|
رد: استفسارات بخصوص الجامعه
اقتباس:
|
رد: استفسارات بخصوص الجامعه
اقتباس:
حبيبتي انتي ارجعي اقراي الكلام و راح تشوفي اني كاتبه كل بنت كتبت تجربتها خاصه فيها :mad: |
رد: استفسارات بخصوص الجامعه
اقتباس:
طيب وش بك معصبه , مجرد نقاش لا اكثر :Cry111: ترا انا الترم الجاي السنه الثانيه لي ب الجامعه حلو و اللي اعرفه انو مافي طرد و وحده تدرس معي بتدخل السنه السابعه شلون م اطردوها اذا هي مالها واسطات ولا هي عندها ظروف صحيه و الامن يبون فكتها من زمان بس م يقدرون يسوون شي لانها طالبه ! :000: و عشان م نختلف اكثر , البنت اذا تبي تستفسر تسال امن الجامعه او احد من الشؤون و خلصنا :sm12: |
رد: استفسارات بخصوص الجامعه
بسالكم
يعني الحين صدق لو مثلا خلصت محاضرتي بدري مايصير اطلع الا لما يخلص الكل؟ والجوالات بكام ممنوعه؟ |
رد: استفسارات بخصوص الجامعه
اقتباس:
ما فهمت مين تقصدين الكل ؟ بس متى ما خلصت محاضرتك تطلعون كلكم انتي والبنات الي معك بنفس المحاضرة مع بعض :) حبيبتي هي أساساً ممنوعة، فالي تسوينه هو تجيبينه عادي بس انتبهي لا تطلعينه ولا تكلمين فيه قدام الأمن :sm4: |
رد: استفسارات بخصوص الجامعه
اقتباس:
لاتستنين احد , لو مثلا مثلا عندك محاضره من 8 الى 10 ووخلاص ! يمديك تطلعين الساعه 10 بشرط يكون واحد من محارمك او سواقك الخاص والبوابه تفتح مرتين الساعه 12 و الساعه 2 والجوالات مثل ماقالو جيبيها بس لاتطلعينها قدام الامن. |
رد: استفسارات بخصوص الجامعه
اقتباس:
|
رد: استفسارات بخصوص الجامعه
السلامّ عليكم ,,, أنا الطالبة رحمة الزهراني ـ مُتخصصةّ مستوى خامس .. بقولكم تجربتيّ في التحضيري وأيش الاشياء اللي واجهتني .. القاعات : أول ترم كنت ضايعة شوي من ناحية المباني وأماكن القاعات .. مين ساعدني ؟ أنا . في الجامعة محد يهتم فيك قد أهتمامك انتي بنفسك . أكثر شي لازم يكون بعقلك "السؤال" . لا تستحين من أحد أمشي وأسألي ، دوري قاعاتك وأمسكي النوته وسجلي ! الحضور : بجد هالشغله كانت مسببة لي أزمة ، حتى وأنتي شاطرة محد بيهتم لشطارتك وانتي تتأخرين . مرات كانوا البنات يقولون سواقي يتأخر والخ ، بعض الدكتورات ماعندها يمه ارحميني طرد مباشر والا تقفل الباب ، هالشي جاب لي غيابات كثير لأن سواقي يتأخر وأنا مالي ذنب ، او أطول وانا اشتري بالكافيتريا ف أنتبهوا من هالشغله . . اختيار المواد : في شُعب كانت ب أوف وشعب بدون اوف ونادرة اللي بأوف ، طافني أنا التسجيل وخرب النظام علي ف رحت للجامعه اول اسبوع وسوو لي تسجيل يدوي جدا سهل الوضع سجلوني ب شعبه فيها كل المواد ، ماكان صعب بقد ماهو كثير ( كثير+ليس صعب) يعني يبغاله حفظ في ناس تقسم وقتها طول السنه وترتب وضعها وتحفظ وتركز وتفهم وفي ناس تراكمها كلها أخر السنه وتصدع ، هذا الفرق بين اللي يتحمل واللي مايتحمل ، والا المواد أنحطت في هالترم وهي تتناسب مع الشخص المجتهد (هذا رأيي الشخص) وأحترم اراء الجميع . الأكل : الكافيتريا كبيره ماشاء الله في أيام تكون زحمه وأيام عادي زي أي مجمع وزحمته والخ .. كل شي تبينه ممكن تلقينه ، الاكل من خارج الكليه ممنوع الا عاد اذا بتدخلونه وهم مايدرون يمكن تعدي ، دلال القهوه ممنوعه واذا اخذوها يسون لك تعهد ، في كوستا ودربي موجودينّ وألالات قهوه وشوكليت والالات مويه والالات حليوات وبطاط والخ في الاسياب ، خلي معك فكه ريالات بجيبك دايم . التخصص : اذا انتي بس تبين تجيبين هالمعدل وهو همك الوحيد عشان تخصصين وبس خذي المواد اللي تدخلك هالتخصص وشدي حيلك فيها وحطي معهم كم مادة تدفك بعد ، عاد انا من الناس اللي توكلت على الله ثم الحظ ماكان ببالي تخصص معين ، شاطره عالفاضي واجتهدت بالتحضيري مع العلم اني فله بقوة مع صديقاتي ونستهبل ونسوي اللي بخاطرنا بس وقت الدراسه ما اتعامل بللعب ابد ، هي المسأله ضبط للنفس ، المجتهدة مو حاكره نفسها ، جبت معدل عالي والحمدلله ، الخُلاصه خليك مجتهدة لما يتطلب منك هالشي بس . الجوال : أذكر كم مرا لقطوا جوالي مني بالممرات لأني أمشي فيه وأكتب وأكلم صديقاتي فـ أنتبهوا لجوالاتكم . مادة الاحصاء ماتخوف وسهله جداً . مادة الانجليزي : أنقلزي عام خذوه عند وحدة زينه -محد تعقد من قلب-. الانجليزي قراءه - كتابه ( مادتين منفصله الترم الثاني تاخذونها ) عند الدكتورة المصريه عُلا اسماعيل أتعب وانا اقول بيرفكت وتهبل وتساعد كثير . مواد العربي ( نحو 1 - نحو2 - تحرير عربي - تذوق أدبي) التحرير العربي : أملاء يعلمونكم كيف تكتبون صح وبس . النحو : زي الثانوي بالضبط . (لازم وحدة تشرح زين) نحو1 للترم الاول نحو 2 للترم الثاني . التذوق الادبي : أدب (حفظ ) . صحة ولياقة : مادة قرقرقرقرقر عن الرياضة والصحة والخ أقعدي بالقاعه استمتعي بالمعلومات كنك بمنتدى حواء وربي :( ، وتطلعين سهله وخفيفه . علم اجتماع : مصطلحات جديدة ويمكن نستصعبه بالبدايه ، وجد هذي المادة اللي ينقال عنها ذاكريني اول بأول ! فقة السيرة : معارك وسيرة الرسول اللهم صل وسلم عليه . (تاريخ على دين والخ) -حفظ وأخلقي لنفسك جو استمتاع وعيشي القصص كلها لنبينا اللهم صل وسلم عليه ، نصييحة والا بتنكدين - . هذي اللي أتذكرها حاليا من المواد وذا اللي يحضرني :( , اسفه عالأطاله وأي سؤال موجودين لمساعدتكم حنا .... -رحمة- |
رد: استفسارات بخصوص الجامعه
السلام عليكم
متي يبدأ الدوام وينتهي بالنسبة ل السنة التحضيرية ؟ |
رد: استفسارات بخصوص الجامعه
مين قال ان مافي طرد؟؟؟ اكيد اللي لهم اكثر من 6 سنوات يكونون نظام قديم انا 3 من صديقاتي انطردو
الطرد يكون بحالتين 1- تجيبين 3 انذارات والانذار يعطونك اذا كان معدلك اقل من 2 او نجحتي بساعات اقل من 22 ساعه 2-بعد 6 سنوات وانتي ماتخرجتي تنطردين وطرد الانذارات لازم تكون ورا بعض كلها يعني لو جبتي انذار والترم اللي بعده رفعتي معدلك خلاص يحذفون الانذار وبالتوفيق للجميع |
| All times are GMT +3. الوقت الآن حسب توقيت السعودية: 09:30 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام