حلم غريب ماء و غزلان ؟؟

[reemala7sas]

مرحبا

قبل امس حلمت حلم غريب شوي و قلت اكتبه هنا عسى يكون له معني الحلم عباره عن اجزا

الجزا الاول من الحلم

كنت واقفة على جسر من الخشب على ضفة بحيره و كان فيه 3 رجال ع لهم نفس الطول تقريبا و لبسين بدل رياضة

و كنهم عصابة و الثالث كان طويل و لابس ثوب ابيض واحد من الي لبسين بدله دفعني الى الماء و طحت لكن بسرعه ركبت مرا ثانية على الجسر

و دفعته الى الماء و طاح لكن مسك كفي بقبضة قوية و يحاول يشدني معه لكن قدرت اسحب كتفي منه

بعدها جاء الرجال الي لبس ابيض و كان مقابل لي و مسكني من كتفي و ذراعي و كئنها مسكت مصارعي السومو

اليابانية و راسي كان جنب من راسة و انا كنت اميل راسي عشان اشوف وجهه ما ادري بعدين كيف فكيت ايدي

اليمين منه و بديت اخذ من الماء البحيره و ارش عليه و هو ماسكني و كنت العب معه مع انه ما تركني و قال عادي

ترشي على الماء لكن لا يجي الماء على شعري لني حاط فيه رغوه كان في بداية اول ما مسكني ما كات شعره

طويل لكن يوم قال لي عن شعره شفته مرا ثانية و كات طويل الى الكتف تقريبا انا قلت له عادي اذا جاه ماء انا عندي

شنطة فيها رغوه و ادوات لشعر ممكن اذا صار فيه شي نعدله

,,,النهاية ,,,

الجزا الثاني من الحلم

على نفس البحيره و نفس المكان الي كنت واقفه فيه على الجسر جف جزا من البحيره ممكن النص البعيد عن الجسر

ما ادري كيف انتقلت الى الجزا الي جف و لكن كنت واقفة على جسر اخر مقابل لنصف الجاف و كان فيها 6 غزلان

كلهم امووات و مع هذا المفترض انهم يتحللون او يتغير شكل جسمهم من الماء لكن هذول جسمهم سليم و كئنهم

ما صار لهم فتره على موتهم لونهم بني على بيج و في البطن ابيض المهم كان بالقرب من الغزلان و تحت وحده منهم

شجيره صغيره متفرقين حول الغزلان لكن موو كثير يمكن 5 يا اقل او اكثر و كان في نفس الشجيره ثمر الثمره لونها

وردي على بنفسجي قالت امي تبغى تاكل منها انا قلت كيف تاكلين منها و هي طالعه بسبب الغزلان يعني بسبب

جثتهم امي ما اسمعت كلامي و اخوي نزل جنب الغزلان و سحب اثنين منهم الي الجهه الثانيه بعيد عن الاخرين قالو

خلاص اخوك سحب 2 قلت انا ليش هم كم كان فيه و جلست اعد و طلع 6 المهم امي خذت الثمره لكن ما اكلتها

بعدها دخلت في المنزل و كان مقابل للبحيره الجافة و كان منزلي جدي و كان فيه عماتي و زوجة اخوي و امي و كانو

واقفين امام (المرحاض الافرنجي) كان المرحاض من المراحيض الي فيها مغسلة اعزك الله

و كانت زوجة اخوي جالسة امامه و حولها الي ذكرتهم سبقا و انا بالجم كنت معصبة عليهم قلت لا ترمون الثمره الي

خذتوها هذا نعمت ربي و اذا اشوف بنت عمي عندها كيس صغير دخلت يدها و طلعت منه حبوب الفصوليا الي فوسطها اسود مدري ايش اسمها نسيتها المهم اخذت من الكيس و رمتها في المرحاض

و انا اقول نعمت ربي ترمونها و لكن محد يسمع مشيت عنهم و انا معصبة (غضبانه) و جاء اخوي يسئل عن المغسلة

عشان يغسل يده و قلت له هناك على ان المفترض يكون في بيت جديد خزان كبير ممكن يغسل يده فيه لكن ما فيه

الا سقف من خشبتين و خشبتين طايحه و جنبة كان من قبل فيه حمام اعزك الله وضع مكانه مغسلة لليد اشرت لخوي

هذا هي المغسلة و راح يغسل ايده


هذا جزاين من الحلم ان شاء الله القى عندك لها تفسير وسوري على الاطاله

[أنيس النفوس]

و عليكم السلام


يؤسفني ان ابلغك بان هذا الحلم هو مجرد اضغاث احلام ............. والله اعلم