المشاركة الأصلية كتبت بواسطة الغيداني

السلام عليكم...
رحت للمشرف حق مركز بريدة وماطمع الظاهر يشوفني قال انت كاتب بالانترنت وكاذب علينا والأسئلة 70 وهذي ورقة الاسئلة حقتك وورانيها قلت يا آدمي انا ماني عمى والان الاوراق هذي نعم 70 سؤال ولا ني قايلك انكم دبستوا الاوراق الناقصة ولاني مكذبكم لكن ورني الاوراق الثنتين الأخيرات واللي تقولون اني ماشفتهن والجامعة امس متصلين علي يقولون اوراقك كاملة والدليل ان الورقتين الاخيرات موجودات ومشخبط عليهن انت...وطبعا يوم طلعهن لي نظيفات ولافيهن شخبطة ولاشي قلت الجامعة يقولون انكم مرسلين لهم اوراقي والاخيرات مشخبط فيهن قال مالنا دخل بالجامعة..وحنا يوم كتبت بالانترنت وكلمونا الجامعة كتبنا محضر وشهدنا 10 شهود....على صحة الاوراق...حسسوني اني مجرم...قلت الشكوى لله ومايضيع عند الله شي...وطلعت منهم على اختباري حق اليوم وكان رائع ولله الحمد...وطبعا يقولون اني معي واحد بنفس مركز بريدة نفس المشكلة...لكن ماقدامنا الا نرسل استرحام لعل وعسى اما يعيدونه وانا مستعد لذلك او يحسبونه من 1.4...