الصراحة الشهادة لله استفدت من نصيحتك والله
بعد ماقريت موضوعك
قلت خليني اجرب بالاقتصاد الجزئي بحكم اني مامسكتها نهائيا
وعكست النصيحة
بديت بالنماذج بس ماقريت قعدت اكتب بيدي الاسئلة واحط الجواب مو كل التعدادات لا بس الجواب الصحيح
لقيت ان الرهبة حق المادة هذه راحت ولما فتحت الملخص لقيت ان الاسئلة ماسكة اغلب الملخص وباذن الله حعتمد عليها
وقررت اني لما اذاكر القانون بسوي كذا كثر الاسئلة يخلي المعلومة غصب ترسخ لكن لما تفتح الملخص ممكن الواحد ينفجع لما يشوف الدش والكلام الكثير لكن الاسئلة تستفز المخ وتستثيره وتخليه ينتبه للمعلومة انا بمسك الاسئلة وافتح الملخص واخلي المرجع لي هو الاسئلة
خصوصا ان اسلوب الدكتور خالد انه بكل محاضرة يجيب 3 او 4 اسئلة يعني الاسئلة ان شاء الله تكفي وتوفي عشان مااتشتت
وهذا الي بسويه مع الادارة ان شاء الله
بقيت مصيبة المحاسبة والرياضيات الي دكاترتهم جدد هذول الله يسهل ويعين عليهم بس