|
كارثه مهارات التحدث
مساء الخيرات ع الجميع والف مبروك لجميع الناجحين والناجحات ياجماعه احد يفهمني كيف تطلع من الاختبار مرتاح وراضي ومتاكد ان اغلاطك ماتتعدى 4 اللي هي ضمان الايه بلس ع الاقل وبالخصوص ان الماده سهله ولذيذه بالنسبه لي وللجميع بالاخير تطلع درجتي 60 من 70 احد يفهمني ؟؟؟؟؟ |
رد: كارثه مهارات التحدث
:12::12::12::12::12::12: |
رد: كارثه مهارات التحدث
كلنا نفس الشي
أنا انصدمت في الصوتيات والله المستعان :23::23::23: كيف درجة الصوتيات عندك ؟ |
رد: كارثه مهارات التحدث
اقتباس:
الماده الوحيده اللي صدمتني هي مهارات لانها بقمه السهوله والكل عارفها والله طلعت مرتاحه ع الاخر ظامنه الايه بلس !! والمقال بعد ترا فيه خسف بدرجتي بس ماوصل مثل المهاارات مدري اتظلم عنهم كلهم ولا بس مهارات؟؟ |
رد: كارثه مهارات التحدث
الحمدلله ما نزل معدلي عن a+ ومبروك لكل الناجحين بس حسافه عندي وحده b+ هههههههههه
|
رد: كارثه مهارات التحدث
اقتباس:
طيب بشر كيف درجاتك ماحسيتها مخسوفه خسف؟؟؟ واكيد البي بلس بنظريه الترجمه صصصح؟؟ |
رد: كارثه مهارات التحدث
لا الحمدلله درجاتي اكثرها فوق 95 الا الترجمه b+
|
رد: كارثه مهارات التحدث
اقتباس:
بس الحمدلله ماانخسفت درجاتك اجل احد ياخذ بمهارات التحدث 60 ؟؟ حتى اللي مو مذاكر والله ياخذ اكثر بس كيف اتظلم عن درجتي ؟؟؟ |
رد: كارثه مهارات التحدث
عدلتها لا انصاب عين اللهم صلي على محمد واله محمد وان شاء الله الكل امتياز الصوتيات الحمدلله كنت خايف منها من اخطاء الدكتور وعدينها بامتياز
|
رد: كارثه مهارات التحدث
اقتباس:
شرايك انت ناوي تخليها ولاتبدلها لماده ثانيه؟؟؟ |
رد: كارثه مهارات التحدث
مانزلت مهارات التحدث فما أدري عنها
المقآل اللي مقهووورة منه وربي إني طالعة من الاختبار وتأكدت من الأجوبة خطأ واااااااحد بس ويطلع لي b+ وش هالنقززززة يعني عشر اخطآء بالاختبار مسسسستحححيل وش السواة معهم :icon9: |
رد: كارثه مهارات التحدث
اقتباس:
كيف نتظلم طيب نبي نتاكد ؟؟ |
رد: كارثه مهارات التحدث
متى نقدر نحذف ونضيف بمواد الصيفي؟؟ |
رد: كارثه مهارات التحدث
اقتباس:
12 / 8 :21: |
رد: كارثه مهارات التحدث
محد طيب جرب التظلم هاذي ثاني مرة أسكت عنهم :32:
أبي اشوف ورقتي :44: |
رد: كارثه مهارات التحدث
فيني بجيـه منـه :verycute: ليش المهارات !؟ قهر والله بروح أشيك على أنطباعي في المهارات < :( |
رد: كارثه مهارات التحدث
اقتباس:
|
رد: كارثه مهارات التحدث
اقتباس:
:12::12: |
رد: كارثه مهارات التحدث
السلام عليكم
والف مبروووك لكم انا الترجمه ٨٠ وما صدمتني بس مهارات التحدث ٨٨ وانا كنت متاكد ما تنقص عن a+ والباقي امتياز والحمد لله |
رد: كارثه مهارات التحدث
هذا بسبب نظام ٥٠ سؤال لأن غلطة اليوم دبل غلطة أمس
|
رد: كارثه مهارات التحدث
^ بغض النظر عن الخمسين سؤال
ياالمششكلة من التصحيح أو الدكتور أخطأ بالآجوبة بعد وحط شئ ثاني غير اللي شرحه وحله مب بعيده عن عمار بسسسوي إعتراض ومارآح اسكت هالمرة بسسس كيف ؟؟ مدري عن نظام التظلم باقي موجود ولا لا مع عميدنا الجديد !! |
رد: كارثه مهارات التحدث
انا كمان درجتي في المهارات 60 مع اني كنت متفائلة بدرجة اعلى من كده خصوصا انها من اسهل المواد
|
رد: كارثه مهارات التحدث
آيه يالميـاء بس مو كـذا أنـا توقعت مـابنزل عن الـ a+ شكله نموذج الدكتور اللي حـاطه للتصحيح خطأ المقال توقعت أكثر بس ظل في السليم نوعاً مـا بس المهارات لا مستحييييل |
رد: كارثه مهارات التحدث
اقتباس:
الف مبروك تشوف كيف االظلم فيه احد ياخذ اقل من ايه بلس في المهارات؟؟ والله متاكده ماغلطت اكثر من 3 غلطات حاسبتها بالملي كيف كذا خلونا كلنا نتظلم دامنا متاكدين |
رد: كارثه مهارات التحدث
اقتباس:
بس بعد مو معقوله الدرجات خصوصا بمواد الدكتور عمار !! |
رد: كارثه مهارات التحدث
jas شورج وهداية الله ندز إيميلات للدكتور !؟ مـادري عـاد عمار ولا الفريدان أرسوا عشـان نكون كلنـا متوحدين :21: |
رد: كارثه مهارات التحدث
^ محد بيرسل شئ بالمقال :44: !؟؟
|
رد: كارثه مهارات التحدث
اقتباس:
انا برسل للفريدان والظاهر في ايميل للعمادة المهم الي يشوف طريقة للتظلم يذكرها معقوله انمغصوا عشان باخذ ال 1000 منهم :42: |
رد: كارثه مهارات التحدث
اقتباس:
نرسل للفريدان وشرايكم ارسلت ع التويتر مارد علي بس الايميل يرد اكيد |
رد: كارثه مهارات التحدث
سحـاب أنـا حتى لو عدلوهـا باخـذهـا :31: _______________ شكسبيره والله لو في المقال بعد حـاضرين أنـا متوقعـه أزود بس على حسب العدد خل نشوف :7: خـلاص يعني ندز للأثنين نتفق على رسالـه معينـه ولا كـل واحد وفضفضتـه :39: |
رد: كارثه مهارات التحدث
ياجماعة أنا صفر فى الأختبار هل يعقل والله متوقع أقل a تطلعلى f من صجهم هذولا
|
رد: كارثه مهارات التحدث
انا عكسكم الصوتيات هي اللي انظلمت فيها
مع ان حلي ما يجيب إلا a+ :44: كيف تتراجع ورقة الاسئلة؟ |
رد: كارثه مهارات التحدث
أنـا بطلع اللحين ضيوف عندنـا ولدخلت الليل بدز للأثنين الفريدان والدكتور عمار خل نشوف شيطلع منهم |
رد: كارثه مهارات التحدث
اقتباس:
اقتباس:
|
رد: كارثه مهارات التحدث
اقتباس:
افاااا اجل فعلا في لخبطه ... ان شاء الله تتعدل المشكله ناسي وش كان نموذجي |
رد: كارثه مهارات التحدث
اقتباس:
لأن يمكن في خطأ في معلوماتك لهذا ما رصدوا لك الدرجة :21: |
رد: كارثه مهارات التحدث
ترون التظلم الظاهر له آلية ...
يعني تدفع رسوم وتتظلم واذا الحق معك يرجعون الرسوم ويعدلون الدرجة غير كذه ما بيلتفتون لأي تظلم مراسلة الفريدان وعمار ما ظنتي تجيب نتيجه اذا كانت آلية التظلم كذه تأكدوا عشان تكون رسايلنا وحده |
رد: كارثه مهارات التحدث
اقتباس:
أظن كلكم متذكرين أخطاء المعاني في ورقة الاسئلة حتى لو تمت مراجعت الاجوبة بيحسبوها غلط علينا اللي نحتاجه فعلا إعادة تدقيق اسئلة الدكتور في الاختبار ثم اجوبتنا اللي ترتبت على هذه الاخطاء ... |
رد: كارثه مهارات التحدث
ما أتوقع يعدلون شئ أو يراجعون ورقة أحد كذا من باب للطاقة
من قبل كان فيه [ تظلم ] اللي انظلم بشئ يقدم له ويدفع برسوم عشان يتأكدون له وإذا طلع معهم حق فلوسه تروح عليه ومايتعدل شئ وإذا فيه لخبطةة بالتصحيح يرجعون له فلوسة ويعدلونها بس الوضع هذا كان على ايام النجار الحين مدري مع الفريدان باقي موجود ولا تغير ! |
رد: كارثه مهارات التحدث
باقي تكة ويروح الموضوع وراااا
عشان هييك رفع :19: |
رد: كارثه مهارات التحدث
اقتباس:
|
رد: كارثه مهارات التحدث
اقتباس:
كيف نراسلهم طيب ؟؟ يا ليت الطريقة واضحة :26: |
رد: كارثه مهارات التحدث
وشش درآك خيتي ياسمين وكيف الطريقة نرسل الايميلات وخلاص يراجعونها !؟
|
رد: كارثه مهارات التحدث
الله المستعاااان لابد من اللخبطه
|
رد: كارثه مهارات التحدث
طيب اقترحوا حل نسويه لأني أخذت +b ومقهووووورة لأني متأكدة من حلي
|
رد: كارثه مهارات التحدث
الفريدان يقول على تويتر انه بكره بتفتح ايقونه للتظلم على النتيجه ولمدة اسبوعين
وقال تابعوا الاعلان في الموقع لا اوصيكم بكره الي يحس انه انظلم في مهارات التحدث يكتبها |
رد: كارثه مهارات التحدث
مسا الخير :30:
وش هذذذذا خييييير يابوي يلطعوننا ثلاث اسابيع وعشان نصحح وندقق وفالاخير كذاا صوتيات + ادب + مهارات مستحيل هذي درجاتهم :30: + خمس مواد ناقصه مشاركاتها :30: ازفت ترم مر علي :23: __________ خبر جميل من الذاكره صح مع الفريدان التظلم صار ببلاش بس الترم اللي راح ما عدلو لأحد شي كلهم قالو نتيجتك صحيحه >>>>> قمه القهر والمغص وكل شي |
رد: كارثه مهارات التحدث
معاكم حتى انا احس بظلم كنت متاكده من a+:31:
جبتb+ بكره معا نتظلم:19: |
رد: كارثه مهارات التحدث
اما بفلووووس وش هالجامعة الحوت الازرق مثلا:38:
|
رد: كارثه مهارات التحدث
اقتباس:
لا تسيبهم خلك وراهم |
رد: كارثه مهارات التحدث
الادب قرن 17 ايش رايكم فدرجاته انا من كثر مالطعونا نسيت
بس متاكده مافي تحت ال الb الا نظرية الترجمة ممكن فقط لاغير |
رد: كارثه مهارات التحدث
اقتباس:
تبي الصدق زاد القهر يوم حسبت المعدل والتراكمي :23: ابي اعررررف مدام الدنيا حايسه لييييش. لطعونا |
رد: كارثه مهارات التحدث
مهارات التحدث صدمة 92 والمفروض 100 وغير المواد الثانية الدرجات مخسوفة ظلم والله نتعب طول السنة ودرجاتنا تروح بالساهل:12:
|
رد: كارثه مهارات التحدث
اقتباس:
وباذن الله كلنا نبشر بعض بالتعديل |
رد: كارثه مهارات التحدث
:31:
مووووو معقول اغلب المواد a مهارات التحدث تطلع b والله حرااام ليش طيب :44: وبلعوا 4 درجات من المشاركه:36: يارب يعدلونها,,,, |
رد: كارثه مهارات التحدث
اقتباس:
_____ |
رد: كارثه مهارات التحدث
مو بس مهارات التحدث...الأدب والمقال والترجمة كلهم نفس الدرجة...!!!!???????:36:
|
رد: كارثه مهارات التحدث
اقتباس:
|
رد: كارثه مهارات التحدث
مساء الخير .... قضايا معاصرة ايش فيها من الصعوبة عشان مااخذ +a , المادة سهله جدا و +b لماذا ؟؟ والمعاني الحمدلله اخذت عنده في كلا المادتين +b ماتوقعت :5: / اعتقد السبب الرئيسي في المعدلات النازله اما الخلل في اسئله الدكاتره الخاطئه او انحصار اسئله الاختبار ل50 سؤال فقط .....!!!! والحمدلله النجاح بالرغم كنت اطمح ل+a لثلاث مواد ع الاقل :16: |
رد: كارثه مهارات التحدث
اقتباس:
|
رد: كارثه مهارات التحدث
اقتباس:
ضاعت فلوووسك يا صابر طارت يا حسره:22: عزائي الوحيد انك انتي اخذتيها :16::35: |
رد: كارثه مهارات التحدث
اقتباس:
|
رد: كارثه مهارات التحدث
:9:
ياسمين انا اهون منك على الاقل زدت عليك بخمس درجات بس لو رفعتي تظلم ايش راح تكتبي انا مخي موقف عن العمل الان |
رد: كارثه مهارات التحدث
الدكتور عمآر ششرحه ما أنكر إنه حلو وموآده أحبها صرآحه أحس آخذها على إنها تحدي لي
بس ما أنكر بعد إنه يخطئ كثيير بالمحاضرات يمسح ويكتب مدري هي من العجله يعني ولآ وش بالضبط فآ ياليت يراجع نمآذج موآده ويتأكد من الحلول ويشوفون لنا حل مع هالأخطآء اللي مدري كيف جآت !! |
رد: كارثه مهارات التحدث
:13:
عمار الحمدلله ضامنه انجح في مواده مافيها نقاش ما اتخيل نفسي حامله ماده من مواد اللهم لك الحمد ولكن نشوف وش راح يصير في الصوتيات دام هو يدرسها وبرضو بتحداه اهم شي انجح مو مهم الدرجه |
رد: كارثه مهارات التحدث
اخت ياسمين اكيد فيه غلط لانو اغلاطهم كثيرة .. كثير مواد عندي طلعت من الاختبار وانا واثق من اجاباتي ولكن شفت العكس القرن 17 والفكر والثقافه صح درجاتي فيهم حلوين بس كنت اتوقع اكثرر اما الصوتيات كلام ثاني لانو هو غلطان بالاسئله مع اني حاط له كل جداول الحروف بورقه الاسئله يعني احل من الجدول بس الشكوى لله بالنسبه للترجمه لعب فيني ابو حليمه مايدري اني ماخذ الابداعيه عنده صيفي .. المهم راجعيهم بخصوص المهارات بالتوفيق للجميع |
رد: كارثه مهارات التحدث
اذا المعدل التراكمي طلع = 4,21 >>>!!! والفصلي = 4,37 ايش اعتبر في اي فئة >>>???? خوفتوني ......:31::26: |
رد: كارثه مهارات التحدث
^ وش تقصدين بأي فئة !؟
|
رد: كارثه مهارات التحدث
مبروك وموفقين
|
رد: كارثه مهارات التحدث
السلام عليكم...
عن نفسي احس ان الربع ما قصروا عطوني درجات فوق المتوقع....وانا من زمان حاس ان المخ عندي دفع امامي ولا كيف اجيب في الترجمه 68 ...... عموما .. احلامي بسيطه..هو ان استمر فوق ال4 فقط ..... وشوفوا يا جماعه انا ضد التظلم ..الترم هذا بس ...اخاف يراجعون اوراقي وتنكشف الحقيقه....واي واحد يقدم تظلم راح اقدم فيه شكوى لمحافظ الاحساء.....بحجة تعطيل قطار العلم...واشغال الراي العام في الاجازه.... ------------------------------------------------------ الشي الثاني ارى في الافق رؤيا قد تكون حقيقه ..وهي ايقاف التعليم عن بعد..وانا اؤيد هذه الفكره.وقد تم نقاشها على مستوى المجلس الاعلى للتعليم الجامعي..بوزارة اتعليم العالي.. بحجة ضعف المناهج وسهولتها..وهاأنتم تثبتون ذلك بالدليل القاطع....طالما ان المتظلمين الذين يشكون الظلم الذي وقع عليهم هو انهم يريدون a+ ولم يحصلوا الا عى aيعني فوق ال90 من 100 فماذا ستكون النظره لهذا التعليم .. قد تكون الفكره وصلت للبعض...وعرفوا المقصود ..كما وصلت لمن يريد خالف تعرف وسيقولون مجهودنا وتعبنا.....كما ان هناك فئه لن تصل اليهم الفكره ابدا...شكرا لكم يا دفعتي العزيزه... |
رد: كارثه مهارات التحدث
العالم كلها زعلانه ويبغون يرفعون تظلم , اذا هم يستحقون +a في كل المواد , اجل انا مع معدلي واين اكون كسوله ومهمله قدامهم , هذا سؤالي ؟؟؟ |
رد: كارثه مهارات التحدث
اقتباس:
أول شئ عليكم السلام ،، ثاني شئ عجبتني [ ضد التظلم الترم هذا بس ] :biggrin: وللي قدمو تظلم هم اللي تُعآد مراجعتها بس مالهم دخل الطلاب الثآنين اللي ماسوو تظلم ولكل مجتهد نصيب ياخوي اللي يتعب ويذاكر من بداية السنة حتى لو أخذ 99 من 100 ومتأكد من حله مليون بالميه انها 100 رايح ينقهر على هالدرجة ويحس إنه انظلم هاذي ثمآر تعبه ومن أبسط حقوقه إنه يآخذ درجة يستحقها سوآء بيقدم تظلم عشانه ناقص شوي إو كثير كلها نفس الشئ ومب مقياس درجات الطلاب عن مدى سهولة أو صعوبة المنآهج كلاً حسب إجتهاده ( : |
رد: كارثه مهارات التحدث
اقتباس:
اقتباس:
اقتباس:
اقتباس:
|
رد: كارثه مهارات التحدث
كلكم لازم ترسلون للفريدان مؤ بس ترفعون تظلم أنهم يراجعون نموذج إجابات الدكتور مؤ بس إعادة تصحيح والله كل البلا من النموذج لان هذا أسلوب الدكتور عمار مافيه تركيز شرح حلو بس تركيز صفر والله مؤ مستعدة أضيع إيه بلس عشان أغلاط مالي ذنب فيها
|
رد: كارثه مهارات التحدث
أهلاً أخرى لـو يتجاوبون معانـا كـان نبي يعرضون لنا نموذج الإجابات أخـاف الدكتور غلطـان في الإجابات وقاعده تتصحح نماذجنـا على أخطائه !؟ بس مستحيل يتجاوبون :( وآيه صحيح زي ماقالت JAS على عهد الفريدان التظلم من دون رسوم !؟ باالنسبـة للأخ محمد يعني مـاتصير الشهادة قوية إلا لمن الكل ياخذ C مع أحترامي لك مـاله علاقة !؟ الدرجـات ماتُقاس بقوة الشهادة ترا حتى التكرار اللي هو تكرار بغض النظر لو كنت أنا ضده أو معاه أختي طب وتقول الدكاتره يدهروووووووون في تكرار الأسئلـة كلامك ذكرني بأيام الكلية لطلعنـا من الأختبار وقمنـا نصحح الأخطـاء أنقهر إذا أخذت B ولا نقصتني درجات والبنات يقولون يامعودة أهم شي النجــــــــــــــاح مـالي خص أنتي يهمج النجـاح أنـا يهمني التفوق < عاد لايغركم مـاكنت دافوره بس كنت أتشيطر أحياناً والمعدل يطاوعني :cheese: أمـا اللحين لا والله أذاكر من قبل الأختبار بشهر ولي الحق لو أنقهر على الربع وش عاد لو درجـات منخفسـه زي المهارات أستغربت الكلام منك أخوي أبو محمد عاد أنت أبو الحكمـة ولا بس عشـان مخك دفع أمـامي تبي تشكي علينـا أزعاج السلطات في الحسـا :24: |
رد: كارثه مهارات التحدث
بصراحه وكلمه حق لازم تنقال انتى يا اخت وزيرة وايضا ياسمين اخبركم ايام التجمع للمذاكره قبل الاختبارات ما شااء الله تبارك الله وبالتحديد انتى ياوزيرة اول من جاب لنا بمستوى خامس فكره نقاط التفتيش قبل الاختبارات بما يقارب الشهر او اكثر كل اللي ابي اوصله اني منقهر عشانكم وياسمين اتوقع اللي خرب عليك هذيك الكلمه الي adverb وتقولين لي لا adjective ههههههه امزح ... ولا انسى جميع الزملاء كلهم ماقصرو صراحه والله يوفقنا جميعا .. . |
رد: كارثه مهارات التحدث
المستوى السابق نفس الحاله عانيت منها كنت متوقعه الاي
وانصدم بسي لكن الحياة تستمر عادي لم يتغير شيء |
رد: كارثه مهارات التحدث
وزيره كلامك عين العقل الاخ محمد مغالطته الحقايق ولا ماهقيت يطلع منه هالكلام لو انه خابرنا كسالى واتكاليين كان عذرته بس الله كريم يللا منهو الشاطر اللي ارسل للفريدان؟؟ انا توني الحين فضيت وجلست جلسه تكتيكيه ابي امخمخ ع الايميل .. ياجماعه لااوصيكم مو بس تتظلمون من الدرجه تراهم مايغلطون انفسهم راح يردون عليكم ان الدرجه صحيحه وانتوا الغلطانين لازم كلنا نطالب بنموذج اجابات كل مواد الدكتور عمار ويعيدون تقييمها ثم يعيدون تصحيح اوراقنا شرايكم؟؟ كذا نضمن حقنا تالت ومتلت ع قوله المصريين :42: |
رد: كارثه مهارات التحدث
اقتباس:
كل هالكلام عشان ناس مجتهده وتبي حق من حقوقها ! من قال لك ان مقياس الجامعه الجيده هو حصول طلابها ع b ك حد اقصى ولايعني اذا سكتنا ع حق لنا بتكون الشهاده قويه يعجز لساني عن التعليق صراحه لاني اعرف تمام المعرفه ان الفكره لن تصل نهائيآ لك |
رد: كارثه مهارات التحدث
السلام عليكم...أنا لما ينقصوني 8 أو 9 درجات في مادة أنا واثقة فيها من حلي... ومتعبة نفسي من بداية السنة مذاكرة مو قبل الإختبار بيوم.فأكيد بيكون شي طبيعي اني بتضايق..لأني أستحق اكثر من كذا..بالإضافة إلى ان هذا النقصان يعني نقص في المعدل...يعني ما نستحق ناخذ درجات بقد تعبنا !!! احنا ماطلبنا أكثر من حقنا...والشي الثاني بما ان في ناس تاخذ c و d وf في ناس ثانية تاخذ a وكل حسب مجهوده...يعني العيب مو في التعليم عن بعد....كل شخص ومايقدم لنفسه...
|
رد: كارثه مهارات التحدث
اقتباس:
|
رد: كارثه مهارات التحدث
وزيرة ياسمين مان
محمد هذولا مو مالين عينك يعني هذولا من فئة اللي يذاكر ليلة الاختبار مالهم حق يحتجون على نتائجهم لو مالهم حق برر موقفك اللي تكلمت فيه اعلاه من بعد اذنك |
رد: كارثه مهارات التحدث
اقتباس:
نذاكر ونترك الطلعات والجيات والوناسه ونتعب اعمارنا بالاخير يجيك واحد يقول وليه ومدري وش والمناهج سهله ماودي اسميها غيره او حسد بس الله العالم وش هي لكن الاكيد ان الله مايضيع تعب والساكت عن الحق شيطان اخرس احب اقول للاخ محمد شخبارك مع نظريه الترجمه عساها سهله بس وعسانا نستحق درجتنا؟؟ مدري لو راسبين فيها يمكن تقتنع ان الدراسه تستحق ولالا شرايك بمناهجنا مع تقدم المستويات هل سهله ؟؟ ولو خذينا ايه بلس فالاكيد مو من سهولتها الاكيد انها من تعبنا وشقانا وسهرنا ياعزيزي |
رد: كارثه مهارات التحدث
أنا في الاستماع والتحدث ماعندي إلا خطأ واحد إنصدمت إني ماخذه 92 فيها
|
رد: كارثه مهارات التحدث
اقتباس:
وهو اول الترم يدور احد يترجم بفلوس ما كأنه طالب لغه انجليزيه والناس تترجم بنفسها وتتقطع عالمحاضرات وكل ترم ينقص النظر حبتين عندها وفالاخير لا تطالبون ب a+ عشان ما تثبتون ان شهادتنا مو قويه اذا فيه احد اسلوبه ينقص من مكانه الجامعه فهو ،،، ما يحتاج اقول يمكن توصل الفكره بالغلط تحياتي |
رد: كارثه مهارات التحدث
تم الارسال للفريدان مع التنويه على مراجعه نماذج الاجابات للدكتور عمار للمواد حتى يتم التاكد من صحة اجاباتنا ارجوا منكم كلكم ان تطلبوا نفس الطلب حتى يكون يلاقي مطلبنا استجابة لديهم |
رد: كارثه مهارات التحدث
السلام عليكم
أنا بقول جملة وحدة تعبر عن اللي نحس فيه ( مايحس بالنار إلا رجل واطيها ) لما الواحد منا يتعب طول السنة تسمع محاضرات وتدرس وتتعب لو تنزل ربع درجة تنقهر بمعنى الكلمة . :16: |
رد: كارثه مهارات التحدث
اقتباس:
بالضبط ولا تنسى في احد ردوده انه تكفل انه يدفع للطلاب فلوس عشان الترجمه عجبي على هذا التناقض :30: |
رد: كارثه مهارات التحدث
ريحوا بالكم ياجماعه شوفوا اللي ينتقد مناهج الجامعه او شي وهو باقي يدرس فيها قضيته خسرانه !! لانه ماراح يهون عليه وقته يضيعه بشهاده ماتقدم ولاتأخر وع قولته راح يسكرون التعليم عن بعد العالم كل يوم فاتحه جامعه الكترونيه وهو يقول راح يسكرونه ! لاحول ولاقوه الا بالله بس :42: |
رد: كارثه مهارات التحدث
السسلام عليكم
اولاً ابارك لكم النجاح ثانياً : الشهاده لله فقط أنا بالرغم أن مالي دخل في هالمقرر الا إني اقوول لكم طالبوا بحقوقكم .. وهالشي من أبسط حقوقكم وتأكدوا بما أنكم سهرتوا الليالي وتعبتوا .. لذلك بأذن الله ربي ماراح يضيع تعبكم تواصلوا مع الفريدان او الشعيبي سواً عن طريق الاتصال او التويتر أو الايميل .. ولو يضطر الامر أنكم تروحون بانفسكم لمقر الجامعه بالنسبه لمحمد : أنا مااعرفك بسلامتك لكن الواضح من كلامك وأقول كلامك واتمنئ ان هالكلام ماينعكس ع شخصيتك واضح أنك تحب نفسك بزياده .. وتقوول أنا ومن بعدي الطوفان تأكد ي أخي محمد .. ( أن مايضيع حق وراه مطالب ) الله يوفقكم ي اخواني ... وان شاء الله تأخذون حقكم كاملاً دعواتي القلبيه لكم جميعاً :16: |
رد: كارثه مهارات التحدث
وين الناس اللي طايرين بالدكتور المعاني في السما وشهادات تقدير وزغاريط ايام الاختبارات :mh001: , احين لما انخسفت درجاتكم تدورون الاجابات المغلوطه للدكتور ......!!!!!:26: ان شاء الله يعوضكم المعاني +A :44: :019: / الجامعه في كل ترم تجرب افكارها واطروحاتها على الطلبه والنتائج غير مرضيه للاسف :42: |
رد: كارثه مهارات التحدث
اقتباس:
ياقلبي محد طاير فيه لكن الحق يقال شرحه لايعلى عليه هذي الحسنه اللي فيه بس ينكب فينا بالاختبار تطلعين متاكده من اجاباتك بالاخير يفكك فيوز مخنا بالدرجه الغريبه !! |
رد: كارثه مهارات التحدث
اقتباس:
غاليه احترامي لك اولا ثانيا محد طاير بالمعاني انا بالذات ما طرت بالمعاني كل اللي قلته واللي قلناه بالاجماع ان المعاني ممتاز في شرحه ولكن يعيبه ان في الاختبار ممكن يحرف في الاسئله يمين ويسار ولا اظن احد طار به انا مثلا لما شفت الكل يذم بالمعاني قلت بجربه بس لما جريته بالقراءات والمطالعات الا اني شفت شرحه لا يعلى عليه ونجحت في القراءات من اول اختبار ولله الحمد والمنه والان في مادتي المقال و مهارات التحدث ما اخفقت فيه ولله الحمد كل اللي نتكلم فيه درجاتنا من اخذها وين راحت اتمنى وصلت لك المعلومه :30: شكرا |
رد: كارثه مهارات التحدث
صباح الخير معك حق المهارات بهذه السهوله كيف تنزل الدرجات شككت بتظليلي :36: |
رد: كارثه مهارات التحدث
صباح الخير صراحه شي يقهر نذاكر ونضغط ع انفسنا علشان نجيب معدل كويس وفي الاخير يخسفون فينا انا للحين ماخذت مهارات بس حاسه بمعاناتكم انا عندي مادتين اللي نزلت معدلي انشاء 1 كنت ضامنه اجيب في الاختبار 56 بس انصدمت ب 38 :9: وماده النظام الاجتماعي الله يسامح الدكتور ع صياغته للاسأله متاكده من اخطائي وضامنه راح اخذ a وجبت في الاختبار 50 وعشر درجات مدري وين راحت ان شاء الله نقدم تطلم ويكون من صالحنا والله يوفق الجميع |
رد: كارثه مهارات التحدث
اقتباس:
مالك الا رفع تظلم اليوم فتحت الايقونه اقتباس:
مصيبه اذا التصحيح الكتروني وفيه اخطاء واحنا الضحيه ! |
رد: كارثه مهارات التحدث
غـاليـه تأكدي اللي بيطبل قبل لايطبل للدكتور بيطبل على راسـه ودراجـاته باالأول :smile: لكن كلمـة حق تنقال وكـل شخص ورايـه أنـا باالنسبـة لي مـازال الأفضل نعم فيـه سلبيات لكنـه باالمجمل العام أحسن من غيره ألف مره على الأقل تحسينـه يشرح يجتهد يعطي موب قاعد يلقي موجـز أخبار ممل !؟ ثـاني شي لـو مـاأحد تكلم عن نقص درجـاتهم في المهارات كـان مـاراح أرسل بقول أكيد أنـا الغلطـانه في التظليل أو أو أو الزبده بحط الخطأ على نفسي لكن تكون الشكوى كـذا عامـه لا من حقنـا نطالب باالنظر في الأختبار والتحقق من أجوبة الدكتور ، أو التحقق في النمـاذج أحنـا إلى الأن مـاندري وين الخلل ؟! كونه دكتور يُعد من الأفضل لدي مـايعني أنه مايخطأ أو أني ماأنتقده أطلاقاً :27: |
رد: كارثه مهارات التحدث
تم ارسال اعتراض على درجة اختبار المهارات وكم ماده معها
وبنشوف وش يسير - المشاركات الناقصه اعترضت بس شكله مافيه امل تتعدل قريت بموضوع قبل شوي واحد راح للجامعه وقالوا له انت كاتبها كلها بيوم واحد:26: >> اعذااار مدري وش تبي ووحده تقول زوجها راح يعترض على ماده ويوم شيك الفريدان عالمشاركات لقاها كلمه وحده وقال بينقص باقي المواد :9: من الترم الحاي بغير الخطه و كل يوم نص مشاركه :30: --- وزيره طلع فعلا تصويرك للشاشه حقت المذاكره يثبت حقك لو انخصم شي >> منقول عن الفريدان |
رد: كارثه مهارات التحدث
ممكن اعرف صيغة الشكوى اللي قدمتوها عشان ارسل شي قريب منها
|
رد: كارثه مهارات التحدث
اللي ناوي يرسل تظلم هل ارسلتوا للفريدان قبل ولالا؟ انا ارسلت له واليوم تظلمت لمياء اكتبيه باي صيغه تحبين بالنسبه لي اشتكيت من درجتي بمواد الدكتور عمار بشكل عام وطلبت مراجعه نماذج الاجابات |
| All times are GMT +3. الوقت الآن حسب توقيت السعودية: 07:28 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام