صرآحه اسهل مقرر هو المحاسبه , كل الي عليك تحفظي الاصول والخصوم وحقوق الملكيه
الاصول دايم مدينه في حاله الزياده والخصوم وحقوق الملكيه دايم دائنه في حاله الزياده
وفي حاله النقص هنا يكون عكس حالته فقط هذي هي الزبده كلها وبكذا راح تعرفي للقيود بدون ايه مشاكل
وايضا تطالعين في القوائم الثلاثه وتعرفي البنود الي تجي فيها . وبعض التعاريف وبكذا انشاء الله تنجحون كلكم
مثال: قامت المنشأه بشراء اثاث من مصنع التوفيق بقيمه 5000 الاف وسيكون الدفع على الحساب اجل .
اولا نطلع الاطراف الي في العمليه , عندنا طرفين اثاث وهو اصول , وعندنا مصنع التوفيق او الشركه او اي طرف بيكون بالسؤال والمصنع في هذه الحاله يعتبر خصم يطالبني بفلوس وانا قلت اني راح ادفع له ع الحساب اجلا يعني راح يكون من الخصوم الي يطالبوني بفلوسهم والخصوم قلنا انهم دائن
وراح يكون القيد بهذا الشكل :
5000 من ح الاثاث << مدين لانها اصول وحصل لها زياده
5000 الى ح الدائنون (مصنع التوفيق)<< دائن لانها خصوم وحصل لها زياده
طيب لو نغير في المثال شوي ونقول :قامت المنشأه بشراء اثاث من مصنع التوفيق بقيمه 5000 الاف وقامت بتسديد المستحقات نقدآ
طبعا عندنا الاثاث من الاصول واذا شفنا كلمه نقدا يعني حصل التسديد من الصندوق وهو من الاصول .
يعني عندي بندين من بنود الاصول وقلنا الاصول دايم تكون طبيعتها مدينه اذا حصل لها زياده ويكون القيد :
5000 من ح الاثاث <<< مدين لانها اصول وحصل لها زياده
5000 الى ح الصندوق<<< دائن لانه من الاصول ولكن حدث له نقص وبكذا يكون عكس طبيعته
وغير هالامثله كثر يعني الموضوع بس تفهمون الاساسيات ومهما تغير المثال الحل يكون سهل
اتمنى افدتكم ,,,