ملتقى طلاب وطالبات جامعة الملك فيصل,جامعة الدمام - Group ▐طالبــات السنة التحضيــريه ▐ ♦ ♦

Group ▐طالبــات السنة التحضيــريه ▐ ♦ ♦

[align=center]

بسم الله الرحمن الرحيم

اول شــي مبروك القبول لجميــع الطآآآلبــآآتـ واتمنى انكم تقضون احلا اربع سنين بكليتنا الجميله ... وحظ اوفر للي ماقبلوهم وان شاء الله يلاقون اسمهم بالدفعآآآتـ الجـآآآيه

الحين انتو كمستجدات عندكم فضول تعرفون كل شي .. وكل مايتعلق بالجامعه وانا بيوم

من الايام كنت مكانكم وابي اعرف كل شي انا سويت هالموضوع لعيونكم واتمنى انه

يجاوبكم عن استفسارتـكم ..

كليــة الاداب للبنـآآآتـ الموقع حي الروضـه .. بالدمام ..

طبعآآآ جميع المقبولات رح يدرسون بالبدايه سنه تحضيريه كامله وبعدهآآ يتخصصون

وسنوات الدراسه 4 سنوات منها الاولى تحضيري والثلاث سنوات الباقيه تخصص ..

س1/هل السنه التحضيريه سهله وإلا صعبه ؟

تعتمد صعوبة وسهوله السنه على قدرات الطالب وطريقة المذاكرة والتركيز في المحاضرة .

بالنسبه لي كانت السنه التحضيريه متوسطه يعني فيه مواد صعبه ومواد سهله ..

س2/ كم عدد المواد اللي ندرسها وهل هي اجباريه ام اختياريه ؟

المواد بشكل عام 18 ماده وكلهم اجباريين لأجتياز السنه التحضيريه ويتم تقسيم على الشكل

الاتي : 9 مواد الفصل الاول و9 مواد الفصل الثآآآني ..

الفصل الاول :

اللغه الانجليزيه العامه : ماده سهله جدا مثل اللي درسناها بالثانويه يعني مجرد تذكير فقط

لاتصدقين اللي تقولج صعب ورسبوا كثير انا لحد الان ماني قادره استوعب ليش كثير رسبوا

فيها مع انها تافهه جدا ولكن يبيلج تشدين حيلج مع الدكتوره وتفهمين لها بالمحاضره .. بس

الماده عموما سهله وماتخوف .. ولازم تنجحين فيها عشآن تدرسين مواد الترم الثاني اللي تتعلق بالانجلش وهي مواد ماتقدرين تدرسينها الا اذا اجتزتي هالماده هذي ونجحتي فيهآآ

مهارات التعليم والتفكير : ماده سهله نوعآ مآآ بس انا ماحبيتها .. تعتمد اكثر شي على تفكيرج

ونشاطـج الفردي هذا بالنسبه للمشـآآركـه مع الدكتور/ه داخل الكلاس لكنهآآ تعتمد على الحفظ والفهم بنفس الوقت ..

مبأدى اداره: اعتبرها ماده ادبيه لانها تعتمد ع الحفظ بشكل اكبر وصحيح انها عن اداره الاعمال

ولكنها مجرد مبأدئ اكثرها تعريفآآتـ وعددي يعني اللي تحب الحفظ رح تحب هالماده ..

الصحه واللياقه : من اسمها تهتم بالصحـة وهالسوالف وعن العادات الصحيه سواء السيئه او

الجيده مثل التدخين وتتكلم عن الامراض وكيذا .. الماده سهله جدا وماتخوف واغلب البنات

نجحوا فيها ورفعت لهم معدلاتهم .. وحتى دكتوراتها متعاوناآآآتـ وحذوا لنا كثير بالاختبار النهائي

العقيده والمذاهب المعاصره: ماده دينيه اقرب للتوحيد والفقه بالثانوي بس بشكل مطور شوي

تعتمد على الحفظ بشكل اسأأأسي لان فيها ادله واحاديث واشياء يبي لها حفظ

فقه السيره: ماده دينه تتكلم اكثر شي عن سيره الرسول صلى الله عليه وسلم .. تعتمد على الحفظ والفهم احيآآنـآآآ ...

تحرير عربي : ماده سهله للي يحبون العربي وناخذ فيهآآ اساسيات للغه العربيه مثل الهمزه

وهالسوالف ويعني تذكير للي خذناه قبل

نحو تطبيقي : ماده سهله جدا .. يعني نحو مثل اللي خذناه بالثانويه بس بشكل مختصر ..

ومايتعب ابدااا ...

مدخل الى تقنية المعلومات: حاسب ومثل اللي خذناه بالثانويه سهل وكله نظري بالسمسترالاول ...

س3 / كم مده المحاضره ؟ وكم مره ناخذها بالاسبوع ؟

وطبعا المواد هذي كلها تاخذوونـهآآآ مره وحده بالاسبوع ومده المحاضره ساعتين ..

وماعدا الانجلش بيكون 3 ساعات وتاخذونه مرتين بالاسبوع اليوم الاول ساعتين

واليوم الثاني ساعه وحده بس .. ولاتخافون وتحاتون الوقت اغلب الدكاتره يخلصون

المحاضره بدري ويطلعونكم قبل الوقت عآآآدي ..

س4/ بعد اجتياز السمتستر الاول ماهي مواد السمتستر الثاني وماهي طبيعه المواد؟

المواد اغلبها تتعلق باللي درسناها بالسمستر الاول يعني كانهآآ جزء ثاني لها .. مثل

النحو التطبيقي 2 : مثل الاول لكن اصعب شوي وماندرسه الا اذا نجحنا بالاول مع ان فيه

بنات تسجلت لهم هالماده وهي راسبين بالاول وماادري شلون !! :hahahahahah::hahahahahah:
مده المحاضره ساعتين ومره اسبوعياآآ

اللغه الانجليزيه قراءه : ماده سهله جدا وممتعه يعني تعتمد على القراءه واغلبها

كلمات مثل اللي تجينا بـ word study ايام الثانويه يعني اغلبها كلمات بدون قرامر

مده المحاضره ساعتين ومرتين اسبوعيآآ

اللغه الانجليزيه كتابه: اسهل من القراءه بالنسبه لي لانها تعتمد على القرامر وانا عشقي القرامر

وبنهايه السمستر رح يعلمونكم كيف تكتبون تعبير كامل ولوحدكم انا شخصيا ماكنت متوقعه

اني اقدر اسويها ولكن ولله الحمد .. ماجاء اخر السمستر الا وانا اعرف اكتب تعبير كامل عن

نفسي واي شي يطلبونه مني .. ومده المحاضره ساعتين مره اسبوعيآآ

وهالمادتين ماتتسجل عندك ابدا الا اذا اجتزتي ماده السمستر الاول وهي اللغه الانجليزيه العامه

القراءه والمحادثه :

ماده جدا سهــلة وممتعه بعد مثل المطالعه ايآآآم الثانويه وماتتسجل عندك وتدرسينها الا اذا

نجحتي بماده التحرير العربي .. وحتى مافيها اختبار نهائي مجرد اختبار شفوي امام لجنه مختصه وتتكون من الدكتوره اللي تدرسك الماده ودكتوره اخرى والاختباآآآر سهل جدا

ومايحتاج حتى مذاكره واغلب البناآآآتـ نحجوا فيه وبمعدلات عاليه بعد ..

التذوق الأدبي : ماده سهله جدا وقريبه من الادب بالثانويه بس اسهل بالنسبه لي

لان مافيها نصوص نذاكرها حتى اختبار نهائي مافيه مجرد بحث نسلمه للدكتوره وهالبحث

عليه 50 درجه ودكتورتكم رح تكلمكم عنه بشكل اكبر بس البحث مرررريح واحسن من الاختبار

بمليون مره بالنسبه لي .. ومده المحاضره ساعتين مره وحده اسبوعيا

برامج الحاسب المكتبية : هالماده ماتتسجل عندك الا اذا نجحتي بالحاسب تبع السمستر الاول وطوال السمستر تدرسون
البوربوينت والورود والاكسل وتدرسونهم من الالف الى الياء وسهلين جدا وفيه قسمين منه عملي ونظري ..
مده المحاضره ساعتين مره وحده اسبوعيآآ

مبادئ علم الاجتماع: مثل اللي درسناها بالثانويه وتتكلم عن الظواهر الاجتماعيه وانتشارها بالمجتمع .. سهله جدا وتعتمد ع الحفظ
بشكل كبير فـ اللي تحب الحفظ تمشي في هالماده .. ومده المحاضره ساعتين مره وحده اسبوعيآآ ..
التلاوة والتجويد : ماده دينه تعتمد على تلاوه القران وحفظ السور والتجويد .. ماده سهله ودكتورتها متعاونآآآت ومده المحاضره ساعتين
ومره وحده اسبوعيآآآ ..

وهذي بأأختصــآآآر مواد السنـه التحضيريــة ..

س5/كم مكافئه الكليّة ؟ وتبع أي بنك؟وهل هي شهريه منتظمة؟ أو تتأخر؟
850 ريال ..
بالنسبة لانتظامها بالتأكيد كل شهر .. لكن ليست في يوم محدد من الشهر .
وتنزل لك ببطاقه الصـراف .. وببدايه السنه بيعطونكم الكليه اوراق تعطونها البنك عشآن تفتحون حساب
ولمى يوقعون لكم عليها البنك ترجعونها للكليه عشآن ياخذون بيانتكم.. وبالنسبه للبنك مافي بنك محدد عآآدي اي شي تختارينه

س6/ ما هي التخصصات الموجودة في الكلية ؟؟

أدب انجليزي + ادب عربي + دراسات اسلاميه
نظم المكتبات والمعلومات + تاريخ + جغرافيا
ورح يفتحون قسمين بعد هم علم اجتماع واعلام لكن متى الله واعلم ..

س7/بداية الدوام بالنسبة للطالبات متى ؟
الدوام الرسمي يبدأ من الأسبوع الأول ، ولكن بداية المحاضرات والتحضير غالباً ما يبدأ الأسبوع الثاني .
بالنسبة للأسبوع الأول يكون فيه الحذف والإضافة للمواد وترتيب الجدول (للمتعثرين) ، وتغيير الشعب ، والتحويل ... وشي من هذا القبيل .

س8/هل أستطيع ترتيب الجدول و حذف وإضافة مواد واختيار الدكاترة ؟

في المستوى الأول ليس لك أي صلاحية في تغيير الجدول ولكن لك الحق في حذف ماده أو مادتين .
أما بعد ذلك فمن حقك .
ولكن نصيحة :
إذا لم تحمل أي ماده من المستوى السابق لا تقم بتغيير الجدول أو حذف المواد وإضافتها << رأي شخصي .

س9/متى يبدأ وقت الدوام ومتى ينتهي ؟

بالسنه الماضيه كان بالسمستر الاول المحاضره الاولى تبدء 8 والمحاضره الاخيره تنتهي 2 وهناآآك بريك بين جميع المحاضرات مدته نصف ساعه
فقط ثم اصبح عشر دقائق فقط .. وبالسمستر الثاني هنآآك اقسام تغير وقت دوامـهآآ الرسمي واصبحت المحاضره الاولى تبدء 10 الاربع
والاخيره تنتهي 3 وربع عصرآ ..

س10 : هل هنآك دوام موحد للسنه التحضيريه وهل هنآك مبني خاص لطالبات السنه التحضيريه ؟

بالنسبه للسنه السابقه لم يكن هنآك مبنى للسنه التحضيريه .. وتم توزيع الطالبات على الاقسام بحسب الحروف الابجديه فـ مثلا
الحروف الاولى مثل الالف والباء كان دوامهم في قسم اللغه العربيه .. والحروف الاخيره من الميم الى الياء في قسم الجغرافيا << قسمي ..
بس مو معنى انج درستي تحضيري بقسم جغرافيا مثلا هذا قسمج لا بعد السنه التحضيريه انتي تختارين قسمج وتوزيع الطالبات تم بهالشكل لان
مافيه مبنى للسنه التحضيريه بس كل الطالبات بكل الاقسام يدرسون نفس المواد .. وبالنسبه للدوام السنه الماضيه
كانت جميع الاقسام دوامها من 8 الى 2 ماعدا قسم الجغرافيا والتاريخ دوامهم من 10 الى 3 عصـرا ..

س11/ طريقة حساب ساعات الغياب التي تؤدي إلى حرمان الطالببـة من دخول الاختبار النهائي ؟

سآعاآآت الغياب المسموحه فيهآآ 9 سآعات فقط الغيآآب بعد ذلك يكون بعذر طبي ومايقبلون اي عذر يعني
لازم ظرف طارئ يعني لو عندج مراجعه بالمستشفى مايقبلونها ابدا والاعذار اللي من مستشفى خاص اذا كانت اكثر
من عذر مايقبلونه ابدا .. يعني تقدرين تغبين 3 محاضرات والرابع حرمآآآن
والحرماآآن هو يمنعك من دخول الاختبار النهائي يعني بالعربي تحملين الماده وبسهوولة ..

س12: ومايتعلق بالانظمه الاخرى بالكليه سردتها لكم في نقاط :

- التنانير لازم تكون طويله تحت الكعب ولونها اسود او جينز يعني عادي ميدي او طويله على حسب الطالبه واللي ترتاح له!!

- البلايز عاادي اي لوون بس اهم شيء تكون نص كم !!

- اللاب توب غير مسموح فيه الا بوجد تصريح !!

- جوال الكاميرا ممنوع ويسمح بالجولات اللي بدون كاميرا!!

- العبآيآت كتف او رأس مو مشكله اللي ترتاحين له

- المكافئه 850 ,,

- الدراسه مدتها 4 سنوات !!

وبس .. بقلم ( مجنـونتــهآآآ )

وهذي كل الاسئله اللي تدور ببآآآل المستـجدات واتمنى اني قدرت اجاوبكم عليهآآآ
واللي براسهآآآ اي سؤال ثاني تقوله وانا حاضره وبالخدمـة واتمنى تنقلون الموضوع لاكبر شريحه من الطالبات
المستجدات عشآآآن يستفيدون منه واهم شي تحطون اسمـــي وماتنسوني ..

تحيآآآتي لكم :love080:..

[/align]

رد: ملف كآآمل للمستجدآآآت بكليه الاداب بالدمام ..

يسلمو يالغلا بصراحه جزاك الله خير على الموضوع الشامل

اللي يدل على تعاونك وطيبة قلبك ...

كثر الله خيرك وموضوعك افاااادني كثير

رد: ملف كآآمل للمستجدآآآت بكليه الاداب بالدمام ..

مجنونتها

خطيرررر الموضوووع

و مفيييد

أرسلت الرابط لكل المستجدات اللي أعرفهم

شطورهـ جزاك الله خير

رد: ملف كآآمل للمستجدآآآت بكليه الاداب بالدمام ..

يعطيك ألف ألف عافية يا عسولة ..

رد: ملف كآآمل للمستجدآآآت بكليه الاداب بالدمام ..

يعطييك العـآفيـه

اكييد الموضوع راح يستفيـد منهـآ المستجدات بششكل كبير

جزـآك الله خيـر

رد: ملف كآآمل للمستجدآآآت بكليه الاداب بالدمام ..

يعطيك الف عاااافيه جد استفدت كثييييييييير :love080:

رد: ملف كآآمل للمستجدآآآت بكليه الاداب بالدمام ..

ألله يعافيــكم حبــآآآيبي وهذا واجبــي لانني بيوم من الآآآيآآآمـ كنت مكـآآنــهم وابي مين يدلني والبنآآآتـ

ماقصــروا ويآآآي .. شــآآآكره مروركـم ..

رد: ملف كآآمل للمستجدآآآت بكليه الاداب بالدمام ..

انا الحين بادخل اول سنه
جدولي انا اسويه ولا كل البنات بالسنه التحضيريه جدول واحد

رد: ملف كآآمل للمستجدآآآت بكليه الاداب بالدمام ..

تسلمين.. ربي يعطيك العافية
بالنسبة للتنانير عادي لو كانت الوان ثانيه مثلاً بني أو أخضر ؟

رد: ملف كآآمل للمستجدآآآت بكليه الاداب بالدمام ..

كلامك كله مضبوط أناا تو مخلصة تحضيـــري والحمدالله ماحملت ولاماده
وكل شي جديدفي بدايته صعب بس بسرعه راح تتعودن ع الأنظمه

مــــــــوفقين

رد: ملف كآآمل للمستجدآآآت بكليه الاداب بالدمام ..

اقتباس:

حي الروضـه

خــبري حي الاتصااالات @@
وين حي الروضه ....؟

و بالنسبـــه لباااقي كلاااااااااامك
الصراحه مرااا استفدت منــــــــه
و يعطيك العاااافيــــــه ... جد راح الكل يستفيد منه
لا هانت يمناك

رد: ملف كآآمل للمستجدآآآت بكليه الاداب بالدمام ..

اقتباس:

المشاركة الأصلية كتبت بواسطة صمت دآفئ (المشاركة 1310675)

انا الحين بادخل اول سنه
جدولي انا اسويه ولا كل البنات بالسنه التحضيريه جدول واحد

السمستر الاول يعطونك جدول كآآمـل مقسم على مجموعآآآتـ واوقــآآت

المحاضرات مرتبه .. اختاري المجموعه اللي تناسبك والافضل تختارين جميع موادك

بنفس المجموعــة عشآآآن مايصير عندج تعارض بالاوقآآآتـ والمشرفآآآتـ رح يوضحون لكم

اكثر .. يعني لاتحاتين هالموضوع ..

رد: ملف كآآمل للمستجدآآآت بكليه الاداب بالدمام ..

اقتباس:

المشاركة الأصلية كتبت بواسطة عيون عبد الله (المشاركة 1310822)

تسلمين.. ربي يعطيك العافية
بالنسبة للتنانير عادي لو كانت الوان ثانيه مثلاً بني أو أخضر ؟

لا ماينفع ..

الالوآآن المسموحــة فقط الاسود والجينز واذا لبستي لون ثاآآني على طول

يـأأخذونج الامن ويكتبونك مخالفة ..

رد: ملف كآآمل للمستجدآآآت بكليه الاداب بالدمام ..

يآآسمينـة ..

اهم شي اننا خلصنآآ هالسنه وان شاء الله يقبلوننــآآآ بالتخصص اللي نبي .. شاكره طلتـج ..

روني ..

الكليه بحي الروضــة بس كثير يقولون انها الاتصــآآلآآتـ بس هي بالروضــة وقريبه من الاتــصآآلآآتـ ..

وان شاء الله تقضين احلا 4 سنين بكليتنـآآآ الجميــلهـ ..

رد: ملف كآآمل للمستجدآآآت بكليه الاداب بالدمام ..

اقتباس:

المشاركة الأصلية كتبت بواسطة مجنونتها (المشاركة 1313059)

مشكورة حبيبتي .. طيب البلايز أو الأقمصه ألوان محدده ولا عادي أي لون ؟

رد: ملف كآآمل للمستجدآآآت بكليه الاداب بالدمام ..

البــلآيــز عآآدي اي لون خيتــو بس تكون نص كم يعني لو كــأنـت كات ممنوع ..

يعني تقدرين تاخذين لـج نص كم او ثلاث اربآآع اللي يريحـج ..

رد: ملف كآآمل للمستجدآآآت بكليه الاداب بالدمام ..

جزاك الله خير على مساعدة زميلاتك..

رد: ملف كآآمل للمستجدآآآت بكليه الاداب بالدمام ..

بغيت اسأل متى تطلع الدفعه الثانيه.؟؟

ومشكورييين

رد: ملف كآآمل للمستجدآآآت بكليه الاداب بالدمام ..

كل جمعه تطلع دفعه

يعني ان شاء الله هالجمعه هذي :)

بنات بسأل لما يعطونك مخالفات كثيره عالتنوره الميدي وشيصير بعدين؟؟؟

انا عطوني مره وحده واخاف تتكرر

فابي اعرف وشيصير لي بعدين؟؟؟؟؟؟؟

رد: ملف كآآمل للمستجدآآآت بكليه الاداب بالدمام ..

مشكوره ومووفقه يارب تنقبلين ب التخصص اللي تبينه جد افدتيناااا تسلمين
بس بسال تقولين انوه الاسبوع الاول حذف ومدري ايش وتقولين ندرس 9 مواد ! يعني نقدر نحذف منهاا ؟؟
وبجد صعبببببه ولا سهله يعني سهله نجيب معدل ولاااااا؟؟؟
وانا سمعت انوه 5 سنين الدراسه سنه تحضيريه و4 سنين تخصص ؟؟

رد: ملف كآآمل للمستجدآآآت بكليه الاداب بالدمام ..

مشكورة مشكورة مشكورة الله يوفقكـ,, ودي اسأل هل صحيح راح يفتحون قسم اعلام

رد: ملف كآآمل للمستجدآآآت بكليه الاداب بالدمام ..

مو اكيد احتمال علم الاجتماع

سنوات الدراسه الي اعرفه بس 4 سنين

رد: ملف كآآمل للمستجدآآآت بكليه الاداب بالدمام ..

مجهـود رآآآئع الله يعطيك العافيه ...

تم تثبيت الموضوع .....

رد: ملف كآآمل للمستجدآآآت بكليه الاداب بالدمام ..

السلام عيلكم ورحمه الله

تبارك الله عليك
ربي يحفظك ويسعدك ياااااارب
بجد بجد كثير استفدت من الموضوع يارب يسعد قلبك

وكل شي كان واضح ليا بفضلك ربي يحميك

بس اختي سؤال واعذريني كيف نظام السكن كثير حاايسه ومو عارفه اعرف شي عن السكن
يا ليت اذا عندك خبر اكيد ما راح تقصري فيه

وربي يجزااااك الف الف الف خير ويجعلو في ميزان حسناتك

رد: ملف كآآمل للمستجدآآآت بكليه الاداب بالدمام ..

[align=right]
السلام عليكم ورحمة الله وبركاته

انا ولله الحمد انقبلت سنه اولى بالاداب

وربي ماتحسون باخساسي

خوف

على شوق لهالمرحله

يوووووووه كم صار لي انتظر هالاحساس وهاللحظه

عشان كذا احاول اقراء مواضيع عن الجامعه عشان اتعود شوي

مره تسلمين مجنونتها على الموضوع وربي ان موضوعك جاوب على كثير اسئله في بالي من ال أ الى ال ب الله يوفقك يارب
[/align]

رد: ملف كآآمل للمستجدآآآت بكليه الاداب بالدمام ..

مجنونتها ..

تسلميين حبيبتي على الموضووع

استفدت كثييير منه ..

رد: ملف كآآمل للمستجدآآآت بكليه الاداب بالدمام ..

ياسلام عليك والله فرجتي لنا ,

انا مثل الاخت آحآسيس انتظر هالمرحله والحمدلله جتَ ,

بس توني ادري آن هم يسوون لنا الجدول طيب انا ابي يوم بريك يمدي او لا :(

يعطيك الف عافيه في ميزان حسناتك يارب

رد: ملف كآآمل للمستجدآآآت بكليه الاداب بالدمام ..

اول شي يعطيك الف الف الف الف مليييون عافيه ياعنوني

ثاني شي
ياعنوني

الحين لو رحت بعبايتي الكتف عادي يعني محد يطردني ولا احد يقوول لي شي

< اول مرة تسمع انهم يرضون بعبايه كتف .. هع

لو رحت اول يوم فيها وطردوني بذبحتسسس < قاطه الميانه هههههههه

لا بس بجد بما انك فيها يعني تشوفين البنات عادي ما يقولون لهم شي ؟

رد: ملف كآآمل للمستجدآآآت بكليه الاداب بالدمام ..

انا اسمعت من و حدة صيرلي

أن عباية الكتف مو مسموح فيها

\\\\\\\\\\\\\\\\\\\\\\\\\\\\\\\\\\\

رد: ملف كآآمل للمستجدآآآت بكليه الاداب بالدمام ..

السلام عليكم ..

عباة الكتف مسموح فيهاآآ انا اداوم بكتف طول السنه وياويل وحده تكلمني .. >> مهجدتهم ..:d5:

وبالنسبة للبريك هم يعطونك يوم واحد بريك بالجدول .. العام كان عندي يوم الاربعااء بريك .. يعني ونااسه .. :mh001:

والي تقول بيفتحون أعلاآم .. بصراحه ضحكت يوم شفته .. :hahahahahah:

اذا قررو يفتحونه يمكن بعد ماتتخرجين من الكلية .. يحددون له مكان ..

انتم لاتخافون من المرحلة هذه تراآ كنا زيكم مسوين لها سالفة طلعت خرطي ..

بس يبيلك تشدين حيلك وتخلين الهجولة والفرفرة والسحب على الماحضرات >> علمي نفسك هع ..:cheese:

مجنونتهاآآ يسلموو ع الموضوع .. واي استفسار انا حاآضرة .. :)

رد: ملف كآآمل للمستجدآآآت بكليه الآداب بالدمام ..

من جد يسلموووووووووووووووو فديتج

رد: ملف كآآمل للمستجدآآآت بكليه الآداب بالدمام ..

السلام عليكم
بس حبيت استفسر عن موقع الكلية الجديدة هل هي مع العلوم يعني جنب بعض ولا بعيدة

رد: ملف كآآمل للمستجدآآآت بكليه الآداب بالدمام ..

اقتباس:

المشاركة الأصلية كتبت بواسطة هفيف (المشاركة 1324495)

السلام عليكم
بس حبيت استفسر عن موقع الكلية الجديدة هل هي مع العلوم يعني جنب بعض ولا بعيدة

وعليكم السلام

هلا بك

ايوه جمب بعض >> الكلية الزرقاا

رد: ملف كآآمل للمستجدآآآت بكليه الآداب بالدمام ..

مشكوره خيتو بس اول مقريت المواد احس مدري مابنجح كل شي جديد اللله يرحم ايام الجفرافيا وتاريخ بس
طيب البليز بس نص كم صح يعني مو طويله سوالي هذا عشان اذ طويله مابشتر لي اكسسورات واذ نص بشتر عشان اكشخ عصاقيلي مشكوره حياتو

رد: ملف كآآمل للمستجدآآآت بكليه الآداب بالدمام ..

بنات

صديقتي انقبلت بالكليه

ايش ترسل من اوراق؟؟

منتظره الرد

رد: ملف كآآمل للمستجدآآآت بكليه الآداب بالدمام ..

مشكوووووووووووووووووووووووووووووورة قد الدنيا :d5:

مرا الموضوع مفيـــــــــــد وجاوبتي على كل الاسئلة الي في بالي

:mh001:

رد: ملف كآآمل للمستجدآآآت بكليه الآداب بالدمام ..

اقتباس:

المشاركة الأصلية كتبت بواسطة amoon (المشاركة 1325341)

بنات

صديقتي انقبلت بالكليه

ايش ترسل من اوراق؟؟

منتظره الرد

هلا حبيبتي ,

-صوره من بطاقه العائله او الاحوال
-الشهاده الاصليه
- 3 صور من الشهاده مصدقه
- ورقه التعهدات والبيانات موجوده بالموقع عند نماذج القبول
-صورتين من البريد الممتاز وحده لهم والصانيه تنتختم وتترجع لها

موفقه

رد: ملف كآآمل للمستجدآآآت بكليه الآداب بالدمام ..

"]الله يجزاك خير ويسهل لك كل شي مثل ما سهلتي علينا
بس حبيت اسأل. استفسار بسيط
نظم المكتبات والمعلومات وشو هذا القسم
ممكن توضيحين عنه اذا ما عليك امر

رد: ملف كآآمل للمستجدآآآت بكليه الآداب بالدمام ..

اقتباس:

بس حبيت اسأل. استفسار بسيط
نظم المكتبات والمعلومات وشو هذا القسم
ممكن توضيحين عنه اذا ما عليك امر

انا بعد ودي اعرف :s

رد: ملف كآآمل للمستجدآآآت بكليه الآداب بالدمام ..

احنا باقي ماحد تخصص هالقسم

بس الاكيد انو فيه نسبة كبيرة من الحاسب

وفي بعض البنات يقولون ان احتمال نفس المكتبة الي بالثانوي

اما انه فيه نسبة كبيره من الحاسب هذا انا متأكده منه :)

موفقين

رد: ملف كآآمل للمستجدآآآت بكليه الآداب بالدمام ..

هالسسسسسسسسسسسسسسنه
بيصير ترتيب الطالبات بالحروف الابجديه؟؟؟

رد: ملف كآآمل للمستجدآآآت بكليه الآداب بالدمام ..

اقتباس:

مشكورة كويس يعني يمكن يكون افضل من التخصصات الباقي

لان اذا درسنا لغة عربية او جغرافيا او تاريخ عزة الله مطولين بجلسة البيت

رد: ملف كآآمل للمستجدآآآت بكليه الآداب بالدمام ..

اقتباس:

نفس الاسئلة الي تدور في بالي :sdfgdsf:

رد: ملف كآآمل للمستجدآآآت بكليه الآداب بالدمام ..

:

:

عندي سؤال ماادري وين احطه اسمحوا لي اذا مكانه غلط :s

./

مافي معلم من معالم الحياه يدلنا على هالكليه =(
طيب اهيا في حي الاتصالات جنب وين .؟

رد: ملف كآآمل للمستجدآآآت بكليه الآداب بالدمام ..

شـكــ وبارك الله فيك ـــرا لك ... لك مني أجمل تحية .

رد: ملف كآآمل للمستجدآآآت بكليه الآداب بالدمام ..

شفتي بنده اللي كانت المخازن

خلها على يمينك و محمد بن فهد على يسارك

و امشي سييييده بيجيك

سوبر ما ركت إسمه دكان

خليه و كملي أول لفه يمين خذيها

بعدين أول منفذ يسار خذيه

يدخلك على طول ع القراج

<<أدري الوصف هندي درجه أولى

يارب فهمتي بس

رد: ملف كآآمل للمستجدآآآت بكليه الآداب بالدمام ..

اقتباس:

المشاركة الأصلية كتبت بواسطة هويآن (المشاركة 1331747)

لبى قليبك بسس :love080:

لا ماعليك ووصلت شرحت لااخوي وقاال ايه كأنه يدلها ..

فديتك حبيبتي ماتقصرين ياجعلني مااخلا ...

رد: ملف كآآمل للمستجدآآآت بكليه الآداب بالدمام ..

اقتباس:

المشاركة الأصلية كتبت بواسطة Al-noor (المشاركة 1328591)

هالسسسسسسسسسسسسسسنه
بيصير ترتيب الطالبات بالحروف الابجديه؟؟؟

والله مدري احتمال كبير ايه بيصير بالابجدية ..

وبالنسبة للي سألو عن المواد تراها سهلة يعني اصعب شي راح يكون في الترم الاول مبادئ الادارة .. بس والا الباقي كله ان شاء الله سهل ..

شدوو حيلكم والله يوفقكم .. :cheese:

رد: ملف كآآمل للمستجدآآآت بكليه الآداب بالدمام ..

:

يعطيك ربيّ مليون عافيهْ ولا مسّت
هالانآمل النار ان شاء اللهْ ,
مره أستفدت من الموضوع ,
بس بالنسبه للكتف , يعني مايقولوا شيء لإنها بصراحه
أريح لي كثيييير :$

يعطيك ربي العافيه مره ثانيه

رد: ملف كآآمل للمستجدآآآت بكليه الآداب بالدمام ..

عاآدي عباة الكتف ماحد يقولك شي ..

لو تطلعين كاشفة عاادي .. >> لاحد يصدق خخخخ

لا بس العباة البسي الي يريحك ..

رد: ملف كآآمل للمستجدآآآت بكليه الآداب بالدمام ..

بنااااااااااااات الله يعافيكم سوال يعني انا ماراح اقدر اداوم الا اول اسبوع او اول اسبوعين وبعدين باخذ اجازه شهر لظروفي هل هذا ياثر على الدراسه يعني لو باخذ المحاضرات من البنات مابياثرعلى مستواي انا فالحفظ احفظ ماعندي مشكله بس الانجلش العله لازم حضور وكيف الاسئله فالنهائي بليييييززز يابنات ردو اخاف ارسب بسبب الاجازه وابي اتعرف على وحده اذا ماعندها مانع من شان تعطيني المحاضرات اول باول اتمنى تكونو متعاونات وتقدرون ظرفي اللي تبغى ترسلي ايميلها اوكي

رد: ملف كآآمل للمستجدآآآت بكليه الآداب بالدمام ..

مرحبا اختي صادقه ان اقلبيه المواد حفظ بس اللي بياثر بالانجليزي
ولازم توافق الكليه ع الاجاز لان غياب اكثر من 4 المحاضرة الوحده تاخذين حرمان
وان شاء الله يتساعدون معك البنات اللي بيكون معك بنفس المدرج في اعطائك
المحاضرات اهم شيء تاخذين اسماء الكتب
الاسئله سهلله للي تنتظم في المذاكرة وتحظر المحاضرات الاخيرة اللي قبل الامتحانات
مرة تحضيري سهل وتستمتع فيه الغير مهمله موفقين فيه ان شاء الله

رد: ملف كآآمل للمستجدآآآت بكليه الآداب بالدمام ..

بس بسال تقولين انوه الاسبوع الاول حذف ومدري ايش وتقولين ندرس 9 مواد ! يعني نقدر نحذف منهاا ؟؟
وبجد صعبببببه ولا سهله يعني سهله نجيب معدل ولاااااا؟؟؟
وانا سمعت انوه 5 سنين الدراسه سنه تحضيريه و4 سنين تخصص

اختي السأله
الاسبوع الاول بيكون خبصه شوي الى البنات يدخلون موادهم وهكذا وتعرفين وين قاعتك وبأي قسم
انا نصيحتي لاتحذفين ولا ماده لان بالنهيه بتتوهقين بالصيف مافي دراسه يمكن يكون يتكنسل الصيفي مثل ماتنكسل هالسنه فبتتأخرين بالتخصص اذا حذفتي كثير
والماده المحذوفه ماتقدري تتخصصي فيها لين تدرسيها يعني حوسه والمواد اغلبيتها سهله مايحتاج تحذفين بسيبيلك جديه بالدراسه من البدايه وبتجيبين معدل بسهوله احضري محاضراتك بانتظام وبتمشي امورك
اما بالنسبه 5 سنوات دراسه لا
هي سنة تحضيري و3 سنوات تخصص
يعني 4 سنوات

دعواتكم اني انقبل في التخصص اللي ابيه

رد: ملف كآآمل للمستجدآآآت بكليه الآداب بالدمام ..

أآنـآ الحمدلله قبآـووني بـ آلآدأآب ..

بس أآنـآ من سسكإأن الحسإأء .. بجي أآدرسس معــكم بـ الدمإأم ..
لآن الحسسإأء مإأقبآـووني

بس مو عإأرفهـ حد .. ولآ شي ..
يعني بجي ولآني عإأرفهـ حد .. شآـون بمششي مو معإأي أآحد ..
أآحس بصيير مثل الخبلآإ . ..
والله يعييين يإأرب..

بس بخصووص تخصص الانقلش ... كم يبوون المعدل ..؟
لآن ولآ تخصص عإأجبني آلآ آلآنقلش ..

رد: ملف كآآمل للمستجدآآآت بكليه الآداب بالدمام ..

الله يوفقنآآآآآآ

رد: ملف كآآمل للمستجدآآآت بكليه الآداب بالدمام ..

حبيبتي حياك بالكليه

بخصوص تخصص الانجليزي لازم تجتازين 3 مواد انجليزي للتحضيري عشان تقدريرن تتخصصين
ماده بالترم الاول ومادتين بالترم الثاني
ولازم يكون معدلك بالانجليزي مرتفع يعني aاوb
موفقين
لانه يختارون الشاطرات

رد: ملف كآآمل للمستجدآآآت بكليه الآداب بالدمام ..

من وين جايبه هالمعلومه؟؟؟؟؟؟

لان سألت انا وقالولي انو التخصص ع المعدل مو ع درجات مواد التخصص

فمن وين دريتي

ومتاكده ولالا؟؟؟؟؟؟؟

رد: ملف كآآمل للمستجدآآآت بكليه الآداب بالدمام ..

حتى انا سمعت انه ع المعدل مو ع الدرجات خوفتيني صحيح كلامك ثقة؟؟؟

رد: ملف كآآمل للمستجدآآآت بكليه الآداب بالدمام ..

اختي
انا كانت درسني دكتوره ازدهار الحريري
دكتوره سعوديه تدرسني انجليزي
وكانت تقولنا انهم ينتخبون الطالبات الممتازات حتى يقبلونهم
بقسم وتخصص الانجليزي يعني مو اي وحده معدلها مرتفع تقدر تدخل
لازم يكون معدلها مرتفع بالانجليزي

رد: ملف كآآمل للمستجدآآآت بكليه الآداب بالدمام ..

طبعا بقيه المواد يكون قبولك للتخصص فيها اذا اجتزتي المواد حقت التخصص
اللي انتي تبينه مثلا ماتتخصصين دراسات اسلاميه
الا لما تجتازين (عقيده و فقه سيرة و تلاوة وتجويد)
بس الانجليزي اللي يكون حسب درجاتك

رد: ملف كآآمل للمستجدآآآت بكليه الآداب بالدمام ..

مشـكــوريييين ع تثبيت الموضوع ... وبالنسبه لاخواتي المستجدات اللي سأأألوا البنـآآتـ

ماقصــروا معآآهـم .. واي استفســآآآر عن اي شي يخص الكولج انا حاضـرة ..

رد: ملف كآآمل للمستجدآآآت بكليه الآداب بالدمام ..

مقهورا ..

كلنا مانعرف بعض ترا :) بس بنتعرف واكيد بتكونين لك صداقات لاتخافين من هالناحيه حبيبتي :)

عندي سؤال ../

انتوا قلتوا التنوره لونها اسود او جينز ..
الجينز انتوا تقصدوا فيه جينز لونه كحلي مثلا والا لازم جينز اسسود ...؟

رد: ملف كآآمل للمستجدآآآت بكليه الاداب بالدمام ..

اقتباس:

المشاركة الأصلية كتبت بواسطة yonha (المشاركة 1314207)

اهليييين اختي .. مبروك قبولك اولا ..

وبالنسبه للسكن اذا كان قصدك السكن الحكومي فـ هو كان فيه سكن بس بعدين

قفلوه ولكن فيه سكن خاص وقريب من الكليه .. اذا تبين استفسر لك عنه واجيب لك رقمه

انا حاضره .. بس فيه كثير بنات معنا بالكليه من بقيق والجبيل وحتى الحسـآآآ يجوون بباصات

خاصه يوميــآآ .. واذا تبين استفسر لك عن السكن او الباصــآآآت علميني ومابقصر معك ..

رد: ملف كآآمل للمستجدآآآت بكليه الآداب بالدمام ..

اقتباس:

المشاركة الأصلية كتبت بواسطة أنوار محمد (المشاركة 1342426)

لآ عاادي حبي .. ألبسي اي جينز عندك .. :119:

حتى لو برتقاآلي ,, :hahahahahah:

رد: ملف كآآمل للمستجدآآآت بكليه الآداب بالدمام ..

الحين صار مسموح اي لون بالكليه
للتنورة
بس بصراحه احس مايليق لطالبة جامعيه
غير السوداء والجنز الكحلي الغامقاو رصاصي غامق
موفقين

رد: ملف كآآمل للمستجدآآآت بكليه الآداب بالدمام ..

اقتباس:

المشاركة الأصلية كتبت بواسطة مستجـدة (المشاركة 1342985)

لآ عاادي حبي .. ألبسي اي جينز عندك .. :119:

حتى لو برتقاآلي ,, :hahahahahah:

الله يوووسع صدرك ويريحك قد ماريحتيني :mh001:

يعطيك الف الف عافيه :love080:

رد: ملف كآآمل للمستجدآآآت بكليه الآداب بالدمام ..

موضوعك حلو ومشكوووورة

بس انا سمعت ان ادبي لهم لون للتنورة وعلمي غير صح هالكلام ولا لا ؟

مقهورا

انا نفسك مااعرف احد وعندي توتر نوعا ما من هالشي :c8:

رد: ملف كآآمل للمستجدآآآت بكليه الآداب بالدمام ..

هذاك قبل

والي تقول كل الالوان مسموحه من وين جايبين هالخبريه :cheese:

اووومااا رصااصي :hahahahahah:

حبايبي المسموح فيه الاسود والازرق فقط

بالله ماتشوفون الي تنورتها غير هاللونين تنمسك :cheese:

والي خايفه عشان ماتعرف احد

هذا أنا موجوده بالخدمه لكم :cheese:

رد: ملف كآآمل للمستجدآآآت بكليه الآداب بالدمام ..

خايفه ادرس

بالنسبة لتخصص الانجليزي قالولي انه ع المعدل مو ع الدرجات

من وين جايبه هالمعلومات؟؟

رد: ملف كآآمل للمستجدآآآت بكليه الآداب بالدمام ..

اختي انا متاكده ان الرصاصي مسموح انا كنت البسها

وع تخصص الانجليزي
انا متاكده الف بالمئه
لان دكتورتنا ازدهار الحريري دكتورة الانجليزي >سعوديه هي اللي كانت تقولنا هعالكلام

رد: ملف كآآمل للمستجدآآآت بكليه الآداب بالدمام ..

مدري يمكن رصاصي غامق تلبسين

والله مدري

بس هذا الي اعرفه :)

يااارب ادخل الانجلش ويدخلك التخصص الي تبينه انتي بعد ياااارب

رد: ملف كآآمل للمستجدآآآت بكليه الآداب بالدمام ..

يااااااااااااااااااااارب ان شاء الله
وتحقق كل بنت امنياتها
يااارب

رد: ملف كآآمل للمستجدآآآت بكليه الآداب بالدمام ..

اللهم آمييييييييييييييييييين

رد: ملف كآآمل للمستجدآآآت بكليه الآداب بالدمام ..

يسلموو مجنونتهآإ بس في شي برإآسي الميك إآب هع نحط ولا بإآبلاش منه !؟

رد: ملف كآآمل للمستجدآآآت بكليه الآداب بالدمام ..

حبيبتي
عادي الميك آب مسموح به
بس انا اشوف بنظري حنا بالصبح وبجامعة مو حلو شكل الوحده حاطه
ميك اب ثقيل
يعني نكتفي بكريم حامي للشمس
وبلاشر خفيف مع روج خفيف وكحله وماسكارا
اتمنى وصل
موفقين حبيباتي

رد: ملف كآآمل للمستجدآآآت بكليه الآداب بالدمام ..

مشكووووووره أختي مجنونتها على المكعلومات الحلوه

انا عضوه جديده وهي اول مشاركه لي

بس حبيت استفسر كيف احجز لي سكن لاني من الاحساء

رد: ملف كآآمل للمستجدآآآت بكليه الآداب بالدمام ..

ا شاء الله يفيدونك البناتندي اي خبره

رد: ملف كآآمل للمستجدآآآت بكليه الآداب بالدمام ..

اختي قبلوها مع الدفعه الثالثه ..

و تبي تطبع نموذج البريد الممتاز ..

بس كل ما فتحت النتيجه و شافت القبول

تدخل على متابعه يقول غير مسموح لك بالمتابعه

و دخول الصفحه وش يعني ..؟

اقتباس:

لست مفوضاً للوصول إلى هذا المكون. (40,20)

لم تحصل على تصريح أمني للمكون الذي تحاول الوصول إليه. يمكنك الوصول إلى المكون والصفحة المخصصة ولكن ليس بوضع الإجراء المحدد (مثل تصحيح أو تحديث/عرض). اتصل بمسؤول النظام

وش تعني هالرساله ..؟

رد: ملف كآآمل للمستجدآآآت بكليه الآداب بالدمام ..

مجنـونتــهآآآ

حبيبة البي

تسلمين ع هيك مووضووع ربي يعيطك العافيه

مشكوره وماقصرتي فديتك

السلااام

السلام عليكم ورحمة الله وبركاته :119:

اخباركم.؟؟:g11:

انا حبيت استفسار عن التحضيري:mh19:

الحين متى اتخصص اذ خلصت السنه الاولي وكيف ع الاقسام هم يحدوون ولا معدلي

وكم المفروض اجيب معدل بالسنه الاولي

والمكافاه يعطونا اياها اول ماندخل .؟؟:000:

شاكره لكم حبابيبي :g20:

رد: ملف كآآمل للمستجدآآآت بكليه الآداب بالدمام ..

اقتباس:

المشاركة الأصلية كتبت بواسطة الحنونه الشقيه (المشاركة 1350588)

مشكووووووره أختي مجنونتها على المكعلومات الحلوه

اقتباس:

المشاركة الأصلية كتبت بواسطة الحنونه الشقيه (المشاركة 1350588)

انا عضوه جديده وهي اول مشاركه لي

بس حبيت استفسر كيف احجز لي سكن لاني من الاحساء

اهلين اختي نورتي ...

فيه سكن خاص بالخبر وهذا ايميلهم للاستفسار ...

sakan_banaat@ w i n d o w s l i v e . c o m
بس اسعاره غاليه شوي...

وفيه سكن مشاعل الخير قريب من الكليه وهذا رقمهم ..

للاستفسار
0551466656
038412918 ت 100-112

اتصلي عليهم ويفيدونكم .. موفقه خيتوو ..

رد: ملف كآآمل للمستجدآآآت بكليه الآداب بالدمام ..

جامعيه ... حبيبتي والله ماني عارفه شقولك بس حاولي تدخلين من جهاز ثاني .. واذا مانفع روحي للجامعه

وهم يحلون لك المشكله من قبل ماتنتهى المده .. والله يوفقك وبشريني عنك ...

خايفه ادرس .. مشكوره حبيبتي على تجاوبك مع البنـآآآتـ ماقصرتي حبيبتي ,,,

عطوره ودلوعتــة غلآآآآي شاكره طلتــكم ومروكم ..

رد: السلااام

هلاا ميرو <~ تماام نزقح انتي علومتس

الحين متى اتخصص اذ خلصت السنه الاولي وكيف ع الاقسام هم يحدوون ولا معدلي

اي اذا خلصتي السنه الاولى نهايه السنه تدخلين ع البانر وترتبين الاقسام حسب رغبتس
ومعدلتس لازم يكون فوق ال 2 عشان تقدرين تتخصصين والقسم اللي بتتخصصينه لازم تكونين ناجحه بمادته وان كنتي حاملته لازم يكوون معدلتس 3 عشان تقدرين تدخلينه

وكم المفروض اجيب معدل بالسنه الاولي
2 ومافوق <~ لان تحت ال2 يجيتس انذار وتنقطع عنتس المافأه وان تكررت الانذارات وجبتي انذار رابع يفصلووون

والمكافاه يعطونا اياها اول ماندخل .؟؟:000:
لا بعد الدراسه ب 3 شهور يعني ع نهايه شهر 12 تقريبا او بدايه 1 وراح تنزل لتس مكافأه 3 شهور يعني 2550

رد: السلااام

اختي لو دورتي شوي بمالمواضيع المثبته كان شفتي اجوبه لكل اسئلتك اللي طرحتها كل مستجده

بس بجاوبك لعيووونـك ...

المكافاة 850

الدراسه بالكليه 4 سنوات منها سنه تحضيري و3 تخصص

التخصصات عربي انجلش دراسات اسلاميه تاريخ جغرافيا مكتبات

لازم معدلك مايقل عن 2 عشان تتخصصين وانتي تختارين التخصص بعد سنه تحضيري

وهم يحطونك على حسب رغبتك ومعدلك والاماكن الشاغره واتمنى اكون افدتك ...

رد: ملف كآآمل للمستجدآآآت بكليه الآداب بالدمام ..

مشكوووووره ياعمري
والله يكثر من امثالك

رد: السلااام

يعني كلية الاداب في الدمام فيها سنه تحضيريه؟
تخصص المكتبات جديد في الكليه؟ ماهي مجالات العمل لهذا التخصص يعني اصير معلمه
اذا ابي انقل لكليه الجبيل ممكن؟

رد: السلااام

اقتباس:

المشاركة الأصلية كتبت بواسطة حلم امها (المشاركة 1355413)

ايوووه كلية الاداب في الدمام فيها تحضيري بالنسبه الى تخصص مكتبات الى اللحين ماتكلموا عنه ماندري شنو هو واذا تبين تنقلين الى الجبيل ممكن بعد التحضيري تقدمي طلب تحويل
بس لازم تكوني جايبه معدل وناجحه بكثر المواد علشان اوافقوا

موفقه

رد: تجمـع ▐طالبــات السنة التحضيــريه ▐ ♦ ♦

مجنونتها حاظرة قلبي
واعذريني اني كنت ارد بدالك

رد: تجمـع ▐طالبــات السنة التحضيــريه ▐ ♦ ♦

بنات متى رتح ينزل الجدول صديقتي محتاسه

مين عندو خبر

http://www.ckfu.org/vb/images/icons/ei20.gifسااعدووني:(

السلام عليكم ورحمة الله وبركاته
:Cry111:
اخباركم..//

انا عندي مشكله

انا انقبلت وكل شي ورسلت اوراقي

بس جاني مسج يقول:

(تم استلام الوثائق الاصليه ووسيتم معالجه طلبك وترقيته لاحقا حسب النسب الموزونه واشعارك بذلك لاحقا)

ياليييت احد يقول لي وش السالفه :bawling:

رد: السلااام

مشكوووورين حباااايب وربي مررررره انقذتوووني

ربي لايحرمني وقفتكم

الحين اذ خلصت السنه التحضيريه وجبت معدل وابي انقل الحبيل يحسبون لي السنه التحضريه وعادي ينقلوني و انا ساكنه بالخبر .؟؟؟

رد: مرحبا.؟؟

حتى انا نفس حالتك خيتو يعني تطمني

رد: السلااام

إذا انتي ناجحة ومعدلك كويس اظن ماراح توقف ع السكن تقدرين تحولين

بالتوفيق
:)

رد: تجمـع ▐طالبــات السنة التحضيــريه ▐ ♦ ♦

هلا ياحلوين

استفدت كثير من هالموضوع وكل الاسئله الي في بالي شفتها في الموضوع

بس انا من الاحساء

وابغى انقل
اذا تعرفون احد نقل من الدمام الى الاحساء بسهوله

والله تعبت من التفكير

رد: تجمـع ▐طالبــات السنة التحضيــريه ▐ ♦ ♦

تسسسسسسسسسسسسسسسسسسسسسسسسسسسسسسلمي والله ساعدتيني مررررررررررررررررررررررررررررررررررررررررررره الله يجزاك خير ويدخلك الجنه

بس ابي اسئل شلون نجيب تصريح الاب وعادي لاب ابو كام

وعادي اول يوم نجيب جوال كميره

رد: تجمـع ▐طالبــات السنة التحضيــريه ▐ ♦ ♦

مجنونتها يسلمك ربي من كل شر يالغاليه :)

رد: تجمـع ▐طالبــات السنة التحضيــريه ▐ ♦ ♦

اقتباس:

المشاركة الأصلية كتبت بواسطة بلايه عدم (المشاركة 1358746)

هلااا بك

لاااااااااااااااااااااا

ودك تودعين جهازك؟؟

جوااال الكاااميرا (ممنوع) حبيبتي :000:

وتصريح اللاب اذا كان بكاميرا لازم تصريح من الدكتوره اذا بتسوين بحث او شرح لمادتها

اصلا ماتدخلينه من الباب الا ولازم يشوفون ورقة التصريح ولا ماااايدخل

:119:

رد: تجمـع ▐طالبــات السنة التحضيــريه ▐ ♦ ♦

ياحبايب الموضو فيه خطأ
المكافأه 1100وسنوات الدراسه5الاولى تحضيري والاربع الباقيه تخصص>>اسألو مجرب

رد: تجمـع ▐طالبــات السنة التحضيــريه ▐ ♦ ♦

بنات انا رسبت بكم ماده بالتحضيري وشكلي بعيد هالسنه

المهم شفت الجدول الي فيه ارقام السي ار ان حقت الترم الاول ,, وانا رسبت بالترم الاول 3 مواد لقيت مادتين وماده مالقيتها ؟

يعني معقوله الترم بضيع على 3 مواد او مادتين وما اقدر اخذ من مواد الترم الثاني

الي يعطيكم العافيه افيدوووني