان الاجتماعي

بالتوفيق ان شاء الله للجميــــع

قديمة جديده

2011- 9- 21 11:31 PM

رد: الضمان الاجتماعي وشهادة التعريف من الجامعة

طيب يأبو سلطان الله يطول بعمرك ماكملت لنا وش نسو بعد مانضغط على الرابط كمل الله يبارك بعمرك لا تنسى عندك نااااااااااااااااااس ماشيه على البركه<<<<<<<<<<<:biggrin:
اي غرفه ادخل :biggrin: الي فيها وضع الطالب المادي او وش بالضبط ؟؟!!:g2:

أبـو سـلـطـان

2011- 9- 21 11:37 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة ~hf (المشاركة 4464515)

بالنسبه للموضوع هذا بسيط ان شاء الله حتى اللي سدد الحين وانا طبعا من ضمنهم سيتم استرداد الرسوم لهم بالكامل بعد التاكد من البيانات التي تمت تعبئتها من خلال ورقة الضمان الاجتماعي ولكن سيكون ان شاء الله في اسرع وقت من بعد تقديم تلك الورقة
اما طريقة استرجاع الرسوم المدفوعه مسبقا من قبل الطالب سيتم استرجاعها عن طريق رقم المستفيد لدى جهة الضمان الاجتماعي التي تتضمن جميع المعلومات التي تخص المستفيد او اي جهة مشموله بهذا النظام
وذلك عن طريق رقم حساب المستفيد بالضمان الاجتماعي
ويااخوان ويااخوات ماعليكم من مسمى المستفيد مو معناته انو لازم تكون انت مسجل بالضمان
لا اهم شي يكون الوالد او الوالده حتى البيانات سجلها باسم المستفيد
لانو النظام ينطبق على اسر المشمولين بالضمان

الله يوفق الجميــع

أبـو سـلـطـان

2011- 9- 21 11:41 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة قديمة جديده (المشاركة 4464660)

بسيطه ياختي ادخلي على الرابط
سجلي رقمك الجامعي الرقم السري

رح يطلع لك عدة ايقونات

انزلي تحت يمين بالوسط تلاقي
ايقونة مكتوب عليها شهادة التعريف
ادخلي عليها تلاقي شهادة التعريف
وفيها اسمك جاهز ماعليك الا انك تعملي طباعه وتكون ملونه

الله يوفقك يااختي

الطالبة الجديدة

2011- 9- 21 11:58 PM

رد: الضمان الاجتماعي وشهادة التعريف من الجامعة

الله يعافيك يارب

انا طبعتها الحين ايش اسوي فيهاا

ثاني شي الله يعافيك يابو سلطان لو سمجت شوف عندك بملفك عند وضع الطالب المالي

ايش كاتبين لك

بس ابتاكد من شغلة

تكفى رد لي

قديمة جديده

2011- 9- 22 12:01 AM

رد: الضمان الاجتماعي وشهادة التعريف من الجامعة

الله يبارك في عمرك سؤال اخير اذا تكرمت الحين الضمان يأخذونها او فقط يختمون عليها ويرجعونها لي ؟؟!!!!!!!!!!! طيب بعدها اشلون الرسلها للجامعه؟؟؟!!!!!

أبـو سـلـطـان

2011- 9- 22 12:07 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة الطالبة الجديدة (المشاركة 4464867)

بالتوفيق يارب ان شاء الله

لاتوجداي بيانات للرقم الجامعي المدخل

عادي يااختي
انا امس دخلت طلع لي تم سداد كامل الرسوم بنجاح

واليوم تفاجات بهذا الرد

أبـو سـلـطـان

2011- 9- 22 12:11 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة قديمة جديده (المشاركة 4464883)

اول شي تاخذي شهادة التعريف اللي تثبت انتمائك للجامعه وتقدميها للضمان
لان الضمان اكيد بيطلبها منك

ثانيا تطبعي ورقة الضمان وتقدميها للضمان وتعبي بياناتك وباقي البيانات سيتم
استكمال تعبئتها من الموظف المختص بالضمان

لا الورقة بياخذها الضمان وسيتم سداد الرسوم عنك بمشيئة الله

أبـو سـلـطـان

2011- 9- 22 12:14 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة الطالبة الجديدة (المشاركة 4464867)

قدميها للضمان

قصه قهر

2011- 9- 22 12:14 AM

رد: الضمان الاجتماعي وشهادة التعريف من الجامعة

ابو سلطان الله يسعدك ويحقق لك امانيك يارب اانا من المستحقين وعبيت بياناتي في اعفاء الرسوم بس ومرحت لضمان ورفعت برقيه لخادم الحرمين ولا صار عليها شي وث اثوي

الطالبة الجديدة

2011- 9- 22 12:17 AM

رد: الضمان الاجتماعي وشهادة التعريف من الجامعة

طيب انا فتحت ملفي لقيت تم السداد

وبعدها لاتوجد بيانات ايش يعني

وايش فايدة الورقة

قصه قهر

2011- 9- 22 12:18 AM

رد: الضمان الاجتماعي وشهادة التعريف من الجامعة

:017:ابو سلطان رد علي دخيلك

قصه قهر

2011- 9- 22 12:21 AM

رد: الضمان الاجتماعي وشهادة التعريف من الجامعة

1 مرفق

:Cry111:

قصه قهر

2011- 9- 22 12:21 AM

رد: الضمان الاجتماعي وشهادة التعريف من الجامعة

http://cdn.content.sweetim.com/sim/c...s/00020309.gif

http://content.sweetim.com/tbsig/sig.asp?img=ad1

شعاع النور

2011- 9- 22 12:34 AM

رد: الضمان الاجتماعي وشهادة التعريف من الجامعة

وين الايقونه مالقيتها !!!!

ميووم

2011- 9- 22 04:16 AM

رد: الضمان الاجتماعي وشهادة التعريف من الجامعة

شهادة التعريف مكتوبه كلها بالاسود ليش نطبعها بطابعه ملونه :(107):

Red.Ro0ose

2011- 9- 22 04:23 AM

رد: الضمان الاجتماعي وشهادة التعريف من الجامعة

ضروري طباعتها بطابعه ملونه حتى يبان (الختم + توقيع العميد) :(204):

ميووم

2011- 9- 22 05:09 AM

رد: الضمان الاجتماعي وشهادة التعريف من الجامعة

اللي طلعت لي مافيها ختم ولا توقيع :icon9:

AMINH

2011- 9- 22 05:47 AM

رد: الضمان الاجتماعي وشهادة التعريف من الجامعة

طيب آبي آفهم آنا خلاص انقبلت من الجامعه وارسلو رقم سري وكل شي بس محد قالنا عن هذي
وخلاص اسقطت الرسوم عني هذي عشان شنو ؟؟ :biggrin:

أبـو سـلـطـان

2011- 9- 22 07:30 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة قصه قهر (المشاركة 4464953)

الله يوفقك يا أختي واحب اطمنك دامك من المشمولات فانتي من المقبولات باذن الله في نظام التسديد الذي يجمع مابين الجامعه والضمان الاجتماعي

أول خطوه يجب عليك اتخاذها بعد اتمام وتعبئة كافة الاوراق
يجب عليكي التوجه الى مقر الضمان الاجتماعي في نفس مدينتك التي تسكنين بها وتسليم كافة أوراقك لدى القسم النسائي هناك في مقر الضمان
لازم تروحين للقسم النسائي بالضمان
الله يوفقك يا أختي
ويجعل النجاح والتوفيق من نصيبك

أبـو سـلـطـان

2011- 9- 22 07:36 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة شعاع النور (المشاركة 4465076)

وين الايقونه مالقيتها !!!!

ادخلي يا أختي على الخدمات الطلابيه

ادخلي الرقم الجامعي
الرقم السري

سيظهر لكي جدول موضح فيه اكثر من ايقونه

انزلي تحت بوسط الصفحه على اليمين تلاقي ايقونة مكتوب عليها شهادة التعريف
اضغطي عليها تلاقيها جاهزه وفيها اسمك
اطبعيها طباعه ملونه
وترفقي معها ورقة الضمان وقدميها للضمان القسم النسائي الله يوفقك

أبـو سـلـطـان

2011- 9- 22 07:39 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة ميووم (المشاركة 4466135)

شهادة التعريف مكتوبه كلها بالاسود ليش نطبعها بطابعه ملونه :(107):

مكتوب من نفس صفحة الشهاده انو لازم تطبعها ملونه

بنسوي اللي يبونه بس اهم شي نستلمها :53:

أبـو سـلـطـان

2011- 9- 22 07:40 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة قصه قهر (المشاركة 4464975)

:017:ابو سلطان رد علي دخيلك

اسف على تاخري يا أختي بالرد بس توي دخلت

قلائد الدرر

2011- 9- 22 11:12 AM

رد: الضمان الاجتماعي وشهادة التعريف من الجامعة

الله يعطيك العافيه وماقصرت

تكفى بسالك الحين انا رحت لضمان وعبيت ورقه من عندهم والورقه عندي الحين

وش اسوي فيهااا؟؟؟

والخطوه اللي بعده اطبع شهادة التعريف ؟؟

واكون على كذا خلصت يعني مطلوب مني بس ورقتن شهادة التعريف والورقه اللي عبيته بالضمان؟؟

قصه قهر

2011- 9- 22 03:19 PM

رد: الضمان الاجتماعي وشهادة التعريف من الجامعة

{... أسأل الله أن يعينك على ذكره وشكره وحسن عبادته وأن يرزقك توبة قبل الموت وعفوا ومغفرة بعد الموت اللهم إغفر للمسلمين والمسلمات والمؤمنين والمؤمنات الأحياء منهم والأموات وصلى الله وسلم على سينا محمد وعلى آله وصحبه وسلم اللهم إجزه عنا خيراًً وعن جميع المسلمين والمسلمات إلى يوم القيامة وأستغفر الله العظيم لي ولكم فاستغفروه ثم توبوا إليه وأشكر الله لي ولكم وجزاكم الله خيراً..}
الله يعطيك العافيه ابوســــــــلطان :love080::love080:

أبـو سـلـطـان

2011- 9- 23 11:20 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة قلائد الدرر (المشاركة 4467381)

الله يعافيك يا أختي
اسف على تأخري بالرد لان توي دخلت

انتي لحد الحين امورك اوكي وممتازه
ماعليك سوى انك تطبعي ورقة شهادة التعريف التابعه للجامعه لانو اجباري الضمان رح يطلبها وتتاكدي من تعبئت بياناتك بكل دقه
ثانيا تعبي ورقة الضمان الاجتماعي اللي هي شهادة الانتماء مع مراعاة الحرص والدقه بتعبئت كافة البيانات الصحيحه
وبكذا تقدميها للفرع النسائي على طول ورح يتواصل معك ان شاء الله

صحيح يا أختي ماهو مطلوب منك سوى هالورقتين لكن احتفظي بالورقه الاولى اللي من الضمان مع العلم اني لا اعلم ماهو محتواها

أبـو سـلـطـان

2011- 9- 23 11:25 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة قصه قهر (المشاركة 4468867)

الله يعطيك العافيه أختي قصة قهر الله يبعد عنك القهر والاحزان اسال الله العلي العظيم رب العرش الكريم ان يرزقك سعاده لاخلاص لها
وان يعينك على أمور دينك ودنياك واسال الله العظيم ان يجعل التوفيق والنجاح ملازما لكي طيلة حياتك ومرافقا لكي في مسيرة حياتك العلمية والعملية
الله يوفقك بحياتك الله يسعدك

قلائد الدرر

2011- 9- 23 02:01 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة أبـو سـلـطـان (المشاركة 4473365)

تسلم يدينك ماقصصرت الله يعطيك العافيه ,,

الله يخليك وشي شهادة الانتماء اللي اعبيها تقصد اللي بالخدمات الطلابيه ؟؟

كانها هي عبيتها من زمان وخلصت بس الحين مو موجوده ايقونه الضمان الاجتماعي بالخدمات !

Mask	2011- 9- 23 02:39 PM

رد: الضمان الاجتماعي وشهادة التعريف من الجامعة

صحيح نفس السؤال ايش شهادة الانتماء اللي نعبيها تخص الضمان من وين نجيبها
وهل القدامى اللي عبوا الايقونه تبع الضمان في الخدمات الطلابيه بعد لازم يمشون على هالخطوات انهم يعبون شهادة الانتماء وتعريف الطالب ويروحون لضمان ؟؟؟؟؟

هنوووونه

2011- 9- 23 03:11 PM

رد: الضمان الاجتماعي وشهادة التعريف من الجامعة

آخوي آبو سلطآن يعطيك آلعآفيه

حبيت آستفسر آلله يسعدك وآعذرني لو طولت عليك شوي

آنآ توني آدري بآلاعفآء عن آلرسوم للمستفيدين من آلضمآن لآآن آلوآلد مسجل بآلضمآن آللي آبي آستفسر عنه آنه ...

1- آنآ آللحين بطبع آلتعريف وعقبه آروح لضمآن وبعدين من وين آجيب آلاورآق آلبآقيه شهآدة آلانتمآء من مقر آلضمآن آو من موقع آلجآمعه آطبعهآ نفس طريقة شهآدة آلتعريف

2- مقر آلضمآن آللي آتبعه مآفيه قسم نسآئي عآدي آقدم بقسم آلرجآل

3-حبيت آعطيك معلومه آنآ قد آرسلت كل آورآقي وحولت آلرسوم وآنقبلت وكل شئ مآشي تمآم آلحمد لله آلآورآق آنآ برسلهآ وآلضمآن بيتكفل فيهآ
يآليت تفيدني بهآ آلنقطه لاهنت وآلله يجزآك خير ويجعلهآ بميزآن حسنآتك

نور البدايات

2011- 9- 23 07:19 PM

رد: الضمان الاجتماعي وشهادة التعريف من الجامعة

الشرهه على إدارة الجامعة اللي مافيها أحد يطلع ويوضح للطلاب والطالبات

والله مثل هذا الأمر المهم ليش يكون غامض وغير مفهوم لهالوقت !!!!!!!

والله مشكلة صحيح تواجه شريحة كبيرة من الطلبة

وين المسؤولين ؟؟؟

وين المشرفين في المنتدى على الأقل يحصلوا على معلومة مفهومة بخصوص ذلك وينزلوها هنا مع الشرح

سامحوني ولكن لأني أقرأ وأشوف أخواني وأخواتي واستفساراتهم ؛ أتمنى أن الجامعة توضح كل هالأمور ولا

يكون أجتهادات من الطلاب .

وفالكم النجاح :119:

أبـو سـلـطـان

2011- 9- 24 12:43 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة قلائد الدرر (المشاركة 4473932)

الله يسلمك يا أختي ويعطيك العافيه

اولا ورقة شهادة التعريف هاذي الورقة تخص
الجامعه لكي تقدميها الى الضمان الاجتماعي لكي تثبت انكي احدى طالبات الجامعه وهذه الورقة موجوده في الخدمات الطلابيه اللي انتي طبعتيها من الخدمات الطلابية هاذي ماهي شهادة الضمان
هاذي تخص الجامعه

ثانيا شهادة الانتماء لنظام الضمان الاجتماعي
اللي هي ورقة الضمان الاجتماعي

تلاقيها على هذا الرابط

http://www.ckfu.org/vb/t213665.html

اعملي تنزيل للورقة واطبعيها

أبـو سـلـطـان

2011- 9- 24 12:49 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة Mask (المشاركة 4474159)

اولا ورقة شهادة التعريف
هاذي الورقة تخص الجامعه لكي تقدميها الى الضمان الاجتماعي لكي تثبت انكي احدى طالبات الجامعه وهذه الورقة موجوده في الخدمات الطلابيه

ثانيا شهادة الانتماء لنظام الضمان الاجتماعي
اللي هي ورقة الضمان الاجتماعي

تلاقيها على هذا الرابط

ورقة الضمان الاجتماعي موجودة بالداخل

اعملي تنزيل للورقة واطبعيها

أبـو سـلـطـان

2011- 9- 24 12:59 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة هنوووونه (المشاركة 4474328)

آخوي آبو سلطآن يعطيك آلعآفيه

حبيت آستفسر آلله يسعدك وآعذرني لو طولت عليك شوي

آنآ توني آدري بآلاعفآء عن آلرسوم للمستفيدين من آلضمآن لآآن آلوآلد مسجل بآلضمآن آللي آبي آستفسر عنه آنه ...

2- مقر آلضمآن آللي آتبعه مآفيه قسم نسآئي عآدي آقدم بقسم آلرجآل

3-حبيت آعطيك معلومه آنآ قد آرسلت كل آورآقي وحولت آلرسوم وآنقبلت وكل شئ مآشي تمآم آلحمد لله آلآورآق آنآ برسلهآ وآلضمآن بيتكفل فيهآ

يآليت تفيدني بهآ آلنقطه لاهنت وآلله يجزآك خير ويجعلهآ بميزآن حسنآتك

هلا فيك يا أختي

اول شي تطبعي شهادة التعريف من الخدمات الطلابيه

ثانيا شهادة الانتماء اللي تبع الضمان الاجتماعي

تلاقيها على هذا الرابط اعملي تنزيل وبعدها اطبعيها

http://www.ckfu.org/vb/t213665.html

عادي يا أختي يجب عليكي الذهاب لمقر الضمان وبرفقة الوالد الله يحفظه
والتوجه الى الموظف المختص لاستكمال تعبئة الورقة بشكل كامل وختمها من الموظف

ثالثا حتى لو انتي دفعتي الرسوم يا أختي رح ترجعها لك الجامعه بعد مايقبل الضمان اوراقك

ورح تستردين رسومك بشكل كامل وبعدها الله يوفقك تدرسي على حساب الضمان انا بعد سددت قبل اسبوعين وبقدم اوراقي للضمان

هنوووونه

2011- 9- 24 01:26 AM

رد: الضمان الاجتماعي وشهادة التعريف من الجامعة

آخوي آبو سلطآن
آسآل آلله آلكريم بمنه وكرمه آن يؤفقك لمآ فيه خير لدينك ودينآك ويجزآك خير آلجزآء آتعبنآك معنآ آلله يعطيك آلعآفيه

قلائد الدرر

2011- 9- 24 08:48 AM

رد: الضمان الاجتماعي وشهادة التعريف من الجامعة

تعبناك معنا الله يعطيك العافييه:106::106:

احساس نعومه

2011- 9- 24 12:54 PM

رد: الضمان الاجتماعي وشهادة التعريف من الجامعة

اخوي ابو سلطآن الله يعافيك سؤال

في صديقه لي والدتها الي مستفيده من الضمان ؟ يشملها ولا لازم يكون الوالد

والله يعطيك العافيه

أبـو سـلـطـان

2011- 9- 24 02:20 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة هنوووونه (المشاركة 4477224)

آخوي آبو سلطآن

آسآل آلله آلكريم بمنه وكرمه آن يؤفقك لمآ فيه خير لدينك ودينآك ويجزآك خير آلجزآء آتعبنآك معنآ آلله يعطيك آلعآفيه

لا بالعكس لايوجد هناك تعب طالما انو الواحد قاعد يقدم شي يفيد الجميع

لانو بصراحه انا كنت في بداية الموضوع ماني عارف اي شي لكن بفضل من الله سبحانه

اتضحت لي بعض الامور اللي كنت أجهلها لحد ماصرت الان على معرفه تامه بكافة الامور اللي تخص الجامعه

الله يوفقك ويسعدك يا أختي اسأل الله العلي العظيم ان يخرجكي من دائرة الهموم والاحزان وان يبشرك بسعادهـ دائمه وان يسهل عليكي أمور دينك ودنياك

أبـو سـلـطـان

2011- 9- 24 02:24 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة قلائد الدرر (المشاركة 4478528)

تعبناك معنا الله يعطيك العافييه:106::106:

الله يجزاك الجنه

الله يسعدك دنيا واخره

بالعكس يا أختي مافي تعب ولا شي كلنا تحت سقف واحد ألا وهو هذه الجامعه
اللي أسأل الله لي ولكم التوفيق والنجاح
الله يرزقك مايتمناه قلبك من الخير كله

أبـو سـلـطـان

2011- 9- 24 02:45 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة احساس نعومه (المشاركة 4479229)

الله يعافيك يا أختي صديقتك يشملها الضمان لان جميع الاسر المستفيده من نظام الضمان الاجتماعي رجل او امراءه يشمل اولادهم الضمان سداد الرسوم

وهذا كلام الدكتور النجار في تصريح سابق له

أكد مدير عمادة التعليم عن بعد بجامعة الملك فيصل الدكتور عبدالله بن عمر النجار
أن العمادة بالجامعة حريصة على تطبيق قرار تسديد رسوم الطلبة الدارسين في جامعة الملك فيصل المشمولين بنظام الضمان الاجتماعي لمن هم من ابناء الاسر المستفيده من نظام الضمان الاجتماعي.
ومن الوسائل المساعده للطلاب والطالبات التي وضعتها العمادة هي تسديد الرسوم من قبلهم في البداية ومن ثم قبولهم ومنحهم خطابات للضمان الأجتماعي وفي حالة اثبات الطالب انتمائهم للضمان الأجتماعي يحق له بإسترجاع مادفعه كاملاً .

وبالنسبة للخطابات اللي هي شهادة انتماء للضمان الاجتماعي هي اللي بالرابط تنزليها وتطبعيها هي نفسها اللي يتكلم عنها الدكتور النجار
وبالنسبة لشهادة التعريف هي اللي تطبعيها من الخدمات الطلابيه
الله يوفقك

الطالبة الجديدة

2011- 9- 24 04:18 PM

رد: الضمان الاجتماعي وشهادة التعريف من الجامعة

ارجو انكم تفهموني

الحين هاذا الورق طبعته كله

سؤالي هل انتم ياللي دافعين بس انكم مستفيدين من الضمان طبعتوه عشان استرجاع الفلوس

ولا طالبينه الجامعة من المستفيدين اللي مادفعو سواء مستجدين او قدامى

ارجو انكم تفهموني

علك ابو طمقه

2011- 9- 24 05:27 PM

رد: الضمان الاجتماعي وشهادة التعريف من الجامعة

والى مايستلم من الضمان الاجتماعى اصلن شيسووى

ياكل هواء مثلا :biggrin:

وردة الأحساء

2011- 9- 24 05:41 PM

رد: الضمان الاجتماعي وشهادة التعريف من الجامعة

مكتوب عندي بالخدمات الطلابيه المبلغ المتبقي
2815
يعني شلون الضمان ماسددو ولا ايش السالفه

لا باس

2011- 9- 24 05:56 PM

رد: الضمان الاجتماعي وشهادة التعريف من الجامعة

انا حابه اسدد عن طريق الضمان بس شهادة التعريف مكتوب عليها صالحة لمدة شهر واليوم اخر يووم

يعني شلوووون

احد يفيدددني

أبـو سـلـطـان

2011- 9- 25 12:06 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة الطالبة الجديدة (المشاركة 4480517)

انا رح افهمك نقطه مهمه هو المستفيد الاول والاخير الطلاب والطالبات الدارسين والدارسات
القصد انا معك لاسترجاع الرسوم أولا
ثانيا طول ما الجميع يدرسون بالجامعه سيتم تسديد الرسوم عنهم كل فصل دراسي لحد تخرجهم
فالقرار يشمل الجميع سواءا جدد أم قدامى
بالتوفيق ان شاء الله

أبـو سـلـطـان

2011- 9- 25 12:12 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة لا باس (المشاركة 4481180)

قدمي اوراقك
فورقة شهادة التعريف ليس لها تاريخ محدد تنتهي فيه
توكلي على الله
بالتوفيق ان شاء الله

لا باس

2011- 9- 25 12:37 AM

رد: الضمان الاجتماعي وشهادة التعريف من الجامعة

اخوي ابو سلطان لاهنت
الحين اقدم اوراقي ع الضمان و يختمونها لي و اذا خلصت بعدين وش اسووي ؟

دانتيلا

2011- 9- 25 05:22 AM

رد: الضمان الاجتماعي وشهادة التعريف من الجامعة

ابو سلطاااان روح عسى الله يوفقك دنيا وأخره ويفتحها بوجهك قول أمييييين :mh318:

احساس نعومه

2011- 9- 25 05:27 AM

رد: الضمان الاجتماعي وشهادة التعريف من الجامعة

ماقصرت ولله , الله يوفقك ويحقق الي في بالك يارب

البنت سددت الرسوم توها تدري عن الضمان انهم يسددون ,
يصير ترسل اوراقها في اي وقت للجامعة ؟

ورروح عسا الله يسعدك يابو سلطان

أبـو سـلـطـان

2011- 9- 26 11:39 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة لا باس (المشاركة 4483763)

اخوي ابو سلطان لاهنت
الحين اقدم اوراقي ع الضمان و يختمونها لي و اذا خلصت بعدين وش اسووي ؟

بعدها باذن الله تكوني من المشمولات بنظام الضمان الاجتماعي لتسديد الرسوم بعد مايتم استلام اوراقك رح تتواصل مع الادارة المالية من خلال الجامعة لاسترجاع رسومك المدفوعه من قبلك مسبقا
بالتوفيق يارب

أبـو سـلـطـان

2011- 9- 26 11:41 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة دانتيلا (المشاركة 4484782)

ابو سلطاااان روح عسى الله يوفقك دنيا وأخره ويفتحها بوجهك قول أمييييين :mh318:

الله يجزاك خير الجزاء يا اختي الله يجزاك الجنه ويوفقك بحياتك الدينية والدنيوية

أبـو سـلـطـان

2011- 9- 26 11:46 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة احساس نعومه (المشاركة 4484789)

الله يسعدك ويوفقك ويكتب لك الخير كله حيث كان

عادي حتى لو سددت سيتم استرجاع الرسوم لها باذن الله مجرد وقت تقديمها اوراقها اللي هي شهادة تعريف من الجامعة وشهادة الانتماء اللي هي تبع الضمان الاجتماعي
مجرد تقديمها للضمان الاجتماعي سيكون اسمها ضمن اسماء المشمولين والمشمولات
بنظام الدارسين والدارسات على حساب الضمان الاجتماعي
يعني ارسال الاوراق
ماله اي وقت معين بس كل ما ارسلتها بدري كل ما تداركت الوقت واستفادت منه
بس اتمنى تروح هي لهم شخصيا للمبنى حقهم فضلا عن ارسال الاوراق بالبريد لان رح تطول معاملتها وتاخذ وقت اما الحضور شخصيا سيختصر الكثير من وقتها والمبنى هنا أقصد مبنى الضمان
الله يوفقك ويوفقها

جــــودي

2011- 9- 26 11:53 PM

رد: الضمان الاجتماعي وشهادة التعريف من الجامعة

طيب انا لما طبعت شهادت التعريف طلعت لي ورقه فاضيه لازم انا اعبيها وفيها الختم والتوقيم هل لازم انا اعبيها بنفس ولا ايش السالفه

أبـو سـلـطـان

2011- 9- 26 11:56 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة جــــودي (المشاركة 4500635)

ممكن توضحين يا أختي الورقه من وين طبعتيها بالضبط

جــــودي

2011- 9- 26 11:58 PM

رد: الضمان الاجتماعي وشهادة التعريف من الجامعة

من موقع الجامعه

ترحيب

2011- 9- 27 12:02 AM

رد: الضمان الاجتماعي وشهادة التعريف من الجامعة

ياخوي ذي من سنة السبله
من يوم اعطونا الرقم السري وهي مفعله

وتقدر تطبعا في ايي وقت متى ماشئت تطبعها
وعلمي وسلامتكم

ترحيب

2011- 9- 27 12:07 AM

رد: الضمان الاجتماعي وشهادة التعريف من الجامعة

تكفى يابو سلطان طلبتك
تشيل صورة هالمخنز
والله مادانيه فوق الارض

أبـو سـلـطـان

2011- 9- 27 12:09 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة جــــودي (المشاركة 4500674)

من موقع الجامعه

اذا قصدك اللي طبعتيها من موقع الجامعة

وموضح فيها اسمك مسبقا مكتوب هاذي شهادة تعريف من الجامعة تثبت انك تدرسي فيها
مايحتاج تعبئه ماعليك الا مجدرد طباعتها فقط

اما اذا كانت الورقة تخص الضمان الاجتماعي وموضح فيها

بعض البيانات اسم المستفيد
رقم المستفيد
نوع الاعانه من الضمان
وزي كذا هاذي الورقة تسمى شهادة انتماء للضمان الاجتماعي تفيد بان احد افراد أسرتك من الوالدين مشمول بنظام الضمان الاجتماعي
فهاذي ماعليك الا انك تطبعيها وتعبي جميع البيانات والخانات المخصصه مع مراعاة الدقة والحرص في تعبئة البيانات

وبعدها ترفقي معها شهادة تعريف الجامعه وكرت العائله وتروحي للضمان الله يوفقك

أبـو سـلـطـان

2011- 9- 27 12:11 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة ترحيب (المشاركة 4500754)

تكفى يابو سلطان طلبتك

تشيل صورة هالمخنز
والله مادانيه فوق الارض

وجهة نظرك واحترمها بس اتمنى انك اخترت لفظ ارق من ذلك اللفظ الذي تلفظت به ووصفته اياه

تكرم عينك من اجلك بغيرها

نقية	2011- 9- 27 12:11 AM

رد: الضمان الاجتماعي وشهادة التعريف من الجامعة

اخوي ابو سلطان ..

انا ارسلت الورقه اللي نزلها الاخ الراقي وارسلتها قبل انتهاء التسجيل .. وبعدها ارسلولي الرقم السري والاكاديمي دخلت فيها على الخدمات الطلابيه وعلى الوضع المالي ومكتوب تم التسديد وبعدها بفتره دخلت على الوضع المالي كاتبين لاتوجد بيانات مدخله ...؟ابي اعرف ليه ..؟ وبعدين شهادة التعريف شلون نرسلها خلاص احنا ارسلنا اوراقنا اللي طلبوها منا +ورقه الضمان اللي نزلها الاخ الراقي يعني مانحتاج نطبعها ذي الشهاده

ترحيب

2011- 9- 27 12:13 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة أبـو سـلـطـان (المشاركة 4500786)

ن

وجهة نظرك واحترمها بس اتمنى انك اخترت لفظ ارق من ذلك اللفظ الذي تلفظت به ووصفته اياه

تكرم عينك من اجلك بغيرها

تسسسسسلم

وبيض الله وجهك

أبـو سـلـطـان

2011- 9- 27 12:18 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة نقية (المشاركة 4500792)

هلا فيك اختي

انا معك بكل اللي قلتيه حتى انا سددت ودفعت الرسوم بشكل كامل
وطلع لي تم التسديد بنجاح بعدها بيوم تفاجات لما دخلت اتاكد من الوضع المالي
لقيت رسالة تفيد بانو لايوجد بيانات مدخله
ماعليك من رسالتهم انتي سددتي وبنجاح لكن الخطاء من النظام الالكتروني للجامعه

اما في حالة انو ارسلتي ورقة الضمان ومشت معاملتك من عندهم بدون مايطلبوا منك شهادة التعريف وتم ارسال اوراقك أبـد الله يوفقك لايلزم ارسالها لان معاملتك مشت ان شاء الله
الله يوفقك ويسعدك

أبـو سـلـطـان

2011- 9- 27 12:19 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة ترحيب (المشاركة 4500799)

تسسسسسلم

وبيض الله وجهك

يسلمك ربي لبى روحك
ووجهك مايشين طال عمرك

جــــودي

2011- 9- 27 12:20 AM

رد: الضمان الاجتماعي وشهادة التعريف من الجامعة

مشكور اخوي بس انا مو من مستفيدين الضمان وانا اقصد شهادت التعريف الي من موقع الجامعه لما اطبعها يكون فيها ختم الجامعه وتوقيع العميد فقط

نقية	2011- 9- 27 12:21 AM

رد: الضمان الاجتماعي وشهادة التعريف من الجامعة

الله يوفقك اخوي ..
مآقصرت وجزاك الله خير ..

دمت بحفظه ..

أبـو سـلـطـان

2011- 9- 27 12:39 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة جــــودي (المشاركة 4500878)

اها فهمتك اختي الحين

اذا مو من مستفيدين الضمان فمعناته انه لايشملك نظام التسديد

اما بخصوص شهادة التعريف

مايطلع الا ختم الجامعه وتوقيع العميد

يجب طباعتها من طابعه ملونه لكي تظهر المعلومات بشكل كامل لانو موضح بنفس صفحة طباعة التعريف هذا التنبيه

يجب طباعة الورقة من طابعة ملونه وتقدري تتاكدي من كلامي بمجرد دخولك صفحة شهادة التعريف

الله يوفقك

أبـو سـلـطـان

2011- 9- 27 12:43 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة نقية (المشاركة 4500885)

الله يوفقك اخوي ..
مآقصرت وجزاك الله خير ..

دمت بحفظه ..

العفو يا أختي الله يجزاك خير

الله يحقق لك جميع ماتتمنينه من الخير كله عاجلا غير اجل

منـاير

2011- 9- 27 01:17 AM

رد: الضمان الاجتماعي وشهادة التعريف من الجامعة

ماقصرت اخوي وضحت اشياء كثيره كنت اجهلها

بس فيه شي مافهمته بعد مااروح الضمان واخلص اوراقي كيف توصل للجامعه

هل الضمان يتكفل بهالشي ولا انا لازم ارسلها بالبريد الممتاز للجامعه

Hamad Bin Fahad

2011- 9- 27 01:49 AM

رد: الضمان الاجتماعي وشهادة التعريف من الجامعة

ابو سلطان
تكفى ساعدني

اذا طبعت الورقه وش اسوي ...؟
اروح لمهم وش اقول لهم وعند مين ارووح اقصد ( اي قسم )
وجزاك الله الف خير

طموح فتاه

2011- 9- 27 05:02 AM

رد: الضمان الاجتماعي وشهادة التعريف من الجامعة

الله يعطيك العافيه .. طيب شهادة التعريف عرفتها

الورقه اللي نعبي فيها البيانات .؟

بليز ردو علي :Cry111:

انفاس مشرقة

2011- 9- 27 05:33 AM

رد: الضمان الاجتماعي وشهادة التعريف من الجامعة

اخوي تكفى ابي جواب انا سددت وخلصت بس انا من المستحقين للضمان وابي ادرس ع حسابهم كيف ارسل اوراقي وهل يرجعولي لفلوس السابقة ولالا وكل سمستر ارسلهم اوراق ولا خلاص بيصير تلقائي السداد

دمـ البحرـوع

2011- 9- 27 08:30 PM

رد: الضمان الاجتماعي وشهادة التعريف من الجامعة

الله يجزاك يابو سلطان كفيت ووفيت

سؤالي لك هل اقدر اطلع اثبات حاله من اي مكتب ضمان يعني مايشترطون

علي المكتب الي مسجل فيه الوالد الله يحفظه

الشيء الثاني هالشيء ابيه لـ اختي وانت تقول سجلو المستفيد الاول من الضمان

يعني الوالد الجامعه الحين وش دراها ان اختي مستحقه او ممكن تكون موظفه او متزوجه .. الخ :icon9:

يعني من رأئي نسجل بإسم الطالب او الطالبه والا شرايك وهل يوقعونها لو سجلتها كذا :bawling:

بالتوفيق لك في دنيآك واخرتك والله لايحرمك الاجر [ من فرج كربة على مسلم فرج الله عنه كربة من كرب الاخره ]

دمـ البحرـوع

2011- 9- 27 08:32 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة انفاس مشرقة (المشاركة 4502415)

ارسلي الاوراق وراح يرجعون لك المبلغ فور تأكدهم من صحة البيانات ممكن تطول لكن

ماعليه انتظري مافيها شيء وبخصوص ترسلينها كل ترم اتوقع انو يشترط هالشيء

والله اعلم من شان يتأكدون من حالتك ممن تتوظفي ، تتزوجي ... الخ ووقتها ماتكوني

من المستحقين

قديمة جديده

2011- 9- 27 08:56 PM

رد: الضمان الاجتماعي وشهادة التعريف من الجامعة

اخررررررررررررررررررررررررر ماتوصلنا اليه بعد عذاب:bawling:
ارسلوها للجامعه بكل الطرق فاكس بريد كل طريق تقدرون عليه حتى عبر الحمام الزاجل:000: لو تقدرون او حتى غربان:000: المهم ترسلوها ترسلوها :biggrin::biggrin::biggrin::biggrin:

أم شهد العسل

2011- 9- 27 09:46 PM

رد: الضمان الاجتماعي وشهادة التعريف من الجامعة

الله اعلم اش نهايه هالمرمطه انشاءالله تجيب نتيج:Cry111::Cry111:ه ويردون لنا فلوسنا

أبـو سـلـطـان

2011- 9- 28 01:57 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة منـاير (المشاركة 4501379)

الله يسلمك يا أختي أبد مجرد تقديم اوراقك للضمان وبعد استيفاء كافة الاوراق وتصديقها بالختم والتوقيع سيتم ارسالها مباشرة للجامعة عن طريق الضمان لادراج اسمك لقائمة المشمولين بنظام التسديد لدى الجامعة فلا يتطلب منك ارسالها الضمان هو من سيتكفل بارسالها الله يوفقك

أبـو سـلـطـان

2011- 9- 28 02:08 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة hfahad241 (المشاركة 4501593)

هلابك اخوي
قدم اوراقك الى اقرب فرع بالضمان الاجتماعي
قلهم انا طالب بجامعة الملك فيصل وادرس عن طريق التعليم عن بعد
وابي اقدم اوراقي عندكم لطلب اعفاء من الرسوم الدراسية
نظرا لشمول احد افراد اسرتي بنظام الضمان الاجتماعي
الله يوفقك

أبـو سـلـطـان

2011- 9- 28 02:10 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة طموح فتاه (المشاركة 4502327)

الله يعطيك العافيه .. طيب شهادة التعريف عرفتها

الورقه اللي نعبي فيها البيانات .؟

بليز ردو علي :Cry111:

هلا فيك اختي الورقة اللي تعبي فيها البيانات اللي هي شهادة انتماء للضمان الاجتماعي

على هذا الرابط تلاقيها اعملي لها طباعه وعبي بياناتك بالتوفيق ان شاء الله

http://www.ckfu.org/vb/t213665.html

أبـو سـلـطـان

2011- 9- 28 02:16 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة انفاس مشرقة (المشاركة 4502415)

اولا ارسال الاوراق يرجى الذهاب الى اقرب فرع للضمان الاجتماعي لتقديم الاوراق بصحبة الشخص المستفيد للضمان الاجتماعي

ثانيا بعد ماتقدمي اوراقك للضمان يتم ارسال عن طريق الضمان للجامعه بتقرير مفصل موضح فيه اسمك لادراج اسمك في قائمة التسديد على حساب الضمان الاجتماعي
وبعد تسديدهم المبلغ الاجمالي للرسوم
يتم ارجاع المبلغ اللي انتي سددتيه من قبل الى حساب المستفيد بالضمان الاجتماعي
وسيتم كل فصل دراسي اللي هو كل 6 شهور ارسال الاوراق لهم لمعرفة ان كان المستفيد باقي على نظام الضمان ام لا

الله يوفقك يا أختي

khloOod

2011- 9- 28 02:17 PM

رد: الضمان الاجتماعي وشهادة التعريف من الجامعة

غريبه انا تبع الضمان توني ادري :g2:

أبـو سـلـطـان

2011- 9- 28 02:22 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة دمـ البحرـوع (المشاركة 4507803)

اولا يا أخي ماعندك مشكله تقدر تروح لاي فرع للضمان لانهم كلهم اداره وحده

ثانيا عفوا يا اخوان الله يجزاه خير اخوي دموع البحر ذكرني بنقطه مهمه كنت ناسيها سجلوا بورقة الضمان اسمائكم وجميع بياناتكم اما رقم المستفيد اكيد بيكون بالرقم الموضح على بطاقة الضمان
ان شاء الله يقبلونها بس اذا رحت للضمان الموظف اكيد بيكون على علم ودرايه تامه بيسالك وبيقولك هل انت المستفيد او والدك او الوالده ورح يعلمك تسجلها باسم مين اكيد الموظف عنده العلم الاكيد لانه مرت عليه هالورقه مليون مره يعني لاحد يحتار في الامر الامور بسيطه وفالكم التوفيق
الله يجزاك خير
حبيت اقول قبل تعبوا ورقة الضمان صوروها صورتين بحيث انو اذا رحت للضمان وانت معبيها باسم الوالد او الوالده وقالك الموظف لا لازم باسمك فوقتها يكون معك منها نسخه فاضيه ماعليك الا انك تعبي البيانات اللي يقولك عنها الموظف

أبـو سـلـطـان

2011- 9- 28 02:27 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة khloood (المشاركة 4513925)

غريبه انا تبع الضمان توني ادري :g2:

هذا انتي دريتي واطمنك باقي وقت قدامك يعني مافي وقت محدد لنهاية تقديم الاوراق شدي حيلك وقدميها

بالتوفيق يارب

khloOod

2011- 9- 28 02:36 PM

رد: الضمان الاجتماعي وشهادة التعريف من الجامعة

قول امين يا ابو سلطان الله يفتح لك ابواب رزقه ويسعد قلبك ويريح بالك وربي اني شايله هم وربي فرجها علي الف الحمد لله

*(بيبي فيس)*

2011- 9- 29 04:43 AM

رد: الضمان الاجتماعي وشهادة التعريف من الجامعة

أخوي أبوسلطان

اسمحلي إنت حيل تتفلسف
وتقول بأشياء مو صايرة بأرض الواقع

الورقة اللي نعبيها ونختمها
مرفووووووضة
قطعيا من الجامعة
ورفضها حتى البريد الممتاز

ليش؟؟!!

لأن الجامعة تبي شهادة أصلية من الضمان
لاحظ أصلية مو صورة
لا ومن الضمان مو الصندوق الخيري

أنا سويت مثل ماتقولون وطلع الكلام مافيه شي من الصحة تعب ومراجعات عاالفاضي

تأكد من معلوماتك وبعدين اتكلم
:(177):

وشكرا

انفاس مشرقة

2011- 9- 29 10:15 AM

رد: الضمان الاجتماعي وشهادة التعريف من الجامعة

اختي ورع فيس:biggrin:
اخ ابو سلطان ماقصر وتعب وحاول يجيب ع كل التسائلات وذا هو غلط بشي فهو موذنبه هو معلومه عرفها وحب الكل يستفيد
اتمنى منكم تقابلون الحسنة بالحسنة موعكس

الشعلاء

2011- 9- 29 12:42 PM

رد: الضمان الاجتماعي وشهادة التعريف من الجامعة

كم يستغرق من الوقت حتى يرجعون لي المبلغ وكيف اعرف ان الضمان سدد لي رسوم الدراسه؟
وهل تسديد رسوم الدراسه كامله دفعه وحده والا كل سمستر له مبلغ يدفع لوحده؟

والله يجزاك الجنة انت والديك ومن يعز عليك يابو سلطان على هالمعلومات الطيبه

على فكره لو الجامعه طلبت لكم اثبات حاله تدخون موقع الضمان في يسار قوائم من ضمنها اثبات حاله تدخلون رقم اللي بالبطاقه والرقم السري رقم السجل المدني بيطلع لكم جدول اسمك ورقمك وهل انتم لزلتم على الضمان ام لا تقدرون تطبعونه كنوع ما للتعريف لان عليه شعار ضمان لو بغت الجامعه تستفسر عن شي ما بالتوفيق

انا ارسلت مع اوراق الجامعه الورقه اللي حكيت لكم عنها وارسلت صوره من بطاقة الضمان وصوره برنت الاحوال الورقه الكبيره مو بطاقة الاحوال يوضح اني مطلقه وصوره بطاقة الاحوال بس مدري بيشوفونها ويهمشونها بس بتبع طريقتك يابو سلطان اصح واضمن:biggrin:

الشعلاء

2011- 9- 29 12:53 PM

رد: الضمان الاجتماعي وشهادة التعريف من الجامعة

الشهادة الاصليه من قبل مدير الضمان تابع منطقتي؟ لان مكتب النساء عشان اراجع يبيلي شهرين حتى ادخل على مديره كنت بقدم على المساعده حتى اسدد منه رسوم الجامعه قالو موعدك بعد شهرين امحق الا خلص السمستر الاولى وعلى بال معامله مترفع ويجي رد الا سمستر ثاني خلص:mad: و اكون دافعه بعد

الشعلاء

2011- 9- 29 12:56 PM

رد: الضمان الاجتماعي وشهادة التعريف من الجامعة

عزيزتي بيبي فيس دام الختم موجود فهي اصليه والا يااخوان واخوات؟:biggrin:

يمكن حظك ماضبطت معاك بس ضبطت مع غيرك:53:

أبـو سـلـطـان

2011- 9- 29 02:06 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة *(بيبي فيس)* (المشاركة 4519388)

أخوي أبوسلطان

اسمحلي إنت حيل تتفلسف
وتقول بأشياء مو صايرة بأرض الواقع

الورقة اللي نعبيها ونختمها
مرفووووووضة
قطعيا من الجامعة
ورفضها حتى البريد الممتاز

ليش؟؟!!

لأن الجامعة تبي شهادة أصلية من الضمان
لاحظ أصلية مو صورة
لا ومن الضمان مو الصندوق الخيري

أنا سويت مثل ماتقولون وطلع الكلام مافيه شي من الصحة تعب ومراجعات عاالفاضي

تأكد من معلوماتك وبعدين اتكلم
:(177):

وشكرا

كلامك مردود عليه اول شي انا ماجبت شي من عندي انا جبت كل هالمعلومات طبعا من بعد تأكيد وتمحيص مع مراعاة الحرص والدقة بكل معلومه اجيب عنها وصدقيني يا أختي لو انا مو متأكد كان ماأجبت على كل هالتسأولات
لانو انا شخصيا من قام بطباعة أوراق الضمان لاصدقاء لي وعبوا كل بياناتهم وقدموها على الضمان هي هي نفسها الورقه اللي تقولي انها مصوره قدموها برفقة شهادة التعريف اللي تبع الجامعة وتم قبولهم تحت نظام التسديد من قبل الضمان وبالنسبه للورقة اللي تقولي انها تبع الصندوق الخيري الورقة هاذي تروح لاكثر من جهه تتبع للضمان مثل الجمعيات الخيرية وغيرها صحيح مكتوب فيها الصندوق الخيري بس ماهو معناته انها محصوره على الصندوق الخيري
ولو تلاحظي الجدول في الورقه نفسها مكتوب فيه عدة خيارات ضمان اجتماعي غيره وغيره وغيره عرفتي الحين من اللي يتفلسف

واذا انتي مشككه بجميع اجاباتي من خلال موقف صار لك وقوبلت اوراقك بالرفض مشكلتك

لكن تاكدي انو كل اللي اعرفهم قدموا حسب الشروط اللي انا ذكرتها ومشت اوراقهم وتم السداد عنهم وارجاع الرسوم المسدده من قبلهم الله يجزاك الجنه

أبـو سـلـطـان

2011- 9- 29 02:23 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة الشعلاء (المشاركة 4520631)

الله يجزاك الجنه

بالنسبه للوقت حوالي مابين ثلاث اسابيع او شهر بالكثير لان خوياي حوالي خمسه قدموا وبعضهم تم ارجاع الرسوم لهم بعضهم اللي بعد اسبوعين بعضهم ثلاث اسابيع وبعضهم شهر

اما معرفة هل تم السداد عنك ام لا لايوجد هناك طريقة سوى تاكدك من خلال بطاقة الصراف الالي الله يعينك يبيلك بعد ماترسلي اوراقك تخصصي لك وقت كل بعد ثلاث ايام تمرين الصراف تشيكين لانو اغلب المبالغ المسترده يتم ارجاعها عن طريق بطاقة المستفيد من الضمان الاجتماعي وذلك من خلال رقم بطاقة المستفيد ذلك الرقم الذي تم تدوينه في شهادة انتماء الضمان الاجتماعي

ثالثا يتم سداد كل سمستر على حدا اولا لانو طريقة التسديد المتبعه لدى الجامعه
هي التسديد لكل فصل على دفعات وليس دفعه واحده

im Diamond

2011- 9- 29 02:52 PM

رد: الضمان الاجتماعي وشهادة التعريف من الجامعة

السلام عليكم

اخوي ابو سلطان انا اسفه اعرف الاسئله كثيره والاستفسارات عليك بس ياليت تساعدني

بنسبه لرد الاخت بيبي فيس انا فعلا رحت لضمان مع الورقه الي تتكلم عنها وقبلوها وقالوي كثير ناس جابو نفسها يعني الورقه صحيحه وعبوها لي وختموها بعد

بس الاستفسار الي ابي اعرفه الله يعافيك اش هي الخطوه الثانيه

بنسبه لي انا سددت وتم القبول ونزلت المواد وكل شي تمام :d5:

هل ارسل الورقه تبع الضمان هاذي للجامعه ؟

وكيف ارسلها عن طريق البريد او في طريقه ثانيه ؟

هل في اوراق ثانيه ارسلها مع ورقة الضمان؟

مع العلم ان الظمان لما ختمو لي الورقه وعبو البينات طلبت منهم شهادة انتماء قالو مانعطي خطابات او شهادات وهاذي الورقه تكفي

ياليت تفيدين وجزاك الله الف خير ع مجهودك وتعبك معانا :mh318:

ĠҺãĬđą

2011- 9- 29 03:34 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة نقية (المشاركة 4500792)

حالتي مثل حالة الاخت بس اني من البداية للان ماتغيرت
((الوضع المالي لاتوجد بيانات مدخله))

بس انرسل كل شي شنو بيكون وضعي خوفتونا بسالفة هالورقة :icon9:

أبـو سـلـطـان

2011- 9- 30 12:43 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة ĠҺãĬđą (المشاركة 4521801)

حالتي مثل حالة الاخت بس اني من البداية للان ماتغيرت
((الوضع المالي لاتوجد بيانات مدخله))

بس انرسل كل شي شنو بيكون وضعي خوفتونا بسالفة هالورقة :icon9:

الخطاء من موقع الجامعه والورقة موضوعها اذا انتي احد افراد عائلتك والدك او والدتك مستفيدين من الضمان الاجتماعي بامكانك مواصلة دراستك على حساب الضمان الاجتماعي

وبالنسبة للوضع المالي الخطاء من موقع الجامعه

انا بعد نفس الشي عندي فالبداية طلع لي تم السداد بنجاح
وبعدها طلع لي لايوجد بيانات
ماعليك من هالكلام امورك ماشية تمام الله يوفقك

أبـو سـلـطـان

2011- 9- 30 12:49 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة im diamond (المشاركة 4521472)

وعليكم السلام ورحمة الله وبركاته
هو المفروض انو اللي يرسل اوراقك الضمان لكن هذا كله مايمنع انك تتوجهي للضمان بنفسك في حال تواجده بالقرب منك
اما في حالة بعد مقر الضمان عنك يجب عليك التوجه اليه بنفسك
اما في حالة عدم القدرة بالذهاب تستطيعين ارسال اوراقك عبر البريد
الاوراق المطلوبه
اول ورقة شهادة انتماء للضمان الاجتماعي وهي طبعا الورقة اللي عبوها لك الضمان وختموها
ثاني ورقة شهادة التعريف ويتم طباعتها من الخدمات الطلابية على موقع الجامعه
ثالث ورقة صورة من كرت العائلة
رابع ورقة صورة من بطاقة الصراف الالي للمستفيد حقت الضمان الاجتماعي
واهم شي بعد هذا كله يجب عليكي الاحتفاظ بالوصل الذي سيسلمه لك موظف البريد
وتدوين رقم الارسالية في ورقة خارجية والاحتفاظ به في مكان امن حتى يسهل الرجوع اليه في حال الاحتياج اليه لاحقا
الله يسعدك يا أختي الله يوفقك

طموح فتاه

2011- 9- 30 02:59 AM

رد: الضمان الاجتماعي وشهادة التعريف من الجامعة

مشكووووووووور بيض الله وجهك

الله يعطيك العافيه

بالتوفيق

أبـو سـلـطـان

2011- 9- 30 06:10 AM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة طموح فتاه (المشاركة 4525609)

مشكووووووووور بيض الله وجهك

الله يعطيك العافيه

بالتوفيق

العفو الله يسلمك ويطول عمرك

im Diamond

2011- 9- 30 03:13 PM

رد: الضمان الاجتماعي وشهادة التعريف من الجامعة

اقتباس:

المشاركة الأصلية كتبت بواسطة أبـو سـلـطـان (المشاركة 4524897)

مشكور اخوي

All times are GMT +3. الوقت الآن حسب توقيت السعودية: 11:58 PM.

صفحة 1 من 2

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه