|
رد: "رفع شكوى على اختبار القانون"
اقتباس:
المشاركة الأصلية كتبت بواسطة bto123
تشتكون علي ايش قانون اجل بالمحاسبه وين بتروحون تشتكون للقضاء العالي علي فكره اختبار القانون بيكون اسهل اختبار مر عليكم هذي جامعه مالها علاقه لا بمتزوجه ولا بموظف ولا بشفتات احمدو ربكم الاختبارات اختياري تعداد لو غير كيذه وش بتسون الله يهديكم ويوفقكم بس
|
اقتباس:
المشاركة الأصلية كتبت بواسطة khlood 1420
هدا كلام العقل السليم
وبخصوص صاحب " دجاج فقيه " !!!
ترا " كل إناء بما فيه ينضح "
|
اقتباس:
المشاركة الأصلية كتبت بواسطة Najd M R
انا جدا مستغربه من حكي الطالبات
طبيعي تكون الاسئله بهالصيغه معروف هالشي من زمان
اسئله اختبارات الجامعه تختلف اختلاف كلي عن الثانويه وغيرها معاهد
الاسئله يبيلها ذكاء خارق بس الواحد يجتهد ويحط بباله كذا
وماله داعي الشكاوي لانو مستحيل يعيدون الاختبار
ممكن بس يغيرون الدكتور بس
ويمكن يجي الي اصعب منه
ف توكلو على الله بس والله يوفق الجميع وينجحكم بهالماده جميعا
|
سبحان الله على بعض المشاركات ..!!!
اقول خافوا الله في الناس ..واقول لكم ان فيه دوافير اذكى منكم .. لكن عاد ظروف الزواج والدوام هي اللي ما تعطيهم مجال يدخلون انتظام ..وانتم ووجيهكم جايين تتشطرون وتتفلسفون على روسهم ..
انتم مسوين فيها شطارة ومثالية وفلسفة زايدة ... لكن تأكدوا ان التوفيق بيد الله عزوجل اولا واخيرا..مو بعقولكم ..
وما يقول كلامكم .. الا من في قلبه مرض او حسد او بغض ..او نفسيات معقدة ومريضة..
اجل..ما تبغون الطلاب يجتازون الاختبارات الا بعد ما تطلع ارواحهم..
واللي يقول جامعة ما لها علاقة بزواج او وظيفة .. شكله شارب بيبسي منتهي صلاحيته 
اجل..ليه حاطين نظام التعليم عن بعد ؟ والتعليم الموازي ؟ والجامعة الالكترونية بكبرها ؟
على كلامك...خلونا نقفل مدارس محو الامية لأن الطلاب شيبان ونقفل حلقات التحفيظ للأمهات لأنهن عجايز وعندهن عيال..
اعوذ بالله اذا الواحد قفل عقله وقلبه ..
ترى اللي يشتكون ما يطلبون درجات ببلاش او نجاح بغش .. كل اللي طلبوه ان الاختبار يكون عادل ومنصف نظرا الى انهم انتساب وعندهم ارتباطات ومع ذلك يذاكرون ويراجعون ويحلون الواجبات والمناقشات ..
فقهر ان يخسروا جهودهم وفوقها اموالهم بسبب هالمادة ..
وفعلا انا اطلعت على الاختبار..وبصراحة الاختبار غير مقبول ..وفيه لف ودوران..ورسالتي لكل شخص ان يخاف الله ويتذكر دوما أن الرسول عليه الصلاة والسلام دعا لمن رفق على أمته ان يرفق الله عليه ولمن شدد على أمته ان يشدد الله عليه ..
بالمناسبة
ترى المادة اجتزتها الفصل اللي طاف بدرجة 88 من 100
سلام بدون تحية
|