ملتقى طلاب وطالبات جامعة الملك فيصل,جامعة الدمام - إعادة الاختبارات .. رب ضارة ٍ نافعة .. وباذن الله الجميع a+

أخواني .. أخواتي ..

كلنا استقبلنا الخبر بانزعاج .. وضيق .. وأنا أولكم .. ولكن تذكرت أشياء جميلة غابت عن بالنا ..

رب ضارةٍ نافعة ..

قال تعالى [ إن مع العسر يسرا ] ..

إعادة الاختبارين لنا فيها من الخير الكثير .. تدرون وش هو ..

1- لنا أخوان وأخوات صار لهم ظروف ولم يحضروا الاختبارين في ذلك اليوم .. وانا في قاعتي فقط اثنين نادوهم وما كانوا متواجدين .. تخيلوا بالله موقفهم .. وفكروا قليلاً .. لربما احدهم دعا دعوة بأن الله يخلصه من هالمحنة اللي طاح فيها .. واستجيب دعاءه باعادة الاختبار .. الله لطيف بالعباد .

2- كثير منا خرح من اختبار المحاسبة 2 ولم يضمن حتى درجة النجاح .. بعضنا ما فتح المادة الا قبل الاختبار بكم ساعة فقط .. والآن ها هي الفرصة تعود من جديد لتعديل الدرجة ..

3- الدخول على اختبار وأنت مذاكر مرتين .. احسن من الدخول على اختبار وانت مذاكر مرة وحدة ..

4- رهبة الاختبار راح تقل عن المرة الأولى ..

5- اخواننا واخواتنا اللي استفادوا من الاسئلة المصورة .. غفلوا في تلك المرة عن قول رسولنا الكريم عليه افضل الصلوات والتسليم (( من غشنا فليس منا )) .. ولربما أراد الله ان يعيد الاختبار لكي لا يدخلون في المعنيين في هذا الحديث ..

6- يقول المثل .. " كل دقة بتعليمة " .. يعني ان شاء الله هالتصرف ما عاد يتكرر .. ونشر وتصوير الاسئلة وانزالها في عالم الانترنت اللي أي شخص من أي مكان في العالم يقدر يشوفه ويطللع عليه .. وقبل هذا كله .. الله سبحانه وتعالى يطلع عليه ..

7- باذن الواحد الأحد .. الله يوفقنا جميعاً .. ونحصل على a+ في المادتين ..

أخوكم .. آي فون

:106::004: