|
مشكلتي البارح في نقل موقع الاختبار ""غرب الرياض""
مسهم بالخير 
اشنوووووحكم
بصرااااااااااحه انا ماكنت حااابه اتكلم عن هالموووضوع اللين شفت الطلاب تبارك الله الله لايضرهم يمدحون اختبار تقنية المعلومات
وانا صار لي موووقف طير علي كل المعلومات وحبيت اعلمكم ياه 
عسى من طيب خاااطري وريح لي صدري من هالهم اللي ماكلني من البارح
المهم يا طوويلين العمر ولا طال الا عمر الشيطان
البارح صاار لي مووووقف الله لايوريكم ياااه ولا جعل احد يذوووقه
بصراااحه مدررري من يتحمل خطاااه وتتبعاااته أنا ولا الجامعه
انا محدده موقع الاختبار في غرب الرياض مدرسة 38
يوم رحت اختبر ألقى المدرسه طااافي نووورها وبابها مسكر ولا حدن لمها
وحاطين ورقه فقيره جدا جنب الباب وحاطين لي 3ارقام وكاتبين تم نقل الموقع لثانوية 143 بطويق
وانا ويني وين هالمدرسه ماعرفها ولا شي 
مدرسة 38 اختبرت فيها سابقا وقريبه من بيتي
بغيت انجلط واطيح من طوووولي
وقلت لزوجي يجي يسجل الارقام اللي حاطينها وطول الطريق واحنا ندور فالنت وبهالبرامج نشوف موقع المدرسه
ماطلع معنا نهااائيا 
والارقام اللي كاتبينها ولا احد فيهم رد علي نهااائيا حاطينها ززززيييييينه بس و تسكيت
انا طبعا انهاااارت اعصااابي وقمت اصيح وحسيت ان مستقبلي رح يتدمر بسبب هالاستهتار <<اي اي يتدمر مو بالساهل ادرس وادفع واخرتها محددين لي موقع غلط بغلط
قمت اصيح و انوح واندب حظي ما بقى الالا افرع عن شعري فالسياره واطلع من القزاز
وقمت اتصل بقرايبي واهلي اللي ساكنين قريب من طويق وعريجا
محدن رد علي واللي مااايعرف اخر شي قلت لزوجي يسأل مركز شرطة طووويق عساهم يعرفون
طلع ماعندهم خبر ولا علم عن موقع المدرسه !!!
أنا وقتها وصلت لأقصى مرحلة الانهيار الوقت قاااعد يمشي واحنا نمتر غرب الرياض وطويق ندور ونسـأل
بعدين قلت أكيد الهيئه يعرفوووونها
أخبرهم دايم طااايحين عند مدارس البنات
يوم راح زوجي لمهم الحمدالله طلعو يعرفون المدرسه وعطونا الوصف
يوم رحت لقيت الطالبات يطلعوووون عاد انا انهاارت قووواي تماما رحت الاداره وقمت اصيح قلت لهم
وينكم انا ادوركم قامو يهدوووني ويقووولون ماعليتس شر رح تختبرين 
بعد ماهديت وكنيت و تعوذت من الشر و ابليس
اقوم اراجع معلومااااتي والله مهنا معلومات
يابنت الحلال وش صار على زر اوفيس اللي خقيتي عليه والله ما هنا زر خير شر
قلت لهم اسمحوووو لي انا براجع 
وماقصرو خلووووني اراجع
على اني حاطه فبالي اني راح اراجع واذاكر من جديد و ياويلها وياسواد ليلها
اللي تقول يلا عالاختبار ومن ذا الكلام ,,
يوم امسك الورقه اهدي اعصابي واسوي تمارين استرخاء ذهنيه وتمارين التنفس
بس خلااااص ماقدرت اجمع ولا معلومه يالله و يالله قدرت احل 
على اني افنيت الساعات فالمذاكره وركزززت زين
بس مع الاسف من كثر البكي والصياح ومادخلت للأختبار الا الساعه 8
أثرررررررررر فيني كثير
بعرف شي ليه إدارة الجامعه ما كتبت فتحديد المراكز النهااائيه عن تغيير المواقع ؟؟؟؟؟؟
بجد حرااااااااااام اللي صااار معي
ولاتقووولون انهم ارسلو عالجوووال لانه بنفس اليوم انسرق جوووالي الظهر
ومتأكده مليون فالميه ان في طالبات فاتهم الاختبار
لاني لقيت طالبات نفس حالتي
بس ماشاء الله محافظين على رباطة جأشهم مو زيي <<سويت حفلة مناحه كن بذمتي قتيل
التعديل الأخير تم بواسطة طموحه هانم ; 2013- 12- 23 الساعة 01:18 AM
|