ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية نقاط مهمه وسهله بعد أن لاحظت الكثيرين يتساءلون عنها

☺وهج ابتسامة☺ · 2013- 12- 25

اقتباس:

المشاركة الأصلية كتبت بواسطة alqassem

يعطيكم العافيه ماقصرتوا
احس ان المخيخ صار كله دائن ومدين :d
بكره ان شاء الله
قبل ماابدا الاختبار باخذ الاسئلة على جنب واكتب جميع القوانين عشان ماتضيع
بعدها بسمي بالله واتوكل

بس عندي سؤال
قانون رأس المال كيف نجيبه ؟
هل هو
راس المال = حقوق الملكية - الأرباح - الخسائر ؟
---------------------------------
السؤال الثاني
قررت منشأة الزعيم تخفيض رأس المال بمبلغ 150 الف ريال وذلك بسحب المبلغ من حساب المنشأة بالبنك :
أ - الطرف المدين هو حساب راس المال بمبلغ 150 الف ريال ؟؟
----------------------------------
السؤال الثالث
قررت منشأة الزعيم زيادة رأس مالها بمبلغ 100 الف ريال وتم ايداع المبلغ في حساب البنك :
أ - الطرف الدائن هو حساب المال بمبلغ 100 الف ريال ؟
------------------------------------
السؤال الرابع
باعت المنشأة بضاعة لمحلات الزعيم بمبلغ 35 الف ريال على الحساب وقد تم سحب كمبيالة على محلات الزعيم والتي قبلتها في نف تاريخ البيع بالمبلغ المستحق عليها استحقاق ثلاثة أشهر
أ - الطرف المدين هو حساب أوراق القبض بمبلغ 35 الف ريال
--------------------------------------
السؤال الخامس
خصمت المنشأة كمبيالة محلات الزينة بمبلغ 50 الف ريال استحقاق ثلاثة أشهر لدى بنك الرياض ، وذلك مقابل مصاريف خصم بمبعدل 10 % سنويا في هذا الحالة فاة المبلغ المضاف لحساب المنشأة في البنك هو : ؟
القانون المستخدم هنا لأستخراج المبلغ المضاف

عذراً للاطاله بس لاحظت هالأسئله مكررة على كل السنوات
ياليت لو احد يفيدنا
يعطيكم العافية

السؤال الاول :
رأس المال = حقوق الملكياة + الارباح - الخسائر
أكيد لما تربح راح تزيد فلوسك يعني تضيف الربح على المبلغ اللي حطيته لتأسيس المنشأة اللي هو حقوق الملكية
واذا كنت خسران هالشي راح ينقص راس مالك
يعني اما نزيد الربح او نطرح الخسارة
واذا كان فيه مسحوبات شخصية نطرحها بعد لانها تعتبر تخفيض لراس المال

السؤال الثاني :
أول شي لما تحل أسئلة من هالنوع حاول تكتب القيد بنفسك وبعدين تدور عليه في الخيارات
يعني هنا مثلا ..
راح نقول تم سحب المبلغ من حساب رأس المال يعني حقوق ملكية نقصت فنحطها في المدين عكس طبيعتها
والجانب الثاني راح تكون المسحوبات الشخصية
اذا المدين رأس المال والدائن المسحوبات

السؤال الثالث :
نفس الطريقة نقول رأس المال عبارة عن حقوق ملكية وتأثرت بالزيادة تصير دائن
والبنك أصل و زاد يعني مدين مثل ما هو

السؤال الرابع :
بما ان الورقة انكتبت في نفس الوقت يعني ما راح يكون عندنا حساب المدينين في هالعملية
وورقة القبض تعتبر أصل يعني مدين
المبيعات دائن
وكلهم نمشي بنفس الاسلوب ....

السؤال الخامس :
نلاحظ ان النسبة 10% سنويا
عشان نطلع قيمة الخصم = القيمة الاسمية × معدل الخصم × المدة المتبقية حتى تاريخ الاستحقاق
القيمة الاسمية يعني قيمة الكمبيالة = 50000
معدل الخصم = 10 % ونلاحظ هنا ان هالنسبة خصم للسنة كاملة بس احنا باقي عندنا بس 3 شهور وكل ما قلت المدة يقل معاها الخصم
بما ان باقي 3 شهور يعني هذي هي المدة نكتبها 3 ÷ 12 نقسم على عدد الاشهر
وما نكتب المدة اللي مكتوبة في الكمبيالة .. لا نشوف كم باقي من التاريخ اللي احنا فيه
مثلا لو كانت الكمبيالة مكتوبة شهر 2 واستحقاقها بعد 6 شهور وديناها البنك شهر 4 للبنك راح يخصم علينا نسبة 4 شهور اللي باقية مو على ال6 كلها

بيصير الحل
قيمة الخصم = 50000 × (10÷100 ) × ( 3÷12 ) =1250
طبعا مو هذي الاجابة .... هذا الخصم اللي بياخذه البنك

كم بيدخل في الحساب .. بكل بساطة نجيب المبلغ الاصلي ونشيل منه فايدة البنك
50000 - 1250 = 48750

اذا فيه فقرة شرحها مو واضح اعطوني خبر وابشروا بالخير
واكيد الاخوان بعد ما بيقصروا
دعواتي بالتوفيق للجميع