|
رد: اكتب أي سؤال منت فاهمة بـ"الإنجليزي"
بالنسبة للجزئية الأولى...
خل ناخذ مثال الـant النملة.
لو قلنا "النملة حشرة"، هل حددنا هني نملة محددة؟ هل تعرفين عن أي نملة أتكلم؟ هل تعرفين إن كنت أقصد بهالجملة النملة اللي تمشي عالطاولة، أو النمل الأحمر اللي في الغابات، ولا النمل الكبير اللي في الصحاري؟! طبعاً لا النملة بالجملة هذي جت "مفردة"، "معدودة"، و"غير محددة"؛ فنضيف قبلها a أو an.
معدودة: يعني ينفع أقول، نملة وحدة، نملتين، ثلاث نملات؛ وهكذا...
غير معدود: يعني ما ينفع أعدها، مثلاً ما يصلح أقول نفط، نفطين، ثلاث نفطات؟! فالنفط غير معدود؛ ماء، مائين، ثلاث ماءات؛ ما يصلح أجمعها.
مثلاً لما أقول نملة سقطت في الصندوق An ant fall in the box؛ هل بسياق الكلام تم تحديد نملة بعينها، لا؛ فهي "مفرد" و"معدود" و"غير محدد".
متى يصلح أستخدم The؟!
لما يكون "المفرد" "المعدود" (محدد).
لما أكون مثلاً جالس أنا وياك على طاولة، ومرت نملة على الطاولة؛ هنا أنا لمن أتكلم وأقول: The ant near to your book النملة قريبة من كتابك؛ هنا أنا وانتي نعرف النملة اللي نتكلم عنها.
#####
مثال ثاني:
لما أجي وأقولك: الباص بيتحرك The bus will move؛ هنا أنا وانتي نعرف بالضبط الباص اللي نتكلم عنه فنستخدم The.
|