|
رد: مقر الرس ، وَ قمة الإستفزاز !!
اقتباس:
المشاركة الأصلية كتبت بواسطة Adel F
أنتي فضفضتي هنا ، على الأقل اكتبي اللي شفتيه بالخدمات الطلابيه ..
ماعليه ، لاتقولي ماراح يعبرونك .. افعلي السبب وريحي ضميرك ..
وعموماً : معاكم حق ..
فيه بعض الطلبة ( شباب - بنات ) يشتكون من تصرفات المراقبين .. على أساس أنه منقرف من الجلسه خارج الدوام .. طيب ي حبيبي أنت تاخذ خارج دوام وينزل بحسابك ..
حلله ، ي وسيع الذمه ..
..*
|
لآتضحكني عآدل تكفى !!
أتعب أصابيعي عشآن وش !! صوت مآيسمع !!
لا بالله خل ينفضون طآقمهم ويصحصحون شوي مب حنا نصحيهم
شكراً عآدل / 
اقتباس:
المشاركة الأصلية كتبت بواسطة Veronica
ولله اني حاستن فيك
الله يعينك انا مركزي المشرفات تعاملهم جداً رآقي متعاونات وحبوبات
للامانه
بس البلاء ممن المستخدمه والمستخدم !
المستخدم ها المستوى مدري تغير ولا لا
بس اذكر المستوى الي رآح كنت متاخره وكنت انتظر ابوي يجي
اسمعه برا يسولف لأحد يقول يبوننا ننظف الحمامات يومياً "كرم المشاهد "
يقول ما نظفناها يعني زبده كلامه منب منظفينها خلهم يقعدون
انا هينا انصدمت منه
كنت بشتكي في الخدمه ، بس ابوي قآل رزق الرجال حرام تقطعينه
ونسيت السالفه
بس عموماً الي علينا من المشرفين الي عندي عسل للامانه
مالك الا الصبر او كلمي الشعيبي في التويتر واككتبي في الخدمات حتى لو ما يسمعون
سوي الي عليه وبس
الله يوفق الجميع
|
هنيآالكم والله مآشاء الله
هه !! وش يحدهم على الضيم !! أخذت شي بعقد تممه مثل ماكان
لكن لاتلعب فيه من ورآهم وَ تقول كسبت !! هذي ذمه ذمه 
أنا يكفيني المكآن ‘ إذا صار أوكي نفسيتي بكبرها تصير غصب أوكي
مير الله يجيبتس ياطولة البال  /
شكراً حبيبتي
اقتباس:
المشاركة الأصلية كتبت بواسطة Shwar
المره الجايه اختاري مقر بريده متساهلين ونفوس تفتح النفس ولااحد له دخل بااحد مخليناعلى راحتنا
|
عنيزه بعيده علي وَ تقولين بريده 
وآعزي لي بس
كودكم تعدوننا شوي
اقتباس:
المشاركة الأصلية كتبت بواسطة فهد~
وين الدكتوره المشرفه ع المركز
انا اختبر بالرس لكن لازم تنزل الجوالات تحت الكرسي
|
أكيد الجوآلات شيء ممنوع من العمآده بكبرها
شنآطنا ندخلهن بالقاعه وَ عالصامت جوآلاتنا
اقتباس:
المشاركة الأصلية كتبت بواسطة شخص يفكر جدا
فيه اشياء غلط تصير ..
السستم لازم يسوون له اب ديت
|
السستم !!!
كل المكآين يبي لهآ تزييت 
اقتباس:
المشاركة الأصلية كتبت بواسطة أحساس روح
مع احترامي لك يادانيه
المركز كويس حيييل والمستخدمه محترمه ولاعمري شفت منها شي
وترى والله العضيم اني ماعرفها عشان ماتقولون تقرب لك
بس الحق ينقال
وبالنسبه للاعلان هم قايلينه لنا في الخدمات الطلابيه
|
محترمه على العين وَ الراس ، بس افهمي ياعيني وش أقول
مآشفت منها لغط أو تمآدي !!
كل اللي كآن مزعجني فيها حركة طردها وَ استعجالها > ترمين ورا بعض
يمكنك طلعتي بدري ولا شفتي اللي شفت
لكني من مكآن بعيد أنا ، مآني من الرس
وَ موب مرتزين لي حضرة جنآبي عند الباب ساعتين على بال ماأطلع !!!
شوية تفكير منها أطلع وين أروح ! أقعد على الرصيف ؟َ ولا أرتز مع السكيورتي ؟!
بالمنطق بس  !
وبالنسبة للموقع اللي ظآهر لي .. إحدآثيات موقعهم العآم مآحدثوه ولا شي
جينا على عمآنا
هو مآعندهم أصلا إلا هالمركزين وَ كل وآحد أردى من الثاني ، لاتحآولين تقنعيني فيه
شكراً ياعيني /
اقتباس:
المشاركة الأصلية كتبت بواسطة بوبديـــــْع
الله لا يغير علينا في المقر الرئيسي بالجامعة بمحافظة الاحساء ... احترام وشاي وقهوه واقلام رصاص بعد وخذ لك قارورة ماي يقولك السكرتي وانت طالع بعد بررررد على قلبك ... عارفين الاختبارات تسسد النفس .. خخخخ .. الله لايغير علينا ....
|
الله لايغير عليكم ، وَ يعطينا مآعطآكم
شكراً لكم جميعن /
|