خطأ في لسجل المدني وأنا الحين مستوى ثاني , افزعوا لي الله يفرج عنكم همكم:(

[ام جراح]

السلام عليكم جميعاً

عندي استفسار واللي عنده اي خلفية عن الموضوع يرد لي خبر جزاكم الله الف خير ..

انا سجلت في الجامعه بسجل مدني خطأ , وفي ايام الاختبارات حوست معهم واخر شي كتبوني اقرار باني غلطت في السجل وبصموني عليه واختبرت عادي ونجحت والامور تمام ’ بس اللي ان خايفه منه الحين هو انها تاثر بسالفة التسجيل في الضمان الاجتماعي

تكفون اللي عندة اي خلفية عن المووع يعلمني وش بيصير علي تكفون

[bader358]

فيه تحديث بيانات = لكن ما اضن تقدر تغيري رقم السجل. على كل حال تروحي طال عمرك وترسلي خطاب تعديل وصورة للبطاقة / كرت العائلة من جديد عبر البريد الممتاز طبعا تسجلي البينات من رقم جامعي والهاتف.

او ترسلي فاكس على الجامعة مع اني افضل البريد الممتاز لأن فيه متابعة الإرسالية وان شاء الله امورك تمام

[^تركي^]

مثل ما ذكر اخي بدر ،، خطاب وتذكرين فيه المشكله وترسلينه على فاكس الجامعه

مع ارفاق صورة من البطاقه المدنيه اذا كانت لديك او صورة من كرت العائله لولي امرك

ملاحظه / حتى هنا فيه خطأ في بياناتك

ام جراح والجنس ذكر ،،

عاد هنا تقدرين تعدلين ما يحتاج خطاب للآدمن

وفقك الله

[SAUD9]

الجنس ذكر ياشباب وشفيكم على الرجال

[bader358]

المشاركة الأصلية كتبت بواسطة SAUD9

الجنس ذكر ياشباب وشفيكم على الرجال

وراك زعلان مكتوب ام جراح === غير كذا هي كاتبه (( بس اللي ان خايفه منه الحين هو انها تاثر بسالفة التسجيل في الضمان الاجتماعي ))

الخطأ في البيانات بس

[مدرعمه]

جربي هذي الطريقه للاخت دودي الله يجزاها خير

المشاركة الأصلية كتبت بواسطة دوَدي

^

طيب هذي بسيطه ..اول شي روحي على بوابه التعليم عن بعد

http://www.kfu.edu.sa/ar/deans/elearning/pages/main.aspx

بعدين روحي تحديث رقم الجوال ..

بيجيك المربع دخلي الرقم الجامعي والباسورد ..

راح يفتح لك رقم جوالك + رقم السجل المدني ..

جنب السجل المدني يقولك هل رقم السجل المدني صحيح ؟ اضغطي واختاري خطأ
بيطلع لك مستطيل اكتبي رقمك الصدزي وخلاص

طمنيني وش يصير معك

[عبودي999]

تقدر تعدل رقم سجلك المدني من الخدمات الطلابيه ايقونة تحديث رقم الجوال فيها تغيير رقم السجل المدني


بالنسبه لضمان مادري والله عنه

[ام جراح]

الله يعطيكم العافيه كل أبـــــــوكم

بالنسبة للي يقولون ارسل خطاب , فـ ترا انا تعبت من كثر ماارسل لهم بس ما فكروا يغيرونهـ

وأما بالنسبة للي يقول ام جراح والجنس ذكــر , فـ معاك حق بس لو تلاحظ انها مشكله عويصه من يوم سجلت الين اليوم ابي اغيره ولا رضا , كل شيء اقدر أغيره الا هالبيان , بس المضمون هو المهم , ذكر والا انثى كلو على ربـــك


واما بالنسبة للي قالوا ادخل واعدله عن طريق ايقونة تحديث رقم الجوال , دخلت وسويت الخطوات واذا سويت تصحيح حولني على صفحة الرابط غير صحـــيح , ماأمداني افرح والله


شكـــــراً للكــــل