جامعة الدمام والنعيرية

[%روز%]

يا ناس انا في مشكله سجلت في الجامعه وتفاجأت لقيتهم حاطيني في جامعه النعيريه


اخوي قالي لا تكملي التسجيل واذا بدا الترم الثاني سجلي من جديد بجامعه الدمام لانهم


نظام جامعي يعني بالاترام وبيقبلون انشاء الله

ســـــــــــــؤالي هل هذا الكلام صحيح انتم في الجامعه وتعرفون النظام بليز لا تبخلون علي

وبعدين اوراقي اللي طالبينها مني اوديها لهم في البريد الممتاز ولا على قولت اخوي لا

اسفه على الاطاله

[حلا قلبي]

لا لا لا مافيه تسجيل الترم الثااني مافيه الا السنه الجايه

انا اقوول ارسلي اوراقك ودبري نقل للدمام دامك منقبله من الاساس

حراام تفوتك سنه وماتضمنين تنقبلين السنه الجايه او لا

نصيحتي وودي اوراقك واستمري بالمنافسه يمكن يحطونك بالرغبه الي تبينها واذا ماعجبك الوضع روحي الكليه وخوذي اوراقك وسجلي السنه الجايه

بالتوفيق

[عيون الموت]

ياقلبوووو

كمـــلي وارسلي اوراقك ولا تفوتك هسنه وبعدين في نظام بطاقة الزائر تنقلين ع الكليه اللي تبينها بدون دوام

اسئلي عن المظااااام

وحده من خوياتي مشى معها هنظام السنه اللي فاتت لاااا تفوتك وربي تندمين انا قبلت السنه اللي فاتت بالخفجي وما ابيها واهلي مو راضين وما راسلت اوراقي وبالاخير قالو لي عن نظام الطالبه الزائره ندمة قد شعر رااسي

والسنه هذي ما قبلوني وكل سنه التسجيل يصير اصعب


وتحياتي

[%روز%]

[align=center]
حلا قلبي مشكور اختي جزاك الله خير

عيون الموت اشكرك اختي بس عندي سؤال

وش قصدك بأني انقل على الكليه اللي ابيها بدون دوام؟؟

[/align]

[بنت غير]

شوفي أختي نصيحتي ..

أرسلي أوراقك للبريد ..

وبعدين هم أن شاء الله بيقدمونك للرغبة الأعلى ..

وبالنسبة أنو فيه تسجيل الترم الثاني اللي أعرفه أنو ما فيه تسجيل الترم الثاني فقط كل بداية سنه..

الا إذا غيرو النظام الله العالم ..

مووووووفقه..

[حنيين الشوق]

[align=center]
الكــــــــــــــلام بالمختصر نفس حالة بنت خالتي وشوفيها هذا هي زيك وسلمت اوراقها لان ممكن في تعديل للرغبات << اما اخوك لا تاخذين كلامه لان مافي تسجيل الا السنه الجاايه
اسرعي ودي اوراقك لا تخافين ووكلي امرك لربك
صدقيني انتي بتدرسين بالمكان اللي ربك كاتب لك
بالتوفيق يابعدي والله
[/align]

[وردة محبوبي]

تدرين ان الدراسة بالنعيريه افضل
على الاقل هناك فيه تطبيق ودراسة حمآس
هنا بالدمام مافيه الا تحبيط معنويات وبس
وبتحسي بالفرق اذا جيتي تنقلي

[%روز%]

[align=center]
خلاص بتوكل على الله وارسلها اليوم

بس عندي سؤال هيل فيه باص حكومي يوديني وهل اسجل فيه هنا من الدمام ولا اروح للنعيريه واسجل باص من عندهم؟

فيه تخصص علم نفس في النعيريه؟ وفي جامعة الدمام عشان اذا نقلت؟؟

ومشكوريييييين على اردود الله يوفقكم
[/align]

[سرآآآبــ]

[align=justify]
لا ياقلبي ما في باص حكومي بالنعيريه انتي تاخذين لك سواق يوصلك لهناااك مثل اختي تروح في باص زي النقل الجماعي مع بنات كثييييير من البيت للكليه والحمد الله ماشيه فيه هاذي سنتها الثانيه اذا تبين اعطيك رقمه اواي معلومات عن السواق قوليلي وانا بالخدمه ..
[/align]

[%روز%]

[align=center]
سراب ايه والله فديتك ياليت تعطيني رقمهم انا ما اعرف احد اصلاً

ومتى اسجل فيه وبكم يوصل؟؟ ابي معلومات جزاك الله خير...
[/align]