|
التعليم عن بعد افضل من مسمى الانتساب
السلام عليكم
خلونا نناقش الموضوع بكل هدوء وسعه بال من غير سب او شتم او دعاء اختلفت الأراء حول مسمى الوثيقه من ( انتساب ) الى ( تعليم عن بعد ) الكثير قالوا بأن ( التعليم عن بعد ) غير معترف فيه ؟ كيف غير معترف فيه ؟ ودراستنا حالياً تعليم عن بعد بمسمى ( انتساب ) يعني معترف فيها مافي شك ... وكثير قالوا ( الانتساب ) معترف فيه وافضل من التعليم عن بعد سواء كان انتساب او تعليم عن بعد كلها دراسه ومعترف فيها لكن من وجهة نظري بدال مايكون المسمى ( انتساب ) يكون المسمى ( تعليم عن بعد ) انا اتكلم بصفتي كطالبه ادرس تعليم عن بعد انزل المحاضرات واترجمها وافهمها واحل واجباتي واطبع الملخصات واحضر المحاضرات المباشره واحل المناقشات واهتم بكل ماده واتعب واجتهد واهتم في دراستي حالي حالي الطالب المنتظم وش الفرق هنا ؟؟؟ يلزمني الحضور الشخصي فقط من وجهة نظري اعتبرها شهاده طالب منتظم لاني مااشوف اي اختلاف من جميع النواحي فليش اظلم شهادتي بمسمى ( الانتساب ) ؟؟ كثير يقللون من قيمة الشهاده بمسمى ( الانتساب ) تدرون ليش ؟؟ لان مسمى ( الانتساب ) من وجهة نظر الكثير بأنها مجرد حضور الاختبار في نهاية السمستر فقط ولا لها اي قيمه بغض النظر عن معترف فيها او غير معترف فيها وووالخ اذا تغير المسمى الى ( تعليم عن بعد ) راح تلاحضون الاختلاف من جميع النواحي التعليم في تطور مستمر والتقنيات في تطور مستمر واحنا في زمن التعليم المطور الموضوع في صالح الجميع . . . |
رد: التعليم عن بعد افضل من مسمى الانتساب
سلام عليكم
صباح الخير بالنسبة للمسمى فهو انتساب ، هذا الموضوع تناقشنا فيه مع عميد التعلم عن بعد الدكتور عبد الله جميع اللقاء المفتوحة . النظام عندنا نظام ورقي روتيني ، مايعرف قال فلان هذا معترف به وهذا غير معترف به او مثل الانتظام ، لما ترسل وثيقتك للتسجيل في الخدمة المدنية سوف تستبعد ولا تسجل، لان مكتوب فيها نوع الدراسة تعلم عن بعد. الخدمة المدنية عندهم (انتساب - انتظام) اما بالنسبة الفرق بين دراسة التعلم عن بعد والانتظام ، فرق الارض عن السماء ولاتقارن: الانتظام فيه تفاعل يوميا ونقاش وواجبات واختبارات قصيرة وجميع انواع التقويم، الاسئلة الموضوعية والمقالية والشفهية ، غير ذلك قياس لشخصية الطالب ، المتابعة المستمرة طوال الفصل الدراسي. التعلم عن بعد : عروض مكررة ومحاضرات مسجلة قديمة بدون تحديث، لقاء ربع ساعة في المحاضرة المباشرة لثلاث مرات في الفصل الدراسي، ماتغطي لنقاش طالبين عن كيف نحل الواجب او المناقشة، المناقشات موضوعة من أول يوم فصل دراسي درس فيه الدكتور،الاختبارات موضوعية وأغلبها مكرر. بالتوفيق للجميع،، |
رد: التعليم عن بعد افضل من مسمى الانتساب
ياليل ابو لمبه
|
رد: التعليم عن بعد افضل من مسمى الانتساب
حسب تجارب أغلب الأعضاء أنه التعليم عن بعد الى الآن ماحد يعترف فيه
فليش نخاطر ونطالب بتغيير المسمى بسمى اخر يعتبر جديد على اغلب الدوائر الحكوميه ويعتبرونه أشبه بشراء الشهاده اونلاين ومسمى انتساب حتى لو يظلم شهادتنا على قولتك لكن ينفعنا في التوظيف وش فايدة شهاده بمسمى كشخه وماحد يعترف فيها أو على الأقل الى الآن لأن مصيرهم في المستقبل يفهمون ويعترفون فيها |
رد: التعليم عن بعد افضل من مسمى الانتساب
مانبي تعليم عن بعد لا تبلشونا فيه
خلونا ع الانتساب |
رد: التعليم عن بعد افضل من مسمى الانتساب
|
رد: التعليم عن بعد افضل من مسمى الانتساب
1 مرفق
لكل من يتكلم بدون علم الخدمة المدنية فيها ثلاث خيارات انتساب + تعليم عن بعد + انتظام هذا اولا
ثانيا من يقول ان بيوظفونكم بشهادتكم انتساب او حتى تعليم عن بعد في وظائف حكومية ؟؟ (الله قادر على كل شي ) لكن طلاب وطالبات انتظام هذا هم جالسين في البيت يمكن من يستفيد من الشهادة ايا كان مسماها هم الموظفين الاي على راس العمل منشان تعديل وضعهم ثالثا ياناس ياناس مسمى تعليم عن بعد احسن وينفعكم في التقديم على الوظائف في الشركات والبنوك والقطاعات الخاصة حتى ارامكو اي ارامكو عندك لغة وكمبيوتر الفيصل مقابلة يفصفصوك شافوك تصلح خذوك فلا تربطون شهادتكم بوظائف الحكومة لان الحكومة مبتلشة بالاي عندها طلاب وطالبات الانتظام ملاحظة : مرفق صورة تثبت ان في الخدمة المدنية تعليم عن بعد والله يعينكم على هالجامعة المادية ونصيحة الاي يعرف احد يبي يدرس يروح الجامعة السعودية الالكترونية افضل من جميع النواحي سلام |
رد: التعليم عن بعد افضل من مسمى الانتساب
اقتباس:
وناس الله وكيلك ما تدري وش في المنهج ولا شنو مواد يدرسون حتى اسم الدكتور ما يعرفونه معتمدين على ربعهم في كل شي تسجيل ووو نظام التعليم عن بعد الاي حاليا طلاب فيصل يدرسوه يشبه الانتظام لحد كبير الفرق في الحضور فقط وهو افضل من مسمى الانتساب الاي معناه فقط حضور الاختبار النهائي وهذا يفرق كثير عن باقي النظامين الانتظام والتعليم عن بعد وبالنسبة للعروض المتكررة انا طالب انتظام خريج جامعة الملك فهد للبترول والمعادن الله وكيلك ندرس كتب من السبعينات وهذا جامعه الملك فهد والمفروض تحرص على التجديد ووو وازيدك من الشعر بيت الدكاتر كل الملخصات الاي عندي من دفعات سابقة ما غيروا شي ما جددو شي الله يرحم والديك لا تقلل من تعب الاي تعبوا وخسروا فلوس عشان يحصلون على ثمار تجنى بنهاية دراستهم بخرابيط اقنعك بها الفريدان ،،،الفريدان ما يهمه شي للاسف الجامعه اثبتت في اكثر من موقف انها هدفها مادي ولا يهمها خدمة المجتمع ولا تعليم الناس . |
رد: التعليم عن بعد افضل من مسمى الانتساب
اسمح لي .. مثل هالمواضيع تجلب الوساويس للناس
انا موظف حكومي وخلصت المستوى السادس والساعات محسوبه بدون اي مشكلة وقرينا مواضيع لأعضاء هنا بالمنتدى توظفوا بعد التخرج .. وفيه اعضاء كملوا ماستر ياجماعة الخير وندائي للمسؤولين بالمنتدى ... اتمنى منكم اغلاق مثل هذي المواضيع لانها اصبحت موضه قديمة ولا اساس لها من الصحه اطلاقا . بالتوفيق للجميع |
رد: التعليم عن بعد افضل من مسمى الانتساب
عزيزتي بالمختصر.لو اخذتي وثيقة مكتوب فيها تعليم عن بعد .. وين بتروحين؟ ..اهم القطاعات الحكومية ماراح تقبل شهادتك لا خدمة و لا هيئة تخصصات؟ و هذا كلااام مفروغ منه
... تبين دليل .. ادخلي منتديات جامعة الملك عبدالعزيز الخريجين القديمين .. للان ماحد معطيهم حقهم. كل جهة ترميهم على الثانية. و الان الجامعة تخرج انتساب عشان تحل المشكلة. هذا رابط http://www.okaz.com.sa/new/Issues/20...1128737464.htm تقولين التعليم عن بعد معتمد عشان طريقة دراستنا بجامعة فيصل .. غلطانه عزيزتي .. هذا ماهو مقياس الاعتماااد لازم تصرح فيه جهاات حكومية متخصصه. و غير هذا و ذاك ... تعليم عن بعد بينتهي بعد سنتين و لا ثلاث و هم للان ماعترفوا في التعليم عن بعد اصلا.طبعا مع الانتساب. فليش تبون نخوض تجربة خاضها غيرنا و فشل فيها فشل ذريع؟ بعدين بفهم وش المشكلة مع كلمة انتساب اذا الشهادة ممشيتنا بكل مكاان و مقبوله و لا عليها غبااار. |
رد: التعليم عن بعد افضل من مسمى الانتساب
يااخ دكتور لفندر فرق كبييييييير بين وجهة نظرك ووجهة نظر الجامعه والوزاره وفي الاول والاخير مايهمنا هو وجهة نظر الجامعه+ وجهة نظر التعليم في البلد + الخدمه المدنيه ..انا وانت نحتفظ بوجهات النظر الا اذا كان هناك مظلمه حقيقيه وليس مزاجات ووجهات نظر وشكرا لسعة صدرك
|
رد: التعليم عن بعد افضل من مسمى الانتساب
اشغلتينا ب وجهة نظرك الفاشله
وجهة نظري ووجهة نظري وجهة نظرك مهي مؤسسه حكوميه ولا حتى شركات خاص نقدم عليها ل تخرجنا لصارت وجهة نظرك مكان يتوظفون فيه انا اول وحده اقلب شهادتي تعليم عن بعد ع مبدا وجهة نظرك تقولين انو تنفعنا ف التوظيف والشركات والوظايف سوء كانت حكوميه ولا شركات م يستقبلون الا انتساب حتى خانة التعليم عن بعد حاطينه بس كذا مع وقف التنفيذ لين تطلع قوانين وانظمه وتشريعات جديده جالسه تتكلمين عن شيء مجهول شيء م طبقوه ف الواقع ابد يعني عشان اجتهادات شخصيه وتحليل واستنتاج كم واحد خلاص صار هو الافضل تجين تعددين نحمل محاضرات ونتعب ونلعب وهالخنبقه حنا خابرين كل هالعلوم مو هنا مشكلتنا عشان تعددين وش قاعدين نسوي ولا وش نظام دراستنا حنا نتكلم عن جهات التوظيف ماتقبل الا انتساب ليش اختار شي للحين ماحد شرع فيه ولا التفت له حنا الحين ف الحاضر خلك ي المستقبل اللي تقومون استنتاجكم عليه انتو مو وزرا ولا مشرعين انظمه عشان تتفلسفون وكلن يفتي من عنده صارت دراستنا خرطي لانو كلن يعطي راي ليش هذا مو مذا وليش هذا موكذا يعني اراءكم هي المنقذ ولا اللي بتوظفنا مثلاً وين تبون تعليم عن بعد ! |
رد: التعليم عن بعد افضل من مسمى الانتساب
لا حول ولاقوه الا بالله والله حرام عليكم تنبكونا وحنا نبي وظائف وسألنا عنها قالوا انتساب معدل عالي يمشي اما عن بعد غيرررررررررررررررررررررر معترررف فيها افهموووووووا
|
رد: التعليم عن بعد افضل من مسمى الانتساب
الانتساب افضل لأن كلمة التعليم عن بعد تشبه لدورات اللي تأخذها أون لاين بالاختبارات بعد يعني حتى الاختبارات ما تحضر تكون اونلاين كذا يعطونك شهادة التعليم عن بعد الانتساب معناتها انه وقت الاختبارات تحضر الجامعة تختبر
|
رد: التعليم عن بعد افضل من مسمى الانتساب
انتساب افضل :(9):
|
رد: التعليم عن بعد افضل من مسمى الانتساب
استغفرك ربي و اتوب اليك
في كل نهاية سنه دراسيه ينفتح نفس الموضوع وفي نهاية الامر الارزاق بيد الله استعينوا به ووكلوا امركم اليه و ان شاء الله يفتحها عليكم بفضله . |
رد: التعليم عن بعد افضل من مسمى الانتساب
اقتباس:
وتقول غير معتمد وغير معترف من اين لك هذا شكرا لإظهار الحقيقة |
رد: التعليم عن بعد افضل من مسمى الانتساب
اقتباس:
عن بعد افضل من الانتساب والانتظام وعندك القياس نفس طريقة التعليم عن بعد في الاختبارات ويكون اصعب من المقالي من ناحية الفهم التعليم عن بعد ترجع للمحاضرات حتى تفهم مرة مرتين الانتظام يشرح مرة واحدة وروح دور المعلومة بعدين هذا زمن التقنية العلوم التطبيقية صح الانتظام افضل لانه تطبيق لا اقل ولا اكثر اما علوم انسانية ونظرية عن بعد هو الافضل حكاية محاضرات قديمة والكتب قديمة والعلم يزيد ولاينقص كل ماجد جديد يضاف... ياكرهي للمحبطين.. |
رد: التعليم عن بعد افضل من مسمى الانتساب
نظام الخدمه المدنيه اعور لا يرى الا بعين وحده ولا يعترف الا بالأنتساب ' وش نسوي!وهو اعوج يسير بخطى عمياء بطيئه وفي الاتجاه المخالف وبرؤيا ضبابيه
وغير واضحه الملامح ' دام انا ندرس تعليم عن بعد ' ليه قالوا علينا انتساب ؟؟ كأن خلوه انتظام افضل ! بنكذب ع بعض يعني وين انتساب معه؟؟ يعدلون نظامهم ويحترمون عقولنا ويعتمدون نظام التعليم عن بعد مثلنا مثل باقي الدول ' والا خلونا ع الأنتساب مقبولين ومعترف فينا صحيح بس مخلينا ع جنب وعلى هواهم واولهم جامعتنا الموقره .. |
رد: التعليم عن بعد افضل من مسمى الانتساب
انا لو مدير شركه ويجيتي اثنين معدلهم 3 واحد اانتساب وواحد تعليم عن بعد اخذت الانتساب لماذااا؟؟
الانتساب اختباره من 100 وهذا كله مجهوده ومعرفته والتعليم عن بعد اخذ 30 درجه من المشاركات ف من ناحيتي اشوف الانتساب افضل |
رد: التعليم عن بعد افضل من مسمى الانتساب
دام عن بعد مو معترف فيه خلونا على إنتساب أفضل
|
رد: التعليم عن بعد افضل من مسمى الانتساب
انا اشوف تعليم عن بعد لانو مافي سبب لعدم قبولنا بالحكومي اذا هم حاطين نوع التخرج
وقبل كم سنه كان مسمى انتساب غير مقبول وبعد الله تم فتح الباب الوظيفي لهم مافيها شي لو طلبنا الافضل من غير سب ودعاوي صار مجلس عجايز هههههههههههه |
رد: التعليم عن بعد افضل من مسمى الانتساب
ياجماعة بالعقل والمنطق .. نحن ندرس تعليم عن بعد ونريد شهاداتنا ان تكون تعليم عن بعدمسألة الخدمة المدنية وانها مو مضافه عندهم هذه مسؤلية الجامعه وهم يعملوا اللازم والامر بسيط جدا ولايحتاج كل هذا العناء , الا اذا كانوا يروا ان التعليم عن بعد غير مجدي .. فلماذا تتاجر الجامعه على حساب الطلاب ؟
|
رد: التعليم عن بعد افضل من مسمى الانتساب
بما انو في مطالبات فمن باب اولى تطالبوا تكون انتظام زينا زي الجامعة الالكترونية مع العلم انوالخدمة المدنية عندهم (انتساب - انتظام) ولا جامعتنا الموقرة تطبع لكل خريج وثيقتين عشان ما نزعل عالمسمى |
رد: التعليم عن بعد افضل من مسمى الانتساب
اقتباس:
الجزء الاول من ردك اعتبرها وجهة نظرك واحترمها والجزء الاخير من ردك عن التعليم عن بعد بانه مجرد عروض مكرره ومحاضرات مسجله ووو الخ طيب وش يفرق عن الطلاب المنتظين ؟؟ يعني كل سمستر يجيبون لهم مقررات جديده غير اللي يدرسونها اللي قبلهم ؟؟ اكيد شي مكرر ومعاد لانها مواد او مناهج تتكرر لجميع الطلاب في كل التخصصات مااذكر اذا كان كل سمستر له مواد جديده تختلف من سنه لسنه للمنتظمين حالنا حالهم موادنا نفسها تتكرر لجميع المراحل مع بعض الاضافات او التعديلات البسيطه |
رد: التعليم عن بعد افضل من مسمى الانتساب
هذي المواضيع سواء نقاش ايجابي او سلبي هذا الى تودينا في داهيه
مثل ماصار معنا في اختبارات هذا الفصل واغلب الدكاتره صارت تغير الاسئلة والا يجيك طالب او طالبه ويرسل للدكتور انك تعيد الاسئلة وماتعرف تشرح الخ الخ من هذرة المبزره الى يطالبون بمدرسات او دكتوره تدخل الانتساب ويصيرون البنات لحالهم ماني عارف ايش نسو في المدارس الابتدائي والمتوسط والثانوي كيف كانو معقدينهم ومطلعين روحهم في الدراسه ويوم درسهم دكتور رجال شافو الفرق بين الرجال والنساء في التعليم يابوي الى فيه دفرة دراسه ومصطفى ودافور يروح يطس يدرس انتظام ويتفلسف هناك على العموم الواحد يقول ان شاء الله يتخرج بسرعة ويتخلص من الفلاسفة خاصة الجدد الى كل مالهم يقدمون شكوى وهذره ماتخلص ... |
رد: التعليم عن بعد افضل من مسمى الانتساب
المفروض المطالبين بتعليم عن بعد والمطالبين بالانتساب
تفصلهم الجامعه وتحلي الحليل الي ما يتكلم راضي ههههههه |
رد: التعليم عن بعد افضل من مسمى الانتساب
اقتباس:
ودراستنا حالياً وش تسمينها ؟؟ انتساب او تعليم عن بعد ؟؟ |
رد: التعليم عن بعد افضل من مسمى الانتساب
لاحول الله
اذا بتطالبو بتغيير المسمى نبيه انتظام ،، واذا ماتقدرو عليها خليه نفس اللي سجلنا عليه انتساب وكان الله غفورا رحيما .. Sent from my HTC One_M8 using Tapatalk |
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
والله الوآحد من كثره الموآضيع المبالغ فيها بخصوص هالموضوع صآر مالو بآله حتى يفكر في النتآئج !! يعني خلآص الوآحد وصل المستوى الثآمن وحنآ لسه نفكر ويش الأفضل ؟!! ع العموم أدا لك رزق مآستر أو توظيف رآح تلآقيه ... بالتوفيق للجميع بقرب النتآئج :icon19::icon19: |
رد: التعليم عن بعد افضل من مسمى الانتساب
كلام موجه للي يقول نطالب بمسمى التعليم عن بعد ونصبر لين يصير معترف فيه
اذا انت مو محتاج شهادتك لوظيفة ترا فيه غيرك حط كل آماله على هذي الشهادة يبي فيها وظيفة تعيشه وتعيش اهله حياة كريمة واذا حصل وتغير المسمى لتعليم عن بعد راح ينسى الوظيفة يعلق شهادته ويتفرج عليها !! بلا أنانية يكفي الي صار من لقافة أنانية و"بزرنة" بعض الطلاب الترم هذا وأثرها السلبي اللي انعكس على اسئلة اختبارات الفصل هذا.. بالعربي"قــــرفتــــونا" |
رد: التعليم عن بعد افضل من مسمى الانتساب
في نأس الحيونه في دمه ولا يدري وين الله حاطه
لانه مرتاح ومافيه شي يضايقه بالنسبة لي ولو بتكلم عن نفسي ومصلحتي فقط انا ابي الشهاده عشان ادور وظيفة ولمن اقدم على الوظايف المدنيه في الخدمه المدنيه الى معترف فيه اسم الشهادة انتساب يعني لا انت ولا انتي راح تنفعوني لمن يتغير اسم الشهادة لغير الانتساب وفيه ناس ماتفرق معه وفيه ناس يتفسلف ويهذر وهو امعه معاهم معاهم عليهم عليهم انا اطلب من الله اني اتخرج وافتك من الى جاو الحين وفلسفتهم الزايده وكل اشوي فاتحين موضوع يتشكون فيه واقتراحات مثل وجيهم تعلمو يطقطقون على تويتر وفيس بوك وجريده وشكاوى وابلشو امنا ... |
رد: التعليم عن بعد افضل من مسمى الانتساب
اذكرو الله الموضوع للنقاش ودراستنا تعليم عن بعد بس الشهاده انتساب
|
رد: التعليم عن بعد افضل من مسمى الانتساب
انا مادرست علشان وظيفه او تحسين وظيفي كل دراستي ان شاء الله علشان الدراسات العليا لكن بصراحه اذا تحويلها من انتساب الى تعلم عن بعد بتلغي حظوظ البعض في التوظيف لا والله خلوها انتساب والله يرزق الجميع باعلى المراتب اما التحويل من انتساب الى تعلم عن بعد علشان المسمى احلى فهو كلام غير منطقي وبعدين المسمى انتساب مطور واشوفه حليو وزين
|
رد: التعليم عن بعد افضل من مسمى الانتساب
انا عندي اقتراح يحطو اختيار باايقونة التخرج انو تبغو انتساب او عن بعد وكل طالب له الخيار
وانتهينا ملاحظه اذا ربي كتب رزقك لو كاتبين ايش بالوثيقه بيجيك فكرو بتفائل وحب |
رد: التعليم عن بعد افضل من مسمى الانتساب
صراحتن اللي فاتح هذا الموضوع سبيكه
نقوله تيس يقول احلبه يا هندي يا فاهم نقولك ما فيه شيء بالعالم اسمه تعليم عن بعد وحتى لو تطلع شهاده تعليم عن بعد بللها واشرب مويتها محد بيعترف فيها ... والاعتراف بيكون محلي ومجالات ضيقه جدا النظامين الأساسيه والمتعارف عليها عالميا ومحليا هي.... منتظم ومنتسب <<<واللي غير هذا غير معترف فيه عالميا وداخليا فيه ناس يدرسون موازي لكن ما فيه شها ده اسمها موازي يأخذون شهادده اسمها انتظام فيه اللي يدرسون ليلي أو مسائي زي جامعة العربية المفتوحة لكن مافيهةشهاااادة اسمها ليلي يأخذون شهااااادةةانتظام وفيه اللي يدرسون بالويكندة وغيرهم وغيرهم وفيه ناس يدرسون الكتروني 75% و يحضرون25% لكن ماياخذون شها دة اسمها تعليم الكتروني يأخذون منتظم وااحنا ندرس انتساب ولا يوم واحد حضرنا الجامعة، نحضر للجامعه فقط للاختبار يعني احنا منتسبين لكن درسنا عن بعد يعني نأخذ شهااااااااااااا دة منتسب زينا زي الموازي وزي الجامعة الإلكترونية والعربية المفتوحة وغيرها ماياخذون شهااااادة نظام خاص فيهم فهمت ولا لا |
رد: التعليم عن بعد افضل من مسمى الانتساب
اسمعوا العلم غيروه ماغيروه بينكتب في شهادتنا تم اجتياز كم ساعه بنجاح ومن جامعه معتمده ومعترف فيها بديوان الخدمه
|
رد: التعليم عن بعد افضل من مسمى الانتساب
أتمنى ما يكون فيه تجريح لشخص بذاته وَيَا اخوان وأخوات حسن الخلق اوصانا فيه الرسول صلى الله عليه وسلم
|
رد: التعليم عن بعد افضل من مسمى الانتساب
بعض التعليقات الفاظها سيئه وانا طلبت نقاش هادي والموضوع عباره عن نقاش هادف
الغرض التوضيح والفرق والافضل من ناحية المسمى البعض فاهمين الموضوع غلط :16.jpg: الغرض التوضيـــــــــــــــــــــــــح فقط سؤال للجميع . . . مامعنى كلمة منتسب او انتساب او منسوب او منسوبين ووالخ ؟؟؟؟ |
رد: التعليم عن بعد افضل من مسمى الانتساب
كم وصل سعر علبه حلاوة طحينية النخيل ؟؟
|
رد: التعليم عن بعد افضل من مسمى الانتساب
انتو ليه زعلانين وتسبون بعض كل شخص له قناعاته اذا احنا مقتنعين بل انتساب براحتنا واذا هم مقتنعين عن بعد براحتهم
الي مايبي يشارك ماراح يشارك في حملة تغير المسمى بل اخر لو كانو بيغيرون كان غيروا للي تخرجو قبل لان صارت نفس السالفه وبل اخر النقاش لايفسد للود قضيه |
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
يناس فرق بين مسمى التعليم عن بعد او مسمى انتساب من ناحية الخدمه المدنية والتوظيف واكمال الماجستير فلا تخربون علينا خلونا على الانتساب
|
رد: التعليم عن بعد افضل من مسمى الانتساب
هذا اللي يقول: قال تيس قال احلبه
هالعالم من وين تفهم؟! انتساب وبيبقى انتساب واللي ماهو عاجبه يبلط البحر الموضوع تمت مناقشته مع العميد سابقاً وتم اعتماد مسمى الانتساب |
رد: التعليم عن بعد افضل من مسمى الانتساب
انا من اول دفعة 2010 وتأخرت بسبب ظروف ومتمسك بمسمى (انتساب)
|
رد: التعليم عن بعد افضل من مسمى الانتساب
لاتحاولون انا قررت تغيير المسمى
الى بكالريوس منازل:oao: :mh35: |
رد: التعليم عن بعد افضل من مسمى الانتساب
اقتباس:
جامعة الملك فيصل لم يتم الاعتراف بها تعليم عن بعد..من اساس الدراسه المعترف بها اتوقع جامعة الملك عبدالعزيز فقط.. ثانياً:ـ وش الفائده من كتابة تعليم عن بعد في شهادة لا استفيد منها لا في وظيفه ولا ترقيات وغيره.. انا دارس عشان اشخص بالمسمى ..يكتبون الشي اللي ينفعنا في حياتنا العلميه والعمليه..وهو انتساب فقط. ............................. تحياتي |
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
صراحه فرق .. طلاب الانتظام يتعبون أكثر مننا واسئلتهم مقاليه مو اختياري أما عندنا مو الكل يحضر محاضرات ولا ضروري اسمع شرح .. هو أقرب للانتساب صراحه الفرق بسيط جدا .. ع العموم المهم بالنهايه شهادة بكالريوس .. انا صوت لتعليم عن بعد كمسمى احسه احسن 😛
|
رد: التعليم عن بعد افضل من مسمى الانتساب
أكيد مو راضيه عن دا التهميش لكن انا عندي امل ان تتعدل دي النظرة و من ثم الاعتراف بنا وبشهادة التعليم عن بعد
لأنو حرام نخسر ونتعب و الأخير يهمشونا !! |
رد: التعليم عن بعد افضل من مسمى الانتساب
اقتباس:
انا اتكلم لك من واقع تجربة مرت علي عند تسجيل مؤهلي، مااتكلم من منتديات واشاعات بالتوفيق،، |
رد: التعليم عن بعد افضل من مسمى الانتساب
اقتباس:
انا ذكرت الموضوع من واقع تجربة، جربت نظام الانتظام، ونظام التعلم عن بعد (الانتساب المطور جامعة الملك فيصل ) ونظام الجامعة الالكترونية (25% حضور ،75% تعلم ذاتي من الموقع). لو تسألني اين الافضل للدراسة ، اجاوبك نظام الجامعة الالكترونية +الجامعة العربية المفتوحة هذا خاص بالموظف. الطالب الجديد : افضل له الانتظام الدارس فقط للوثيقة كترقية وروتين العمل : نظام جامعة الملك فيصل( التعلم عن بعد). الانتظام فيه تفاعل مع الدكتور حتى لو المقرر مكرر يكون الدكتور وضع فيه تحديث جديد عند الالقاء والعرض، كذلك فيه مناقشة يومية ، وفيه واجبات واسفسارات وعصف ذهني وتفاعل بين الزملاء. بالتوفيق،، |
رد: التعليم عن بعد افضل من مسمى الانتساب
تتكلمون في جربه مقضوضه!!
|
رد: التعليم عن بعد افضل من مسمى الانتساب
طيب لو تم الاعتراف بشهادة التعليم عن بعد !وتمت معادلتها بالانتساب أو أعلى منه !
وش بيكون رايكم بعدين |
رد: التعليم عن بعد افضل من مسمى الانتساب
لما تحج البقره ع قرونها. . ولكل حادث حديث
سواء غيروها بعد سنين ومنين والا ما غيروها فكروا بحاضركم واشتغلوا عليه واتركوا الغيبيات لرب العالمين وكثرة الكلام لا تزيد ولاوتنقص ولا تحرك ساكن في الموضوع اللي يبي يغير (الأفعال هي اللي تتكلم) والا الهرج سهل وكل من يجيده |
رد: التعليم عن بعد افضل من مسمى الانتساب
التعليم عن بعد او الانتساب كلها مثل بعض سعيد اخو مبارك وكلها مطلوب حضورك الاختبار بينما التعليم عن بعد اختبارك عن طريق اون لاين .بخصوص المجهود لا يوجد فرق كبير سواء الطالب المنتظم يذهب الي الجامعة كل يوم والغير منتظم يذهب وقت الاختبارات.
وهذه شهادة حكومية معتمدة وخاصه الجامعات العريقة كجامعة الملك سعود او جامعة الملك عبدالعزيز او جامعة الملك فيصل حتى منظر الشهادات يفتح النفس ومعتمده دولي |
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
اقتباس:
فعلا انا مؤيد لكلامك اعتقد الانتساب صار كرت محروق وكثير اعرفهم معاهم شهادة انتساب ولا استفاد منها السوق القادم سوق التعليم عن بعد والدليل الجامعة الالكترونية تعليم عن بعد معادل للانتظام والله يكتب مافيه الخير للجميع |
رد: التعليم عن بعد افضل من مسمى الانتساب
اقتباس:
نقاشات كلها الفاظ بذيئة ما يحترمون الراي الاخر صبيانيين في التعامل ويتكلمون كان النقاش الاي بالملتقى بيغير شهادتهم مع ان صاحب الموضوع قال خلونا نتناقش الا انهم : هاجموه طلبوا اقفال موضوعه زعلانين ان هالموضوع بيخلي الجامعة تغير الاسئلة وماتكرر (شوف كيف يربطون الامور) علي طاري الاسئلة:من يغير الدكتور سوال قالوا بيقدمون اعتراض ووينك يالفريدان ليش ما كرر وشفيه علينا،، يبون بس يذاكرون الاسئلة القديمة ويجون يختبرون ويبون ينجحون ويبون يتوظفون اتقوا الله في انفسكم (طبعا مو الكل) الله يعين كل واحد على حاله ### |
رد: التعليم عن بعد افضل من مسمى الانتساب
|
رد: التعليم عن بعد افضل من مسمى الانتساب
انتظار النتائج يزيد من حالة التوتر لدى البعض
هذا الأمر أخذ كفايته من النقاش في مواضيع سابقة كان الله في عون الجميع |
رد: التعليم عن بعد افضل من مسمى الانتساب
اقتباس:
الجامعه السعوديه الالكترونية <<< تعليمهم الكتروني اون لاين وليس عن بعد واحب أوضح لك الجامعه السعوديه الالكترونية شهادتهم نوعها انتظام مو تعادل انتظام بعدين ترى صجيتونا انا اقترح يلغون الواجبات والمشاركات علشان نفتك من صجتكم جالسين (( نسخ ولصق )) ومسوين فاهمين ,, ورايحين لسبق يشتكون .... تراكم فشلتونا قال ايش قال شهادة تعليم عن بعد |
رد: التعليم عن بعد افضل من مسمى الانتساب
اقتباس:
لكن لاصراركم على مقترحكم ولعدم اقتناعكم بانه مقترح فاشل جاكم الرد على مستواكم واذا ما اعجبك كلامنا شوف التصويت وتوكلوا على الله انتم ومقترحكم الفاشل |
رد: التعليم عن بعد افضل من مسمى الانتساب
اقتباس:
بشويش على عمرك لا يطق لك عرق وتموت |
رد: التعليم عن بعد افضل من مسمى الانتساب
احنا ندرس حالياً تعليم عن بعد
واحنا اسمائنا اللي منتسبة لجامعة الملك فيصل عن بعد مثال لمن يقولك فلان من نسب فلان او منتسب للجهة الحكوميه الفلانيه او الجامعه الفلانيه بمعنى اسمه منظم للجهة الفلانيه لكن في الاساس هو دراسة وتعليم عن بعد والانتساب صارت الكلمه الدارجه الاكثر في المسمى التعليمي اكثر من التعليم عن بعد وفي الاساس هو تعليم عن بعد ودراستنا تختلف اختلاف كلي عن الانتساب من جميع النواحي والاخت اللي منزله التصريح بان التعليم عن بعد قيد الدراسه هذي اخبار جيده بانه قيد الدراسه . . . |
رد: التعليم عن بعد افضل من مسمى الانتساب
انتســـــــــــــــــــــــاب الافضل :smile:
|
رد: التعليم عن بعد افضل من مسمى الانتساب
فك وافك
|
رد: التعليم عن بعد افضل من مسمى الانتساب
انا من نؤيدين الانتساب و من معارضين التعليم عن بعد
|
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
لاحظت اغلب التصويت للإنتساب عناد للموضوع ليس اقل او اكثر :smile:
والاغلب موظفين ويهمهم التحسين الوظيفي فقط لانهم موظفين وظامنين الوظيفه لكن مايواكبون التطور في التعليم لانهم على وجه التقاعد واحب اوضح نقطه مهمه جدا يمكن البعض مايفكر فيها الحين لمن نقدم للدراسات العليا دائما الاوليه للخريجين حديثين التخرج واصحاب النسب العاليه والتوظيف دائما للخريجين حديثين التخرج واصحاب النسب العاليه حتى لو منتسب اذا معدلك نازل ماتنقبل بالسهوله ومين بيضمن معدله مرتفع طول الاربع سنوات ؟ وعشان نضمن الوظيفه بمعدل مرتفع لايقل عن جيد جدا اغلب الطلاب يمرون بضروف صعبه قد تكون من اسباب نزول المعدل لضروف خارجه عن ارداة الطالب فمابالكم بشهادة طالب منتسب ومعدله نازله بصراحه ماراح ينقبل لا في دراسات عليا ولا في وظيفه فعشان كذا من الافضل نسعى دايماً في تطوير العلم وتطوير شهادتنا قبل يصير الانتساب مثل شهادة الاميين او المنازل مالها قيمه في اي مجال تعليمي او وظيفي . . . |
رد: التعليم عن بعد افضل من مسمى الانتساب
المؤيدين او المعارضين
طرتوا للسماء ولا نزلتوا للارض المهم أو الأهم الحكومه إيش رايها بالموضوع..؟ الي يشوفكم يحسبكم اصحاب قرار وبتغيرون في الإتجهات. اتبعوا هذه الحكمه: رحم الله من عرف قدر نفسه واللبيب بالإشارة يفهم .. اعتبروا مجلسكم هذا مثل مجلس أبو مشعاب مجرد تفريغ مافي الأنفس .. كمان استعجب من بعض الردود الفضائحية عن اسلوب الامتحان وتكرارها وخلافه ... اقضوا حوائجكم بالكتمان.. يالله لا تنسون ماقلت : من اصحاب القرار انتوا ولا الدولة المتمثلة بالجامعة..؟؟ |
رد: التعليم عن بعد افضل من مسمى الانتساب
الشي هذا علمه عند رب العالمين والعبد يعمل بالأسباب وربك يعينه لا انا ولا انت ولا أي أحد بالعالم يقدر يحدد مصير أي شخص ولا الي مدى رح تؤول إليه دراسته ومستقبله تعليم عن بعد أو انتساب
تعددت الأسباب والموت واحد! بس عشان أوضح لك شغله مش شهادة البكالوريس هي اللي تحدد مركز الشخص بقولك أقرب مثال للشخص اللي يحاول ويجد ويجتهد عشان يوصل للي يبيه ومن غير شهاده بكالوريس اختي لساتها ما أخذت شهدتها وتدرس مثلنا عن بعد إدارة أعمال وما عندها إلا ثانوي ودبلوم حاسب تعرف إش وظيفتها الآن منسقة مشاريع لارامكو ولا واسطه ولا هم يحزنون باصرارها ومثابرتها حققت مركزها يعني لا تقولي انه مسمى شهاده هو اللي رح يرفعك أو ينزلك اتكالك على رب العالمين أولا ثم مجهودك ثانيا هو اللي رح يحدد مستقبلك.. وقبل الاختبارات كانت مترشحه لجائزة إصرار ضمن ال150شخص فلا تقولي تعليم عن بعد وبطيخ |
رد: التعليم عن بعد افضل من مسمى الانتساب
^
^ احنا نناقش امور بسيطه عن مسمى الوثيقه ليس اقل او اكثر |
رد: التعليم عن بعد افضل من مسمى الانتساب
اوك أمور بسيطه لكن انك تدخل الأمور البسيطه إلى انك تحدد رغبة الآخرين من ورا الشهاده أو تحدد مصيرهم بناء على رغبتك انت!
ما تصبح أمور بسيطه تصبح فرض رأي لا أكثر |
رد: التعليم عن بعد افضل من مسمى الانتساب
^
^ << ـــــــــــــــــــــ انا بنت :16.jpg: طلبت نقاش هادي ... ماطلب فرض وامر على الجميع . . . اجل وش الغرض من التصويت ؟ تركت المجال للجميع بالتصويت عن الافضل من ناحية المسمى :oao: ( انتساب ) او ( تعليم عن بعد ) |
رد: التعليم عن بعد افضل من مسمى الانتساب
الموضوع واضح والتصويت أثبت لك العكس
ولو فيه حماس كان من أمس! تخرجوا الناس واللي ابتعث واللي ترقى واللي كمل ماستر واللي توظف! وانتوا ما زلتم تبحثون بمسمى الشهاده ! عجيب والله والعجب العجاب انه اللي سجلوا فيها وهم على درايه بماهيتها! من البدايه مو عاجبتهم. Sereosly I rest my case! |
رد: التعليم عن بعد افضل من مسمى الانتساب
يلاحظ على صاحبة الموضوع أنها لم تقتنع بالتصويت بل وشككت في نوايا الذين صوتوا لمسمى انتساب
إذا كان التصويت لم يعجبك ولم تقتنعي به فلماذا طلبتي التصويت أساسا ؟! الله سبحانه وتعالى هو الذي يعلم بالنيات وليس انت الأغلبية تؤيد مسمى انتساب وهذا ما أثبته موضوعك بشفافية وبدون انحياز . انتهى |
رد: التعليم عن بعد افضل من مسمى الانتساب
الموضوع طرح للنقاش ارى البعض قد حمق وكأن صاحب الموضوع هو عميد الجامعه
ارتقي في نقاشك او اصمت |
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
الموضوع أخذ كفايته من طرح الآراء وأخذ منحنى آخر ولم يعد صالحا للنقاش
تم النقاش فيه بإسهاب وتم التصويت ... ماذا بعد ذلك ؟ |
رد: التعليم عن بعد افضل من مسمى الانتساب
^
^ شكرا ع تصويتك ولست ملزم بالتعليق باكثر من تعليق مازال الموضوع مفتوح للجميع وليس لشخص معين:smile: |
رد: التعليم عن بعد افضل من مسمى الانتساب
نفر كمونيه
|
رد: التعليم عن بعد افضل من مسمى الانتساب
ياصاحبة الموضوع الملتقى مفتوح للجميع
إذا كنتي متضايقة إلى هذا الحد من الردود فلا تكتبي مواضيع بعد ذلك أنا أعرف أنه لن يرتاح لك بال حتى تكون نسبة مؤيدي مسمى تعليم عن بعد أكثر من مسمى انتساب أيها الأعضاء قوموا بالتصويت على مسمى تعليم عن بعد حتى تصبح راضية فمن الواضح أنه لن يهدأ لها بال حتى تحقق ماتصبو إليه كان الله في عونك وعون الجميع. |
رد: التعليم عن بعد افضل من مسمى الانتساب
بالنسبة لي شخصياً مافرقت مع أني صوت على انتساب
الأهم عندي هو أن يتم اعتماد الشهادة للدراسات العليا أستغرب هذا الصمت من وزارة التربية والتعليم أو مايسمى وزارة التعليم العالي سابقاً حيث مليارات تستنزف من جيوب الشعب إما يقولون ليس معترف بها لنعرف أين نتجه أو يقولون هي معترف بها ويحق لنا إكمال الدراسة أو التوظيف لمن أراد ذلك أما ترك الأمور على عواهلها لكسب أكبر قدر من المال فتلك مصيبة تحتاج وقفة من السؤولين بالدولة ولاننسى جامعة الإمام قبل سنوات عندما استغفلت الطلاب وفتحت لهم الدبلوم الأنجليزي ووعدتهم بالتوظيف قبل أن تتراجع عن وعودها .. فتم إعادة الأموال المسلوبة مع تعويض مالي لجميع الطلبة اللذين تقدموا بالشكوى فقط وذلك من قبل ديوان المظالم .. هل ينتظر منا أن نقدم شكوى أم وجودا أن الأمور هنا تمشي بالبركة .. فأستغلوا الوضع وخاصة اصحاب القرار غير آبهين بثقة خادم الحرمين الشريفين بهم .. |
رد: التعليم عن بعد افضل من مسمى الانتساب
اقتباس:
بردودكم بعيد عن محور النقاش الين توصل غصب الى ردود شتم وسب ماله داعي وانا مو منتظره عشان نسبة التصويت يرتفع لمسمى التعليم عن بعد الموضوع للتسليه فقط الين تطلع النتائج ان شاء الله وبنفس اليوم بطلب من المشرفين يغلقونه :smile: |
رد: التعليم عن بعد افضل من مسمى الانتساب
اقتباس:
ناجحة ان شاء الله |
رد: التعليم عن بعد افضل من مسمى الانتساب
^
^ آمين يارب واسال الله النجاح والتوفيق للجميع |
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
اقتباس:
كل شخص يتحمل مايفعل لكن لا تجمعيني مع من قام بشتمك فأنا لست منهم الموضوع قائم منذ يومين ولم أشارك فيه إلا خلال الخمس ساعات الماضية بالتوفيق للجميع ان شاء الله |
رد: التعليم عن بعد افضل من مسمى الانتساب
اخواني و اخواتي يرحم والديكم شدوا حيلكم في موضوع الترم الصيفي والله احسن لنا من موضوع عقيم مع احترامي للجميع اذا كان انتساب او تعليم عن بعد اهم شيء في النهاية معك شهادة جامعية ومعتمدة اهم واهم من المسميات والله يوفق الجميع :53:
|
رد: التعليم عن بعد افضل من مسمى الانتساب
قفلوا الموضوع الخاص بالنتائج و هذا الموضوع عادي ما ضايقهم !! اقول وش رايكم نحول نقاشنا عن النتائج هنا في هذا الموضوع ؟ :(269): متى تتوقعون النتائج ؟ قبل 28 بيومين او اسبوع :mh12:
|
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
اقتباس:
فلمن كتبت انتوا كانت للأغلبيه لكل من يشوف ردي :smile: |
رد: التعليم عن بعد افضل من مسمى الانتساب
اقتباس:
لو كتبتيها في رد مستقل لما عقبت عليك :10111: |
رد: التعليم عن بعد افضل من مسمى الانتساب
اقتباس:
|
رد: التعليم عن بعد افضل من مسمى الانتساب
اقتباس:
خير ان شاء الله |
| All times are GMT +3. الوقت الآن حسب توقيت السعودية: 01:08 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام