|
نص الجامعه راسبين
اعلن مدير الجامعه عبر تغريده على التويتر انهم الغو جميع درجات الطلبه الذين تم حل واجباتهم ومشاركاتهم وتحميل المحاضرات عن طريق المكاتب
وانا اولهم والله مشكله طيب انا عندي النت ضعيف وعندي دوام واضطريت اشترك في مكتب وش عرفنا انهم بيسون كذا وليش ما انذرونا من قبل ليش خلونا لين اختبرنا الله يعين |
رد: نص الجامعه راسبين
لكن سؤال وكيف عرف بأنك قمت بحل الواجب والمشاركات بجهاز آخر
قد أستعمل أكثر من جهاز لحل الواجبات لا أظن هالشيء مخالف. |
رد: نص الجامعه راسبين
يعرفون عن طريق الجهاز اللي تدخل عليه ويشوفون طلبه كثير عن طرق جهاز واحد
|
رد: نص الجامعه راسبين
إذا هذا المقياس فأنا صاحب محل كمبيوتر ودخلت حوالي من أكثر من أربعه أجهزه معناها راح يلغون جميع الواجبات والمشاركات مو منطق .
|
رد: نص الجامعه راسبين
ياخي ايش ذي العنوان الله يصلحك:41jg:
|
رد: نص الجامعه راسبين
لا مابيلغون عليك ادخل من مئه جهاز عادي
بس اذا كان جميع حل واجباتك وتحميلاتك عن طريق جهاز والجهاز هذا حل عليه طلبه كثير الفين ولا ثلاثه ولا اربعه يعرفون ان هذا الجهاز تبع مكتب ويلغون عليك وقال مدير الجامعه انه بيلاحق هذي المكاتب امنيا |
رد: نص الجامعه راسبين
ما فهمت
|
رد: نص الجامعه راسبين
مثلا انا جهازي كان عطلان ورحت ذاك اليوم مقهى الانترنت .. ودخلت وحليت واجباتي ودخلت على المباشره والمسجله .. وفيه مئة طالب قبلي داخلين من نفس المقهى بحكم انه للكل .. كذا بيلغون درجاتي ..! مو معقول ابداً .
|
رد: نص الجامعه راسبين
أولاً اللي يستخدم هالمكاتب يستاهل ليش مايعتمد على نفسه كلنا عمل ودوامات وبيوت ومسؤوليات
ثانيا استغرب أول مشاركة لك كاتب هالموضوع وكانب نص الجامعة راسبين من قال نص طلاب الجامعة يسوون هالحركة ويعتمدون على المكاتب إذا فيه فهم قلة ويستاهلون الرسوب لو حصل |
رد: نص الجامعه راسبين
لاحول ولاقوة الا بالله
|
رد: نص الجامعه راسبين
اين المصدر
|
رد: نص الجامعه راسبين
انا احل المشاركة من جهازى الى بالشغل
واحياننا اشاهد المحاضرات من البيت .... يعنى شنوو الحين |
رد: نص الجامعه راسبين
اللي يقول مو معقول يتابع تصريح مدير الجامعه على التويتر ماجبت الكلام من راسي
واشهد ان حن راسبين اذا الغيت درجاتنا لكن املنا في الله كبير |
رد: نص الجامعه راسبين
الجامعه حذرت من حل الواجبات وتحميل المحاضرات عن طريق مكاتب التصوير او اي وسيله اخرى لكن كيف يعرفون الله اعلم |
رد: نص الجامعه راسبين
ياخي أنا والله أستغرب من الناس الي ماتحل واجباتها بنفسها!! يعني دافع فلوس للجامعة وتروح تدفع فلوس لمكتب.. علشان أيش علشان يحل ثلاث واجبات وينزل المحاضرات ويكتب المناقشات؟؟ أخوي لاتفهمني غلط لكن الفلوس الي تعطيها للمتنفعين أنت أحق بها وغير كذا الفائدة الي راح تعود عليك في دراستك حتى النجاح تحس له بطعم. لاتقول النت ضعيف وغيره وغيره... من بغى الدح ماقال أح وذي مصلحتك أولاً وأخيراً. أتمنى أتمنى أتمنى أنك ماتعتبر كلامي تجريح أو تقليل لك يالغالي ما أنا والله إلا منصح لك ولكل الأخوة هنا الي يستعينون بالمكاتب. دعواتي لك وللجميع بالتوفيق هذا الترم والأترام القادمة :icon1: |
رد: نص الجامعه راسبين
قررارات الجامعة تصب في مصلحة طلابها
ولها ردع كل مسيء لسمعة الجامعة ومصداقية شهادتها والطريق الصح واضح والطرق الملتوية واضحة والله يوفق كل مجتهد |
رد: نص الجامعه راسبين
ما فيه مصدر... للأسف الكلام ما فيه مصداقية.
|
رد: نص الجامعه راسبين
هذه اخرة العجز والاتكاليه
وترا العنوان يروع وبعدين وين صورة التغريده |
رد: نص الجامعه راسبين
ليش نستاهل الرسوب فيه ناس ماعندهم نت وفيه ناس النت ضعيف مايحمل وفيه ناس عندها ظروف ماتعرفها
المسأله مافيها صعوبه كلا بيقدر يحل الواجبات ويحمل ماهي معجزه ادخل على قوقل يحل لك ا والاعتماد على المذاكره وحن ذاكرنا وتعبنا وحلينا بس اذا الغيت درجاتنا بنرسب اكيد |
رد: نص الجامعه راسبين
حرام عليك غير العنوان طاح قلبي في بطني
|
رد: نص الجامعه راسبين
:6::6::6: لو سمحت غير العنوان
عن نفسي ناجحة بتفوق الحمدالله :mh318: تربية الخاصةةةة آسسسههههههههل قسم :31: |
رد: نص الجامعه راسبين
اقتباس:
لا اخوي الكلام صحيح وهذا المصدر
|
رد: نص الجامعه راسبين
اللي يعمل كذا يستاهل نقول له " خبز خبزته اكله "
وفيه البعض مو مصدق الجامعة انها تقدر تطلع مشاركاتهم .. !!! احب اقول لهم لا ،، صدقوا لأن الشغلة بسيطة جداً .. Ip الجهاز يكفي .. ترا الشغلة مو مستحيلة طيب كيف الدولة تعرف انو فلان من الناس تكلم في السياسة عبر مواقع الاتصال الاجتماعي ويجون يشيلونه من بيته !!!! طلعت بعيد بالمثال لكن اذا هذا مو مستحيل وصار .. هذاك الأبسط اكيد بيصير .. وبعدين انتم داخلين الجامعة تدرسون مش علشان احد غيركم يدرس بدل عنكم .. وياللي بيقولوا انهم بيدخلوا من اكثر من جهاز .. الجامعة مذكرت انها راح تلغي مشاركاتهم لو اكثر من جهاز العميد قال " الجهاز المستخدم من قبل كثيييييييييير من الطلبة " ي أخي مو معقولة فيه جهاز راح يستخدم اكثر من شخص هالايام حتى البيبي عنده جهاز .. وانا اتذكر عندي جهاز مستقل من كان عمري عشر سنوات ... ولنفترض جهاز للعايلة كلها كم بيستخدمونة مثلاً ثلاثة طلاب ؟؟ أربعة ؟؟ عادي جداً لأنها مـ اوصلت اعداد بالمئات ...!! واحب اقول للي يعمل هالحركة " الله يهديك ويصلحك ويحببك في الدراسة وتفضي لها من وقتك لو ساعة باليوم ع القل لو تحميل بدون استماع " |
رد: نص الجامعه راسبين
ومحنا براسبين .. عن نفسي ناجحة وبتفوق ربي لك الحمد ...
|
رد: نص الجامعه راسبين
كلام فاضي
اصلا مايقدر يعرفون والخارطه تحط صح اذ وضعك تمام بلاش وسوسه |
رد: نص الجامعه راسبين
يعرفوا عن طريق رقم اي بي الجهاز لان اي جهاز حاسب في العالم له رقم اي بي حتى الايفون والايباد وغيرها .
نفترض ان الجهاز دخل لاكثر من 10 حسابات راح يطلع عندهم رقم اي بي الجهاز مكرر في اكثر من حساب ومن ثم يتم الغاء جميع المشاركات الحسابات التي تم رصدها عن طريق هذا الجهاز لذلك تم التنويه قبل ايقاف حسب درجات مشاركه عدم الجوء الى محلات الحاسب او مقاهي الانترنت او محلات خدمات الطالب لانك ما تضمن كم شخص دخل على موقع الجامعه على هذا الجهاز انا كان عندي جاهزين والثالث في الدوام لكن اشتغل على جهاز واحد فقط مهم كانت الضروف اما من ناحيه التنويه تم التنويه في ايقونه الخارطة الاكاديمية لكن يجب على الجامعه ايضاً ان تنزل دليل معتمد منهم كيفيه الدخول على الموقع وطريق المشاركه وطريق تحميل المحاضرات الخ... لانه وبكل صدق يوجد اشخاص لايعرفوا للكمبيوتر اي شي وخاصه ذو الاعمال الميدانيه . |
رد: نص الجامعه راسبين
ياليت تغير العنوان والا المشرفين يغلقون الموضوع او يحذفونه افضل الله يهديك بس
|
رد: نص الجامعه راسبين
انا كلمت صاحب المكتب اللي شاركت معه وقال ان عدد الطلبه خمسه الاف طالب المشتركين عنده
وان فيه مكتب ثاني عنده ثلاثه الاف طالب اللهم زد وبارك انا اول ترم والله ماكنت اعرف انها ممنوعه او تم التحذير منها الله يعين يمكن فيها خيره نعيد من جديد يابلادي واصلي |
رد: نص الجامعه راسبين
بصراحة العنوان بحد ذاته يجلط ...
الله يعينك .. |
رد: نص الجامعه راسبين
اقتباس:
اسف اخوي على المداخله لكن يستطيعوا ان يعرفوا وبكل سهوله عن طريق السيرفرات ويوجد برامج تطلع وبسهله رقم الاي بي المكرر لكن نقدر نقول انهم ماكان يدققون المستويات الي راحت . |
رد: نص الجامعه راسبين
|
رد: نص الجامعه راسبين
انا راسب وانتو فاضين غير العنوان غيره
هذا وانتو ناجحين اجل لورسبتوا صدق وش بتسوون اكيد بتنتفوني بكيف المشرفين يبغون يغيرونه يغيرونه مافرقت معي |
رد: نص الجامعه راسبين
|
رد: نص الجامعه راسبين
اقتباس:
طيب ولد عمي ماعنده نت جاء البيت شارك نفس الاي دي كيف يعرفو من الحل انا ولا هو اتوقع يعرفو الاي دي حق المكاتب من زمان |
رد: نص الجامعه راسبين
بصراحه معاهم حق ليش؟؟ يعني مو كفابه انهم مامغطونا مشاوير للاحسا وخلو اختبارتنا كل واحد بمدينته مو كفايه انهم مادققو علينا في حضور المحاضرات المباشرة وسمحو لنا نحملها وكننا حضرناها مو كفاية انهم شايفين تلاعبنا في نسخ مشاركات النقاشات وساكتييييييين مو كفايه ان اختباراتهم سهله واختيار من متعدد وعلى ذا كله نحفظ اسأله الترمين اللي راحت على الاقل ونضمن النجاح وحنا مادرينا وش يتكلم المنهج فيه؟ وبعد نكسسسل نقوم بذا الشيء بنفسنااا؟ لااحد يقول لي اذا انت فاضي ترى غيرك مشغول؟ مشغول لدرجة تروح تدفع لمكتبه وتقوله خذ حمل لي المحاضرات وحل لي الواجبات والنقاشات؟ من وجهة نظري هذا استهزاء اذا وصلت اشغالك لذي الدرجة افضل لك الانسحاب من الجامعة وترك مقعدك لمن هو اجدر منك اعذروووووني اذا كان كلامي قاسي بسسسس ذي الحقيقه وتقبلوها بصدر رحب شكرااا |
رد: نص الجامعه راسبين
يا واثق ولد عمك داخل برقمه الاكاديمي وش دخل حلك بحله !!!
وبعدين الجامعة مـ راح تدقق في كذا هي قالت مئاااات ،،، آلالاااااف مو شخصين !!! |
رد: نص الجامعه راسبين
بصراحة انا بديت اتخوف من الجامعة السمسترات الجاية مابتكون هينة ...♡♥
يارب اتخرج بسررررعةةة ♡♥ والله يعين اللي اعتمدوا بصراحة راحو فيها ... |
رد: نص الجامعه راسبين
شئ عجيب تدفعون فللوس وبعدين ترووحون مكتبة وتحل لكم واجبات ومناقشات ومحاضرات:139::139::hhheeeart4:
عيييل راحت عليكم 30 درجة وحدة من قريباتي صار لها كذا عادته ترم كامل عشان راحت ثلاثين درجة :139: |
رد: نص الجامعه راسبين
كلام فاضي واتحدى يعرفو
|
رد: نص الجامعه راسبين
يا رجل أنت وموضوعك طيرتنا بالعجه ..
غرد والا ما غرد العميد هم اعلنوها صريحة أكثر من مره الترم الي فات ويحذرون وحنا اخذنا هالتحذير بعين الاعتبار .. اذا انت ما تتابع أعلانات الجامعه هذي مشكلتك مو تجي طاير وتفائل علينا الشر وتخوفنا :( |
رد: نص الجامعه راسبين
والله المفروض يعتمد على نفسه الواحد في حل الواجبات والمناقشات والمحاضرات لو يخصص له يومين باﻷسبوع ويحل ويحمل أصرفله من هالشغلة اللي مو مضمونة
|
رد: نص الجامعه راسبين
اقتباس:
لان رقم اي بي الجهاز مكرر عندهم في اكثر من حساب .. لكن افضل حل انك تشتري لاب توب حتى لو 800 ريال او حتى مستعمل وتروح مقهى انترنت او كوفي شوب وتطلب منه انه يدخلك على الانترنت حقهم يعني لا تشتري مكتبي نهائيا |
رد: نص الجامعه راسبين
العنوان يفجع :Cry111:
طيب انا احل من لابتوب الدوام ولابتوبي الخاص الاثنين الاي بي مختلف كيف! >بديت اوسوس :bawling: |
رد: نص الجامعه راسبين
انا من ناحيتي انا معهم في هذا الموضوع وخاصه للشخص الي يعرف يدخل على الموقع ويحمل .....
وش حلل مكتب او مقهى او خدمات طالب ياخذ منك فلوس علشان يخرط لك كل شي في يوم واحد انا اعرف شخص دافع ٦٠٠ ريال لشخص علشان يدخل عنه ويشارك ويحمل ؟؟؟؟ ٦٠٠ ريال ليه؟؟؟؟؟؟ |
رد: نص الجامعه راسبين
من خلال خبرتي يمكن الكشف عن الجهاز من خلال الفيسكل اي بي الخاص بكرت الشبكة او نوع ورقم المذر بورد او اسم الجهاز ونوع الوندوز فاذا تكرر اي منهم مع بعض بالاضافه الى الاي بي فهذه المشاركة مخالفه
مع العلم لا يمكن ان يتكرر رقم كرت الشبكة او المذربورد باي شكل من الاشكال حول العالم مثل بصمة الاصبع ولكن الاي بي ممكن يتكرر |
رد: نص الجامعه راسبين
اقتباس:
لانه العكس الجهاز الواحد ادا دخل على اكثر من حساب هو المشكله لكن اكثر من جهاز يدخل على حساب اوحد عادي اهم شي الجهاز ما يدخل على حسابات كثيره يعني 10 وفوق |
رد: نص الجامعه راسبين
طيب اللي طالع عنده صح كاملة في الخارطة اﻷكاديمية وهو معطي المكتبة يعني الغوا الصح أو كيف
|
رد: نص الجامعه راسبين
اقتباس:
اما رقم اي بي الجهاز واحد وهو رقم المذربورد |
رد: نص الجامعه راسبين
مستحيل كالعادة مثل كل سنه حتى النسخ واللصق مراح يبين معهم مستحيل الا اذا انت ناسخ نفس الإجابات لابد من التغير بالاجابات شي بسيط
|
رد: نص الجامعه راسبين
سقها انت وعنوانك هذا
|
رد: نص الجامعه راسبين
اقتباس:
لكنهم شافوا اصرار الطلاب على الموضوع نزلوها في نص الفصل الاول وعلى كلامهم انها نسخه تجريبيه ركز على """""" نسخه تجريبيه """"""" |
رد: نص الجامعه راسبين
اقتباس:
والله يعرفون بس ما دققوا المستويات الي راحت سوال لو عندك شخص غاثك على الوتس اب مثلا وش بتسوي ؟؟ اكيد راح تسوي حظر وبهذي الحاله انت تسوي حظر لرقم الجوال مو على اسم الشخص لان الحاسب ما يعرف اسماء يعرف ارقااااام |
رد: نص الجامعه راسبين
العنوآن يآخ ــوي والله يخوف !!
حرآم عليك !! :verycute: |
رد: نص الجامعه راسبين
فعلا عن طريق الايبي لان ايبي المقهى واحد والله اعلم
|
رد: نص الجامعه راسبين
اقتباس:
يعني مثلا واحد كاتب في المشاركه كيف الحال ولا السلام عليكم وبس :53::53::53: ومن ناحيه هذي انا اشك فيه اما انهم يتابعون مشاركة 115000 الف طالب وكل مقرر فيه 14 محاضرة راح توصل المشاركات للمليون بالراحه على حسب كلام الفريدان ان عدد الطلاب 115000 طالب وطالبه |
رد: نص الجامعه راسبين
لاحول ولاقوة الا بالله
|
رد: نص الجامعه راسبين
أول شي موضوعك لوحده كارثه الله يصلحك
ثاني شي مو الكل يحلون كذا بعدين بالمنطق والعقل ماتوقع يقدرون يطلعون من حل من بيتهم ومن حل من مكتبه لا لا صعبه وبتحطهم في اشكالية كبيره وبتفتح عليهم ابواب كثيره هم في غنى عنها صعب الموضوع ولا اتوقع |
رد: نص الجامعه راسبين
الله يستر كنت خايف من الانجليز بس الحين ترم كامل
|
رد: نص الجامعه راسبين
أحسن خبر , واللي معتمد على المراكز والمكاتب يستاهل ومو عذر انك مشغول وكلنا عندنا التزامات ودوامات وقلق ومع هذا نقدر نعتمد على أنفسنا ولله الحمد ...
|
رد: نص الجامعه راسبين
لا محذرين من قبل وحاطين شرووط قبل تتدخل علي الخارطه
وكثيرر محذرين من زمااان الحمدلله انو مانعتمد ع احدد |
رد: نص الجامعه راسبين
احسن تستاهلون مع اني اتمنى الخير للكل بس ماعندكم كل يوم 5 دقايق تحل مناقشه وتتابع مثلا ؟
مو منطق احنا نتعب وانتوا ماتتعبون وتروحون للاجانب ويستفيدون السيف الأملح ي الفريدان |
رد: نص الجامعه راسبين
من اللي قال ما نبه الفريدان ؟
من السنة اللي طافت منبهين وكان شرط من شروط الخارطة الاكاديمية اللي وافقت عليها انت وغيرك انك انت اللي حال بنفسك مش مركز يحل لك تراكم طلاب جامعة يا ناس خصصوا من وقتكم لدراستكم انتوا مو في مدرسة عشان الادارة تراعي ظروفكم ترى واجد المتزوجين اللي يخصصون اوقات للحلول والدراسة |
رد: نص الجامعه راسبين
أحسن انهم يلغون الدرجات لمصلحتكم وحتى ماتكون شهادتكم أي كلام وش ذنب الشطار يضيع مستقبلهم بسبب المهملين 30 درجه مو صدقة جاريه اتعب على نفسك واخذها
|
رد: نص الجامعه راسبين
الحمدلله انا من درسة وانا على جهازي
واستمتع بالحل |
رد: نص الجامعه راسبين
والله اني قلت بدايه الترم واحساسي مايخيب إنشاء الله
هذا الترم اكبر عدد راسبين في تاريخ الجامعة |
رد: نص الجامعه راسبين
غريبه حال هالجامعه قاعده تراقبنا ولا يراقبون دكاترهم اللي ينامون الترم كله ولاينزلون المحاضرات الا قبل الاختبار بسبوع ويصير ضغط على السيرفر حق الجامعه ويثقل التحميل ونبلش احنا الطلبه واخر تها يحملون الخطا 100%علينا الله يخارجنا منهم وحسبي الله على من قصر منهم وحملنا المسئوليه اللهم يسر امرنا ونجحنا وعوض تعبنا واجعلنا من اهل الجنه |
رد: نص الجامعه راسبين
اعوذ بالله فال الله ولافالك :(
ان شاء الله الكل ناجحين جعلنا م نشوف f اتوقع هالكلام تخويف للاترام الجايه ومستحيل يلغون درجات المشاركه للي معتمدين ع المراكز بس فكنا من الفال الشين |
رد: نص الجامعه راسبين
ومن لديه جهاز واحد فقط ويقوم بالدخول منه 3 من الإخوة !!!
لااتحدث عن نفسي ولكن اعرف الكثيرين ممن لايستطيعون توفير اكثر من جهاز واحد بالمنزل ولو حدث وأن الغيت درجاتهم لهذا السبب فهو ظلم شديد فليس الجميع ميسوري الحال ،، والله المستعان |
رد: نص الجامعه راسبين
فال الله ولا فالك
|
رد: نص الجامعه راسبين
هو يقصد مكاتب والدكتور الفريدان اكيد قاصد مكاتب ما يقصد الباقي مثلا بقوم انا واكلف وحده تحمل لي او احمل لها (مجرد مثال)
|
رد: نص الجامعه راسبين
ياناس افهمو حن اول ترم في الجامعه ومانعرف كثير عن الانظمه وانخمينا
لكن ينجحوناالمره هذي واخر مره نسويها توبه مانعيدها |
رد: نص الجامعه راسبين
أن مجال it كثير التعقيد
|
رد: نص الجامعه راسبين
انا استغرب صراحة من الجامعه يعني صح النوم توكم ترصدون درجات المشاركة والواجبات وجايين قبل اعلان النتائج بيومين تكتبون هالكلام ما يكفي قلق الانتظار تزيدون الطين بله
انا برا الموضوع يعلم الله حليت كل واجباتي بنفسي وعن طريق كمبيوتري الشخصي لاني ابي اتعلم عشان استفيد بس ماعجبني الإعلان ووقته |
رد: نص الجامعه راسبين
الله يهديك فجعتنا .. اتقي الله فينا فوق انتظارنا تجي تصدمنا بالعنوان |
رد: نص الجامعه راسبين
لا والله مالهم حق ابد .. مدامتهم بيسوون هالطريقه ياريت يحطون ايقونه جديده اسمها "اذا تعطل جهازك عطنا خبر" ماصارت والله o_O
|
رد: نص الجامعه راسبين
اقتباس:
:verycute::verycute::verycute::verycute::verycute: :139::139::139: |
رد: نص الجامعه راسبين
الحين ياخذون رسوم علينااا وحاسديناا على هالمكاتب :017:
|
رد: نص الجامعه راسبين
المناقشات المفروض تحلها بنفسك - لانك اذا اعتمدت على مكتبة تحل لك تعتبر غاش على حاجة ماتسوى - يعني شي يحتاج من دقائق في حله . وخل الاتكاليات على الشي الصعب .
|
رد: نص الجامعه راسبين
اقتباس:
|
رد: نص الجامعه راسبين
بس معليش ماتكتب نص الجامعه راسبين. ،، خييير وش الإحباط :verycute:
|
رد: نص الجامعه راسبين
ياربي مو شماته :oao:
بس شكل اغلب الراسبين شباب. ،، :biggrin: لانهم اتكاليين بهذ الاشياء:lllolll: |
رد: نص الجامعه راسبين
اخوووي اللي نزل الخبر وين مصدرك بتويتر بحساب الفريدان مانزل تغريده بالموضوع هذاا ؟؟؟؟؟؟؟؟
|
رد: نص الجامعه راسبين
صحيح والله يا اخواني ويا اخواتي اعتمدوا على انفسكم والله ماياخذ من وقتكم شي كلها ثلاث ساعات وتخلصوا علشان تحسوا بطعم النجاح اتكلوا على انفسكم الله يوفقنا جميع
|
رد: نص الجامعه راسبين
اقتباس:
نعم الفريدان منزل تغريده بهذا الخصوص انا مسوي متابعه معه واشيك على حسابه اول بآول |
رد: نص الجامعه راسبين
اقتباس:
|
رد: نص الجامعه راسبين
اقتباس:
ياساتر .. قول خيررر |
رد: نص الجامعه راسبين
اقتباس:
بعض الردود تبين العقول :icon9: يستاهلون الرسوب قول خير او اصمت :no: الله يهدي الجميع والطلاب مو سواسيه في المتفرغ وعنده وقت وفي العكس المزدحم وقته مابين دوام وعائله واشغال لاتنتهي على الجامعه ان تقدر ذاك وعلى بعض الطلاب ان يتركو عنهم سياسة المثاليه ولكم مني الشكر والتحيه:wink: اتمنى المشاركة لاتحذف (مثل ماسبقها من مشاركات:119: |
رد: نص الجامعه راسبين
اقتباس:
|
رد: نص الجامعه راسبين
من رقم الايبي الخاص بالجهاز ما يبي لها ذكاء
بيلقون اكثر من ستين طالب لهم نفس الايبي |
رد: نص الجامعه راسبين
والله اذا انت مهمل ومسفهل الامور ولاتحل وتكتب بيدك تحمل تقصيرك وخطاك
كلنا نحمل ونكتب كتابه ماننسخ بعد وعناوين زي كذا صراحه مدري شقول بس الله يصلح الحال |
رد: نص الجامعه راسبين
اقول خاطب العقل بما يعقل بالرغم ان جميع المحاضرات والواجبات والمشاركات من جهازي الخاص لكن صراحة لو اصدق هذا الخبر فكأني اصف نفسي بالسذاجه
|
رد: نص الجامعه راسبين
معليش يعني مو كفايه ان حلنا ( نسخ ولصق )
بعد نعتمد على حد ثاني يحل بدالنا اجل ليش الدراسه والتعب مايحتاج خلاص الواحد يشتري الشهادة بالفلوس مباشرة |
رد: نص الجامعه راسبين
الجامعة ملتزمة بمعايير جودة يعني لازم الطالب هو الي يحل واجباته بنفسه اما توكيل مكاتب لحل الواجبات والمشاركات وتنزل المحاضرات لاتفيد الطالب بشيء
يعني تخيل محاسب يحل الواجب بنفسه اكيد بيكون متمكن من المحاسبة والعكس صحيح |
رد: نص الجامعه راسبين
قبل يخصمون على الطلبة يطاردون المكاتب أول على كلامهم بالنظام الطالب ماله ذنب واللي يقول غش وكلام فاضي أصلا المناقشة تنسخها أو تكتبها من قدامك صار هذا غش طيب كل واحد بيحل ماهي معجزة بس وفروا موقع يستوعب الكم الهائل من الطلبة بعدين حاسبوا على كيفكم إ
وأهم شي الحل على أكمل وجه إلا إذا تبون الحل بكون عن طريقكم شي ثاني |
رد: نص الجامعه راسبين
استغفر الله ,, لازم الافلام ذي قبل النتايج اذا انت شايف أنه نص الطلاب اعتماديين مثلك فأنت غلطااااااان |
رد: نص الجامعه راسبين
اقتباس:
|
رد: نص الجامعه راسبين
حسستونا انا ارهابين .خخخخخخخخخخخخخخ
ملاحقة المتهمين. |
رد: نص الجامعه راسبين
المفروض فيه انذآر قبل !
|
رد: نص الجامعه راسبين
اقتباس:
طيب اختي موالكل يستاهل الرسوب يمكن عندهم ظروف مايقدرون يدخلو ويحلو طيب الله يسامحك وقولي الله يهديهم وان شاءالله محد يرسب بأذن الله الله يوفقك ودي لك :rose: |
رد: نص الجامعه راسبين
يقولك يستآآآآآآآآآهل البررررررد من ضيييع دفآآآآآآآآآه وشكل اكثركم مضيع الدفا مع هالبرد هههههههه الله يعينكم |
| All times are GMT +3. الوقت الآن حسب توقيت السعودية: 10:10 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام