|
رد: الشركة ماسمحت لي أحضر الاختبـارات || يمدي أغير مكان الأختبار ؟
اقتباس:
المشاركة الأصلية كتبت بواسطة شخص يفكر جدا
السلام عليكم ورحمه الله وبركاته ..
انا موظف بشركة أرامكو في راس تنوره ، ومكان الاختبار في حفرالباطن ( 500 كيلو عن راس تنوره )
ورصيدي من الأجازات خلص ، يعني مايمدي اطلع لحفرالباطن اختبر ..
والشـركة ماسمحت لي أني اطلع اسبوعين اختبارات ( لحفرالباطن )
بسبب : أني ماقدمت لهم الأوراق من بدري وطبعاُ هذي غلطتي ..
وبما أن دوامي ينتهي 3:15 كل يوم .. وموعد الاختبار 3:30 ،
يعني يمدي احضر الاختبار لو اطلع من الدوام بس بشرط :
اني اغير مكان الاختبار من حفرالباطن الى راس تنوره
فيه إمكانية أني اغير مكان الاختبار من خلال النظام ؟
لو اعرف اتواصل مع احمد الشعبي او الفريدان .. أعرف انهم مايقصرون باذن الله 
بس المشكـله مايمديني اتواصل معهم من موقع الجامعه
( بإنتظار مشاركاتكم وأرائكم .. نوروّا الموضوع ) |
وعليكم السلام والرحمه
بنقل لك تجربتي الشخصيه مع الجامعه بموقف مثل موقفك
قبل سنه ونص تقريبآ حصل لي ظرف واضطريت اكون بمدينه غير اللي انا مختارها
كلمت ثلاث اشخاص منهم مدير مكتب العميد ( طبعا ما ردو الا بعد طلاع الروح) وارسلت فاكس يبين فيه ظرفي واني موجود بهالمدينه لظروف العمل ومختم وموقع وكل شي ،،
واتفاجئ برد الدكتور مصلح اذا ما خاب ظني
يقول مستحييييل يتغير المركز ومافيه حل الا انك تغيب وعيدها الترم الجاي !!
مع انه معي خطاب من العمل وباقي عالاختبار اسبوع
** وحده من الاخوات ذكرت لي بموضوع فتحته هنا ان نفس هالشخص كلمته بنفس اليوم وغير لها المركز !!!
المهم اني رحت للمركز اللي بالمدينه اللي ابيها وقابلت مدير المركز
دكتور فاضل وملتحي وقمممممممة فالاخلاق والطيبه
حكيت له السالفه وقبل ما اكملها واوريه الخطاب قال لي : ما يكون خاطرك الا طيب
تعال واختبر عندي وما عليك منهم ، انا بحضرك هنا وبختبرك .
وفعلا اختبرت عنده وكانو يضيفون اسمي بالقلم اسفل البيان + اوقع ورقه بعد كل اختبار
وعدت الامور تمام والحمد لله
* اختصار الموضوع كلم مشرف المركز حق راس تنوره واذا هي متعاون راح يختبرك بدون شوشره ورفعت ضغط وانت تطارد تلفوناتهم
واسف عالاطاله
|