المشاركة الأصلية كتبت بواسطة ريم الشام (المشاركة 11248562) لو سمحتو هل مسموح للتسجيل لغير السعوديات بالجامعة بالانتظام

بنات التحضيري ياحلوين بقولكم شيء
اولاً ترا الدراسة ست سنوات بالجامعة يعني مو اكثر من ست سنوات بتاتًأ .!
ثانيًا : مو لزم تاخذون تسع مواد من اول ترم تقدرن تاخذون ست عشان يعني تجيبون معدل حلو إن شاء الله
وترا لو اخذتوا تسع بيكون فيه اوف طبعًا لكن بيكون ضغط وكل شخص وقدرته وتحمله ,, فتذكروا إنه الشغلة مو سباق وتخلصين بسرعة حاولي تاخذين مواد على قدك عشان تجيبين معدل حلو لا تخرجتي ..

والجامعة تراها حلوه نوعًا ما لكن تحتاج ذكاء وصبر بمعنى الذكاء يكون في التعامل مع البنات بالكلاس صيري ذوق وهادئَه حتى لو لقيتي بنات ينرفزون وخليكي رزَه عشان يكون لك احترام مو ضحكك واصل اخر الممر .. !
والصبر يكون على الدراسة يعني لما تحسين نفسك شاطرة وان المادة سهله افرحي بس لا تتركين كتابك لا طبيتي بيتكم لا لا لا ارجعي اقري الي درستيه ربع ساعة فقط عشان يلصق بمخك وماتنسينه وذاكروا اسبوعيًا ع الاقل واذا قدرتوا يوميًا وتراها سهله اذا حطيتوا ببالكم إنها اجر وانها بصالحك بالشهري والنهائي
ثالثًا : اختاروا صديقاتكم بالدراسة ابتعدوا عن الناس المتشائمَة الي يطلعون لك ان الدراسة كأنها هندسة او طب :007:
ترا ذولي يحطمونكم ببطء بعدين تكرهين نفسك واليوم الي درستي فيه بالكلية
لآنهم يعطونك معلومات واشياء خاطئَة عسى ربي يهديهُم
وابتعدوا عن الناس الي تضحك وتحش بفلانه وعلانه :sm4: غير إن هالشيء عيب تراه يضرك وبيجي دورك بالحش وانا طبعًا اقصد الضحك هو الضحك بالقاعة مب برا !! :tongue: اي برا اضحكوا على كيفكم مع صديقاتكم بس لما تدخلين القاعة خليك هاديه وسلمي ولاتضحكين مع دكتورتك اما اذا ضحكت عطيها جوها هههههههههه ابتسمي وربع متر ضحكة او اقل مو تسكتين ترا بعدين تفهك غلط وعلى فكرة الدكتورات لزم تتعاملين معهم بأسلوب وتحسسينهم إنهم دكاتره لا تعاملينهم كأنهم امك ولا خواتك الكبار لانهم غرباااء :wink:
ويمكن لو قلتي لها يوه ليش تفهمك غلط وتحطك براسها
لا بغيتي من دكتورتك شيء قولي ارفعي اصبعك واطلبي منها بأسلوب تعيد او قولي انا مافهمت النقطة الفلانية مو استاااذااه مافهمت لا يمّي روقي :sm4: تراها ماتعرفك عشان تقول ذي مسكينة مافهمت انتبهي :(269):
رابعًا صلوا بالجامعة صلاة الظهر مو لزم تصلون لا رجعتوا البيت لانك ماتضمنين رجعتك ياقلبي :icon9:
وغيركذا يخرج وقت الصلاة وحرام ..
اذا ضايقك ازعاج المصلى روحي اي قاعة وصلي وطبعًا جيبي سجادة معك بكيسة عشان تصلين ووضي بالبيت عشان ماتبتلشين بالحمامات لانه قلق وبيتغرق لبسك تطلعين كأنك طابه في بركه :hahahahahah:
واخيرًا اللبس .. البسوا لبس مُريح وحلو لاتكشخون واجد كأنكم بعرس :icon9: لان والله المنظر يطلع غلط واساسًا بشرتك بتتعب من مكياجك وغير كذا مايحتاج كل ذا

واخيرًا اختاروا دكاترتكم بالمواد بعناااية :sm4:

انصحكم تبتعدون عن الدكاترة الرجال لانه لو فيه درجة ظلمك فيها شلون تفهمينه وغير كذا التواصل مع الدكتورة بكل وقت بالمكتب افضل من انك تزاحمين البنات عند التحويلة وغير كذا مرات تحتاجين تسألين عن شيء بدون ازعاج او تكونين ناسيه طريقة الحل لو كان مثلاً احصاء وبغيتي الشرح .. شلون بالله بيشرح لك ؟؟ شفتي كيف عشان كذا خليكي مع دكتوراات وانتوا مغمضين :064:

يُتبع :004:

المشاركة الأصلية كتبت بواسطة Memz47 (المشاركة 11218672) الله يعطيكم العافيه بنات ماقصرتوا طيب والبطاقه الجامعية؟

المشاركة الأصلية كتبت بواسطة Ayshah128 (المشاركة 11245073) امم برستيج بنوته فكرتك حلوه ان نعمل قروب بالبي بي بس انا ما اشوف اي تفاعل مع الفكره اببدا ممكن تتفاعلون معها :(

المشاركة الأصلية كتبت بواسطة memz47 (المشاركة 11253302) انا معاكم بقروب بالبي بي نزلي الكيك حقك عشان نتواصل معاك وناخذ البن ونسوي القروب